ساعدووووني ياحلوين

هدوء ورزة انثى 11-10-2008 8 رد 2,559 مشاهدة
ه
السلام عليكم ورحمة الله وبركاتة

كيفكم ياأحلى عرايس ان شاء الله طيبين:D

والله اني حبيتكم وحبيت المنتدى الله يسعدكم ويوفقكم يارب(f)

بصراحةياحبايبي ودي ساعدوني:(

ابي اشتري مكياج عشان احطة للدوام <<<طالبة معهد:)

ومو عارفة وش اشتري لأن بصراااحة ماكنت اهتم بالمكياج وكمان مااحط الأ بالمناسبات

ابيكم تقولون لي على ماركة تكون حلوة ومو غالية

انتظر ردودكم ياحلوين وياأحلى عرايس
ح
لو تبين ماركة حلوة و سعرها حلو اشتري من ماكس فاكتور , ريفلون,ريميل و مايبيلين. موجود بالكارفور و موجود بأكثر المحلات . او nyx و تلاقيه في لايف ستايل سعره حلو و تشكيلته حلوة .
و
[FRAME="14 70"]
ماركة مايبلين\ماكس فاكتور\ايفون\ريفلون\ريميل\نيفيا\جي كازانوفا\لوريال\مكياجي\بودي شوب,,

انا استخدم كريم اساس نصفه كريم ماركة مايبلين انا احبه بس شوي يعطي مظهر التراب اذا حطيتي وايد اخذي الدرجة الفاتحة انا استخدم رقم3 ivoryيعني ياي على وردي وعالفكرة انا حنطية وهاذي صورته وسعره اقل من 5 دنانير كويتية وطريقة استخدام الكريم بايدج عادي اهوا عملي والحلو فيه انهخ يغطي الحبوب عدل


واستخدم من نفس الماركة اي شدو للعين لون ابيض واايد احبه وسعره تقريبا 3 دنانير سعره متوسط


واي شدو اسود واااايد حلو فيه لمعة حلوة زري خفيف نفس الماركة وسعره بسيط

بس اللي عندي لون اسود ترا اساسي لازم يكون عندج اي شدو لون اسود وبالذات ان احنا بدول خليجية,,
حلو لما تحطين على طرف الجفن الاعلى


واستخدم من نفس الماركة اي لاينر يعني قلم كحل (((سائل))) بصراحة اهو ضد الرطوبة وكلش مايسيح وسعره زين

حلو تحطين حق الجفن التحتاني او الفوقاني عادي كيفج بس المهم انه مايسيح وفرشاةتها استخدامها سهل وااايد بس علافكرة مو ضروري وايد انج تشترينها انا ماعتبرها اساسية بس الكحل اساسي



الكحل اللي اختي تستخدمه سعره بسيط ولونه اسوووووووود ماركة ريفلون




اقلام الحمرة اشتريتها بعد من ماركة مايبلين بصراحة انا احب هالماركة لان اسعارها زينة والجودة هم زينة
انا اشتري اللي غطاهم بهلون



وعندج الغلوسات شوفي بصراحة طبيعت الغلوسات بسرعة تروح من على الشفايف بس انصحج تاخذينهم معاج بالمعهد,,

اختي تستخدم هالغلوس ماركةمايبلين انا احب لمعته انتبهي ترا في منهم الوان بس اختي عندها هاللون احلى لون ولا تخافين ترا احمر شفاف وكلش مايبين انه احمر يعني لون احمر خفيييييييييييف



ممممممم شنو بعد ياربي
البلاشر يعني بودرة احمر الخدود انا استخدم ماركة ديور بس بصراحة غالي بس لونه حييييل حلو ويظل على الويه سعره 12 دينار كويتي لونه وردي بس لازم تشترين بلاشر لان وايد حلو بالنهار واختاري لون وردي


