ساعدوني ... جزاكم الله خير

العاشقة ام حسين 04-10-2008 7 رد 1,083 مشاهدة
ا
هلا شخباركم عساكم من عواده مبارك عليكم العيد


بغيت رايكم ......


بنتي عمرها 2 ونصف وابغي اعلمها على الحمام مع العلم اني ادرس
وعلمتها كده مره واتعب معاها فارجووو مساعدتي في طرق تفيدني

واكون شاكره لكم
ا
هلا اختى ام حسين الله يعودك بصحه وعافيه انتى وكل الاحباب بنسبه حج بنتك الله يحفضها لازم تدخلينها الحمام كل نصف ساعه و تسالينها كل شوى اذا كانت حصرانه او لا طبعا لا تصدقينها اذا قالت لا وقبل لاتطلعين من البيت دخليها الحمام واكدى على الى يدير باله عليها ان يسويلها نفس الشى والموضوع يبيله شوى صبر وتعب :up::up:
ر
الله يعينك انا ماعندي خبره لان بنتي تووها صغيره

بس والله احاتي من الحين على تعليمها
*
حبيبتي مثل ما قالت لج الاخت الجازي كل نص ساعه دخليها الحمام

والموضوع يبيله طولة باال في يهال ماشاءالله يتعلمون بسرعة والله يعينج
ا
مرحباً...
الله يعينش ..
من خلال تجربتي مع بناتي فهي متعبه شوي بس ما طولت...
اول ما ابتدأت معاهم م البستهم الحفاظ عشان اول ما يعملوها يحسوا بان شي نزل عليهم فيتقززوا وبعدين اغسل لهم والله يعين على تطهير المكان عاد خليت الشقه فاضيه نمشي ع السيراميك اسهل للتنظيف ..
بعدين صرت اراقب متى يكونوا محتاجين لدخول الحمام تقريباً بعد ما يشربوا سؤال بثلاث الى خمس دقايق .. واذا ما صار انهم ما يسواا شي اجلس معاهم في الحمام وافتح لهم المويه هي نفسياً لما يسمعوا صوت المويه يسووها..
مدري دي تجربتي يمكن تفيدش...
ا
يعطيكم الف عافيه على الرد

يمكن اقدر على البوله ( عزكم الله ) بس اللي خبركم مااقدر عليه احس ماليها اوقات
معينه من جديه اتعب وياها
م
أختي مالج أحسن من موضوع حملة الحفاظات في ركن المواضيع المميزة لمشرفتنا أسماء زكي الدين أم موضوع العضوة جمانة.. عن تجربة كلنا تخرجنا بنجاح وتغلبنا على الحفاظات في خلال شهر...
r
باختصار علشان تعلمي طفلك على استخدام الحمام ( تجربتي مع أطفال ):
1- ابدئي على تعليمه الجلوس عالمرحاض أو النونية .( لما تدخلي تحمميه جلسيه عليها باستمرار ) و بعدين حمميه
2- أثناء التعليم لبسيه ملابس خفيفة علشان راح تكون أسهل عليك خلعها
3- توقفي عن تلبيسه البامبرز شوي شوي يعني خليه بدونه ساعه في اليوم الأول و اليوم الثاني ساعتين
بحيث كل ما تمر 10 دقايق او ربع ساعه دخليه الحمام .
و بخصوص التعليم وقت النوم في الليل قبل لا ينام دخليه الحمام في أهل يقوموا أطفالهم كل 4 ساعات يدخلوهم الحمام أني ما أنصح بهالشئ أريح لك و الى الطفل ( ممكن في هذي الحاله و خاصة إذا كان الطفل ينام لحاله على السرير وضع شئ يمنع البول من النزول عالمفرش
في الوقت اللي تخلي الطفل من دون بامبرز فيه بامبرز لتعليم الطفل عالحمام ( اني أفضل الهجيز ) لبسيه اياه علشان لا يعفس لك المكان و أهم شئ لما الطفل يعملها على نفسه تبدلي له على طول علشان يتعود عالجفاف و النظافة
على فكرة أختي في رأيي أن الطفل في عمر السنة و النصف الى سنتين يكون أسهل من الطفل الأكبر في منه في السن
الله يعينك و يهدي لك طفلتك
X