the happy mother;7393557:يا بنات ده احدث كيتشن ماشين من بروان وثمنه ٢٥٠٠ جنيه مصري عايزه اشتري مطحنه بروان الاقيها فين في مصر
توكيل براون فى ش مكرك عبيد بعد سيتى سنتر بشويه أنا جبت بتاعتى من هناك
صوت العيون;7398580:
احسن نوع بطانيه مجوز ايه وبكام
kitty_kity;7390678:
واحده صاحبتي شاريه اسدال شيييييك اوي للصلاة قماشته تقيله كدا وعلى حرف الطرحة بتاعته كدا ساتان ومطعم بردو الاسدال نفسه على الاساور والياقه وانتي نازلة كدا ساتان :) طبعا وصفي تحفه انا عارفه
بس لو حد شاف زيه يقدر يقولي بكام مثلا
انا ماشتريتش اساسا اسدالات من مصر قبل كدا..فمعرفش اسعار خااااااااااااالص
روباز;7392383:
يا بنات باركولى بقى امبارح كانت أول زياره رسميه من أهل عريسى بعد م كلم بابا و ماما و كده و كان أول مره اشوفهم ..جم باباه و مامته و اخوه و اخته و جوزها هيا كانت تعارف و مش تعارف لأننا انا و هو عارفين بعض من زمان من ايام الشغل بس هو مجاش لأنه مسافر امريكا بعثه و هينزل بس على الجواز( التذاكر غاليه اوىىىىىىىى 18000 جنيه) و هسافر معاه ان شاء الله بعد الجواز)
المهم اهله جم الساعه 8 و انا كنت مخضوضه جدددددااااااااااااا لدرجه ان جالى إسها...... قبل مخرج هههههه
المهم مامته شكلها صعبه ربنا يستررررررر كنت كل مبوصلها بالصدفه الاقيها كانت بصالى
بس باباه سكر و اخوه كمان و اخته انا و هيا مش بنبطل ضحك فى التليفون
هما كانو جايين من محافظه تانيه و مسافرين تانى
أول ما جم قدمنا عصير مانجه ف كوبايات شوب و بعدها قدمنا جاتوه و ساليزونات(خلى بالكو يا جماعه لازم تقدموا حلو و حادق فى الطبق لأن ممكن يكون حد مش بيحب السكريات أو مريض مثلا و لو حطينا حلو و بس مش حياكل...الحمد لله اننا كنا جايبيين ساليزون لآن مامته مش بتاكل السكر خالص ولا حتى فى الشاى ف مش شربت العصير ولا اكلت جاتوه لكن اكلت الساليزون) بعد كده قدمنا شاى و مشيو...هما اعدو ساعتين و لو كانو اعدو زياده كنا قدمنا حاجه ساقعه فى كاسات ( انا بكتب بالتفصيل عشان خاطر البنات اللى بتسأل نعمل ايه فى اول زياره)
اما اللبس فنا لبست حاجه بسيطه لأن دى مجرد زياره مش فاتحه و لو لبست بدله أو حاجه فورمال اوى هتبان متكلفه أو زى مكون لبسه اللى عالحبل...لبست بنطلون بنى و جزمه بنى كعب عالى و بدى كارينا و عليه بلوزه قطن شيك اوى بفتحه سبعه كبيره لغاية اخر الصدر و فيها قصه تحت الصدر و فيها شغل تريكو خفيف و ايشارب ساتان مشجر تدرجات و اشكال البيجات لغايه البنى و ماكياج ناتشورال اوى و جلوس بلمعه متوسطه و بس
المهم تنتبهو ان الشقه لازم تكون قشطه اكتر من اى يوم تانى لأن دى بتكون فى وشكو و كمان ممكن تتعرضو زيي ان حمواتكو يحتاجو يروحو التويليت
بس اتفاجأت قبل مايمشوا انهم جايبنلى هديتين دهب أخته جابتلى خاتم و مامته جابتلى اسورتين دهب ابيض و أصفر و خاتم توينز...هما طلعوها قبل مايمشو علطول مش فاهمه ليه مش المفروض كانت تطلع فى نص القعده ولا ده معناه ان مامته طلعتها بعد مافحصت عروسة ابنها؟؟؟
