مرحبا بنات
حبيت اكتب لكم موضوع وأتمنى الجميع يستفيد منه ، تذكرون موضوعي (كشة كشة كشة) وأخيرااااااااااااااااااااااااااااااااااااااااااااااااااااااااااا حصلت الحل واللي بعد عناء ولا القهر إنه كان جدامي وانا العاقلة ما خليت شي الا وخليته في هالشعر وبعد ما فااااااااااااد لكن من اليوم على قولة صابون تايد مع تايد للغسيل مافيش مستحيل <<<<< ههههههههههههههه مو تفكرون تايد لاااا ، تعرفون زيت الطبخ اللي نستخدمه حق الاكل اهو الحل ، تخيلو جدام عيني وما قد مرة جربته على هالتجارب اتقولون فارة تجارب<<<<ههههههههههههههه ، اخذته واخليه في شعري بس مرتين في الاسبوع وانام فيه، بتقولون واع وصخة لكن انا بقولكم إن الكشة ما صارت مرتبة الا بعد استخدامي حق هالزيت ،وصار ملمسه ناعم عدل وفيه لمعه وخفت وااااااااااااايد التعرجات اللي في شعري وقبل كنت اخذ تقريبا ساعة استشور شعري الحين بس عشر دقايق وانا مخلصة وقبل كنت مضطرة إني استخدم الاستشوار كل يوم وتعرفون الاجهاد اللي يصيب الشعر لكن الحين بس استخدمه بس مرة في الشهر والاحلى بعد إن الشعر قاعد يطول بطريقة اتجنن ، ومن زود الخبال اللي صايدني رحت شريت لي عشر علب زيت عشان من اتخلص وحدة افتح الثانية، واي نسيت اقولكم عشان اللي بتسال شنو الزيت او شنو اسمه اي زيت طبخ يمشي الحال، انا استخدم زيت عافية وساعات زيت مازولا يعني الموجود جدام عيني استخدمه، والطريقة اخذه واخليه يصخن وبعدين اخليه يفتر اشوي واخليه في شعري وما اصكه بفوطة او شي من هالقبيل اخليه يتنفس هوا ربه احسن له من الفطيسة مسكين كفاية عليه الشيلة بعد قبعةهههههههههههههه ادافع عنه كاسر خاطري الحين ، المهم كاني هذرت واااااااااااااايد اتمنى اتجربونه واتشوفون الفرق بس يبغى اليه اشوية صبر لكن من اول مرة راح يطلع الفرق
جربوه ودعواتكم لي واتمنى لكم شعر طويل وحلو ومرتب وناعم
