ممكن مساعدة للي عنده خبرة في الزواج

اختي قبل لاتناقشينه قولي بنفسج هذا الدعاء
(بسم الله اطفأت غضبك بالا إله إلا الله ونلت رضاك بالا إله إلا الله وقضيت حاجتي منك بالا إله إلا الله)
جارتنا زوجها وايد عصبي وتخاف منه
وايد ودايما كل شي عنده لا عطيتها هذا الدعاء وصارت قبل ماتطلب شي
تكرر هذا الدعاء بقلبها والأن ماشاءالله مايرد لها طلب حنون وايد
وانتي وكلي امرج لله وإذا زعل منج
اجلسي استغفري صدقيني هو من نفسه بيجي يراضيج
واي شي يصير وتخافين من ردة فعله قولي هذا الدعاء بقلبج وكرريه
صدقيني ردة الفعل بتكون بارده جدا
انتي جربي وبتشوفين بنفسج النتايج
وانا بنتظرج تبشريني اوكي
الله يسخره لج ومايكون حد بقلبه غيرج ودايما قولي يارب وربي بيساعدج
الله يوفقج ويسعدج يارب

حبيبتى انتي شو امسويه له حتى مب رررررررراضي يقولج شي او يكلمج شو في بينكم

عن عمتج أذا هي شاطره كوني انتي أشطر عنها وصيح لها وقولي انا ما كنت أعرف أنه بسافر
وما قام يكلمني وسبب وأذاا في سبب قولي ما أدري ليش يعاملني جذي وقولي حق عمتج
أنتي انسانه فاهما ووأنا ما عندي أحد بعد الله أشتقيله وانتى وحده ما ترضين بلغلط وحقانينه أذااتشوفين انا
غلطانه قولي وأنا بعدل من عمري ولكن اذا اتشوفين ولدج كلمي انتي تعرفين انا على حق واناشاء الله
بتشوفين انا مب غلطانه

يحليلج

انا عندي لج فكرة .. مرات الكلام ما ينفع مع الرياييل .. ليش ما تكتبين له رسالة او ايميل او مسج تعبرين فيه عن كل اللي فخاطرج وبيني له شكثر انتي تفتقدينه وخاطرج لو يجرع نفس قبل .. ويا ريت ما تكون الرسالة كلها عتاب .. لأ .. اكتبي مواقف حلوة صارت لكم ايام الخطوبة والملجة .. اول ايام زواجكم ... اول فرحة لكم ببنتكم الله يخليها لكم .. صدقيني الرسايل تنفع وااايد واقولها لج عن تجربة.. طرشيها له فوقت يكون بروحه .. بحيث انه يقرا كل كلمة ويفكر فكل شي .. وعقب ما تتأكدين بطريقتج انه قرا الرسالة .. خلج عادية لا كأنج مسوية شي ... وصدقيني بيي لين عندج وبيفتح وياج الموضوع بروحه

اتمنى ان هالطريقة تنفعج .. وطمنينا شو بيصير وياج

والسموحة طولت عليج ^^

هلاااااااا حبيبتي إن شاءالله اقدر اساعدج مع اني هب متزوجهـ

شوفي حبيبتي ليش ما تروحون مكاان هادي روماانس انتي وزوجج وخلي بنتج عند اهله او اهلج قوليله يا بو فلاان شوفيك صارحني شي مضايجنك انا زوجتك اشاركك في الحلوه والمره في حد ضايجك اناا اسلوبي فيه شي.. تحس شي مب عايبنك لازم تتكلم
عمر المشكله ما تنحل بزعل ولا شورايك ؟؟ وانا مب عايبني الوضع انك اتم زعلان انت ترضى الملائكه تلعني طول الليل عسب انك زعلاااااان؟؟؟

حتى لو كان زعلااان فديتج قبل عن ترقدين امسكي ايده وقوليله ما يهنى لي نووم إلا برضاك
عادي ترقد وقلبك شال عليي انزين صارحني قول شوفيك علمني ودي انا افهم لا تصير غامض

