اتخطبتى ازاى ؟؟؟؟؟؟؟؟؟؟؟؟

ghadghoda 04-10-2008 89 رد 15,555 مشاهدة
g
ازيكم يا احلى بنات باحلى منتدى فى الدنيا النهاردة انا قلت اعمل فكرة موضوع معرفش اذا كان موجود ولا لا المهم انا عايزة اعرف من كل واحدة فيكم اتخطبت ازاى عن حب ولا جواز عادى
وتجربتها جت ازاى وبقالها قد ايه ولو صالونات جت ازاى وبتحبه ولا لا وبس وعايزة كل الظروف والتفاصيل وياريت بقى اشوف الردود

d
بصي يا ستي انا كانت خطوبتي عن طريق اهلي يعني جواز صالونات كنت رايحة احضر حفلة تفوق اختى و هيا في مدرسة ماما فشافتني واحدة صاحبة ماماتي و قالت لجوزها و جوزها قال لصاحبه اللي هوا جوزي حاليا ( مكتوب كتابنا ) المهم و حصل قبول الحمد لله و ادينا دلوقتي اتكتب كتابنا و بنجهز للجواز بس انا الحمد لله بحبه رغم الماشكل الكتير اللي بتحصل بس لما بفكر ني ممكن اعبد عنه مش بقدر اتخيل بحس ان هوا نصي التاني فعلا و عقبال كل البنات يارب و على فكرة يا غادة الموضوع ده جديد و حلو تسلم ايديكي يا قمر
M
السلام عليكم ورحمه الله و بركاته....


يشرفني اني اكون اول من ترد عليكي..........

انا و لله الحمد اتجوزت جواز صالونات......و كان الخطوبه و الجواز خلال 3 شهور فقط لا غير.:wink:....سبحان الله.........

بصراحه اتبعت الشرع في كل حاجه الحمد لله.......

خطيبي الهو زوجي حاليا ......مكنش اعد في مصر كان بايطاليا...و طبعا مكناش بعرف عنه حاجه.....
و كان هو بيدور علي عروس.....و الشيخ الوالدي و اخواتي بيحفظوا عنده رشحني.......و وشفني الشوفه الشرعية.....و استخارنا ربنا.....و طبعا اهلي سالوا علية في مصر و سالوا علية كمان بايطايا.......
اتقراءت الفاتحه و بعدها بشهر العقد.....و طبعا طول الفترة القبل العقد مكنتش باشوفه الا في وجود اهلي و مش بننزل خلاص الا لما تكون ماما و بابا معانا........خلال فترة العقد كنت حطي حدود في التعامل مش عشان حاجه بس عشان يبقي عارف ان في حدود في كل حاجه ......في الكلام و التعامل حتي التليفون يعني بعد الساعه عشرة مينفعش يكلمني في البيت.....عشان بعد الساعه عشرة في البيت كلة نايم.......هههههههههه:21_218:....
لو عايزني يبقي الموبيل...... كده يعني بس طبعا بعد الزواج بقينا كاننا شخص واحد.....فهمين بعض عارفين كل واحد عاوز اية حتي قبل ميقول و لله الحمد.......
و بعدها بشهر تم الزواج......و لله الحمد......

و الحمد لله انا مبسوطه معاه و احنا بنعامل بعض بما يرضي الله......و بحبه جدااااااااا جداااااااااااااااااااااا.:888345::888345:.......و عندي كمان منه عسول صغير ربنا يخليهولنا......و الله يديم علينا السعاده الحمد لله...........

هقولك حاجه حبيبتي طلما انتي بتتبعي شرع الله و بتتقي الله .....ربنا اكيد هيكون راضي عنك و يديكي الزوج اليتقي الله فيكي.....

انا بالنسبه لية مواضيع الحب و غيرة حاجه بصراحه مش بحبها اولا البنت تعد تحب في شخص و هو يحبها طبعا و يجبلها في حاجات و هي طبعا تخدها عادي مع انه مش من حقها لانه و لا زوج و لا حتي خطيب و الله اعلم هيخطبها و لا لا.......و بعد كده حتي لو خطبها بيبقي في مشاكل كتير الا من رحمه ربك.......
يعني بحس الجواز او الخطوبه الناتجه عن حب حاجه ربنا مش راضي عنها و اكيد مش هيكون فيها بركه........

