تجهيزات عرايس مصر الجزء 101 :)

aml86;7432066:
ممكك ن لو سمحتى تقوليلى جبتى مولينكس الفرنسا وى منين ودىكيتشن ماشين ولا ايه

انا جبتها من عندنا ومش عارفه هتعرفي توصلي عندنا ولا لا لاني من دسوق-كفر الشيخ:wink:
بس هيه متوفره لاني لقيتها هنا فمحلات كتير يعني اكيد ان شاء الله هتلاقيها في اسكندريه او القاهره هيه كيتشن ماشي فيها كبه وخلاط ومصحنه ومفرمه لحمه وبسكويت ووعصاره برتقال وهراسه للبيوريه والصلصات وقطاعات خضار وشيبسي وجبنه
وكانت ب1250
ومكتوب علي الموتور نفسهmade in france مش بس الكرتونه
طمان هيه علي حسب عدد الاستخدامات بتاعتها بيكون سعرها بتاعتي 33 استخدام اتمني اكون قدمتلك معلومات تفيدك

محدش يعرف يا بنات التصور الي كانت عملاهولي يميم في صفحة كام؟ نسيت اسيفه

عاشقة الرحمن دينا;7429437:
انا هنا يا دودي ميرسي يا جميل على سؤالك بس عندي حبه شغل كده
فيا دوب بتفرج كل شويه و بس

هوا اولاي حلو للتفتيح و لا حد عنده حاجه احسن لاثار الحبوب

ساره ايه الكلام الجامد ده و الاكتئاب و زعل من الدنيا ايه يا عم ما تروق

في كريم جميل جدا بجد لاثار الحبوب اسمه سكينورين
skinoren
ده كان تقريبا ب 35 جنيه
وفي كريم بيوديرما..بس هاتيه الاصلي الفرنسي..ومعرفش بكام بس ده مااشاء الله اعرف واحده استخدمته قبل فرحها عشان كان وشها محبب وماشاء الله خلاه رائع
والاولاني انا جربته بنفسي
وبجد اروع منه مالقيتش لا ف مصر ولا بره مصر
انا تقريبا كل علاجات الاكني خدتها :) بس مفيش حاجه جابت نتيجه زي ده بصراحة

Batta_Fares;7431853:

ما شاء الله جميل

مفيش منه ابيض وبكام ايجار يا جميله

يا بنات لو حد عنده لفات طرح اشكال تانية كمان يوريهلنا بلييييييييز

بصوا يا قمرات هبة 017 لسه بعاتالي رسالة حالا بتقول ان مامتها في العمليات دلوقتي و لسه مطلعتش و هي محتاجة دعاءنا كلنا و محتاجة وجودنا جبنها فياريت بالله عليكو كلنا ندعيلها ان ربنا يقومها بالسلامة و يشفيها ياااااااااااااااارب اللهم آمين

* رنيم *;7424709:
ازيكم يا قمرااااااااااااااااات قمراية قمراية (f)(f)(f)

وحشتونى جدا كلكم و ما شاء الله عليكم مش قادرة اخلص قراية الاجزاء اللى فاتتنى

الف مبروك على الجزء الجديد اللى بقينا فى نصة :D

و بمناسبة اسئلة ماهى عن الاجهزة فهقولكم عن آخر حاجة سمعتها من فنى صيانة كان عندنا بيصلح شوية حاجات فى البيت و انا طبعا استغليت الفرصة و سألتة عن احسن الماركات اللى فى السوق لانة طبعا عندة ورشة كبيرة و عندة خبرة بكل الاجهزة اللى بتجيلة فى شغلة و كان من ضمنها كام ماركة كانت مفاجئة بالنسبالى

اولا نصحنى انى ابعد عن كل منتجات كريازى و قاللى ان مشاكل الانتاج الحالى منها كتيرة جدا :ss:

و بالنسبة لاحسن الماركات اللى مشاكلها قليلة و تمنها فيها كانت كالتالى

التلاجات .........توشيبا العربى 2 باب ( 3 باب لااااااااااااا )

