تجهيزات عرايس مصر الجزء 101 :)

طيب ودي فساتين الحنة في حنتي ان شاء الله معلش عارفة بتعبكم معايا بس هعمل اية عايزة اخد رأيكم بردوا اي واحد فيهم هي طبعا حنه بنات ان شاء الله انا شوفتهم هنا في المنتدي وعجبوني

لاقيتلكم جروب على الفيس بووك عامل عرض كالاتى :

كل عروسه هتتجوز فى شهر 11 او 12 ليها فستان سواريه ببلاش من بيت ازياء محمد الجوهرى 29شارع الحجاز امام الميريلان مصر الجديده

بصي يا ميس موني انا رايي من راي تالا لفي وشوفي الفساتين الاول الجاهزه لان فعلا التفصيل مش مضمون اوي الا لو كان حد انتي مجرباه قبل كده ففساتين حد تعرفيه او كده


وفساتين الحنه انتي ناويه تلبسي اهني واحد فالحنه بالضبط

miss_mony;7414928:
[quote=talaa;7414839]


يعني انتي شايفة اني بلاش افصل اوك خلاص هلف بئة وامري الي الله

والله خدي بنصيحتي روحي اول مكان الاتليه اللي قلت عليه للبنات هتلاقي في حاجات حلوه اوي لأني بجد بجد طلعت عيني انا واهلي وخصوصا اخواتي وماما واحنا بنلف وكنت وقتها عوزه حاجه مميززززه مااتلبستش قبل كدا لحد ماعرفت الاتليه ده وشكرت ربنا اني عرفتو لانه بئيت انا واهلي والشله كلها مابنتعاملش الا معاهم ,, وبجد انا معتبراكي والله زي اخت ليا وبقلك حكاية التفصيل دي تخوف لانه لو طلع الفستان وحش انتي مضطره تلبسيه حتى لو اتعمل تعديلات فيه لانه المنكح ده حصل في وحده صحبتي مع فستان فرحها وكلنا نصحناها والله بس هي مارضيتش وقالت انها هفصل يعني هفصل وكانت النتيجه غير مرضيه خالص مع انها راحت عندنا ناس كويسه ومعروفه بس تقولي ايه بأ الخياطه دي مره تصيب ومره تخيب ’’ فخلي التفصيل لاي فساتين تانيه ياموني ,,,

miss_mony;7414903:
طيب ودي فساتين الحنة في حنتي ان شاء الله معلش عارفة بتعبكم معايا بس هعمل اية عايزة اخد رأيكم بردوا اي واحد فيهم هي طبعا حنه بنات ان شاء الله انا شوفتهم هنا في المنتدي وعجبوني

التاني شيك جدا وبسيط وحينطق عليكي

miss_mony;7414903:
طيب ودي فساتين الحنة في حنتي ان شاء الله معلش عارفة بتعبكم معايا بس هعمل اية عايزة اخد رأيكم بردوا اي واحد فيهم هي طبعا حنه بنات ان شاء الله انا شوفتهم هنا في المنتدي وعجبوني

ناعم اوي السماوي ابو ورده ,, ومن رايي انك تاخدي حاجه شبه الستايل ده ,, اقصد انك ماتاخديش بفتحه حتى لو كنتو بنات بس عشان يوميها هتودعي بأ العزوبيه وتقومي وترقصي وتهيصي مع البنات فهتاخدي راحتك في الفستان ده اكتر من المفتوح اوي وده رايي ياعسل في الفساتين ,,

بنات انا عايزه اعرف اجيب كاسات للنيش اد ايه اربع اطقم كويس ولا ايه
كمان محتاره فالوان الدهانات جدا شقتي صغنونه ومش عايزه اعمل الوان تديقها كمان بنات قالولي التعتيق بيديق بس حاسه لو عملت الوان ساده يبه شكلها تقليدي اوي ياريت حد يفيدني

مونى
نصيحه بلاش تعملى فستان عريان ولا قصير ولا مقفتوح من اى حته في الحنه عشان الحسد ياقمر
انت مش ناقصه حد يجى يهبدك عين مقعرة انت في غنى عنها ياروحى

فعلا ياموني السماوي رقيق وشيك واستايل انا حاسه الاول اوفر والتالت غامق شويه السماوي حلو ورقيقوفعلا زي ماقلتلك تالا هتاخدي حريتك فالحركه اكتر

مبرووووووووووك الجزء الواحد بعد المئه
بس بالراحه بقى الله يخليكم
انا مدخلتش امبارح وكنت سايباكم اول امبارح الفجر فى ل 66 اجى النهارده الاقى واحد خلص والتانى قرب على العشري ن :(

بصوا بقى
انا جبت امبارح قماش الليفنج والصالون الحمدلله
بس بعد ما طلعت عينى وعين كل اللى معايا
الوكاله مفيهاش حاجات يونيك كتير غير محلين مثلا الباقى كله نفس الاقمشه وفى محل فى الاول خالص عنده حاجات وهمييييييه بس ضارب اوى يعنى المتر فوق الميه وانتى طالعه بس وصلت معاه لحد 75 بس طبعا سبته ومشيت :)

