دريم ويب;7332294:
اللي يجي من الله حياه الله بس الولادات اللي ورا بعض توسع الوحدة وترخي رحمها .. التباعد حلو يعني سنة او سنتين..
مافي أحد يسواك;7333657:
اني حملت على بنتي وعمرها 4 شهور
وتضايقت واجد على عكس زوجي كان فرحان واجد
ويقول لي من نروح البيت لازم تصلين صلاة الشكر
وتالي تغيرت نظرتي وصرت مستانسة بالحمال وقلت
الحمد لله رب العالمين غيري يتمنى ويدفع فلوس واني جايتني
النعمة وارفسها استغفر الله ربي
والكل حاط عليي ويقول ليي مداش حملتين وصوبة حملتين
في البداية كنت اسكت بس تالي قمت ارد عليهم واقول دام اني وزوجي
راضيين ومستانسين محد له خص وبعدين محد بيصرف عليه عشان يدخلون
والمشكلة الي يتكلمون كلهم حملوا على اولادهم وهم صغار
فكان ردي عليهم بعد حالي حالكم
والحين ماباقي عليي شيء واولد عطوني تاريخ الولادة16-10
بس مادري ويش فيني يراودني احساس غريب كله احس يا انه بيصيدني
شيء وقت الولادة او بيصيد البيبي
وافكر في بنتي واقعد اعطي زوجي وصايا
ادعوا ليي ان الله يسهل عليي ويردني بالسلامة لزوجي وبنتي
أرجوحة الزمان;7335030:
آنا بعد بحملي الثاني بس ما حملت بسرعة أجلتها لين تكون بنتي عمرها سنتين
وحلوووو أثنين مع بعض مع يحس البيبي الواحد بالوحدة والملل
والله يثبت لج حملج وحمل كل وحدة في المنتدى
تحياتي,,,,
تماظر;7412799:
انا نفسج وتضااايقت وااااااااااااااااااااااااايد ولو شاقولج ماراح اعبر عن شعوري لدرجه كنت مااحس باحاسيسي مع البيبي لكن لما ولدت خذت عقلي ودنيتي وفديت بناتي ال2 لكن تعب تعب تعب فوق ماتتصورررررررررررررررررررررررين ماعندج وقت كلش لنفسج طول يومج معاهم وغير نوم مخربط وهذا يقوم وهذا يصيح وماتقدرين تمسكين واحد وتخلين ثاني كلهم اعيالج
وغيرررررررررررررررررررررررررررررررة من كبير وااااايد
انا والدة من 5شهور وليومج نومي غير منتظم ولاحتى حياتي
وتعب وااااااااااااااااااااااااااااااااااااااااااايد
وكلن باجره ان شاءالله
نــورة;7412952:
اصدقين انا مثلج بالضبط في حملي الثاني كنت لما افكر في الولادة ابكي من الخوف وكنت متضايقة وايد وكنت مخططه مع الدكتوره اني ابي اخذ ابرة الظهر مع انها ما نصحتني فيها بس انا اصريت اني ابيها لكن وقت الولادة الله كتب اني ماخذها
المهم انا حملت على بنتي يوم كانت عمرها سنه وفرحت اني حامل لان كان خاطري في ولد والحمدلله ربي رزقتي بولد بس اكيد الوحام يخلي الوحده تلوع جبدها من الدنيا والولادة بالذات كانت كابووووس بالنسبه لي بس اسمع عن وحده توولد ارتجف واصيح من الخوف
عاددددي شعورج لاتحاتين
وتربيتهم ان شاء الله ربي بييسر لج وبتربينهم مع بعض بالعكس تره بيستانسون مع بعض
انا الحين اذا بنتي نايمه الضحى ولدي لازم يوقظها عشان يلعب معاها يتعودون على بعض وكل واحد يوانس الثاني
الله يسهل عليج هالرحله الطويله يارب وياجرج وينقلج لي تمامه يارب
هند يوسف;7413248:
السلام عليكم
انا حملت على بنتي وعمرها ثلاث شهور وماكنت مصدقه الدكتور يوم قالي حامل تميت اجذبه وأصارخ ,,, ورجعت البيت وانا صايبتني حاله نفسيه زفته وكنت اصيح ليل ونهار وحتى لو قمت من النوم ابكي ابكي أذكر تعبي يوم حامل ببنتي وقعدت أسبوع ما خبرت حد أني حامل لين قررت اني اخبرهم وقلت لزوجي واستانس وقالي غيرنا ينحرق قلبهم على العيال واحنا الله رازقنا ونقول لا والحمدالله على النعمه حملي بولدي الثاني كان خفيف ما حسيت بالحمل وولادته بعد والحمدالله والحين ماشاءالله تبارك الرحمن الي يشوف عيالي يتحراهم تؤام لانهم بعمر واحد سنتين وسنه الله يحفظهم ويحميهم من كل عين ويبارك فيهم امين يارب.
