تجهيزات عرايس مصر الجزء 101 :)

البنوتة الى بتسال عن الكزارولة هاتى الدهان
الدهان مش اولا د الدهان لالا الدهان ماركة نظيفة
وهاتى كمان الصوانى المونيوم الدهان هاتدعيلى


تريانف انا بقول علية لان التفصيلة بتاعتة بتقارب بين الثدين وكمان الخامة بتاعتة قماشتة جامدة وماسكة نفسها يعنى لا تهدل

العفو يا دينا هانم انا اصلى بعيد عن الجميع عندى تجربة محترمة مع الاكتاب دة

nemonamanemo;7429543:
ممكن يا بنات اللي جابت المراتب بتاعتها جاهزه تقولي جابت نوع ايه ومنين والاهم بقي:wink:.... بكام

انا جايبه بتاعتى يانسن امريكى 150 سم وارتفاعها حوالى 23 او 25 سم كانت بحوالى 1000 او 1100 وجايباها من حوالى 4 شهور من واحد فى العباسيه اسمه المقدم فى شارع احمد سعيد

[quote=nemonamanemo;7429530]بصي يا ساره انا الحمد لله عملت مطبخي خلاص عند شركة في فيصل ايمها ويل ارت وتعاملهم كويس قوي لو تحبي ابعتلك التفاصيل

ايوة طبعا ويا سلام لو النهاردة من فضلك
مستنية ردك


بصوا بقة انا مرتبة سريرى يانسن الى بتاخد شكل الجسم وكانت من 12 سنة ب الف وكسر
ودة كل الى اعرفة
على فكرة انا مرتبتى محطوطة على ملة حديد مخصوص لليانسن

tobe;7429475:
انا عاوزة اشوف شكله :o

بصي انتى لما تروحى لاي محل بيبيع حاجات لاسو قولى للبنت عايزة تقليد تريومف وهيا هتوريهولك بيبقى معمول بقصات كده معينه بحيث انه يلم المواضيع وبيدي شكل للهدوم حلو

nemonamanemo;7429530:


شهيده عارفه محل الجزم اللي اسمه وفاء

هتلاقيه في الشارع اللي في مدرسه ام المؤمنين هو بقي في الشارع ده لقدام لو مش فاهمه الوصف اوصفلك تاني

للاسف مش عارفه الحته اوى
انا لما رحت اخر مكان رحته كان عند الخزان بس وبعدها الناس توهونى بصراحه
فياريت الله يكرمك توصيفيلي مكانه

nemonamanemo;7429543:
ممكن يا بنات اللي جابت المراتب بتاعتها جاهزه تقولي جابت نوع ايه ومنين والاهم بقي:wink:.... بكام

بصي انا كنت لسه نازوله قريب هابيتات لقينا المرتبه 160 سم ارتفاع 24 ب 1406 تقريبا
وبيدوكى بون كده انك تاخدى من عندهم اى حاجه بنسبه 4% من اللي انتى دفعتيه

السلام عليكم ورحمه الله
بنات انا كنت عاوزة اسالكم واخد رائيكم فى حاجه انا شقتى صغننه والبياض اصفر كنارى وكنت عاوزة الون فيها جدار بس مايكنش لون غامق ايه الالوان اللى تليق على الاصفر؟ لو حد عنده صور ممكن نشوفها
سؤال كمان يابنات معلش انا كنت عاوزة اجيب هديه لحماتى اجبلها ايه؟

[quote=nemonamanemo;7429530]بصي يا ساره انا الحمد لله عملت مطبخي خلاص عند شركة في فيصل ايمها ويل ارت وتعاملهم كويس قوي لو تحبي ابعتلك التفاصيل
ياريت انا كمان اعرف عنوان الشركه ديه فين في فيصل وسعرالمتر كام ولو عندك صووره ياريت :wink:

شهيدة شكرا على ردك انا امبارح شفت تقليد تريومف من لاسو ب 55 جنية فقولت اسال قبل ما اشترى
يعنى كويس و سعرة كويس

[quote=عروسهسؤال كمان يابنات معلش انا كنت عاوزة اجيب هديه لحماتى اجبلها ايه؟
[/quote]