و جزاكي الله علي الموضوع الحلو ده....و ربنا يرزقك بالزوج الصالح اليتقي الله فيكي و يحافظ عليكي....امين
أ
أنا اتجوزت بالطريقة الصح

لأني مش مقتنعة إن الولد يمشي يتعرف على بنات ويجرب كل واحدة شوية لحد ما يستقر على اللي من وجهة نظره تريحه ويقرر إنه يمن عليها ويتجوزها، والبنت اللي ترضى ده لنفسها تبقى غلطة في حق نفسها غلطة لا تغتفر لأنها فرطت في حق الله، فبعد كده متتوقعش إن ربنا يبارك لها في الجوازة ويسعدها مع جوزها لأن ما بني على باطل فهو باطل

طولت؟؟ معلش بس دول كلمتين كنت ناوية أفتح بيهم موضوع مستقل لكن الصراحة صحتي اليومين دول مش مسعداني أوي

نيجي بقى لأنا اتخطبت ازاي

أنا بابا الله يرحمه كان رافض مبدأ الارتباط طول ما أنا لسة بدرس، فما خلصت ابتدى يتقدم لي ناس عن طريق صديقاتي اللي اتجوزوا أو اخوات صديقاتي وكده يعني، وكان ليا واحدة صاحبتي مكتوب كتابها وقالت لجوزها علي يشوف لي عريس من اصحابه، وفعلا فضلت حوالي سنة بيتقدم لي عرسان من اصحاب زوج صاحبتي دي بس مكنش فيه نصيب، لحد يوم فرحها رحت وحضرت الفرح وفي الفرح شافتني حماتي الحالية ربنا يحفظها ويكرمها يا رب

وابنها (زوجي حالياً) يبقى صاحب زوج صاحبتي من أيام الطفولة وجاره في نفس الوقت، بس سبحان الله زوج صاحبتي كان متخيل إننا مش هننسجم مع بعض فعمره ما فكر يقول له عليا
فلما حماتي راحت لصاحبتي في البيت بعد شهر العسل علشان تبارك لها سألتها عني وأخدوا نمرة بابا الله يرحمه وجم زارونا في البيت

بفضل الله العيلتين كانوا شبه بعض في المستوى الاجتماعي والتعليمي وده مهم وبيسهل التفاهم بين الناس، بابا الله يرحمه وحمايا الاتنين أساتذة في الجامعة وكده يعني، فحصل توافق من البداية بين العيلتين، ده غير إن العيلتين ملتزمين دينياً وإن كانت عيلة زوجي ما شاء الله عليهم ملتزمين أكتر ربنا يكرمهم ويزيدهم

بالنسبة لي أنا بقى لما جيت آخد القرار فكرت في كذا حاجة، هل فيه موانع للارتباط؟؟ لأ زوجي شكله مقبول بفضل الله وعيلته شبه عيلتي، طيب النقطة بقى المهمة الإلتزام زوجي بفضل الله أخلاقه جميلة جداً ما شاء الله عليه ربنا يحفظه ويزيده ويرضى عنه، وده كان الفيصل (إذا جاءكم من ترضون دينه وخلقه فزوجوه) فوافقت على الخطوبة

طول فترة الخطوبة أنا وزوجي كنا بنتعامل في حدود ما يسمح بيه الشرع والحمد لله، ومفيش كلام كده ولا كده نهائي، لحد ما ربنا أذن بإننا نكتب كتابنا بعد سبع شهور لأن بابا الله يرحمه مكنش مشجع للمبدأ أوي بس لما لقى إن زوجي راجل محترم وملتزم وافق في الآخر، وعلى فكرة طول فترة الخطوبة أنا بلبس النقاب لما بيبقى عندنا لأني منتقبة، هو شاف وشي مرتين أو تلاتة قبل الخطوبة وبعد كده خلاص

طيب دلوقتي بحبه ولا لأ؟؟

أعتقد إن كلامي وضح إحساسي سواء ناحيته أو ناحية أهله ربنا ما يحرمني من حد فيهم :)
g
dandona we bas;7333152:
بصي يا ستي انا كانت خطوبتي عن طريق اهلي يعني جواز صالونات كنت رايحة احضر حفلة تفوق اختى و هيا في مدرسة ماما فشافتني واحدة صاحبة ماماتي و قالت لجوزها و جوزها قال لصاحبه اللي هوا جوزي حاليا ( مكتوب كتابنا ) المهم و حصل قبول الحمد لله و ادينا دلوقتي اتكتب كتابنا و بنجهز للجواز بس انا الحمد لله بحبه رغم الماشكل الكتير اللي بتحصل بس لما بفكر ني ممكن اعبد عنه مش بقدر اتخيل بحس ان هوا نصي التاني فعلا و عقبال كل البنات يارب و على فكرة يا غادة الموضوع ده جديد و حلو تسلم ايديكي يا قمر