سمات;7413827:
طيب سؤال غبي ماله خص بالموضوع
يصير الوحدة تحمل واهي لسه ماجاتها الدورة بعد الولادة << والدة من 3شهور ونص ولي الحين ماجاتني الدورة وكل خايفة احمل
ياترى يصير ؟؟؟
جاوبوني بليز..<< وجه متفشل ومستحي ..
همس الليل;7414249:
مبروك اختي على الحمل
انا حملت على اولدي وعمره سنة واربع شهور في البداية تضيقت كثير وبكيت بس بعدين حمدت ربي وقلت وعسى ان تكرهوا شي وهو خيرا لكم وحريم واجد يتمنون يكون عندهم طفل واحنا نتضيق والحمد لله الله رزقني بنوته ونسيت كل التعب
الإيثار;7416195:
[glow="FFCCCC"]
هلا حبيبتي
انا بعد حابة أكتب تجربتي
انا حملت وبنتي عمرها 4 أشهر وهي الحين تقريبا عشرة شهور وحملي تقريبا 24 اسبوع
انا كثييير فرحت لما عرفت اني حامل ، ولكن الشيء الوحيد إللي يجي في بالي هو الوضع لاني كثيييير تعبت على بنتي كثييير
تقريبا 24 ساعة في المستشفى كنت والمشكله الثانية اني كنت ارجع كثييير لحد ما وصلت اني ارجع وما يطلع شي كنت احس اني امعائي بيتطلع خلاص
لانه القيء في هذا الوضع له ألام غريبة جدا وكانت نبضات قلبي ضعيفه كنت أرفع ايدي لفوق وأقول يا رحمن كانوا أخواتي يبكون كثيييير
لاني ما كنت أصرخ أبدا بس اسودت وجهي من الآلام وكنت أعرق بشكل غريب جدا ، حتى لما زارني زوجي بسرع طلع ما تحمل وطول الليل ما كان نايم ما قدر والحمدلله جات بنتي الحبيبة ونسيت كل شي
والمشكلة الثانية اني أعاني من نقص حاد في الفيتامينات والحديد والكالسيوم لانه وحامي على حملي الثاني فقدان الشهية تماما احاول اغصب نفسي ولكن أرجع ففي اليوم الواحد تقريبا أكل وجبة واحدة ونادرا وجبتين ، ونزلت تقريبا عشرة كيلوة من بداية الحمل حتى الآن سبحان الله والله يعيني ولكن أنا فرحانة بحملي كثييير
بس من يومين كنت أفكر كيف اتصرف مع بنتي لانها كثييير متعلقة فيني كثييير
شدي حيلك وأتمنى لك ولادة سهلة ان شاء الله وبتفرحي بأولادك ولا تخلي الشيطان يوسوس عليك أبدا ابعديه عن أفكارك وكل شي بيد رب العالمين وصديقني ربنا يحبنا ودائما وابدا يقدم إللي فيه خير لنا فتأكد انه هذا الجنين مليونين في المائة خير لك ولوالده
وفي أطفال يولودوا ويجيبوا الخير لأهليهم والحمدلله بنتي لما جات جابت خيرات الدنيا لأبوها هو كثييير توفق في شغله كثيير الحمدلله الأولاد نعمة وأرزاق ألف الحمدلله
بالتوفق عزيزتي واتمنى انك تقومي بالسلامة
[/glow]
MSS;7416785:
salam dear sorry my computer is writing english.allah yisahal aleech inshallah. i also got pregnant after my first delivery directly 6months i was very shocked but what to do allah wrote that for me.my situation was diffferent i delivered ciserian and i was having anemia so dr were very woried about me but alhamdulilah allah satar^_^ i have now two girls the younger is 2 years and now i'm pregnant 23 weeks pls pray for me to get baby boy and allah yiqawamni bissalame yaaaaaaaaaaaaraaaaaaaaab.