تجهيزات عرايس مصر الجزء 99

DodyCat;7363014:
حبيبتى أنت ممكن تجيبى سيراميك الحمام روز والوزرة مثلا نبيتى هيبقى تحفه

هاي انا شايفه ان اللون البيج اشيك حاجه مع اللون النبيتي هاتي سيراميك الارض والحيطه بيج زي لون الرخام كده والوزره نبيتي * بيج يبقى الجو العام هادي ميدي وسع للحمام وخلي البانيو+ الحوض+التواليت نبيتي هتبقي عملتي تناسق في الالوان واديتي وسع للحمام:up:

السلام عليكم

البنوتة اللى بتسأل تكلفة الستاير
صعب حد يقولك كام. الستاير بتختلف حسب شوية حاجات:
1- عدد الشبابيك ومساحاتهم
2- الموديل اللى انتى مختاراه (درابيه - مودرن - ..)
3- نوع القماش وجودته وسعره
4- أسعار الاكسسوارات (بلتكانات - مواسير - فرنشات - شرابات - ...)
5- مصنعية اللى هيعملك الستاير

مصنعية الراجل لو هيحاسبك على متر القماش عندك من أول 5 جنيه للمتر تقريبا لحد 10 وأكتر من كده يبقى غالى.
السعر لو هيجاسبك على متر الحيطة أظن هيبقى فى حدود الـ40 جنيه

الشباك مثلا هياخد الطبقة الخفيفة حوالى ضعف العرض. يعنى لو الشباك بتاعك عرضه متر ونص يبقى هياخد 3 متر قماش تقريبا. بس ده ممكن يزيد لأنك مش هتعملى على قد الشباك بالظبط لأ انتى بتزودى حتة يمين وحتة شمال وممكن تعمليه بعرض الحيطة. حسب المكان عندك وحسب الموديل .
على فكرة ممكن تختارى موديل حلو جدا ومساحته تبقى مناسبة جدا لعرض الشباك بتاعك بس يلاقى مثلا عمود جنب الشباك يضايقه فيضطر يغير حتة فى الموديل وده طبعا هيفرق فى كم القماش وبالتالى التكلفة.

مش بس كده. القماش اللى انتى بتجيبيه فى قماش عرضه بيبقى متر ونص وفى قماش عرضه بيبقى كبير فده كله بيفرق برضه.

عارفة انى مقدرتش اقولك التكلفة بس دى حاجات بتخلى صعب انك تعرفى التكلفة.

بنات اسكندريه هو فرع بي تك الي عندنا مكانه فين وايه اضمن مكان اشتري منه اجهزه يكون فيه فريتيز كتير غير كارفور؟؟

فى اول شارع صلاح سالم بالظبط فى وش مركز الابداع اللى فى شارع فؤاد

يابنات لوسمحتوا حد يقؤلى اجيب الستاير ايه لون شقتى سيمونى فاتح

ايه يابنات محدش عايز يساعدنى ليه
ربنا يخليكم قولولى اجيب الستاير لونها ايه لون الشقه سيمونى فاتح
ضرورى لانى هروح قريب اشتريها
بليز حد يساعدنى وبارك الله فيكم

توته ميدى;7366719:
يابنات لوسمحتوا حد يقؤلى اجيب الستاير ايه لون شقتى سيمونى فاتح

وعفشك لونه ايه؟
حاولى توفقى لون يليق على عفشك والحيطان.

توته ميدى;7366719:
يابنات لوسمحتوا حد يقؤلى اجيب الستاير ايه لون شقتى سيمونى فاتح

لون الستاير بيتحدد على اساس لون قماش الاثاث بتاعك مش لون الحيطه لكن اكيد ان القماش بتاع اثاثك متناسق مع لون الحيطه انتي فرشه الوان ايه؟!!

توته ميدى;7366912:
ايه يابنات محدش عايز يساعدنى ليه
ربنا يخليكم قولولى اجيب الستاير لونها ايه لون الشقه سيمونى فاتح
ضرورى لانى هروح قريب اشتريها
بليز حد يساعدنى وبارك الله فيكم

جيبيها نبيتى

وبيج فاتح

وبنيات درجتها





شوفوا فكره الخداديات دى








I

توته ميدى;7366719:
يابنات لوسمحتوا حد يقؤلى اجيب الستاير ايه لون شقتى سيمونى فاتح

شوفى دول

السلام عليكم ورحمة الله وبركاته

بنات حد بعرف الكوفرته اللي عامله زي اللحفة الفايبر بس أخف شوية بكام ؟؟؟
انا شوفت واحده ما شاء الله شكلها حلوة أوي
هيا 3 قطع ب 250 جنيه
كده سعرها حلو ولا غالية ؟؟؟

kitty_kity;7364411:

انتي جربتي فاست اند ايزي ف المنطقة اياها؟؟؟؟
وكانت ايه ظروفها؟؟

بنات بالنسبة للجل والحواااااار ده كله..الفكرة كلها ان الجل مادة قوامها سميك شوية فيكون مسهل للحركة والاحتكاك
وبالنسبة لافرازات قبل الجواز دي مالهاش علاقه بالافرازات الي بتكون وقت العلاقة لان قبل الجواز الافرازات دي كميتها ونوعها ولونها وقوامها حتى مرتبط بالدورة والهرمونات
يعني قبل التبويض ليها صفات وبعد مايحصل ليها صفات ولو ليها ريحة تبقى كذا ولو مالهاش تبقى ايه وحوارات كدا
انما الي وقت العلاقه او وقت الاثارة بصفه عامه بتفرزه غدد تانيه موجوده ف المنطقة دي عشان يسهل الاحتكاك ويقلل الالم ويرطب المنطقة دي لان الجلد فيها رقيق جدا وحسااااااااس اوي
فدي حاجه ودي حاجه
وبالنسبة للجل..هاتيه مش هيخسر..احتجتيه كان بها ماحتجتيهوش مش مشكله يعني :)
وربنا يوفقكم كلكم ياااااااااااااارب

طب سؤال طبى...هو الجل دة مش ممكن يقتل الحيوانات المنوية و بالتالى ميحصلش حمل ولا مالوش تأثير سلبى؟

شهيدة;7365164:
يا بنات الغسول زى سيتال او اى حاجه تانيه بيستخدم بكتيرة مرتين في الاسبوع
كتر استخدام الغسول بتقتل البكتيريا فلورا اللي موجوده في المهبل ودا بيخلي المهبل ناشف وكمان يساعد على حدوث التهابات
كمان اوعو تستخدمو الدش المهبلي لانه لو في التهاب بيساعد على انتشاره جوا الرحم وده خطر جدا
كمان الافرازات العاديه اللي بتخرج من المهبل بتتغير باستمرار مع كل مرحله يعنى وقت التبويض شكلها وكثافتها غير وقت ما قبل الدورة لان الافرازات دى مرتبطة بالهرمونات وليها وظيفه في كل وقت
الافرازات وقت العلاقه مختلفه تماما عن الافرازات المهبليه لانها بتخرج من غده اسمها بارثولين علشان ترطب

هو الفرق بين الغسول والدش المهبلى ان الغسول مجرد شطف كدة و الدش المهبلى بنقعد فى طبق؟ ولو كدة طب اول يوم عشان موضوع الجرح يعنى المفروض نعمل انهى واحد فيهم ؟

OLSOLA;7363479:
صوت العيون متشكرة ليكى

انا عاوزة اعرف اشتراك ايفون بكام ؟

مع العلم انى هاشترك مخصوص عشان اجيب حاجتى اللى محتاجها فى جهازى عشان تبقى ارخص لأنى اعرف انها للأعضاء بسعر اقل من البروموشن صح ؟
ولا ايه رأيكوا اجيب من محلات المكياج اللى هيا اصلا بتجيب المنتجات دى ؟
انا اصلى الموضوع هايفرق معايا فى كل جنيه لامؤاخذة

العضويه فرى
بس تعملى طلبيه
وطلبيه افون لازم تكون مش اقل من 100
يعنى مدفوع 75

مسلمة موحدة;7367103:
السلام عليكم ورحمة الله وبركاته

بنات حد بعرف الكوفرته اللي عامله زي اللحفة الفايبر بس أخف شوية بكام ؟؟؟
انا شوفت واحده ما شاء الله شكلها حلوة أوي
هيا 3 قطع ب 250 جنيه
كده سعرها حلو ولا غالية ؟؟؟

لا سعرها كده كويس يا قمر
انا شاريه بتاعتى ب300

[quote=مريم ءادم 123;7361413]ازيكم يا بنات؟
انا مكنتش بدخل الايام الى فاتت بس بجد وحشتونى قوى
بنات عايزه كتالوج جويا لو سمحتوا حد يبعتهولى على الخاص ضرورى يا قمرات
عايزه اتفرج عليه عشان انزل اشترى واقارن بينه وبين لاسو


عاوزه نفس الطلب بليز ياحلوين اللى عندها الكتالوج تبعتلى على الخاص ربنا يكرمها وتتجوز بسرعه

بنات اسكندريه هو فرع بي تك الي عندنا مكانه فين وايه اضمن مكان اشتري منه اجهزه يكون فيه فريتيز كتير غير كارفور؟؟

فى اول شارع صلاح سالم بالظبط فى وش مركز الابداع اللى فى شارع فؤاد

حبيبى قمر حياتى;7362985:
اقتباس:
المشاركة الأصلية بواسطة looloo86
إزيكو يا بنات
بنات اليكس يا ريت إلي تعرف محل كويس بيركب perfumes بس تكون بتثبت
و يا ريت لو عطار كويس أنا مش بروح إلا بتاع فتح الله و مش كل حاجة عندو ف يا ريت إلي تعرف عطار عند كل حاجة تقولي
اه يا بنات معلش هتعبكو يا ريت يكونو ناحية محطة الرمل مش ناحية ميامي هههه عشان يكون أقربلي