ربنا يسعدك يارب

C
انشالله اذا انخطببت بقوولكم شلوون انخطببت لووووووووووووول
m
انشالله اذا انخطببت بقوولكم شلوون انخطببت لووووووووووووول
h
اولا انا مخطوبه عن قصه حب تلات اسابيع ههههههههه فى الاول بقى هو اصلا قريب انتيمتى وواخد عليهم جدا وبيروح يزورهم فى البيت
فايام ثانويهعامه كان ماما مش بترضى تخلينى اروح عند صحبتى دى عشان لها اخ ولد كبير وكده فهو كان بيجى ياخد صحبتى من عندنا فى البيت بعد الدرووس يستناها تحت وهيا تنزله
ومرة كان الجو تلج والدنيا بتشتى ف خالى بما انه راجل البيت طبعا قاله اطلع استنى لسه مخبلصوش فشافنى وحبنى من يومها الكلام ده من خمس سنين ومشفتوش الا من سنه واحده فى الجامعه لانى كنت جامعه امريكيه الاول فلما حولت المنصورة مع صحبتى حولنا سوا برضه هههههههههه لازقين لبعض
شافنى فى الكليه وكده وكان يجى يكلم اقله انت بتكلمنى ليه انت مين اصلا وادخل فيه شمال مكنتش بطيقه والله وفضل بالمنظر ده سبع شهور
وبعدها خلا ماما صحبتى تتكلم معايا وتعرف ان كنت زى البنوتات بحب ولا حاجه وطبعا مكنش فيه حاجه فقالتلى ده تامر عايز يتقدملك ويخطبك فقلتلها حضرتك قولى لماما وهيا وماما صحااب واكتر من اخوات فقالت لها وماما سافرت بعدها عمرة على طول
فا الفترة دى كنت بروح ملجا ايتام ودار رعايه ذوى الاحتياجات الخاصه كتطوع لله وهو جه معايا انا وصحبتى حبيت طريقه تعامله مع الاطفال وصبره عليهم وكمان لفت نظرى باخلاقه وحبيته فى صمت لحد ما قبل ميجولنا البيت بتلات اسابيع قالى انه بيحبنى وكده واختكم بقى وشها احمر وسبته ومشيت وبس بعدها اتقدملى وفى اسبوع كنا قرينا فتحه ومستنيه ماما تقوم بالسلامه عشان احتمال كبير اعمل فرح على شهر 3
وبجد بحبه جدا جدا وبحترمه واهله هما اهلى ومامته ربنا يخليهالى وعمرى مبفكر ابعد عنه
د
غدغوده موضوعك هايل

امه الله ربنا يكرمك ويقومك بالسلامه ان شاء الله

اما عن نفسى فانا الحمد لله بشجع كلام امه الله جدا جدا جدا والحمد لله ده مبدأى فى حياتى