ربنا يستر والله من مامته قلقانى أوى الست دى ههههههههه
اما هو بقى فاتصل بينا وحنا قاعدين كلنا كلم باباه و مامته و بابايا و كلمنى بعد أهله مامشيو و قاللى انه كان قاعد على ناارررررررررر
عقبال كل البنات هنا اللى متخطبتش تتخطب وللى متجوزتش تتجوز واللى اتجوزت ربنا يرزقها الذريه الصالحه
الفرحه حلوه اوى يا بنات
قريبا بقى ان شاء الله تضمونى لليسته عشان الفاتحه( فاتحه و العريس غايب حنقرا فاتحته ههههه) ادعولى يرجعلى بالسلامه.. فعلا زى مالنبى عليه الصلاة و السلام قال( لم ار للمتحابين غير النكاح) فرحته و فرحت الزياره دى احلى من فرحت البنت لما تسمع كلمة بحبك لأول مره مليووووووون مره
RONA_M;7392578:
السلام عليكم ورحمة الله وبركاته
ازيكم يا بنات عاملين ايه كلكم وحشتونى
روباز الف الف مبروك يا قمر وربنا يتمملك بخير يا رب ويسعدك
جومانه حبيبة قلبى الف الف مبروك وربنا يهنيكى يا رب
البنات الى كانت بتسأل عن طقم الاستانلس التركى انا جايبه منه هو فعلا تحفه وتقيل بس اللى تجيب استانلس لازم تجيب تيفال علشان الارز والمحشى انا جيبه استانلس وتيفال وبيركس ما جبتش الومنيوم غير صنيتين فرن بس
البنات اللى كانت بتسأل على طقم الصينى البولندى انا جبت بتاعى من المنشيه فى اسكندريه 111 قطعه ب 1350 ولقيته والله هو هو بالضبط والماركه فى رويال كيتشين هنا فى كايرو الاسبوع اللى فات ب 2400 الفرق فظيع جدا
يميم وسالاد والحب الضائع وسارة ومورو وحشتونى بجد
أمة الله ايه بقه هنولد امتى انا وانتى انا خلاص زهقت بقه عايزة اطلع البنت وافقس ادعولنا يا بنات وعقبالكو يا رب
حدوتة مصرية;7394414:
مبارك عليكي يا روباز ويارب ربنا يباركلك ويتمملك بخير ويحميكي (افتكري تقولي اذكار الصباح والمساء كل يوم) وبفكر نفسي معاكي اننا نتقي ربنا في الكلام مع حبيبو علشان ربنا يباركلنا اكتر واكتر.
يا جماعة الحمد لله احنا حجزنا كتب كتابي يوم12-12 في مسجد الشرطة...ولسة بأه بفكر اعمل فرح ولا لأ؟ ولو لأ يبقى البس فستان الفرح في العقد ولا لأ؟ فايه رأيكم يا بنات؟
بالنسبة للشيكولاته إذا حد يعرف الباتشي بكام الكيلو ياريت يقوللي...ولو عازمين 220 شخص يبقى محتاجين كام كيلو؟؟؟
شكرا...ومبارك للجميييييع
newlife;7394500:
ازيكو يا بنوتات ومبروك لجزء الجديد ومبروك لكل البنات اللى فرحهم الاسبوع ده
أنا بقى محتاسة جدا أنا اتخطبت خامس يوم العيد والمفروض فرحى فى أوائل 12 عصر السرعة
وعشان كده يا ريت تساعدونى انا المطبخ صغير فممكن شهيدة أو حد من البنوتات يساعدنى بأشكال مطابخ صغيرة
وكمان أنا عندى طبق فواكه ازرق وعليه أشكال فواكه بالفضة وكبير ده ممكن يكون حلو على السفرة ولا يتحط على البوفية ولا يتحط جوه النيش أحسن لحسن مفرش السفرة عندى سيرما سورى ذهبى