انا قررت انى اغير كرسى السفره اللى كنت مختاراه بس محتاجه مساعدكم الله يخليكم وتورونى كراسى سفره مودرن تليق على السفره اللى بيبقى فيها مربعات فى النص اللى بيتحط فيها كرستال او كده
زى بتاعه محرز .. حجبلكم الصوره

وعايزه كمان ستاير سمبل اوىىىىىىى للنوم والليفنج بس من غير براقع خالص خالص
وستاره تبقى جامده موت للصالون
انا معنديش ولا صوره ستاير وشوفت كل الى اتحط الجزء اللى فات
فبليز ساعدونى لانى محتااااااااااااسه ومزنوقه اوى فى الوقت بشكل مش طبيعى :(
ادعولى بقى

والف مبروككككككككككككككككك لاسيره حنانه ونايسى يارب يارب يارب ربنا يسعدهم ويباركلهم يارب
بارك الله لكما وبارك عليكما وجمع بينكما فى خير :)
لولولولولىىىىىىىىىىىىىىىىىىىىىىىىىىى

السلام عليكن يا بنات
انا اول مره ليا هنا فى المنتدى وكنت حابه اسأل كام سؤال بسيط كده هتعبكوا معلش بس اصلى اكبر البنات فى العيله ومحدش جهز قبلى
المهم علشان مطولش عليكم
1_عايزه اعرف ايه هى الاماكن اللى ممكن اجيب منها حاجات البيت الصينى وخلافه من ادوات المطبخ؟
2_عايزه اعرف تكلفه قاعات الافراح دلوقتى اخبارها ايه لخطوبه او جواز علشان عقبال عندكم عندنا خطوبه وجواز ؟
وهبقى متشكره لكل واحده ردت عليا .

talaa;7415028:
ناعم اوي السماوي ابو ورده ,, ومن رايي انك تاخدي حاجه شبه الستايل ده ,, اقصد انك ماتاخديش بفتحه حتى لو كنتو بنات بس عشان يوميها هتودعي بأ العزوبيه وتقومي وترقصي وتهيصي مع البنات فهتاخدي راحتك في الفستان ده اكتر من المفتوح اوي وده رايي ياعسل في الفساتين ,,

التاني شيك جدا وبسيط وحينطق عليكي

ميرسي ليكم يا بنات بجد مش عارفة اقولكم اية


عايزة اخد رأيكم في حاجة اخيرة ومش هعمل ازعاج تاني
يا بنات الطرحة عايزة اعمل فيها كريستلات صغيرة كده علي حرف الطرحة اية رأيكم علشان تكون بسيطة وناعمة وكمان هعمل في البوكية بردوا كريستالات صغيرة نفس بتاعتة الطرحة وهخلي البوكية لون ورق الشجر العادي ومعاه لون ايض او اوف وايت اية رأيكم واخليه ورد طبيعي ولا صناعي هو قالي طبيعي احلي

دعوة للتفاؤل;7414870:
ميرسي اوي يابوسي منحرمش منك ياقمر

على ايه يا بنتي انتي تؤمري بس المشاركة دي مخالفة ابقي امسحيها

miss_mony;7414903:
طيب ودي فساتين الحنة في حنتي ان شاء الله معلش عارفة بتعبكم معايا بس هعمل اية عايزة اخد رأيكم بردوا اي واحد فيهم هي طبعا حنه بنات ان شاء الله انا شوفتهم هنا في المنتدي وعجبوني

الاحمر تحفة بس البنات قالو متلبسوش حاجة مفتوحة كده في الحنة عشان العين

yomizo;7414925:
لاقيتلكم جروب على الفيس بووك عامل عرض كالاتى :

كل عروسه هتتجوز فى شهر 11 او 12 ليها فستان سواريه ببلاش من بيت ازياء محمد الجوهرى 29شارع الحجاز امام الميريلان مصر الجديده

انتي بتتكلمي جد

miss_mony;7415034:
انا عايزة اخد رأيكم البس اي واحد فيهم

الازرق طبعا بدون نقاش شكله حلو من قبل مايتلبس فايش حال بأ لو وحده جسمها حلو ولبسته ,, هيعمل شغل ميه ميه معاها ,, وهتبأ عروسه مميزه بجد ,,

yomizo;7415045:
مونى
نصيحه بلاش تعملى فستان عريان ولا قصير ولا مقفتوح من اى حته في الحنه عشان الحسد ياقمر
انت مش ناقصه حد يجى يهبدك عين مقعرة انت في غنى عنها ياروحى