وهحكيلكم ان شاء اله على خطوبتى بس لما ييجىالنصيب باذن الله
د
heba 017;7333818:
اولا انا مخطوبه عن قصه حب تلات اسابيع ههههههههه فى الاول بقى هو اصلا قريب انتيمتى وواخد عليهم جدا وبيروح يزورهم فى البيت
فايام ثانويهعامه كان ماما مش بترضى تخلينى اروح عند صحبتى دى عشان لها اخ ولد كبير وكده فهو كان بيجى ياخد صحبتى من عندنا فى البيت بعد الدرووس يستناها تحت وهيا تنزله
ومرة كان الجو تلج والدنيا بتشتى ف خالى بما انه راجل البيت طبعا قاله اطلع استنى لسه مخبلصوش فشافنى وحبنى من يومها الكلام ده من خمس سنين ومشفتوش الا من سنه واحده فى الجامعه لانى كنت جامعه امريكيه الاول فلما حولت المنصورة مع صحبتى حولنا سوا برضه هههههههههه لازقين لبعض
شافنى فى الكليه وكده وكان يجى يكلم اقله انت بتكلمنى ليه انت مين اصلا وادخل فيه شمال مكنتش بطيقه والله وفضل بالمنظر ده سبع شهور
وبعدها خلا ماما صحبتى تتكلم معايا وتعرف ان كنت زى البنوتات بحب ولا حاجه وطبعا مكنش فيه حاجه فقالتلى ده تامر عايز يتقدملك ويخطبك فقلتلها حضرتك قولى لماما وهيا وماما صحااب واكتر من اخوات فقالت لها وماما سافرت بعدها عمرة على طول
فا الفترة دى كنت بروح ملجا ايتام ودار رعايه ذوى الاحتياجات الخاصه كتطوع لله وهو جه معايا انا وصحبتى حبيت طريقه تعامله مع الاطفال وصبره عليهم وكمان لفت نظرى باخلاقه وحبيته فى صمت لحد ما قبل ميجولنا البيت بتلات اسابيع قالى انه بيحبنى وكده واختكم بقى وشها احمر وسبته ومشيت وبس بعدها اتقدملى وفى اسبوع كنا قرينا فتحه ومستنيه ماما تقوم بالسلامه عشان احتمال كبير اعمل فرح على شهر 3
وبجد بحبه جدا جدا وبحترمه واهله هما اهلى ومامته ربنا يخليهالى وعمرى مبفكر ابعد عنه




قصتك جميله يا هبه ربنا يبارك لكم ان شاء اله ويتمم لكم على خير ربنا باركلكم عشان معملتوش حاجه غلط وربنا يطمنك على مامتك ان شاء الله
ز
الله يسعدكم يا عرااايس
g
ميرسى لكل اللى ردوا بجد ربنا يسعد البنات كلهاااااااااااااااااااااااااااااااااااااااااااااا وعايزة ردود تانى



d
موضوع لذيذ ياغدغودة ومرح زى صاحبته اكيد


أنا بقى ياستى خطيبى يبقى جارنا وكنا بنلعب سوا من صغرنا كل واحد ادام بيته هههههههههه
يعنى من 12 سنة كده بس أكيد من وقتها وانا حاسه بحاجه ناحيته بس متكلمتش لاننا كنا أطفال طبعاً
وطبعاً ده عشان مراهقتى بدأت بدرى شوية

ولما كبرنا كان كتير عنده ظروف صعبة ومشاكل و آسى من وفاة والدته بس الحمد لله
أول ما الظروف انتهت طلبنى من بابا وسافر قطر يجهز نفسه

وانا مازلت فى انتظاره

معلش بحكى بسرعة لأن ورايا حاجات كتير بس حبيت أشارك معاكم

متابعاكم اكيد
سلام
g
dony???;7334277:
موضوع لذيذ ياغدغودة ومرح زى صاحبته اكيد


أنا بقى ياستى خطيبى يبقى جارنا وكنا بنلعب سوا من صغرنا كل واحد ادام بيته هههههههههه
يعنى من 12 سنة كده بس أكيد من وقتها وانا حاسه بحاجه ناحيته بس متكلمتش لاننا كنا أطفال طبعاً
وطبعاً ده عشان مراهقتى بدأت بدرى شوية

ولما كبرنا كان كتير عنده ظروف صعبة ومشاكل و آسى من وفاة والدته بس الحمد لله
أول ما الظروف انتهت طلبنى من بابا وسافر قطر يجهز نفسه

