@ عيون البحرين @;7322127:
السلام عليكم ورحمة الله وبركاته
مرحبا بجميع عرايسنا :wavetowel2:
المهم انا راح ادخل على طول في الموضوع ^_^
وبما اني هذا اول موضوع في هالمنتدى بس اتمنى اشوف منكم تفاعل
وبالذات من بنات ديرتي :21_209:
وانا فعلا استفدت واايد من هالمنتدى فلا تحرموني من الاستفاده اكثر
وموضوعي عن تحديد ميزانيه الاغراض يعني انا حطيت لي ميزانيه لشراء اي سلعه او منتج
موجود بالسوق فمثلا حددت لي سعر 25 دينار لشراء قطعه او سلعه وحده بحيث مهما يتعدى
اكثر من 25 دينار فما اشتريه هالشئ مو بخل مني لا لأن على حسب ميزانيتي وبعدين الحين
كل يوم نشوف زياده في الاسعار :bomb:
وبصراحه انا مو من النوع اللي اكثر من ذهابي للسوق وبما اني راح ادخل
في عش الزوجيه :21_207:
فراح يتطلب مني شراء الكثير من الاغراض مثل
عطورات ومكياج وكريمات للبشره وللجسم .... الخ
والمطلوب منكم مساعدتي في كتابه اسعار المنتجات والسلع
لأنني ما اعرف اسعارهم فمثلا عطر سعره هكذا او شدو سعره هكذا
بصراحه استحي اروح حق محل مكياج وأسال عن اسعارهم وبعدين يطلع فوق السعر
اللي انا محددته واطلع ويدي خاليه بدي اروح مع علمي لسعره من غير اي احراج
,,, اي شئ يخطر ببالكم لمستلزمات العروس
اتمنى انكم تحطون لي اسعارهم
هني في موضوعي مع صورة المنتج ما راح اقول لج صوريه فيوجد
في هالمنتدى توجد الكثير من الصور
ما اعتقد انج راح تبخلين علي بهالدقيقتين في وضع الصورة مع كتابه السعر
واخيرا اتمنى من كل قلبي ورجاء حارا في مساعدتي وعدم مبالاه لموضوعي

@ عيون البحرين @
هلا حبابه
حلو موضوعج وووووووو في بالي لسته اشيااا ههه واني لقفي فيهاا:tongue:
بنبدي بالملابس
العباياات ’’ حاليا اسعارهم من 30 فوق مافيه اقل يعني خلي لج 60 الى 70 دينار حق العبايه الي تكون وسط لا هي مشغول فيها وايد ولا اهي ساده وهاي طبعا يختلف من محل لي محل يعني في محلات تبالغ في الاسعار في محلات لا نورمل مثل المحل لي اتعامل وياه نسايم في الرفاع حده حلوة شغلهم ورخيص بالنسبه للباقي**
الشيلات
ادا انتي تطلعين بدلات احين موضه الشيلات القطن الحلوين
في مجمع اللؤلؤة تحصلينهم ب دينارين
في مونسون وزاارا ب7 دينار
في المنامه في محل موب ذاكره اسمه تحصلينهم بدينااااار:ss::ss:
ونفس لي في المحلات الباقي
البدلاات
اممممممممم ادا كنتي من النوع لي يلبس بدلات عاادي انا افضل بدلات برمود
التنانير عندهم حلوة بس مافي اقل من 19 يعني 19 لي حد 30 تنورة الوحده
الجينزات عني احب جينزات مانجو وطبعا بعد سعرها من 20 لي حد 27 يعني حالها من حال التنانير
التوباات في كل مكان تلقينهاا برمود زارا مانجو بيكوكس وسعرها يختلف من درينارين وشي حق الحفره الساده في زارا وطالع لي حد 19 دينار وفي بعضهم جاكيتات حلوين ب19 وفوق لي حد 30 دينار واكثر ادا كانو لبس شتوي بس ادا كنتي من النوع لي ع طول عبي
اخدي لج جينزات اخف لج للحركه تحت العبايه وبدي,,
الملابس الداخليه
المحلات وايد وبصراحه ماعرفهم :tongue: خخخخخ توي بنيه بنخطب
بس الملابس الداخليه عندج الحواج حق الصدااري وايد فن وحلوين ويرتبون الصدر تقريبا الوحده ب 13 دينار
لاني اخر مره خديت لي 3 ب 37 دينار
اندروير
عندج بيت التنزيلات حلوووين ومريحين حدهمم عن تجربه اخر مره خديت من شهر كانو 5 حبات ب 1,900
بيكوكس عندهم تشكيله كبيره وسعرهم لي 3 ثلاثه دينار وفي انواع ,, ولج الحريه في الاختيار
وحلوة اسعارهم
بالنسبة لشورتات تحت الملابس ادا كانت تنورة في بعض البنات لازم شورت مايقدروون
انا افضل الشورتات القطن تحصلينهم في BYC حلووين وخفيفين ومريحين احبهم خخخخ من ايام المدرسه
ووووو بعد باخد لي رست بفر مخي بذكر شو اخر مره لفيت بالسوق :cool:
وان شاء الله يعجبج ردي