ولدي طاح على راسه وانا خايفة ؟

i wish 05-10-2008 11 رد 37,235 مشاهدة
i
صباح الخير

اليوم وباهمال مني سقط طفلي الصغير وعمره 6 شهور من على سريري وطاح على راسه من ورا وظهره

وقعد يبكي والله قطع فوادي وحسيت انه يبغي ينام

وديته المستشفى وسووله اشعة وقالوا ما فيه شي بس انا مب مطمنة

رقد شوي وقام مع اني عاطتنه دوا ينوم للسعال

شو اسوي علشان اطمن على ولدي

والارتفاع كان كبير بصراحة والسقطة كانت مب هينة

ادعوله ربي يحفظه من ايه عوارض او آثار جانبية :confused:

هو الحين جنبي ويبغي يرقد بس ما عارف كيف احسه متضايق من شي !!
S
اسم الله عليه الرحمن الرحيم
سلامته مايشوف شر
بعد ما اقدر اقولج اكثر من كلام الطبيب الحمدلله
خلاص بما انه الاشعه تمام الحمدلله
تطمني وعطيه ادول لانه مكان الطيحه يعوره راسه بعد عمري مايشوف شر ان شاءالله
وخليه ينام نوم العوافي ويرتاح ولاتحاتين تطمني عليه


دمتم سالمين
اختكم شريفة
أ
حبييبتي ان شا الله ما فيه غير العافيه
وديه مستشفى ثاني عشان تتاكدين ..واقري عليه وان شا الله ما عليه شر :)
ر
الحمدلله ان ماصار له شي

ولد خالتي عمره 6 شهور
قبل اسبوع طاح من فوق السرير على السيراميك
ونيموه في المستشفى لانه صار عنده نقص في الاكسجين
*
حبيبتي ان شاءالله ما عليه شر دام انج سويتي له اشعه لاتخافين

انا اللي اعرفه اذا رجع (استفرغ)مب زين بس انتي عطيه ادول عشان ما يسخن
خ
بسم الله عليه الرحمن الرحيم وان شاء الله ما عليه شر .. حطي يدج على راسه واقري سورة الفاتحه 10 مرات وارقيه بالرقيه الشرعيه .. وحاسبي عليه مره ثانيه ترا للحين عظمه ضعيف فديته

إن شاء الله ما يكون به شر .. بس اكيد فيه رضه مكان الطيحه وتعوره عشان جذي متضايق .. آيه عليه احنا الكبار ما نتحمل لو طحنا شلون هو؟!

حاولي تسكنين له الألم بالكالبول عشان يكون مرتاح وينام .. وارضعيه من صدرج ترا حليب الأم دوا لكل شي
ع
بسم الله عليه مايشوف شر ولا تحاتين دام الدكتور قال مافيه شي
i
رهينة الخيال;7337838:
الحمدلله ان ماصار له شي

ولد خالتي عمره 6 شهور
قبل اسبوع طاح من فوق السرير على السيراميك
ونيموه في المستشفى لانه صار عنده نقص في الاكسجين



عزيزتي كيف يعني صار له نقص بالكسجين ؟ وكيف هي عوارضه ؟؟


والله يسمع منكم يا بنات

الله يحفظه

ما عندي غيره
r
ما عليه شر ان شاء الله
اذا الطبيب طمنك لا تخافي أختي ان شاء الله كل شئ تمام
ا
فدييييييته ....


لا إن شالله ماعليه شر... انا ولدي بعد طااااح وهو بو 5 شهور ... بس الحمد لله ماصار له شي ..

رقد وقام وانا متتتتتتتتت من الخرعه ,,,, ولا وديته المستشفى لأني كنت خايفه من أبوه يهاوشنيييي ..


بس الله طمن قلبي عليه ’’’ الحمد لله والشكر ياربي ,,,


حبيبتي الله الحاااااافظ ’’’ ^_^ اليهال الله يحفظهم ’’ وعسى ربي يخليه لكم
ا
ما عليه شر ان شا الله

اذا حسيتيه ينام اكثر من العاده أو رجع (استفرغ) وديه المستشفى على طوووول

بس غير جذي معناته هو بخير و بعافيه الله يحفظه لج :)
m
اول شي سلااااااااااااااااااااااااااااااااامته مايشوف شر.... ثانيا ابقولك معلومه مهمه لك وللجميع..... مره قالي دكتور الله يذكره بالخير انه اذا طاح الطفل وما اغمى عليه او استفرغ...فمافيه الا العااااااااااااااااااااااااافيه ان شاء الله....لكن اذا لاحظتي هذولا الشيئين على طوووووووووول وديه للمستشفى وغير كذا اطمني
X