وانا مازلت فى انتظاره

معلش بحكى بسرعة لأن ورايا حاجات كتير بس حبيت أشارك معاكم

متابعاكم اكيد
سلام


ربنا يسعدكم يا حبيبتى ويجمع بينكم يارب

s
ازيك يا غادة وحشتينى يا قمر
ش
موضوع ظريف
انا الحمد لله ربنا من وانعم عليا بالزواج بالطريقه الصح على راى امة الله
انا برضو مش مقتنعه بالصحوبيه بين الولد والبنت لان ربنا قال في كتابه الكريم " ولا متخذات اخدان"
اما بقا بالنسبة للطريقه اللى اتخطبت بيها انا بابا ربنا يكرمه كان جاب عريس لصاحبتى العزيزة جدا وفي نفس الوقت هيا تبقى جارتنا وكان السبب في جوازها ف باباها الله يكرمه كان كل ما يشوفنى كان يقلي انتى عريسك عندى وطبعا كان وشي بيضرب الوان والكلام ده لانى اصلا باتكسف جدا من اى عمو كبير وكمان الحمد لله ربنا انعم علينا بالتدين والالتزام بشرع الله عز وجل
وسبحان الله فعلا هوا اللي كان السبب بان زوجى اتقدملى وبطريقه غريبه شويه
لانه كان صديق حمايا الله يكرمه من ايام ما كانوا طلبه في الجامعه وسافرو مع بعض السعوديه وبعدين كل واحد منهم راح لحاله لانه كان في بلد غير التانى بس من وقت للتانى بيسالو على بعض وهما اصلا دكاترة
وفي مرة واحد من قرايب زوجى او حمايا كان تعبان وكان في المنستشفى اللي فيها عمو جارنا فاتقابلو وبيسالو عن احوال بعض فقاله انا ليا ابن مدوخنى عايز عروسه كذا كذا والحمد لله كان شرطة الاساسي الالتزام
بس هوا كان ساعتها بيشتغل في السعوديه وكان قدامه حوالى 5 شهور على ماينزل مصر
فجمايا بعتله وقالو لقيتلك العروسه اللي انت عايزها وقالو على مواصفاتى وزوجى ساعتها انبسط وكان هيرجع على نص رمضان فربنا كرمه ورزقه بعمل عمرة في رمضان فقعد يدعى ربنا انه يرزقه الزوجه الصالحه
وجه على العشر الاواخر كان بالضبط ليله 21 كان جاي البيت انا طبعا استغربت واتخضيت ازاى في عريس يتقدم في العشر الاواخر من رمضان بس هوا كان مشكلته في الوقت لانه كان مسافر بعد العيد السعوديه ومكنش عارف هيرجع امتى وسبحان الله مكملناش سنة الا وربنا تم علينا الزواج
وكنا الحمد لله بنتقي ربنا ونبعد عن اى شيء يغضب ربنا لاننا كنا مقتنعين بمقوله حلوة اوى كان الاستاذ عمرو خالد قالها على قدر العفه قبل الزواج تاتى السعادة بعد الزواج
وكنا في فترة الخطوبه عمرنا ما اتكلمنا في التليفون وكنا مراعيين ان الخطوبه ما هى الا وعد بالزواج لدرجه ان كان كل واحد منا يقول للتانى حضرتك
والحمد لله ربنا اكرمنا ورزقنا ب عمر اللي بندعى ربنا انه يجعله قرة عين لنا ويجعله ذريه صالحه وينصر به الامه ويرزقنا باخوات ليه صبيان وبنات
صحيح لا تخلو الحياة من المشاكل والصعوبات والقسوة ولكن الحمد لله فضل الله علينا عظيم
•
لسه ماانخطبت بس فكرت قلت بطريه التقليديه وخلاص افضل من المشاكل والسمعات وكده

تحياتي
د
الحمدلله
والشكر له
لاني حققت حلمي
وتزوجت عن قصة حب عنيفه وغريبه شوي
بس خلاص انختمت على خير زواجنا قريب وانا متأكدهلاخر لحظه بحياتي
ان اختياري هو الصح
ولاني فسخت خطوبات سابقه كثير بحثا عن الحب الصادق القوي
ولقيته والحمدلله
والله يتممه بالخير والبركه لان الله عالم بيتي ونيته الطيبه
تحياتي
أ
انا حسن خطبني بعد قصة حب لاكتر من 9 سنين..هو كان بيحبني وانا كنت حاسة وبعدين هو قريبي من بعيد شوية و كمان جيران... البيت قصاد البيت..ولما خلص دراسة و الجيش واشتغل كنت انا كمان بشتغل في نفس المكان..وخطبني من حوالي 8 شهور والفرح في شهر 7 ان شاء الله..على فكرة هو اجمل حاجه حصلتلي...ربنا يوفق كل البنات
d
عارفين يا بنات ان فعلا الجواز اللي بيجي بالطريقة الصح بيكون ليه طعم تاني سبحان الله و ربنا بييسر الحال و الامور بتمشي حتى لو كان في مشاكل

ربنا يتمم لكل البنات على خير و يرزقهم جميعا بالذرية الصالحة

انا بردو جوزي حبيبي احلى حاجة حصلتلي في الدنيا و بعتبر يوم ما شفنا فيه بعض هوا يوم ما تولدت و الله يا بنات بجد ده احساسي
X