بأي عمر جبتي مولودك البكر؟؟

عمري كان 24سنة وجبت حبيبي حسوني 2005 والان اني حامل ومبقى شي واجيب

بالنسبة ليي جبت طفلي الاول 18 سنة والثاني19 والبنوتة 24 سنة والله يقدرني واربيهم احسن تربية

انا حملت بلولو الحلوووه وكان عمري 18 وولدت وعمري 19 والحين عمرها ست شهور واسبوعين...

حملت في لولو 20 سنه والحين 20 خخخ

ناويه اعقل شلون حملتي في لولو 20 والحين 20 ههههههههههههههههههههههه اكيد قصدج ولدتي 20

جبت بنتي البكر وانا عمري 17 وبعدين اخوها وعمري 20 وبعدين بنتي الصغيرة وعمري 21

آنه تزوجت وكان عمري 16 سنه.. غريبه صح ؟

وولدت الغالي عبدالله أول ما دخلت الـ 17 .. وكل الي بالمستشفى يقولون لي أصغر أم..

كأني من أمهات زمان.. الحمد لله

انا جبت ولدي وانا عمري 19 وانا الحين حامل فالثاني الله يثبته ان شاء الله وعمري 21

السلام على الجميع والله يحفظ لكم عيالكم وعيال المسلمين انا اول واعوذ من كلمه انا يبت الولد الاول البكر وكان عمري 18 بعد عمليه المنظار

انا جبت اول مولوده وعمري 18 كان عندي شوية خبره بس لأني ربيت أخوي الصغير

موضوع حلو
اول مولود لي كنت 26 سنة
بس انا ما حملت اول ما تزوجت ل3 سنوات ونص يعني كنت 23 ونص او قريب ال24

والحمد لله عندي 3 اولاد حلوين وان شاء الله احمل بعد ما يكبر ولدي الصغير واربي عيالي صح

وأنا بعد ربيت وأنا عمري 25 سنه والحمدالله مابعد التعب الا الراحه الوحده بعد ماتشوف ضناها تنسى كل التعب ...

ولدت بنتي البكر وعمري18
وبعدين جبت توأم وعمري20
والحين لهم سنه ونص وماراح احمل الا لما يروحو المدرسه
معانااااااااااه الله يعين

السلام عليكم.. يا امهات يا شابات.. حملت بنتي وعمري 24 الحين عمرها سنة و4 شهور بعد 3 سنوات من الزواج.. خايفة ومترددة من الحمل بالثاني وخصوصا لما اسمعهم يقولون ان لما تكبر المراة يصعب الحمل انا الحين صار عمري 25 وابي فرق بين بنتي والمولود الجديد 5 سنوات.. مادي بس سالفة الحمل كلها تعبني واتضايق .. يالله خلها على الله.. اسفة على الاطالة بس حابة افضفض.. تعبت من التفكير بهالسالفة ليل نهار

موضوع جميل جدا
اني جبت فطومه الله يحفظها وكان عمري21 والحين عمرها 3 سنوات
ما افكر اجيب اليها الا اذا كملت خمس سنوات

انا كان عمري 21 سنة
كنت احزن حتى رضاعة ماعرف ارضع وكل ما يبكي اروح اجري على المستشفى اخاف احسب انه فيه شئ
طبعا جلست بعد ماولدت شهر هند امي الله يخليها هي اللي شالته عني بس بعد ماروحت البيت طلعت عيوني ونسيت النوم

وانا اول ولد يبته كان عمري 22سنه ويبت الثاني وكان عمري 24سنه

انا يبت بنتي وعمر 25 والحينه من متى احاول احمل بس الله ما كتبلي نصيب :(

انا جبت ولدي وعمري كان 24 والحمد ما تعذبت ابدا في الحمل ... وحتى الولادة مع انها ما كانت سهلة بس الحمد لله .. بس التربية كانت مرة صعبة وما زالت صعبة .. والان ولدي عمره سنتين وخايفة الان احمل اجيب طفل ثاني .. وخصوصا وانا موظفة .. افكر احمل بعد ما ابني يكمل الثلاث سنوات ..

رزقني الله ببنتي وانا عمري26سنه بعد دوران في المستشفيات مده 4سنوات وبعد ماوقفت العلاج وايقنت من قلبي ان الله هوا الرازق الوهاب ماشاء الله اكرمني روان واول ماحملت التزمت الكتب في الحمل والولاده والتربيه ولاكن الكتب شي والواقع شي ثانى والي الان عمر بنتي 3سنوات ونفسي احمل وربنا كريم