البوتاجازات .........يونيفرسال او تكنوجاز

السخانات ............ناشونال 5 لتر للمطبخ و بدون ديجيتال

المكنسة ..............ناشونال يابانى

الغسالات ..............زانوسى اكواتك

الديب فريزر ............الكتروستار بتاع عبد الستار :eek: بس نوفروست

الشفاط ...............توشيبا او ناشونال

الكيتشن ماشين ............ براون الالمانى


طبعا نصحنى ابعد عن شركة كريازى بكل منتجاتها و قاللى الشفاط المسطح اللى بيكون فوق البوتاجاز مش عملى و غسالة الاطباق كمان مش عملية لانها عايزة اسرة كبيرة و نظام عزومات كبيرة و كدة و سالتة على الوايت ويل قاللى انها شكل بس و غالية على الفاضى مع انى كان نفسى اجيب كل حاجة وايت ويل :( و طبعا شكر لى فى الاريستون و المنتجات الايطالية عموما لو هجيب مستورد

بالنسبة لباقى اخبارى فالحمدلله الشقة تقريبا خلصت مش باقى غير النقاشة و قريب هنزل لكم صور الالوميتال ان شاء الله علشان تشوفوها و تفكروا معايا فى الوان الحيطان :o

انا مش معاكى خالــــــــــــــــــــــــــص فى الكلام ده وعن تجربه منتجات كريازى م سمعتها سيئه بالشكل ده احنا عندنا بوتجاز كريازى مناكتر من 10 سنين وما شاء الله شغااااااااااااااال كويس جداااااااااااااااااااا والتلاجه من 8 سنين دخلت صيانه مره واحده والديب فريزر مش حصله حاجه وكل ده عند ماما

انا عندى بوتجاز كريازى استلس الكينج هو بومبيه اكثر من رائع واتحدى اى حد يقول غير كده ووايت ويل كلام غلط جداااااااااااااااا لان الماركه دى معروفه بجودتها انا عندى الغسالات وايت ويل افضل من زانوسى دى كورى يا بنتى
ومكنسه ناشونال اعتقد راحت عليها فى حاجات دلوقتى افضل بكتير ومعلومه ليكى اى غساله اطباق فى منها كبير وصغير وانا نزلت صوره غسالتى فى اخر الجزء اللى فات واحنا اتنين مش اكتر وعمليه معايا مش وحشه خالص

وانا اعرف ناس اشتروا بوتجاز تكنو بالذات بيقولوا زباله ويونىفرسال كويس
السخان لو كهربا اوليمبك

dandona we bas;7432269:
يا بنات لو حد عنده لفات طرح اشكال تانية كمان يوريهلنا بلييييييييز

بصوا يا قمرات هبة 017 لسه بعاتالي رسالة حالا بتقول ان مامتها في العمليات دلوقتي و لسه مطلعتش و هي محتاجة دعاءنا كلنا و محتاجة وجودنا جبنها فياريت بالله عليكو كلنا ندعيلها ان ربنا يقومها بالسلامة و يشفيها ياااااااااااااااارب اللهم آمين

اللهم امين ربنا معاها ويقومها بالسلامه ان شاء الله يارب يارب يارب




بنات حد جرب الحنه الرسم

mnne;7432179:
انا جبتها من عندنا ومش عارفه هتعرفي توصلي عندنا ولا لا لاني من دسوق-كفر الشيخ:wink:
بس هيه متوفره لاني لقيتها هنا فمحلات كتير يعني اكيد ان شاء الله هتلاقيها في اسكندريه او القاهره هيه كيتشن ماشي فيها كبه وخلاط ومصحنه ومفرمه لحمه وبسكويت ووعصاره برتقال وهراسه للبيوريه والصلصات وقطاعات خضار وشيبسي وجبنه
وكانت ب1250
ومكتوب علي الموتور نفسهmade in france مش بس الكرتونه
طمان هيه علي حسب عدد الاستخدامات بتاعتها بيكون سعرها بتاعتي 33 استخدام اتمني اكون قدمتلك معلومات تفيدك

شكرا كتير على ردك انا من القاهره وربنا يهنيكى بيهم (f) يابنات انا كنت عايزه اسال على عناوين جويا فى مدينه نصر او روكسى او منطقه قريبه من الجيزه بليييييييييز ردو عليا

