قصة ولادتي

السلام عليكم ورحمة الله وبركاته

كل عام وانتم بخير . اخباركمممممممممم وكيف الحمل معاكم .

بقولكم قصة ولادتي زي ماوعدتكم بس تحملوني ع الاطاله . في يوم 26 شعبان رحت لموعدي

عند الدكتوره وكنت داخله على العاشر . سوت لي اشاعه صوتيه عشان تطمن على موية الجنين

لانها كانت ناقصه عندي . بعد ماسوت الاشاعه رجعت لها في العياده قالت لي المويه عندك في اخر

زياره كانت 8 سم والحين صارت 6 سم وشرايك نولدك بكره اللي هو يوم الخميس او السبت

قلت لها لااااااا أبي يوم السبت لاني كنت خايفه قالت اجل على مسؤليتك ولازم توقعين . قلت لها

دام فيها توقيع اجل ابستشير زوجي وارجع لك . كان زوجي ينتظرني في الاستراحه ورحت علمته

هو عاد ماصدق قال يلا انتي وش تستنين خلاص الولاده فيك فيك خلاص توكلي على الله وخليهم

يولدونك بكره . رجعت لدكتورتي عطتني اوراق اوقع عليها وقالت لي بكره على الساعه 4 الفجر

تكونين في المستشفى . انا يوم طلعت منها قمت اصيح ودموعي اربع اربع من الخوف . دقت علي

امي تبي تطمن علي وماقدرت ارد عليها لاني مابي اعلمها موعد ولادتي عشان ماتقلق علي

وبنفس الوقت مابيها تسمع صوتي لاني كنت ابكي . وانا راجعه للبيت قالي زوجي يلا دقي على

امك ولاتعلمينها بس طمنيها وقولي كل شي زين . كلمت امي وقلت الحمدلله كل شي طبيعي

يوم وصلت للبيت بديت اضف اغراضي واجهز شنطتي حقت المستشفى وارتب بيتي . ورحت

اتروش واستعديت وطول الوقت وانا بس جالسه افكر في الولاده حتى ماذقت النوم . اذن الفجر

وصليت وجلست ادعي ربي ان الله يسهل علي ولادتي وشربت كوب قرفه مع انه ماكان فيني طلق

بعد ماصلينا ركبنا السياره واخذت عيالي معي للمستشفى لاني ماكنت ابي احد يعرف اني رايحه

اولد . المهم وانا طول الطريق بس جالسه ادعي واقرا قران . يوم وصلنا رحت قسم الطواريء .

كشفت علي السستر قاست لي الضغط والوزن وقالت يلا اطلعي فوق لغرفة الولاده عشان نعطيك

تحميله للطلق . طلعت معها وبدلت ملابسي ولبست ملابس الولاده وجتني الدكتوره وعطتني

التحميله الساعه 7 الصبح ومن دخلت عليهم واهم مستلميني با الابر والله تعبت منهم . وحطو

علي جهاز لتخطيط القلب حق البيبي شافو النبض مره ضعيف لان المويه كانت ناقصه عطوني

اكسجين وسبحان الله اذا حطيت الاكسجين يزيد نبضه واذا شالته مني يخف النبض . وبعد ساعه

جتني الدكتوره تشيك على عنق الرحم ودخلت يدها والله احس روحي بتطلع معها وكل شوي

تجيني وحده تسئلني تحسين بطلق اقولها لا مااحس بشي . على الساعه تسعه جتني وحده

من السسترات قالت يلا ابشوف رحمك المشكله توهم كاشفين علي وماامداني انسى الالم

قلت بليزززززززز بشويش علي:confused: دخلت يدها وانا اللي اصرخ واصك رجولي اقولها خلااااااص

وتطلع يدها وتقول لي كيف تبغيني اكشف معليش استحملي وترجع مره ثانيه تدخلها انا خلاص

احس اعصابي تلفت قامت لفت اصابعها يعني برمت يدها وهي داخل رحمي وانا اصيح من الالم

يوم طلعت يدها كلها دم تقولي رحمك من جيتي لعندنا ومع التحميله مابعد انفتح بس انا فتحته

لك .قلت لها ابي اروح للحمام يوم ودتني صار ينزل مني دم رجعت مره ثانيه للسرير قالت لي

الدكتوره لازم تمشين عشان يجيك طلق . صار يجيني طلق بس مررره بارد وانا امشي جاني

الدكتور وسئلني انتي كنتي تاخذين حبوب حديد قلت والله يادكتور مره متساهله فيها وماكنت

اخذها دايم . قال انتي عارفه ان معك فقر دم وبعد الولاده لازم نعطيك كيسين دم وقال لو ماانفتح

الرحم ترا احتمال نسويلك عمليه قيصريه انا يوم قالها ضااااااق صدري . المهم رجعت للغرفه ورجعو

يحطون علي التخطيط وحركة الجنين مره ضعيفه وكل شوي اغير وضعية نومي عشان يتحرك

بس برضو الحركه مازالت ضعيفه جابو لي فطور وقالو اشربي حليب يوم اكلت بدا يتحرك بس حركه

بسيطه بعدها جت الدكتوره وقالت يلا ابكشف عليك وقاست عنق الرحم والحمدلله انفتح 4 سم

ومن بعدها صار يجيني طلق كل عشر دقايق وزوجي رايح جاي علي مابعد ولدتي يحسب الولاده

تجي على طول على الساعه عشره فتحو لي كيس الجنين عشان المويه تنزل ويحمي الطلق

طبعآ طول هالفتره احس بآلام وانا بس استغفر وادعي . على الساعه 1 عطوني تحميله ثانيه

والمغص بدا يقوا عندي والحمدلله من بعد هالتحميله انفتح عندي 8 سم . عاد قامو يجهزون عدت

الولاده . والسستر تسوي لي مساج على ضهري وتهديني تقول خلاص مابقى شي وتولدين

وزوجي جا عندي شوي يقولي يلا هانت ان شاء الله وانا اصيييييح من قوة الالم قال لسستر اذا

ولدت بشروني هالخواف مايقدر يشوف الولاده :tongue: المهم ماجت الساعه 3 ونص العصر الا

وانا اطلع صوووووووووووووووت قوي ماقدرت اتحمل والسسترات يقولون يلا يلا مابقى الا شوي

ادفعي . دفعت اربع مرات الخامسه شرررررف الحلو والحمدلله كل هذيك الاوجاع والالام راااااحت

بس اول مره احس بالخياطه حسيتها تألمني وهالمره مدري ليه طولت واهي تخيط فيني مع

ان خياطتي بالولدين كانت مره ممتازه وماخذت وقت معهم وهالمره الله يستر احسها مو مضبوطه

الله يستر . معليش سامحوني طولت عليكم بس حبيت اقولكم قصتي بالتفصيل ويلا عقبالكم

ياكروشات .