{.. دورة لطـّافي المتكاملة

‏ღروح طفلة‏ღ 07-10-2008 27 رد 2,595 مشاهدة
‏
[ .. بسم الله الرحمن الرحيم ..]

السلام عليكم ورحمة الله وبركاته


[ مرحبــآ السآآآع ~~~~~**

اشحالكن صبايا .. عساكن بخير وسهالة

احم احم هذا اول موضوع اطرحه في عروس لاني كنت من المتابعين فقط :o

صراحة المواضيع وآآيد رهيبـة واتعلمت منها الكثير <~ زيرو أول ما دخلت :tears:

المهم <~ خلصينا ودخلي في الموضوع :tongue:


في هالفترة أنا فاضية لادراسة ولا شغل اهملت بروحي وايد قبل كنت مهملة بس مب لهالدرجة

حتى وزني زاد وهو اكثر شي قاهرني :confused: فكنت دوم احاول اهتم ولكن اتكاسل

لين هالأيام قلت لازم اسوي كورس واطبقه لين أيام العيد وأكون شي ثاني

يلست أفكر كيف بسوي لي كورس متكامل :icon9:.. طالعوا هالأوراق اللي يلست أخطط فيها
<~ مندمجة وايد الأخت





لين طلع لي الجدول اللي حطيته بالمرفقات طبعا هالكورس يتضمن

(الريجيم والشعر والبشرة والميك أب وبعد فيه اضافات يعني شامل لأشياء وايده )

وأتمنى أنكن تشاركني فيه :JUMP:

همسة : أتمنى من المشرفات ولا عليهن أمر ينقلن الموضوع للمكان المناسب لأني أحترت وين أحطه

بشرح لكن الكورس بشكل تفصيلي :

أول شي سويت جداول اسبوعية وعددها أربع علشان الشهر

وفيه قبلها كم معلومة تهتمين فيها بأول الشهر مثل عمل حمام زيت للشعر - قص أطراف الشعر -

تقليم الأظافر(لأنه ما يصير تتم أكثر من 40 يوم)

ما أخبي عليكن أنا بديت بهذيل من أول الشهر ( أول شوال/ أكتوبر)

بعدين قسمت الجدول على الأيام والأشياء المهمة كالتالي..

- اليومية وهي:
- قراءة جزء من القران <~ أحد بتقول وشو خصه بالكورس :eek:
مع نهاية الشهر بتكونين ختمتي القرآن واستفدتي بهالشي ومنها تتعودين انج مايمر عليج يوم ما تقرين فيه ولازم ما يكون اهتمامنا بتجاهل أمور ديننا

- الريجيم .. وهو أنج تتبعين رجيم وتخففين من الأكل وخاصة السويتس وتهتمين بالتغذية السليمة
أنا من النوع اللي ما احب اتبع رجيم الورقة أحب أخفف بس لأن أحدد بعد ما تخلينه يرد دبل

- العناية بالبشرة والمرطبات .. هو أنج تهتمين بنظافة البشرة واستخدام الكريمات المرطبة
والمغذية للبشرة مب تسوينها يوم ويومين طاف <~ اللي على راسه بطحة يحسس عليها

- الماء .. لازم تشربين في اليوم أكثر لترين لتحافظين على رطوبةالبشرة وتجنبينها الجفاف.
2- الشعر .. وهو الأهتمام به وانج تحددين يومين بالأسبوع تدهنينه بدهنج المخصص.

3- البشرة .. من ماسك وتقشير لان ما يصير تسوينها كل يوم فتقدرين تحددين أيام لها.

4- الجسم .. عناية من لوشنات وتنظيف ومقشرات وحمام مغربي وشل الشعر واللي تبين ..

5- المهارات .. مب لازم تلتزمين باللي في الجدول تقدرين تغيرينها للي أنتي تميلن له

مثلا في الجدول ..
- الطبخ (cooking) .. عندي فيه المهارة بس أحب اطورها وأتعلم أشياء يديدة.
- المكياج (Make Up) .. وابدا ما امتلكها :ss: واحب اتعلمها واتقنها .
- اللغة الأنجليزية (English) .. ومنها تطورين لغتج وتقوينها.
- الفوتو شوب (Photoshop) .. احبه بس توني مبتدأة فيه .
الحين هالمهارات تقدرين تغيرنها وتختارين اللي تبينه وطبعا ما بتكون كلها يومية
تقريبا كل مهارة تسوينها ثلاث مرات في الأسبوع

6- الرياضة.. المشي وممارسة التمارين حتى نخف الدهون وننقص الوزن :wink:


وجيه انتهيت من تخطيط الكورس .. فحبيت أنكم تشاركوني وكل وحدة تشجع الثانية وتلتزم وياها ونحقق اللي نحن نباه :yahoo:

فاللي حابة تشاركني حياها الله .. بداية الكورس بيكون يوم

السبت - 11/ أكتوبر 2008


في هالأيام بيكون تحددين شو بتستعملين وشو تبين تييبن من السوق

علشان تكونين جاهزة من يوم السبت ولا شو الراي :ongue:

همسة: هالكورس أكثر شي بيناسب اللي ما عندهم لا شغل ولا دراسة شراتي :whistling:

واللي تبا تسجل بس تأمر وبحط أسمها بالقائمة
1- روح طفلة
2-............
3-............ الخ