ربنا مع مامة هبه يا رب و يقومها بالسلامه....
ايجار الفستان لوحده ب600 .... و ايجالر الحاجات كلها (الفستان+ الطرحه+الجيبونه+الجيرب) ب700
و للاسف مفيش منه ابيض... و نسيت اقول انه داخل فى التطريز بتاعه لون روز و برضه فى الطرحه

aml86;7432308:
شكرا كتير على ردك انا من القاهره وربنا يهنيكى بيهم (f) يابنات انا كنت عايزه اسال على عناوين جويا فى مدينه نصر او روكسى او منطقه قريبه من الجيزه بليييييييييز ردو عليا

جويا فاتح فرع هقلك فين شارع بطرس غالى فى روكسى فى مول هناك كدا دورين قبل ما تطلعى فيه الشارع الجنبى الى قدامه تمشى لاخره وتبصى يمين على نصيه الشارع فى جويا

Batta_Fares;7432314:
ربنا مع مامة هبه يا رب و يقومها بالسلامه....
ايجار الفستان لوحده ب600 .... و ايجالر الحاجات كلها (الفستان+ الطرحه+الجيبونه+الجيرب) ب700
و للاسف مفيش منه ابيض... و نسيت اقول انه داخل فى التطريز بتاعه لون روز و برضه فى الطرحه

ما شاء الله جميل

فين المحل دا وفيه فساتين بيضا تانيه صح ولا ايه ورنج الاسعار ايه

حبيبتى ده مش محل
دى بنوته بتأجر انا عرفتها عن طريق واحده صاحبتى اجرت منها الفستان و دى صور صاحبتى و هى لابسه الفستان...
و مفيش فستان ابيض... هو ده بس

dandona we bas;7432269:
يا بنات لو حد عنده لفات طرح اشكال تانية كمان يوريهلنا بلييييييييز

بصوا يا قمرات هبة 017 لسه بعاتالي رسالة حالا بتقول ان مامتها في العمليات دلوقتي و لسه مطلعتش و هي محتاجة دعاءنا كلنا و محتاجة وجودنا جبنها فياريت بالله عليكو كلنا ندعيلها ان ربنا يقومها بالسلامة و يشفيها ياااااااااااااااارب اللهم آمين

اللهم اشفها وعافها وتقوم بالسلامه ان شاء الله
ممكن تقولولي ايه احسن ماركه سخانات غاز

Batta_Fares;7432383:
حبيبتى ده مش محل
دى بنوته بتأجر انا عرفتها عن طريق واحده صاحبتى اجرت منها الفستان و دى صور صاحبتى و هى لابسه الفستان...
و مفيش فستان ابيض... هو ده بس

جزاك الله خير

تسلمى

mnne;7432424:
اللهم اشفها وعافها وتقوم بالسلامه ان شاء الله
ممكن تقولولي ايه احسن ماركه سخانات غاز

يونيفرسل 10 لتر والله اعلم

السلام عليكم ورحمة الله وبركاته

يا بنات دلوقتى أغلبنا بيشتكى من إننا مش ملاحقين نتابع الأجزاء ، بجد الموضوع أصبح بيحتاج قدرة عقلية و قدرة تحمل لألام العين :ss: ده اللى مش لابسة نظارة نظر ، هتلبسها على الجواز بسبب الموضوع ده :D:D (ربنا يحمى بصرنا كلنا :) )

المهم ياريت ياريت ياريت يكون فى نظام شوية ، يعنى مثلا فى بنوتة حطه رد مفيد أوى لخطوات المكياج ، طب ليه مش نحطه فى الموضوع المناسب ليه ؟؟ بكده أكبر عدد هيستفيد

أنا مش هاطول عليكوا و مش عندى أمل أوى إن حد هيطبق نصيحتى إلا بنات قليلين و معروفين كمان :)، أنا هاقولوكوا على لينكات الواضيع المناسبة لكل سؤال و كلها برده تجمع لبنات مصريين
و الله لو كل بنت سألت السؤال المناسب فى الموضوع المناسب ،كلنااااااااا هنستفيد و أول عضو هنريحه هو عنينا :D

