عيدي مبارك فيك يا عيد الأيـام_رومانسية العيد على قدي انا وزوجي

السلامـ عليكمـ ورحمة الله ،،


:.مدخل.:




عيدي مبارك فيك يا عيد الأيـام
...وحلوه سنيني فيك يا عيد روحي

سعادتي في شوفتك حلم الأحلام
...وشعري واحاسيس المحبه وبوحي

إن قلت لي كل عام انا اقول الأعوام
...بدون شوفك هي سبايب جروحي

هنيت فيك العيد من فرحته قام
...وهليت فيه وجاك عطرِ يفوحي

انت المهم ومن ملا قلبي اهيام
...حبيت أهنيك يا هواي وطموحي

عيد السنه عيدين بحساب الأرقام
...وانت الهنا وأعياد عمري وروحي


،
،
.

:, مقدمة,:



عملت حفلة رومانسية على قد حالي انا وزوجي يوم العيد باليل
لانه كان مداوم وماجاني الا بعد الساعة عشر ونصف،

وحبيت انقل لكم تجربتي الي انعكست ايجابيا على نفسيتي خاصة اني حامل في اخر شهوري
وتعبانة كثير ومقهورة ان العيد زوجي مداوم وانا لوحدي بالبيت ،

ففكرت اني اعمل شي بسيط يعبر عن فرحتي واني اقهر الظروف وماتقهرني هي:tongue:

/


.!اولا شي نقلت طاولة الطعام الصغيرة من المطبخ الى المجلس وحطيتها في الزواية ،
ونقلت قبلها اللمبة الطويلة عشان تضفي اضاءه صفراء وجو رومانسي
وزينتها بمخدة على شكل قلب وانوار تولع وتطفي .
وحطيت عليها صحون ومناديل ورق حمراء وكاسات ومزازات وكرتون منديل مزين بالدانتيل ..
وكتتب رسالة لزوجي وحطيتها تحت المنديل..

[كما في الصورة]



.




.

وراح تطلع كذا بعد مانطفي النور





.!ثانيا رحت لغرفة النوم ، وغيرت مفرش السرير وحطيت عليه مفرش جديد موف ومزركش ، وحطيت اضاءة صفراء وقلب على اطار السرير،
وهدية زوجي على نص السرير ،

[كما في الصورة]




.





.!ثالثا طلبت قالب تورته من سعد الدين وطلبت منهم يكتبون عليه عبارة (عيدي مبارك فيك)

[كما في الصورة]



.! رابعا حاولت اطلب من مطعم مشاوي ومقبلات ورق عنب وكبة وحركات ، لكن للاسف لانه كان يوم العيد المطاعم كلها مسكرة ،، واستخرت الله وطلبت من كنتاكي ، :tongue:





،




.!خامسا قمت اتروشت وسويت لي تقشير على السريع واستخدمت بودي لوشن وبودي جيل بريحة التوت ، واستشورت شعري وحطيت مكياج ولبست هالفستان مع الاكسسوارات ،



،


وعلى فكرة يا اخوات، استخدمت شموع كثير على شكل قلوب صغيرة على طاولة الاكل ، وعلى الارضية حطيت شموع وولعتها لما جبت زوجي يدخل للمجلس ..ونجوم اليل حطيتها على الكيكة وقت العرض، بس نسيت اصورهم ..

وحطت فواحة ريحتها بالتوت وصار المكان مرة روعة ورمانسي ودافي ،، وعشت يوم عيدي زي الي ابيه حمدالله


[طرائف حصلت لي وقتها ]



- بدا فيني طلق قوي اول مرة يجيني على دخلة زوجي من الدوام وانا بكامل زينتي متكخشة ولابسة فستان العيد ،، واتالم واحاول امسك نفسي واسوي نفسي كووول رغما عني
ومن بكرة قمت امسك بطني واهاوش بنيتي اقولها ماتستحين تشوفيني مشغولة مع البابا وتقومين تسوين حركات نص كم.

- ماخليت مطعم مادقيت عليه كلهم مايرودون مسكرين يوم العيد..قمت ابكي من القهر حسيت ان الظروف تعاندني ، بعد شوي اضحك على نفسي ليش ابكي ، وحالتي حالة لين تكرم ورد عليا كنتاكي والا فيه احد يسوي عشاء رومانسي من كنتاكي خخخ
لا ومن زين الوجه تاخر المطعم مرة جت الساعة 1 وهو ماجا وانا جاني النوم وقمت اتثاوب واخترب مكياجي من دموع النوم .

- كنت محملة اغنية حق زوجي ابي اهديه اياها ، يوم جيت بشغلها قلت له تعرف اغنية رابح حقت العيد قال ايه اعرفها ، قلت طيب بشغلها لك قال اعرفها مايحتاج :o<--طاح وجهي وماشغلتها خخخ



[اقتراحات وافكار كانت في بالي لو ماكنت حامل]
- اشتري بدلة رقص وهزي وسطك ، اذا مارقصنا بالعيد متى نرقص؟
- نظفي الحمام ورتبيه وسويه جو رومانسي من شموع وورد وجهزي لزوجك روب جديد وبامكانك تعملي له مساج بعد الحمام.
-بامكانك ان تعملي بطاقات العيدية ، مثلا 3 بطاقات في كل بطاقة تكتبي شي انتي تبينه ، وتخلين زوجك يسحب بطاقة وتقولين له هذي عيديتي مثلا
البطاقة اكتب فيه ( تطلعني تمشيني ) البطاقة الثانية ( تبوسني عدد كذا من البوسات وتدلعني اليوم) بطاقة الثالثة (تشتري لي كذا ويكون شي في نفسك تشترينه)
- تجهزين ملابس العيد لزوجك وتكونين شارية له ثوب وشماغ او اي لبس يحب يلبسه ويكون جديد وتجبرينه انه يلبسه هذيك الليلة.
- ممكن انتي تطبخي العشاء وتسوي له حركات من ايدينك ، مثلا تشترين قالب الكيك على شكل قلب ، وتطبخي له مقبلات حلوة من ايديكي وترتبينها بمعرفتك مع اطباق الوانها فرايحية وتفتح النفس.


ملاحظة / الي منعني من هالافكار كوني تعبانة وواصلة حدي ابي اولد لا اقدر ارقص ولا فيني حيل اتميلح خخخ
/

:.مخرج.:



اتمنى يعجبكم موضوعي المتواضع،
وادعو لي انا وزوجي بالتوفيق ، وان ربي يسهل ولادتي ,,

ولكم تحياتي(f)(f)