لو حماتك ست كبيرة بتقعد فى البيت يبقى روحى عند رسمية هاتيلها العرض الى عاملينة 3 جلاليب ب 99 جنية وهاتلاقى غيرة جلاليب وعبايات اشكال واسعار كثير
ولو هى امراءة عاملة وبتتحرك هاتيلها شنطة شيك جدا او زجاجة برفان محترمة اصلى
على فكرة السوق الحرة عاملة خصم يصل ا 22% الان
الهدية على حسب شخصية حماتك الموقرة وحسب احساسك بيها

sosomedo;7429713:
شهيدة شكرا على ردك انا امبارح شفت تقليد تريومف من لاسو ب 55 جنية فقولت اسال قبل ما اشترى
يعنى كويس و سعرة كويس

شوفتية فين ؟
اجيب منين التقليد دة يا بنات
وفين فرع لاسو دة فى مصر الجديدة ؟ او حتى المهندسين ضرورى يا بنات

عروسه عريسى;7429665:
السلام عليكم ورحمه الله
بنات انا كنت عاوزة اسالكم واخد رائيكم فى حاجه انا شقتى صغننه والبياض اصفر كنارى وكنت عاوزة الون فيها جدار بس مايكنش لون غامق ايه الالوان اللى تليق على الاصفر؟ لو حد عنده صور ممكن نشوفها
سؤال كمان يابنات معلش انا كنت عاوزة اجيب هديه لحماتى اجبلها ايه؟

ممكن اورانج او نبيتى او درجه من درجات البنى

وهحاول اشفلك صور

بالنسبه للهديه شوفي حماتك بتحب ايه يعنى اكسسيسوريز ولا حاجات مطبخ ولا هدوم ولا انتيكات

سارة المزعورة;7429729:
لو حماتك ست كبيرة بتقعد فى البيت يبقى روحى عند رسمية هاتيلها العرض الى عاملينة 3 جلاليب ب 99 جنية وهاتلاقى غيرة جلاليب وعبايات اشكال واسعار كثير
ولو هى امراءة عاملة وبتتحرك هاتيلها شنطة شيك جدا او زجاجة برفان محترمة اصلى
على فكرة السوق الحرة عاملة خصم يصل ا 22% الان
الهدية على حسب شخصية حماتك الموقرة وحسب احساسك بيها

ساره فين رسمية ده بالظبط ؟
شهيده منتجات لاسو ممكن ألاقيها فين فى القاهرة؟

يا بنات الجروب ده علي الفيس بوك
Maha Edward Bridal Showroom
بتاع فساتين افراح
الحاجات الموجوده سيمبل و لذيده و في كمان و يب سيت هتلاقوه في الجروب
هتلاقو فيه صور كمان حلوه تفصيل و بيع و تأجير
و الجروب في كل نمر التليفون و الكونتاكت

توبي
الاستنلس طبيعي بيلزق زيه زى اى حله عاديه لو الميه نشفت
غير كده طبعا انتى بتستخدمى تيفال للرز والمكرونة

sosomedo;7429713:
شهيدة شكرا على ردك انا امبارح شفت تقليد تريومف من لاسو ب 55 جنية فقولت اسال قبل ما اشترى
يعنى كويس و سعرة كويس

معقول اوى وخلي بالك ان سعره بيختلف من مقاس لمقاس وطبعا هتلاقيها بتقلك مثلا ده مقاس 40 كب c فانتى لازم تبقى عارفه المقاس علشان يظبطك

سارة المزعورة;7429748:
شوفتية فين ؟
اجيب منين التقليد دة يا بنات
وفين فرع لاسو دة فى مصر الجديدة ؟ او حتى المهندسين ضرورى يا بنات

DodyCat;7429769:
ساره فين رسمية ده بالظبط ؟
شهيده منتجات لاسو ممكن ألاقيها فين فى القاهرة؟

موجودة في محلات الانجري والملابس الداخليه

meshmesh_romio;7429595:
انا جايبه بتاعتى يانسن امريكى 150 سم وارتفاعها حوالى 23 او 25 سم كانت بحوالى 1000 او 1100 وجايباها من حوالى 4 شهور من واحد فى العباسيه اسمه المقدم فى شارع احمد سعيد

يااه ده انا سالت امبارح قالولي 1460 زادت كل ده

شهيدة;7429642:
للاسف مش عارفه الحته اوى
انا لما رحت اخر مكان رحته كان عند الخزان بس وبعدها الناس توهونى بصراحه
فياريت الله يكرمك توصيفيلي مكانه