انا المفروض حسافر السعودية فتنصحونى أخد ايه معايا وخصوصا احنا حنقضى الشتا والصيف يعنى أخد ايه هدوم أو فرش لهناك أو أجهزة مثلا
منين أقدر أجيب مقص الفتلةو اللى كنتو بتتكلموا عليه
وهل فيه من البنوتات اللى حجز فى أوائل شهر 12 يعنى فى الأسبوع الأول قاعة فرح أو كتب كتاب مثلا فى أحد دور القوات المسلحة وازى الأحوال فيه حجز ولا الدنيا زحمة عشان عازة الأسبوع الجاى أبدأ أحجز ده اذا لحقت
أنا أسفة على الأسئلة بس حاسة انى مكركبة والمفروض بردك حنزل عشان أجيب العفش جاهز
وشكرا يا حبايبى وأنا عارفة أنكم حتساعدونى على قدر استطاعتكوا
roro8484;7398098:
المحل الى كنت بقول عليه المنطقه بتاعته ارخص كمان من دى وهى سوق الجمعه ده اسم المنطقه مش قصدى على السوق وتعتبر ارخص منطقه فى المحله وفيها جميع الازواق من الشعبى حتى الموديرن
صوت العيون;7398096:
العباسى دا مش فى القاهره صح
طيب صوريها ونزلينا صورتها يا جميله
sally salem;7398581:
السلام عليكم ...........
ازيكو يابنات عاملين ايه ؟
انا اول مره اشارك في الموضوع ده وياريت اكون صديقه ليكم .......:shy:
بصراحه انا استفدت منكوا في حاجات كتير اوي ونفسي اشارك معاكم وافيدكم زي مابتفيدوني انا مكتوب كتابي وانشاء الله هتجوز قريب وربنا يرزق كل واحده ويتمملها على خير يارب
انا كنت عايزه اجيب بيجاما رجالي ستان لخطيبي وتكون نضيفه ياريت حد يقولي من فين ؟
وجزاكو الله كل خير
على فكره انا مش من القاهره
صوت العيون;7398580:
احسن نوع بطانيه مجوز ايه وبكام




صوت العيون;7398397:
هو لازم نجيب شنطه المعالق دى افرضوا عندنا فردانى ومجموعه كبيرة ما شاء الله
باقة مشاعر;7399423:
يابناااااااااااات هسألكم سؤال متضحكوش عليا
هو العروسه بتطبخ فى شهر العسل وللا بتقضيها من بيت باباها شويه ومن بيت حماتها شويه وديليفرى شوية؟؟؟؟؟؟؟؟؟؟؟؟؟؟؟؟
عندى سؤال كمان فين الأماكن اللى ممكن اشترى منها استنلس المصانع الحربيه فى اسكندريه واسعاره ايه
كان فيه بنوته هنا قالت ال5 حلل ب900 صح كده؟؟؟؟؟؟
yomizo;7395791:
حبيبتى عاوزاكى تعرفي ان السعوديه كمان هتلاقي فيها هناك محل متخصص في فرش البيت اسمه ايكيا والله لو دخلتى المحل ده هيجيلك ولع من الحاجات اللى حواه وتروحى البيت ترمى كل اللى عندك في اقربهه كاربدج
متخديش معاكى الا الضروريات اللى مش هتعرفي تمشي من غيرها
- هدومك الداخليه والخارجيه
- جزمك وشنطك
- 3-4 ملايات
- 5-6 فوط
- واعملى حخسابك انك هتخرجى اصلا بعبايه يعنى مش هيبان الهدوم كلها هناك الا لو رايحه لحد هتقلعى عبايتك عنده او حد جايلك البيت
- وبلالاش اى حاجه من حاجات المطبخ ولا اى اجهزة كهربائيه الا بس سيلك ابيل :)
هو اكيد عنده من الحاجات دى
روحى الاول وبعدين شوفي هتجيبي ايه من هناك لللشقه هناك وايه هيحلى في عينك لشقه هنا وكله فى الاخر هيجي على هنا الجديد والمستعمل :)



باقة مشاعر;7399483:
ميرسى يايميم على ردك ياقمر
