فين بنات قطر

بنت الرفاع;7273466:
السلام عليكم خواتي

انا بحرينية مغتربة في قطر من 7 شهور تقريبا بحكم الزواج

والله العظيم ان الغربة صعبة و حاولت اني آتكيف مع حياتي الجديدة لكن والله مو قادره

بس لما دخلت هالقسم و شفت هالقسم تمنيت اني اتعرف على بحرينية مغتربة في قطر بعد لأن راح نكون فاهمين بعض وحاسين بنفس مشاعر الغربة على الرغم من ان المسافة بين قطر و البحرين قريبة لكن والله دام انج تركتي اهلج و ديرتج و شغلج و ربعج و حياتج بكبرها و يتيي في ديره ثانية ترى والله حياة غير غير غير صعب انج تتكيفين معاها

هلا حبوبه اعتبريني اختج وصديقج يالغاليه ولاتتضايقين انتي في قطر كلها 45دقيقه في الطياره بتوصلين البحرين منتي بعديه حبوبه وقطر وبحرين ودول الخليج كلهم تري نفس الشي مافي فرق واعتبرينا كلنا خواتج وانا تحت امرج بأي شي حبوبه أهم شي ماتتضايقين:)(f):15:

وآنه بعد اختي ماابيج تحسين ولا دقيقه انج بعيده عن هلج .. هني كلنا اهل وقطر والبحرين معروف ان اهلهم عيال عم .. مستحيل تلقين بيت في قطر ما عندهم أهل وجماعه في البحرين .. وانتظري بعد كلها 4 سنوات ويخلص الجسر من بين قطر والبحرين يعني ساعه ونص بالكثير انتي في البحرين .. يعني بتروحين تتغدين عندهم وترجعين :)

أي شي تبين آنه حاضره ,, وياربي تحملين على طول وتجيبين لج بيبي يملي عليج حياتج ووقتج وعقبها صدقيني ما بيصير عندج وقت تروحين البحرين حتى :)

والله يا خواتي انا مو عارفة شلون اشكركم بس انا كنت آشتغل في البحرين و عندي أنشطة اجتماعية و عندي برامج و مشاريع يعني طول اليوم كنت مشغولة و تركت كلشي و تغربت بس و الله ان احس ان حياتي مالها اي معنى و لا هدف مو قادرة آحصل شغل و دايما موجودة في البيت ما عندي صديقات و حياتي كلها ملل في ملل مو محصلة أحد اهتماماته مثل اهتماماتي اقدر آخذ و آعطي معاه

حياتي فارغة بكل معنى الكلمة و لا تقولون لي الحل اني آحمل انا ادري ان هذا حلم كل بنت بس انا مو من النوع اللي بس كل همي في البيت و الغسيل و التنظيف و تربية العيال و تلبية طلبات الزوج لا والله انا بالإضافة حق هالأشيا محتاجة اني آشغل نفسي بأي شي ثاني محتاجة ان تكون لي نشاطات اجتماعية و حياة اجتماعية و عندي صداقات مثل لما كنت عايشة في البحرين

الله يوفقج حبوبه وانا رفيجتج من اليوم ورايح

بصراحه نفسي اتعرف على قطريه او سعوديه من الجنوب

انـاا قطريه واتشرف اذا بتعرف عليج اختي ..

=)

الشرف لي حبيبتي وعلى فكره انا من المدينه المنوره

السلام عليكم ورحمة الله
انا مصرية مقيمه بقطر
نفسي اتعرف علي واحده قطرية
لانى معرفش اى حد هنا في البلد
انا مقيمه بالدوحه

ونفس اتعرف علي الشعب الكريم المحترم ده

هلا اختى شخبارج كل عام وانتي بخير
مرحبا فيج ببلدج الثاني قطر

هلا بج في بلادج الثاني قطر
وانا سعيدة انج مرتاحه هني
واذا احتجتي اي شي امري واحنا بنساعدج

ياهلا ويامرحبابج
نورتي قطر
والديرة ديرتج
وحاضرين للطيبين

في وايد مراكز اجتماعية نسائة هني

وفي كثير نشاطات

لو بغيتي اساعدج راسليني ع الخاص وباقولج لاني مادش هالقسم كثير

بس اكيد بتلاقين اشيا ثانية تشغلين نفسج فيها وبتتعرفين على صديقات كثار هناك

تسلموا علي كل الى رادو عليا
والله ده كان عشمى في اهل الكرم

وانا حابه اتعرف عليكم اكتر