العطار عندك ماضى فى المنشية وكمان جنبه عار تانى اسمه الوسيلة هو محل صغير بس حاجته نضيفة

بالنسبة تركيب العطور انا برتاح اوى مع سفير بس ده بعدي عنك فى مول فتح الله بتاع المنتزة هو اخد توكيل المسيب بتاع السعودية وحاجة نضيفة جدا واسعاره حلوة يعنى اخدت منه تركيب جوتشى راش وكول ووتر الواحد ب 15 جنيه وزيت عطرى زى تفاح او فل او ياسمين زجاجة صغيرة 8 جنيه بس عجبنى اوى تركيبته تقيلة

هو سفير دة كويس طب مالوش فروع تانية غير المنتزة؟

(رقة مشاعر);7363002:
بنات انا ان شاء الله اتحدد كتب كتابى يوم الجمعة اللى جاية
وعشان مكونش مخالفة عاوزاكو تكتبولى احسن نوع خلاط عشان انزل اجيبه بسرعة ومدورش كتير

الف مبروك على كتب الكتاب و عقبال الفرح ان شاء الله

Batta_Fares;7358356:
على طريق العرس ... ربنا يخليكى يا سمسمه انك حطيتى اسمى مكنتش مصدقه لما شفته
الله يبارك فيكم يا بناااااااااات
بصم يا بنات انا حعمل الخطوبه فى البيت و بعد كده حسهر فى مكان... تقترحوا فين؟؟؟

Batta_Fares;7357725:
هااااااااااااااااااااى يا بنااااااااااات وحشتونى كتييييييييييييييييير
معلش اتأخرت عقبال ما غسلت المواعين و نظفت بعد ما الناس مشيت
اولا احب اشكر البناااات الجميله الى سألوا عليا...
ثانيا... عايزة ارد على البنوته الى بتسأل على السيروم و اقولها ان احسن نوع هو CHI و مكواه السيراميك الى انا حجيبها ان شاء الله هى CHI
ثالثا بقى.... عيزة اسألكم ازاى اقدر اعمل التوقيع بتاعى عداد عشان نفسى اعمله اوى... انا دخلت الموقع و عملت العداد خلاص بس مش عارفه ازاى اعمله توقيع... عشان نفسى يبقى عندى عداد بيعد لخطوبتى عشان خطوبتى يوم الجمعههههههههههههههههههههههههههههههههههههههه 14\11\2008
ايوة يا بناااااااااااااااااااااااااااااااات....... النهارده كان يوم رهيب جدا جدا :)
يا بركه دعائكم ليا بجد.... و الله انا حدعيلكم طول الوقت
متنسوش تردوا عليا فى موضوع التوقيع :)

الف الف مبروككككككككككككككككككككككككك يا احلى بطوطة فى الدنيا كلها و يا رب يتمملك على خير و تبقى احلى عروسة و انا معزومة فى الفرح عن قريب ان شاء الله و بالنسبة بقى يا سيتى للمكان الى ممكن تسرى فية بعد الخطوبة فى عندك سيزر و تونتى فور سيفن247
و runway انا شخصيا سهرت فى سيزر بعد حفلة الخطوبة :o

صوت العيون;7366999:
شوفى دول

بارك الله فيكى ياحبيبتى الستاير دى حلوه اوى وخاصه التانيه
بس انا عندى نظام الصاله غريب كل الاوض فاتحه عليها وكنت عايزه احط ستاره كبييره بس كده هيكون عرضها اكتر من اتنين متر تفتكروا هيبقى شكلها حلو ؟

pippo;7366921:
وعفشك لونه ايه؟
حاولى توفقى لون يليق على عفشك والحيطان.

العفش برضو لونه سيمونى بس هو الانتريه اللى لونه كده على اورنج غامغ وفيه نقش زى النبيتى كده:wink:

[quote=manafola;7362931]
ممكن ينفع اصفر وممكن بيج وممكن سيمون وممكن روز بس هى المشكله اللى اعرفه ان الاحسن ان البانيو يبقى لون قاعده التواليت والحوض والله اعلم وبعدين اطمنى البانيو بيتكسى من بره سيراميك فامش هيديق المكان اوى


والف مليون مبروك لبطه فارس ربنا يتمملك على خير ياقمر ويسعدك ويهنيكى ويعجل بالجواز ان شاء الله :con1:

تبقى الستاير نبيتى

ممكن الستائر تكون بيج علشان يفتح اللون لو نبيتى حيكتم معاكى وده راى وانتى ليكى حريت الاختيار