انا فعلا مش ناويه اخد غير اللى انتى قولتى عليه ده
يميم انا عارفه ان ايكيا فيها حاجات تهوس بس تفتكرى اجيب حاجة المطبخ من مصر عادى واجيب زياده من هناك وللا مجيبش حاجات معينه واجيبها من ايكيا
صحيح هو انا لما ارجع مصر نهائى هاخد معايا ادوات المطبخ اللى استخدمتها فى السعوديه وللا هسيبها؟؟؟؟؟؟
معلش عارفه مدوخاكى معايا
تسلميلى ياقمر
yomizo;7399566:
والله انا اقول ان حاجات ايكيا احلى كتير
ده عندجهم شويه اطقم استانلش وهمميه وتقيله ومتينه وحلوة اوى
ماما واختى جايبين منها
وبعدين انت لما تروحى ولو في ميزانيه ممكن يعجبك حاجات تجيبها وتشيليها لمصر لما تتنزلي
ولما تجي اجازات هتلاقي نفسك بتنزلى حاجات كتير لشقنتك جداد
وانت نازله نهائي بقى هتنزلى مصر اللى تلاقي مستاهل ينزل بس او يعنى اللى تلاقيه لسه فيه الخير
والباقي طبعا هتشحتيه او تسيبيه في الشقه لنصيب اللى ياخدو بقى
بس الحقيقي السعةديه جوها مش برد في الشتا زى هنا
احنا كنا لما بنسقع بناخد جاكت خفيف على حاجه بكم
يعنى زى مابتلبسي وانت بتتمشي على كورنيش اسكندريه بليل في الوقت اليومين دول كده
لكن برد جامد بقى وتلج ومطر مشفتهاش السعوديه غير السنه دى بس
وساعاتها ممكن تاخديلها حاجه ولا اتنين بس + اللى هتجيبيه من هناك
لان اكيد جسمك هيغير وممكن الحمل كمان يكبر مقاسك
وخلى اللى هناك شيليهم كويس وحطيلهم فلفل اسود صحيح عشان العته
لان النفتلين بيغير ريحته اوى
sweetyronaaa;7397659:
طيب جايباه منين يا قمر
انستاسيا;7398162:
يعني اقول عايزة شفاط ايطالي ؟؟ و هو عادي موش محتاج مدخنة صح ؟؟
ليا صاحبتي في جدة و قالت لي سابت الشتوي كله عشان هناك الجو موش محتاج شتوي خااااااالص و كمان الخروج بالعباية يا قمر بس حتي لبس البيت الشتوي بردوا ما اخدتش موش عارفة الرياض بقي ايه نظامها يا قمر
العصبية حاجة طبيعية يا جميل بس حاولي تشربي حاجات دافية مهدئة
ممكن معلومات اكتر عنه بليييييييييز و لو من السعودية تعرفي سعره هناك يكون في حدود كام ؟؟؟ وميرسي اوي اوي حبيبتي
الشكل الأول جميل اووووي و بالنسبة لسبت البصل و التوم خليه مفتوح عشان الحاجة موش تبوظ و ممكن تجيبي سبت بامبو و تعملي الفكر دي
ميرسي اوي يا قمر طيب و جليمو جاز ماركة كويسة ؟؟؟ و يا ريت اللي يعرف يقولي بليز
manafola;7399536:
يا جماعه اما محتارة قوي و عايزة حل انا عايزة اركب الشفاط الايطالي الي بيدخل جوه المطبخ مش عايزة اسيب البوتجاز اوحده كده
بس سمعت شيء خطير انك مثلا لمل تقلي و الزيت يطلع علي الطاسه زي ما بيحصل يعني النار بتمسك في الشفاط جامد و بتقلب بحادث مروع ممكن حد يقولي اعمل ايه احط مدخنه ديكور و خلاص و اركب شفاط طرد المروحة ده و لا اعمل ايه ؟؟
DodyCat;7400026:
ده زى بتاعى بالظبط تعرفى انا فعلا مش كنت عارفة أستخدماته كلها بس شرحك ماشاء الله جميل
سؤال انا كنت عايزة اجيب الملتى كويك جنبيه ولا كفاية كده؟؟