طيب اعمل اية اديني رأيك

[GLINT]بوسي كوكو [/GLINT]قوليلي ياقمر قوليلي هو لون الحيطان في المطبخ عندك برده غامق ولا ايه
عشان انا بحاول اقربلك شكل المطبخ بتاعك وهاحطلك صورة انا الللي بعملهالك

quote=انستاسيا;7405857]
ميرسي يا قمر كنت عايزة اسأل علي زنيكال من زماان بشوف اعلانه و عايزة معلومات اكتر عنه يعني ليه أعراض جانبية ؟؟و المفروض وقت ما اخده اعمل ايه ؟؟و كدا يعني بس مع الأسف مشي و جيم معدوووووووم عندي:([/quote]

dyana;7407510:
زمايلى واصحابى فى رحله الحياه الزوجيه المقدسه
عايزة اقولكم انا كان وزنى 75 كيلو جرام ومن غير ادويه ولا حاجة ابداً نظمت الاكل وبقيت اشرب ميه كتيير واكل فاكهه كتيير وسلطه والحمد لله انا وزنت امبارح ولقيت نفسى 65 كيلو جرام والكل لاحظ عليا ان بقي قوامى حلو واللبس مظبوط عليا
بس كنت عايزة تعرف دواء الزينكال دا له تأثير سلبى على الصحه بعد كدا؟
اصلى كنت عايزة اخده لو اكلت اكله دسمه شويه عشان بس احافظ على وزنى

بصو يا بنات الزنيكال فيه فيه منه مصري وده سعره 105 جنيه اما المستورد سعره 400 بس لما سألت قالي الصيدلي ان المستورد مالوش اضرار جانبيه لكن المصري ليه اضرار،بس الزنيكال زي ما قلت تاخديه لو اكلك دسم لكن لو مش دسم يبئى حرام الفلوس،يعني زي ما قالت ديانا لو عايزه تحافظي على وزنك خديه قبل الاكل

miss_mony;7415070:
التاني شيك جدا وبسيط وحينطق عليكي

ميرسي ليكم يا بنات بجد مش عارفة اقولكم اية


عايزة اخد رأيكم في حاجة اخيرة ومش هعمل ازعاج تاني
يا بنات الطرحة عايزة اعمل فيها كريستلات صغيرة كده علي حرف الطرحة اية رأيكم علشان تكون بسيطة وناعمة وكمان هعمل في البوكية بردوا كريستالات صغيرة نفس بتاعتة الطرحة وهخلي البوكية لون ورق الشجر العادي ومعاه لون ايض او اوف وايت اية رأيكم واخليه ورد طبيعي ولا صناعي هو قالي طبيعي احلي

ازاي يعني ياانسه موني عوزه تعملي الطرحه كريستالات والحاجات التانيه وانتي لسه ماحددتيش فستان فرحك هيبأ شكله ايه ,, انتي لاااااااااااازم وضروري تحددي وتشوفي فستان فرحك هو شكله ايه وبعد كدا تشوفي الطرحه والكلام الباقي لانك ممكن تعملي طرحه فيها كريستال وماتمشيش مع الفستان خالص والفكره هتكون حلوه في حالة انك استقريتي على فستان بكريستالات لازم يعني اللي في الفستان يكون موجود منه في الطرحه ,, لأنه لو حد لاحظ كدا فالمنظر هيبأ وحش اوي ,, فهمتي قصدي ياموني ,, يعني دلوقتي تشيلي من راسك فكرة الطرحه لحد ماربنا يسهلك وتشوفي فستان فرحك نظامه ايه ,,,

دعوة للتفاؤل;7415041:
بنات انا عايزه اعرف اجيب كاسات للنيش اد ايه اربع اطقم كويس ولا ايه
كمان محتاره فالوان الدهانات جدا شقتي صغنونه ومش عايزه اعمل الوان تديقها كمان بنات قالولي التعتيق بيديق بس حاسه لو عملت الوان ساده يبه شكلها تقليدي اوي ياريت حد يفيدني

ربنا يهنيكي بشقتك يا قمر ويتمم لك علي خير
طالما شقتك صغنونة علي قد ما تقدري الوان فاااااااااااااااااتحة وممكن تعملي لون بدرجات منها علشان ما تحسيش بالملل انا لو لاقيت صور هبقي انزلها ليكي يا حبيتي

miss_mony;7415100:
طيب اعمل اية اديني رأيك

بصي صعب اوي تلبسي فستان مش عريان يعني ممكن تلبسي ايه غير كدا ,, صحيح انا مع YOMIZO في انه بلاش القصير ولا المفتوح لكن ياستي عادي البسي عريان لانه مااتوقعش انه في فساتين هتكون كم طويل وحلوه الا فيما ندر فانتي البسي عادي الفستان العريان ,, بس اهم حااااااااااااااااجه حصني نفسك كويس اوي لانه كل الانظار هتبأ عليكي بما انك عروسه ,, وبعد مااتتحصني وتقرائي المعوذات اتوكلي على ربك ومش هيصيبك باذن الله مكروه ,,,