وفي مرطب حق الشفايف يعطي لون احمر وريحته حلوة انا وااايد احبه هاذا عاد صج انصحج تشترينه ماراح تندمين
وسعره وااااااااااايد رخيص نص دينار بس المشكلة ماتحصلينه باي مكان يعني تلقينه بالجمعيات او الصيدلية بس مو بمحل المكياج وانتبهي فيه منه الوان اسمه لابيلو وصناعته انجليزية
احلى لون اللي يعطي احمر خفيف وفي توت وكرز ماذكر اي واحد فيهم يعطي لون احمر خفيف بس عادي على الكرتون ماله مكتوب يعطي لون احمر خفيف واذا ماكان مكتوب خلاص لاتشترينه اللوان الثانية انا ماحبيت الوانهم وفي على فراولة يعطي لون مايل على البرتقالي ماحبيته,,




وكريم ترطيب الويه حق قبل المكياج انا اليوم اشتريت ماركة بايوت بس شوي غالي والبنات وايد ينصحون بماركة بودي شوب وفيه داخله فيتامين اي بالنسبة حق كريم الترطيب
وسعره وسط مال بودي شوب


ولاتنسين تشترين كريم حماية ضد الشمس انا كنت استخدم ماركة فيجي من الصيدلية وسعره وسط

وانا بعد استخدم حق تنظيف الوجه من المكياج صابون ماركة جونسون سعره لا باس فيه بس يظل عندج اشهر عديدة واعتبره احسن صابون استخدمته في حياتي وعلى فكرة اهو فيه مرطب وماينشف الويه وعادي استخدمه لما اقوم من النوم وقبل النوم ولازالة المكياج
اسمه جونسون ((((رغوة لطيفة منظفة للوجه))))
تنظف دون ان تسبب الجفاف

لون العلبة وردية
مكتوب عالعلبة اضغطي مرتين للحصول على رغوة بس انا اضغط مرة وحدة ويكفي خخخخخخ

المهم هاذي صورته اووووه مالقيت صوزرته عادي انا عطيتج اسمه بالعربي واسمه بالانجليزي
johnsons
softly foaming
facial wash
لون العلبة مالته وردية




الاشياء الاساسية بالترتيب\
كريم حماية ضد الشمس\قلم كحلة\غلوس\قلم حمرة\مسكرة\كريم اساس\بلاشر\بودرةويه\اي شدو يعني ظل العيون\اي لاينر يعني كحل سائل\كريم ترطيب\كريم مثبت المكياج بيس\كريم اخفاء العيوب الكونسيلر\فرش مكياج.....الخ.
هاذا بالسبة لراي الشخصي


لا تشترين الاشياء كلها مرة وحدة عشان لا يكلف عليج اشتري بالتدريج من المهم الى اقل اهمية,,

نصيحة مهمة لما تشرين اي مكياج ضروووري تجربينه بالمحل قبل لاتشترينه والافضل تجربينه على شفافج او عينج يعني مو على ايدج ولما تبين تشترين شي حق ويهج قولي حق العاملة طبيعة بشرتج دهنية\مختلطة\جافة


واعتذر عن الاطالة
والله يوفقج بالدراسة
[/FRAME]
ه
حرامية مشكووورة يالغلا
ه
حنان

الله يوفقك ويسعدك

وربي ادعيلك من كل قلبي

الله يجزاك خير
T
يعطيك العافية انا استفدت منك كتيرررررررررر
m
بصراحة أنا أنصحك بماركة طبية معروفة ما تضر البشرة حتى دكتورة نصحتنى كلينيك
س
ماركة مكياجي حلوة واسعارها رخيصة ..
الوانها نعومة ..
وبالتوفيق بالداوم ..:)
م
حبيبتي ما دام انج طالبه يعني تحتاجين شدواات فاتحة وخاصة الترابيه واحسن ماركه شدوااتها فاتحه هي :ذا بودي شوب او مكياجي البودره ماكس فاكتر او ماك والروج من اي ماركه تعجبج.
X