لو عايزين تسألوا عن الميكاب و الماركات
http://www.3roos.com/forums/t385741.html

لو عندكوا معناة فى شعركوا زيى ، إستفساركوا هنا
http://www.3roos.com/forums/t356904.html

لو عايزين نرغى و إدى إديها إدى :D
http://www.3roos.com/forums/t384646.html

كريمات جسم بقى و نكهات ((ألا صحيح هى إيه النكهات دى ؟؟)) أسألوا هنا
http://www.3roos.com/forums/t374558.html

أه نيجى بقى للنقطة المهمة اللى لاحظتها ، الأجزاء هنا أغلبها أسألة الديكور و الأثاث و الصور و طبعا بتزود الصفحات بطريقة فظيعة ، طب ليهههههههههه و فى تجمع لبنات مصر فى قسم الديكور لسه مكتشفاه إنهارده
http://www.3roos.com/forums/t289510.html

رجاء:: ياريت اللى هتفتح الجزء ال 102 من تجهيزات عرايس مصر تبقى تحط اللينكات دى فى أخر الموضوع

هاقلوكوا بقى فكرة حلوة عشان المواضيع دى تبقى محفوظة عندكوا و علطول تشوفوه كل رد جديد، أولا إعملوا رد فى كل موضوع أو أى سؤال هتلاقى الموضوع بقى عندك فى "لوحة التحكم" ، يا إما تحفظوا الملف المرفق عندكوه (فيه كل اللينكات اللى فوق دى )

أتمنى إن يكون كلامى وصل :)

ميرسي ياصوت العيون علي تعاونك
وياريت بنات اسكندريه يردو عليا فموضوع محلات الاحذيه المقاسات الكبيره حريمي طبعا

يا بنات انا شوفت الفستان ده في موقع تاني وبفكر اعمل زيه في حنتي..ياريت تدوني فكرة عشان ينفع مع الحجاب..وبعدين هو ده ممكن يتلبس بعدكده في اي مناسبة؟؟؟؟؟؟:think:
وشايفين الكسوة بتاعت الكنب دي؟؟حلوة قوي ممكن الاقيها فين والقماشة اسمها ايه؟؟

little cat;7427937:
إزيكم يا بنات وحشتوني اويييييييي:888345: ..أنا الحمدلله اتجوزت وعاوزه اقول مرسي بجد لأي بنوته ساعدتني باي حاجه ....واي حد عاوز يسأل أنا في الخدمه ..مع ان متهيألي ما شاء الله 100 جزء فيها كل المفيد :D
وعموما انا فرحي كان في اول يوم العيد ...عملته في دار المركبات والكوافيره اسمها simsim ( اسمها اصلا سماح ) موجوده اعلانها في مجله حجاب وخدت 1200 ميكب وطرحه و2 ماسك للبشره ومانيكير وباديكير وسشوار للشعر
الجيرب عملته عند محل ورا الفور سيزون بس بجد شغله جامد اوي
ايه تاني :whistling:
آه الفستان كان تفصيل عند اتيليه البيت الأبيض واتكلف 3000 وانا الي كنت جايبه القماش وشغلهم برضه حلو اوي ومريحين في التعامل
ليله الحنه جبت فيها الحنانه لطيفه وخدت 250 شو حنه و100 على لبسين كل واحد 50 يعني توتال 350 والمعازيم الي عاوز يعمل بيبقى على حسابه الرسمه ب10
بس هي ست عسوله و الشو بتاعها كان رائع الحمدلله وعجب كل الي حضروا لأنه تعتبر الحكايه دي جديده في عيلتنا :JUMP:

دي حاجه صغننه قلت يمكن افيد بيها اي حد وانا في الخدمه للي عاوز يسأل :o

الف مبروك يا قطة و عقبال البيبي يارب

moslimaa;7428494:
السلام عليكم ورحمة الله وبركاته

شكرا لحببتى الى ردت عليا ربنا يكرمك انتى الوحيدة الى رديتى عليا

جبتلكم نصايح لوضع البرفان من الفيس بوك
مجموعة من النصائح الخاصة بفن وضع العطور .