بصي انتي لو جايه من ناحيه المريوطيه تركبي و تنزلي عند مستشفي عاطف خليل قولي لبتاع الميكروباص كده بصي في الشارع كده هتلاقي محل جزم مشهوررررررر جدا اسمه وفاء لو اتزنقتي اسألي اي حد هيوديكي عنده

امشي في الشارع ده هتلاقي علي ايديك الشمال مخبز اسمه طيبه لو بصتي يمين بقي هتلاقي عمارات الظباط و هتلاقي محلات كده هي ديه معارض الانتاج الحربي في استانلس و في الومنيوم و في اجهزه و حاجات تانيه

بصي انا كنت لسه نازوله قريب هابيتات لقينا المرتبه 160 سم ارتفاع 24 ب 1406 تقريبا
وبيدوكى بون كده انك تاخدى من عندهم اى حاجه بنسبه 4% من اللي انتى دفعتيه

ياااااه ده انا سألت قالولي ب 1600 ازاي بقي

pinocchio;7429710:

ياريت انا كمان اعرف عنوان الشركه ديه فين في فيصل وسعرالمتر كام ولو عندك صووره ياريت :wink:

حالا تكون عندك بس الصوره بقي للاسف معنديش بس لو روحتي شوفتي شغلهم هيعجبك

DodyCat;7429769:
ساره فين رسمية ده بالظبط ؟
شهيده منتجات لاسو ممكن ألاقيها فين فى القاهرة؟

فى ميدان سفير فى قفة ماكدونلذ

لو تعرفى السلام شوبنج اخرجى منة هاتلاقى محطة فى وشك على الرصيف الثانى منة بصى على الشارع هاتلاقى كنتاكى وبيتزا هات
سيبك عادى الناحية الثانية من الشارع هاتلاقى ماكدونلذ
اقولك لما توصلى عند ماكدنلذ بصى على قفاة :Dهاتلاقى رسمية امامها كشك حاجة ساقعة

dyana;7428959:
انا حاقول عن تجربتى
انا كان وجهى شاحب كدا ومسمر وبصراحه كنت مضايقه جداً
اشتريت بالصدفه غسول نيتروجينا هو غسول للوجه وماسك فى نفس الوقت
كنت بغسل وشى بالليل بالغسول حتى لما تجربيه تحسى كدا بانتعاش حلو ولما اصحى من النوم اغسل وشى تانى وقبل ما انزل الشغل احط كريم اولاى كريم تفتيح للنهار بخلاصه التوت البرى راااااااااااااااااااااائع
اكتر من راااااااااااااائع كل زمايلى بيقولولى وشك منور جداً
كل اللى بعمله انى اغسل وشى بالغسول واحط الكريم اولاى واحط كونسيلر خفيف والله مبقتش احط مكياج خالص لان وشى بقى منور لوحده من غير اى حاجه....

بكام الاتنين دول ومنين

سارة المزعورة;7429608:
[quote=nemonamanemo;7429530]بصي يا ساره انا الحمد لله عملت مطبخي خلاص عند شركة في فيصل ايمها ويل ارت وتعاملهم كويس قوي لو تحبي ابعتلك التفاصيل

ايوة طبعا ويا سلام لو النهاردة من فضلك
مستنية ردك


بصوا بقة انا مرتبة سريرى يانسن الى بتاخد شكل الجسم وكانت من 12 سنة ب الف وكسر
ودة كل الى اعرفة
على فكرة انا مرتبتى محطوطة على ملة حديد مخصوص لليانسن

منين المله الحديد دى وبكام ياقمر لانى عايزة اجيبها علشان هاجيب مراتب يانسن

فراشة الإيمان;7429873:
بكام الاتنين دول ومنين

[quote=سارة المزعورة;7429608]

منين المله الحديد دى وبكام ياقمر لانى عايزة اجيبها علشان هاجيب مراتب يانسن

ديانا قالت الكريم ب 35 من الغزبى

دى من زمان انا معرفش مامتى حبيبتى هيا الى كانت جيباها مش انا

real;7424999:
السلام عليكم وحمة الله وبركاته
ممكن يابنات حد يقولى ازاى الواحد بيعمل فرح فى فيلا ومين اللى بينظمهاله؟
وياريت اللى تعرف اماكن مصممين الحفلات او ارقام تليفوناتهم تبعتهالى على الخاص
وجزاكم الله كل خير

