عاشقة الرحمن دينا;7440557:
اه رحتلها و ان شاء الله هجيب القماش السبت الجاي مع ساره
و هروحلها
بس كنت عاوزه حاجه في الانجاز كده و بعدين مش عاوزه حركات و بتاع
طيب لو هفصل القماشه تبقي ايه؟؟
مش عاوزه كتان و لا جبردين
عاوزه حاجه كلاسيك
ستايليت ده اللي قبل جدعو؟؟
RONA_M;7439272:
السلام عليكم ورحمة الله وبركاته
ازيكم يا بنات وحشتونى
شفت كذا بنت من اسكندريه بيسألوا عن اماكن المفروشات
فى المنشيه فى الزنقه مفارش سورى كتير جدا وكل الاشكال بس زنقة القماش مش زنقة التوك والميكب هما الاتنين مدخلهم جنب بعض
وعندك شارع لاجيتيه فى الابراهيميه فيه كذا محل بس اضمن حاجه هى بجد المنشيه انا جايبه مفارش السرير والسفرة والبطاطين كلها من هناك من الزنقه
كمان فى لو انتى عايزة حلل او طقم الصينى والكاسات عندك سوق الجمله اللى ورا المحكمه عند مطعم الجمهوريه بتاخدى من هناك الحاجات بسعر الجمله فعلا وعندهم اطقم المعالق
كمان فى محل فى جرين بلازا عنده الحلل التركى بكل اشكالها ده توكيل اصلا ومش موجود غير فى اسكندريه المحل اسمه LUKY SUN وماركة الحلل بتاعته اسمها KORKMAZوكمان عنده بلاستيكات تركى تحفه ومش غاليه انا جايبه كل البلاستيكات والحلل الاستانلس من عنده والبراد والكنك والمحل ده فى الدور الارضى جنب مكتبه اسمها ريد اند ريت
كان فى بنت برضه بتسال عن اماكن للبس البيت فى اسكندريه
بصى اول حاجه فى سنتر الشيخ فى المنشيه قبل ما تدخلى شارع فرنسا كده على يمينك بتدخليله فى حاره ضيقه قوى لو رحتى هناك وسألتى هيقولولك بصى سنتر الشيخ ده يبيع منتجات زيكو تكس وارابيلا وكذا شركة وبيبيع بسعر الجمله وسعر المصنع يعنى اصلا الناس اللى عندهم محلات بيروحخوا يشتروا من عنده يعغنى ممكن تجيبى من عنده البيجامه ب 30 تلاقيها بره فى اى محل ب 50 لانه بيبيع للتجار اصلا ده انا جيبه منه حاجات كتير
فى بقه حاجات بس بتبقى غاليه شويه برضه جيبى منها حاجه ولا اتنين ودى موجوده فى توتكس فى سموحة قدام نادى سموحه
وكمان محل اسمه حبيبه موجود فى جرين بلازا جنب كوين بتاع الشنط والمحل ده كمان موجود فى ديب مول فى رشدى
فى محل تانى موجود فى شارع لاجيتيه بس مش فاكرة اسمه كنت جبت من عنده بيجامات شتوى وروب شتوى
وفى محل اسمه المحروسه فى شارع خليل حماده برضه تحفه
وفى محل اسمه A2Zفى جرين بلازا برضه
لو عايزة بقه محلات بواقى تصدير برضه بيبقى عندهم حاجات تحفه عندك القلعه الاسلاميه فى سموحه قدام نادى سموحه علطول عند سوق الكمبيوتر وفى محل تانى قدامه اسمه كروكو وكروكو ده كذا فرع ليه فرع تانى فى لوران شارع شعراوى
وعندك فى فلمنج محل اسمه فلامنجو تقريبا على الترام
وفيه محل فى ميدان الساعه بتاعة فيكتوريا اسمه مكيوى وده برضه ليه فرع تانى فى المنشيه
وكان برضه فيه بنت بتسال على منين تشترى الميكب