حبيبتي الإسلوب في الكلاام يلعب دوور مثلا انا ما حبيت موقف منج

يوم شفتي الجواز طلعاه حتى لو كنتي تعرفين هوه ما يعرف انج تعرفين
بيني انج مهتمه شوفييييييك وين رايح ليش الجواز مطلعنه عسى ما شر يا بو فلان

تراه بيحز في خاطره ليش هوه طلعاه جدامج عسب يلفت انتباهج حبيبتي الريال مثل الياهل داريه

وبعد بعطيج طريقه ثانيه ممكن تكتبين كل اللي بخااطرج برسااله وتسووين حركه يعني انتي تفننني وطرشيه مع باقة ورد ولفي الرساله وعبري عن كل شعورج وإن شاءالله تييب فايده

هيه صح ادعيله بصلاااااتج وعسى ربي يسعدج يارب ويحفظج لعيالج وبشريناا عنج
وإن شااااءالله نسمع أخبار حلوه

السلام عليكم ورحمه الله وبركاته


اممم انا مب مزوجه بس نصيحتي لج انج تكثرين من الاستغفار وصدقيني الاستغفار هو الحل الانسب لكل المشاكل


اتمنى اني افدتج

مرحبا جميعا
شخباركم
اول شي حبيت اشكر كل اللي رد علي وحاول ينصحني ويساعدني بحل المشكلة
الشي الثاني حابة ابشركم ان ابو عيالي رجع لي وراضيتة بإسلوبي والحمدالله توضحة الامور ورجعت المياه لمجاريها
الحمدالله رب العاليمن وادعو معاي ان الله يهديه ويلين قلبة وتستمر بينا لسعاده والتوافق
رحت له وكلمتة وصارحتة بكل اللي بخاطري صحيح انه حاول يهاجمني ويهددني في البداية بس بعدين هدا شوي واعترف بأغلاطة وحس انه وااااااااااااااااااااايد كان لاهي عني وظلمني بس ماكان يقصد
هو قلبة واااايد طيب ومايرضى علي لكن سبحان الله الانسان احيانا يسهى ويغلط بدون مايحس
حاولت اهديه وفي النهاية اتفقنا على ان مرة ثانية اي خلاف يصير بينا نحاول انهدية ومانطول بالزعل اكثر من يوم عشان تستمر الحيا وعشان عيالنا يعيشون بسلام وراحه
والله يهني الجميع ويهدي كل الازواج ياااااااااااااااااااااااااااااااااااااااااااااااااااااااااااااااارب
تحياتي لكم حبيباتي والله يوفقكم

الحمد لله رب العالمين مليووون مرة
الله يدومها عليكم نعمة ويسخركم لبعض ياااااااااااارب

thuraya101;7370443:
مرحبا جميعا
شخباركم
اول شي حبيت اشكر كل اللي رد علي وحاول ينصحني ويساعدني بحل المشكلة
الشي الثاني حابة ابشركم ان ابو عيالي رجع لي وراضيتة بإسلوبي والحمدالله توضحة الامور ورجعت المياه لمجاريها
الحمدالله رب العاليمن وادعو معاي ان الله يهديه ويلين قلبة وتستمر بينا لسعاده والتوافق
رحت له وكلمتة وصارحتة بكل اللي بخاطري صحيح انه حاول يهاجمني ويهددني في البداية بس بعدين هدا شوي واعترف بأغلاطة وحس انه وااااااااااااااااااااايد كان لاهي عني وظلمني بس ماكان يقصد
هو قلبة واااايد طيب ومايرضى علي لكن سبحان الله الانسان احيانا يسهى ويغلط بدون مايحس
حاولت اهديه وفي النهاية اتفقنا على ان مرة ثانية اي خلاف يصير بينا نحاول انهدية ومانطول بالزعل اكثر من يوم عشان تستمر الحيا وعشان عيالنا يعيشون بسلام وراحه
والله يهني الجميع ويهدي كل الازواج ياااااااااااااااااااااااااااااااااااااااااااااااااااااااااااااااارب
تحياتي لكم حبيباتي والله يوفقكم

الله يهديكي معاه أختي و يخليه على راسكم...

و أحلى شيء الصراحه بين الزوجين...