ياريت يا بنات اللي يعرف اماكن مصممين الحفلات وارقام تليفوناتهم ضروري تبعتهالي واي حد يعرف حاجه عن الموضوع ده يفيدني وجزاكم الله خيرا

ظهرت مؤخرا إحصائية خطيرة تؤكد أن نساء العرب ينفقن حوالي 8 مليارات دولار سنويا على أدوات الماكياج والزينة المستوردة من الغرب، ولم يكن سهلا أن يمر هذا الرقم بدون وقفة حول جوهر الصراع الأزلي والذي يبلوره هذا التساؤل: من يخدع من، آدم أم حواء؟!.. والذي تتمحور حوله أغلب الخلافات بين الرجال والنساء.

فالملاحظ أن الجنس الذي يطلق عليه لطيفا دائما ينفرد بالإجابة عليه ضد المتهمين بالخشونة، فـ "هو" دائما في عيون "هي" ،غشاش، منافق، كذاب، ملاوع، وغيرها من قاموس الاتهامات المشمولة بالنفاذ.. ولكي نضع أيدينا على الإجابة عن السؤال المزمن من يخدع من، ابقوا معنا في السطور الآتية.

لاحظت سكوناُ غير معهود بصديقي.. سألته عما به، فأخذ يسرد مشكلة حياته قائلا: "ألا توافقني أن من أبشع ما يشعر به الرجل الخداع، وعلى الفور توقعت أن صاحبي هذا تلقي "زمبة" من العيار الثقيل من تلك التي تصادفنا دائما خلال تعاملاتنا اليومية مع بني البشر، لكنه فاجأني القول: أليس من البشاعة أن تتزوج امرأة تراها في الصباح غيرها في المساء، والأعجب انك قد تمضي فترة الخطوبة معها دون أن تعرف الوجه الحقيقي لزوجة المستقبل، قلت لصديقي ـ خش في الموضوع ـ فبادرني القول: الأحمر والأخضر والأصفر هم سر تعاستي مع شريكة حياتي.. وهنا فهمت أخيرا أن مشكلة صاحبي مع الماكياج الذي تسرف بعض النساء في استخدامه..

وهنا قفزت على ذاكرتي قصة أحد الضحايا الذي كان مبهورا بجمال خطيبته .. لكنه عندما تزوج رأى ما رآه منها في الصباحية.. مخلوق بدون حواجب .. بدون رموش .. عيناها الزرقاوان الواسعتان تحولتا إلى صرصار في داخل طبق من اللبن الرائب.. وقد برزت عظام خدودها فوق جلد ممزق تنخره حفر واسعة كل هذا لعمل "ماسك" لعله يوفر بعض النضرة للبشرة التي أتلفها الهوا.

وعندما واجهته في الصباح قال لها: من أنت ؟ قالت أنا زوجتك .. قال لها : لا .. لقد تزوجت امرأة أخرى .. ولم يقتنع إلا عندما ذكرته بما كان يقوله وقت الخطبة وبعض الأسرار التي لا يعرفها سواهما، وأرجو ألا تسيء بنات حواء فهم ما قصدت من رواية هذه القصة عن "الجمال المغشوش" أو المصنوع، ولا أقصد بهذا المثال، لا سمح الله، التحقير من حيل بعض النساء وألاعيبهن في "جرجرة" الرجال المضحوك عليهم والضالين على وجوههم
ولكنها ربما كانت مدخلا لمحاولة وضع أسس أعلى شأنا لجمال المرأة من تلك الدهانات الخادعة، حقا فالبعض يرى أن الماكياج هو مجرد نوع من الخداع البصري.. ويشبهه آخرون بأنه السحر الذي يشبه حالة "التنويم المغناطيسي" ، فما أن يبهرك حتى تنتهي حياتك إلى المأذون أو المحكمة الشرعية.

