ساعدوني

هلا اساطييير الف مبروووك يالغاليه...بحاول اساعدج ابكم فكره ;)
ممكن في البدايه يعني عشان مايملون المعازيم يكون المونتاج لصورج وانتي صغيره ليين كبرتي بعديين يكون التصوير وانتي متعدله وكاشخه ياخذولج كمن صوره وبعد يصورونج وانتي قاعده مع اهلج او يووم انتي تتجهزين اقصد تجهيزات العرس من مشتريات وانتي في السوق وممكن ادخلين ابيات شعريه في التصوير يعني توصف العروس و ممكن تسجلين تهاني الاهل والصديقات ;)
ومادري شوبعد انشالله البنات يفيدونج

هلا والله ذوق..
الله يبارك في حياتك ..
تسلمي لي على هالفكره الحلوه كانت مثل فكرتي بس انا ابغى تعطوني حركات عشان باروح الاستوديو وباصورهم لان من انخطبت ماصورت الاقليل فقلت ابغى اصور عشان يطلعونه بالفيلم وابغى من الحلوات العضوات يعطوني كم حركه حلوه عشان اصور فيها بالاستوديو لان اغلب صوري كلها عاديه فياريت من العضوات ينزلون لي بالصور كم حركه حلوة عشان اعطيها المصوره تصورني فيها
واسفه على التطويل..:o

اهلين
وين العضوات الله يسلمكم ساعدوني الله يساعدكم واذا مافهمتو علي خبروني الله يخليكم لعيالكم..

مادري قصدج الحركة اللي انتي تسوينها .. ؟؟
ولا التأثيرات على الصورة .. ؟؟
أعتقد لمصورة بتخبرج عن قدراتها بروحها .. وهي أدرى .. :D

اهلين حبيبتي انستازيا
انا قصدي انى عاوزه اصور في الاستوديو صور عاديه بس ماعندي حركات اسويها مثلا صوره اطلع وجهي بس وصوره اطلع جسمي كله بس ابغى تعطوني حركات لان تعبت وانا ادور في المجلات ماحصلت حركه تعجبني لاسيما ان المصوره الي تصورني ماتعطيني حركات مثلا ماتقول وقي كده ولاكده بس تكتك بالكاميرا واحنا الي نسوي الحركات بس ماشاء الله عليهاتصويرها جنان وهاذا الي مخليني اتمسك فيها
(ان شاء الله فهمتوا عليي)..:o

كاتب الرسالة الأصلية : اساطير
اهلين حبيبتي انستازيا
انا قصدي انى عاوزه اصور في الاستوديو صور عاديه بس ماعندي حركات اسويها مثلا صوره اطلع وجهي بس وصوره اطلع جسمي كله بس ابغى تعطوني حركات لان تعبت وانا ادور في المجلات ماحصلت حركه تعجبني لاسيما ان المصوره الي تصورني ماتعطيني حركات مثلا ماتقول سوي كده ولاكده بس تكتك بالكاميرا واحنا الي نسوي الحركات بس ماشاء الله عليها تصويرها جنان وهاذا الي مخليني اتمسك فيها
(ان شاء الله فهمتوا عليي)..:o

هلا عزيزتي انا حطيت في العرس صوري لما كنت صغيرة وصور المعرس


يوم صغير ولقطات من عرس الرياييل واتصورت في الأستديو لبست مغربي


مع الذهب اللي يكون على الراس ...الخ


وبعدين الأستديو عملولي مونتاج وكل شوي يعرضون مجموعة من الصور


بس طلعت الصور مرتبة وحلوة ...


وممكن تنسقين بين الصور والموسيقى اللي بتحطينها في الوقت نفسه


بالنسبة للحركات خلج طبيعية ولا تبالغين انا كنت ابتسم في أغلب الصور


وقاللتي المصورة على بعض الحركات بس ما اعرف كيف اشرلج اياها


بس اكيد الأستديو اللي بتسيرينه بيعلمونج.....

هاي عروسه..
مشكوره وماقصرتي عطاش الله العافيه..
بس اذا قدرتي تنزلين صور اذا ماعليش كلافه..
..:)