1- من الخطأ أن تغرقي نفسك بالعطر حتى ولو كنتِ تحبينه ، لأن ذلك سيصيب من حولك بالانزعاج وقد يعرضهم لخطر الاختناق .

2- اختاري عطرك بعناية وفقاً للمناسبة ، فإذا كنتِ ستذهبين لإلى العمل أو لحضور اجتماع ، فمن الأفضل أن تضعي ناعماً لا يزعج المحيطين بكِ ، أما إذا كنتِ ذاهبة إلى سهرة أو حفلة يمكنكِ وضع عطر أقوى ولكن ليس كثيراً ، إلا إذا كانت الجرأة هي مقصدك .

3- لا ترشي العطر على ملابسك كيفما اتفق ، بل رشيه خلف أذنك وعلى رسغك وعلى رقبتك ، فهذه هي نقاط النبض التي ستتفاعل مع العطر طوال النهار وتجعله يدوم أكثر .

4- لا تفركي رسغك بعد وضع العطر لأن ذلك سيقلص من مدة بقاءه .

5- لا تشتري عطراً بسبب شهرته أو لأن ممثلة مشهورة تحبه ، بل تأكدي أن رائحته تناسبك فعلاً .

6- الكثيرات يحببن رش العطر على شعورهن وحقائبهن ، ولكن عندما يتعلق الأمر بشالك الحريري فعليكِ الانتباه وإلا ستخسرينه إلى الأبد .

7- أبعدي العطر عن أنفك وإلا ستعانين من مشاكل في التنفس جراء تنشقكك المواد الكيميائية في العطر .

8- يمكنك رش فرشاة شعرك بالقليل من العطر لتغلفي خصلات شعرك برائحتك المفضلة

طبعا احنا بنتكلم على وضع البرفان فى البيت مش برة لانه حرام

جزاكي الله خير يا حبي

jojojojo;7428583:
شكرا ليكى يا بوسى كوكو وياريت لو تقوليلى نمرتها و هى بتعمل سويت وحمام مغربى ؟

شيكي على الخاص يا قمر

مريم ءادم 123;7429114:
طبعا معجبه بيكى جدا يا ساره

اصل انا فى بنات بتقول انا جايبه 6 لانجيرى بس كمان بتون جايبه بيبى دول وحاجات ستان وكده مش حسباها

يا بنتي 6 ده كده قليل اوي بصراحة زودي شوية و تعالي على نفسك

شيماء سعيد;7432881:

يا بنات انا شوفت الفستان ده في موقع تاني وبفكر اعمل زيه في حنتي..ياريت تدوني فكرة عشان ينفع مع الحجاب..وبعدين هو ده ممكن يتلبس بعدكده في اي مناسبة؟؟؟؟؟؟:think:

الفستان حلو اوي ممكن تعمليله تقفيله من نفس القماشه يعني بدل مايبي كب يبه بكم عادي وتزودي تطريز عالكم زي الصدر كده

dandona we bas;7432269:
يا بنات لو حد عنده لفات طرح اشكال تانية كمان يوريهلنا بلييييييييز

بصوا يا قمرات هبة 017 لسه بعاتالي رسالة حالا بتقول ان مامتها في العمليات دلوقتي و لسه مطلعتش و هي محتاجة دعاءنا كلنا و محتاجة وجودنا جبنها فياريت بالله عليكو كلنا ندعيلها ان ربنا يقومها بالسلامة و يشفيها ياااااااااااااااارب اللهم آمين

اذهب البأس رب الناس اشفي انت الشافي شفاء لا يغادر سقما اللهم اشفيها وعافيها وحاوطها بعنايتك يالله يارب العالمين آمين:flower:وعشان مابقاش مخالفة طقم استنلس ستيل زهران بكام ياترى

شيماء سعيد;7432881:

يا بنات انا شوفت الفستان ده في موقع تاني وبفكر اعمل زيه في حنتي..ياريت تدوني فكرة عشان ينفع مع الحجاب..وبعدين هو ده ممكن يتلبس بعدكده في اي مناسبة؟؟؟؟؟؟:think:

ايوه ينفع يتلبس فى مناسبه وعملى تحته بدى بيج درجه بعد الفاتحه ويكون الكمام مطرز بلون الفستان