أتمنى أن الموضوع والكورس أعجبكن وصاحبته بعد <~ وين تبا :sa32:

وأني ألقى ردود طيبة والدعاء بالخير <~ مب بالشر :schmoll:

وربي يوفقكن واللي حابه تنقل مسموحة وهالشي طبعا لوجه الله ليعوضني بشي أحسن عنه

**~~~~~ ودآعــة الله ]
e
ما شا الله عليج ..ان شا الله توصلين للي تبينه
‏
تسلمين غناتي وربي يعطيج العافية


والله يسمع منج :wavey:

ولا هنتي ع المرور ،،،
ش
الله يعطيج العافية

2- شخص تمنيته

وياليت لو تظيفين قراءة الاذكار اليومية والاستغفار ..
ع
يعطيج الف عاافيه ..
وانا معاكم..
3...عصفوره الكويت..
‏
شخص تمنيته

اوكيك الغالية ومشكورة على المشاركة
وان شاء الله تستفيدين


عصفورة الكويت

ربي يعافيج الغالية
ويللا شدي الهمة


الحين القائمة :)
1- روح طفلة
2- شخص تمنيته
3- عصفورة الكويت


كنت اتمنى من اللي نزلوا الملف على الاقل لو يردون على الموضوع :(

يللا في انتظار البقية
ق
رائع أخيتي .جعلت لنفسك نقطة توقف للبدء بشكل جيد ومرتب
أحسنت وأتمنى لك التوفيق
‏
قل خيرا

تسلمين غناتي على المشاركة
هيه عل وعسى نقدر نسوي اللي نباه :)
ربي يعطيج العافية
s
مشكوة واجد برنامج حلو



ر
فكره حلوه بس بيكون احلى لو حطيتيلنا الوصفات اللي سويتها من ضمن الجدول وبالصور احلى واحلى
s
فكررررررة مرة حلووووة انا كنت نااويه اسوي نفس الشي بس الكسل ومايسوي

الله يجزاك كل خير ياعسل
ل
انا مثلج متابعه ..زائرة الظلام... بس موضوعج يجبرني ارد..
حبيتج..:)


ومعاكم...تحياتي
l
يعطيك الف عاااااااااافيه
‏
soso

العفوو اختي وربي يعطيج العافية على المرور
ما قلتيلي شو اسجلج في القائمة ولا ؟؟ :)


روح البحرين

هلابج غناتي تسلمين الاحلى مرورج
هيه ما حطيت الوصفات علشان كل وحدة تأخذ
حريتها في الاشياء اللي تبا تسويها يعني مثلا
في الكريمات او الخبرات اللي تبا تتعلمهاكل وحدة
تحب شي وميولها شي .. علشان جيه ما قدرت احدد
واذا يبن البنات من العين هذي قبل هذي
وتسلمين فديتج على المرور وعلى التوضيح


soft angle

يجزانا ويجزاج كل خير غناتي
الكسل عام على الكل وانا بعد بس قررت لازم اغير
يللا شاركينا عيل وربي يقويج



لمعة البرق

حبيتج العافية غناتي وانا بعد حبيتج :)
تسلمين فديتج ما قصرتي
شوو احط اسمج في القائمة ولا بعدج ؟؟



lina

ربي يعافيج غناتي
ومشكورة على التواصل الطيب



الحين القائمة :)
1- روح طفلة
2- شخص تمنيته
3- عصفورة الكويت
4- soft angle



مين يزود << الأخت في مزاد هههههههههههههههه
يللا اتمنى من اللي ترد وتبا تشاركنا تنبهني على هالشي
وربي يعطيكن العافية
l

الله عليك
داخله بقوه ومتحمسه جدول وزحمه
ياربيييه موتيني ضحك
:MEGALOL::MEGALOL::MEGALOL:
ههههههههههههههه
يارب تطلعين احل بنت
انا بسجل بس المشكله المهارات
مافلحت الا بالرياضه والخلطات
وغيره لااااااااااا
تحيااااااتووووووو
ب
فكـــــره حلوه ,,
وانا بسوي لي جدول مثل جدولج بس على اخف لاني اخاف اذا اشتركت وياكم ما اتقيد مرات لان عندي جامعه وامتحانات ..
اشكرج الغاليه ويعطيج العافيه ^^
‏
loooole

هههههههههههههه
شسوي كل مرة اتكاسل اتكاسل خلنا نتحرك شوي ههههه
تسلمين غناتي وعسى الضحكة دايمة يارب
يللا شدي حيلج وطلعي لج مهارة تتعلمينها خل الكسل عنج ههههه
شو رايج ويانا ولا




بنت الشيبة

مشكورة الاحلى تواجدج غناتي
وربي يوفقج بدراستج وامتحاناتج
وتحققين اللي في بالج


الحين القائمة :)
1- روح طفلة
2- شخص تمنيته
3- عصفورة الكويت
4- soft angle
l
أنا أنا أنا أنا
ابي
بعد
‏
هههههههههههه
اوكيك نورتي اللسته :P

الحين القائمة :)
1- روح طفلة
2- شخص تمنيته
3- عصفورة الكويت
4- soft angle
5- loooole
ا
تسلم ايدك عسولة

زين واللي يريدون المتن نسوي العكس خخخخخخخخخخ

ربي يوفقك

امنيه
X