لو عايزة ميكب اصلى انا كنت بجيب من محل اسمه الزكى فى جرن بلازا جنب الهيلتون فى الدور الارضى
وعندك محل اسمه فؤاد فى لوران شارع شعراوى اسمه فؤاد اللى تحت كوافير كارفن عند الوطنيه مول
لو عايزة ميكب عادى كده يبقى الزنقه بتاعة الميكب فى المنشيه مليانه
وحاولوا تروحوا فتح الله ماركت وروحوا كل الفروع لان بيبقى عندهم حاجات مختلفه فى الادوات المنزليه وبيبقى ارخص من اى حد تانى
واحسن فرع لفتح الله فى الادوات المنزليه هو فرع سموحه اللى جنب مول زهران
وفرع المنتزة برضه تحفه
طولت عليكم معلش بس انا جمعت كل الاسئله
meroo012;7438444:
ميرسى يا سارة على الرد بس دى حبوب جواها الشعرة نفسها يعنى لازم تتفتح يعنى عشان الشعرة تخرج منها ولا اعمل ايه بس
Muslma;7440905:
يا جماعة انا عضوة جديدة معاكم
بس متابعاكم من فترة وقريت شوية حاجات كده واستفدت منها
وعندى لخبطة جامدة اوى واستفسارات كتير
يارب بتقبلونى معاكم
اول سؤالى لى ايه رايكم بالصوانى الاركوبال اللى بتدخل الفرن؟نوعها وسعرها
beauty_non;7438475:
السلام عليكم ورحمه الله
ازيكم ياحلى بنات واحلى عرايس بجد مواضيعكم جميله جدااا ومفيده
ان شاء الله انا فرحى 3_11 _2008 وانا من طنطا وعايزه اعرف محلات تاجير فساتين زفاف حلوه ولو غى حد يعرف واحده تكون بترسم حنه على الايد
اما عن تجهيزاتى انا عملت مطبخ خشب بس حلو ماشاء الله وكبير
اما عن ادوات المطبخ بقى ***جبت طقم صينى_وطقم اركوبال _وطقم بيركس_وطقم ميلامين
وجبت 6 اطقم كاسات فيهم ايطالى وفرنساوى وبهيمى وتركى
وشوبات عصير وكوبيات شاى
والحلل جبت طقم حلل المونيوم وطقم تيفال وطقم صاج تشيكى
وشنطه ملاعق وعلاقه ملاعق و3 طقم توزيه منهم الخشب
غير الاجهزه طبعا التلاجه والبوتجاز والغساله والمكنسه وكل الاجهزه
اه صحيح انا جبت حله ضغط اللى هى من من تيفال زهران بس غاليه المهم اهى جت وخلاص
انا حبيت اقولكم على تجهيزاتى ومتنسوش اللى يعرف محلات الفاستين يقولى مافيش وقت الله يخليكم
ولا تنسونى من دعواتكم الحلوه
صوت العيون;7440943:
ايه افضل لون فى الجزم البليرينه ويليق على كل اللبس يابنات
صوت العيون;7441015:
هو المفروض نجيب كام بجامه للعريس ان شاء الله
RONA_M;7441014:
اللون البيج المفضض او البيج العادى او الفضى
Muslma;7441003:
صوت ميرسى اوى بجد ليكى
بس انا افتكرت ان الجزء ده اتقفل عشان كده كتبت نفس المشاركة بالجزء الجديد
اعمل ايه؟
تبقى مخالفة كده
بخصوص الصوانى انا سمعت عن نوعين الفرنساوى طبعا والامريكى
مش سمعت التشيكى خالص
انتى عارفاهم اللى هم ازاز ولونهم شفاف
RONA_M;7441038:
هى واحده وهو يكمل احنا ناقصين كفايه حاجتنا والهم اللى ما يتلم
madymod;7440481:
يا جماعة محدش رد عليا في موضوع النكهات ده
انتوا بتتجاهلوني ليه بس بليييييز حد يقولي بتتباع فين و بكام