وسرعان ما يدرك الضحية أنه وقع بيده وبكامل إرادته على صك سجنه الأبدي، ويا ويل ابن آدم لو كان السجان من تلك العينة التي يعاني منها صاحبي، فبعد أن يقام حفل تأبينه ـ عفوا عرسه ـ يستيقظ على وقع كابوس مزعج، فيرى ما لم يكن يريد أن يرى، ويسمع ما لم يكن يتمنى أن يسمع، فلا يعرف إن كان داخل بيت أو داخل قبر، لكن الذي يعزيه انه يتنفس فهذا هو الدليل الوحيد على أنه ما زال حيا.. وان شريكة حياته الأبدية تقبع إلى جانبه وعيناها تقدح شررا.. فقد نالت ما تريد .. أما هو فلم يكن له نصيب إلا من الأسى والندم.

كنا نسمع في أزمنة غابرة أن المرأة تزين رموش عينيها بالرماد المتخلف عن نيران الشواء.. أما حمرة خديها فمأخوذة من ورد الجبل .. أما مرطبات بشرتها فمن السماد أو لطع البقر.. وكان مقياس جمال المرأة عند العامة في زمن غابر أن تكون جبلا من "اللحم" كأنها مقطورة .. وكانت المرأة "المعصعصة" لا تجد عريسا فتمضي عمرها بين الجدران إلا إذا وجدت من هو على شاكلتها فتلقي إليه شباكها حتى ينكفئ على وجهه في لحظة غياب عن الواقع المرير.. ورغم بدائية أدوات الماكياج في ذلك الزمن .. فقد كانت المرأة جميلة .. لأن المطر في ذلك الزمان كان كثيفا فيذوب الرماد وتذهب حمرة الخدين ويسيح لطع البقر فيظهر الجمال الطبيعي.

قد تغضب "نسوة المدينة" من ذلك العرض المتواضع لوجهات نظر مختلفة فيما يخص جمال المرأة.. والغاضبات حتما هن من هذا النوع الذي تزوج تبعا لقانون التزوير الذي ذكرناه.. أما الفرحات فإنهن تزوجن على طريقة جدتي.. حين كانت الأم تخطب لأبنائها بعد أن تشد شعر العروس لترى أن كان "عيرة" أم أصيل، وتجبرها على تكسير حبات البندق ـ قبل أن يتحول حكرا على الأغنياء ـ لتتأكد من سلامة أسنانها وأنها قادرة على قرقشة الزلط ، وفي كل حالات الزواج سواء كان على طريقة صاحبي المنحوس ، أو على طريقة شد الشعر الخاصة بجدتي ، فان من حق الزوج أن نواسيه ونشد من أزره ونطالبه بالصبر على ما أصابه فالصبر عبادة ـ وهو يذهب الكرب ـ.

ويبقى سؤال أجيب عنه بنفسي من دون أن يوجهه لي أحد، وذلك فيما يتعلق بأي معايير الجمال أفضل، وسأصدقكم القول لا هذه ولا تلك، فسبحان الله الذي أبدع كل شيء خلقه، وأنا من أشد المؤمنين بأن كل امرأة تحمل في داخلها جمالا من نوع ما.

وربما تتمايز إحداهن عن الأخرى سواء باللون أو الطول أو الشعر لكن أفضلهن من تفوز بالخلق وجمال الطبع، فأنا ـ وطبعا غيري من ملايين الرجال ـ لا أطيق جمال الماكياج المزيف، كما أنني لا أقبل طريقة أجدادنا في "النقاوة" و "التفعيص"، وذلك إنما ينبع من واقع احترامي لكيان المرأة فهي بشر ولا يجوز إهدار آدميتها بهذا الشكل.

لكن ما دمت قد سألت نفسي وقررت الإجابة عن رأيي فسأعرض وجهة نظري ـ كرجل ـ في جمال المرأة، إن الحياء في المرأة هو الذي يشدني ويشد الكثيرين من الرجال الأسوياء إليها، فانجذاب آدم لحواء تحكمه علاقة طردية بحيائها ولم لا وإن للغموض لسحرا، فكلما زاد حياء المرأة زاد انجذاب الرجل وإعجابه بها .... ذلك هو الجمال الذي يبعث على الحب الذي بدوره يكون باعثاً على الحياة!!



اية رايكم هههههههههههههههههههه

انا كلمت الراجل بتاعك يا بوكى ولسة هاكلم الشركة بتاعة فيصل
ادعولى الدنيا بجد معكوكة مش تهريج بس انا لسة بردة

عايزى محل كويس اجيب منة شنطتين بنى واسود ضرورى مش عايزة ادوخ من فضلكم
محل عدل باسعار عدلة