هل اللي اسويه صح والا غلط؟؟؟

عذاري... 01-10-2008 40 رد 2,518 مشاهدة
ع
احترت

يمكن دخلت هني حتى افضفض بالدرجة الاولى

ما ادري يا بنات

لو كتبت موضوعي راح تكون قصة حياتي

بس حبيت آخذ راي احد في اللي قاعد يصير معاي

انا شقتي يم بيت امي يعني احنا جيران لهم

لكن صار لي 4 شهور ما رحت لهم

ليش؟؟ يمكن تستغربون

اي 4 اشهر ما رحت

السبب اني سمعت كلام جارح من امي

دائما تحسسني ان ما لي قيمة عندها

ودائما تحسسني اني مو مثل بقية عيالها

وآخر مرة صارت مشكلة بيني وبين اخوي وقفت بصف اخوي

قبلها صارت مشكلة بيني وبين اختي وقفت بصف اختي

احسها توقف معاهم كراهية فيني

توقف بنص الصالة وتصرخ علي كاني ياهل

يمكن تشكون اني ملسونة او اسلوبي مو حلو وياها

لا والله العظيم

ابوي وخوالي يشهدون اني الوحيدة الهادئة والعاقلة بين اخواني وخواتي

المهم من لما صار هالموقف مع امي زعلت وطلعت

بعدها دقت علي 3 مرات

اول مرة تخبرني ان لي ورقة من البنك اللي حسابي فيه لازم اروح آخذها

ثاني مرة قالت انها راح تسافر

وثالث مرة قبل يومين كانت تعتب علي انها سافرت ورجعت وانا حتى ما رفعت سماعة التلفون وسالت عليها

قلت لها: انت ما تبيني

حسيتها انصدمت

بس واصلت وقالت: هذا الحين مو موضوعنا جيبي لي بنتج حتى اشوفها قلبي متفتت عليها

ورحت من يومين وديت بنتي

بس يعلم الله اني كنت قاعدة على اعصابي اعدها بالدقيقة والثانية حتى امشي

هذا موضوعي مع امي

اما مع زوجة ابوي اللي كنا مع بعض وايد زينين

فهي الثانية صار بيني وبينها اختلاف

كنت رايحة لها مع شغالتي

وهي تقول ان شغالتي كسرت شي من اغراض بيتهم

ظلت زوجة ابوي تصارخ وانا احاول اهدي فيها

لكنها طردت شغالتي

حسيت بالاهانة شلون تطرد الشغالة وهي معاي

حسيتها طردتني انا

طلعت حبيت ادق عليها تلفون كانت تسد التلفون بوجهي

وديت لها نفس الغرض اللي تقول ان الشغالة كسرته رمته في الزبالة

فسكت عنها

بعد كم يوم صارت تدز لي مسجات اعتذار وانا ما ارد عليها

دقت علي اليوم وحبت تعتذر بس كانت مصرة ان اللي سوته مو غلط فتهاوشت معاها وسديت التلفون

والله تعبت يا بنات

احس المشاكل مع اهلي تحيطني من كل صوب

زوجي يقول اني مو غلط

صديقاتي يقولون اني مو غلط

ابوي دق علي في المرتين وقال لي : معلش خلي قلبج الكبير ولا تزعلين

طيب اذا كنت مو غلط ليش يصير هالشي؟؟

هل انا اكبر المواضيع والا المواضيع هي نفسها كبيرة

شوروا علي
ا
لا ياحبيبت قلبى ولا تشيلى هم كده
انتى الظاهر انك حساسه شويتين كده ياقمر
معلش بس لازم تحطى فى دماغك حاجه
ان مامتك عمرها ماهتكرهك ابدا كمان هى ليها حق تزعل منك انك ماروحتيش ليها كده ميصحش برضه مهما حصل دى مامتك
يمكن انتى الكبيره ودايما الكبار يكونوا مظلومين كده خصوصا لو بنات معلش
*
بصراحه انصدمت مازرتي امك اربع شهور ولا حن قلبك ولا اهتميت مهما سوت فيك ومهما قالت اهي امك وانت
ام ياعمري واكيد تحسين بشعورها تخيلي بنتك تغيب عنك كل هالفتره وشو شعورك والله يهديك
وامك هي اولى بالاهتمام من مرة ابوك ماقول خاصميها بالعكس صالحيها واعتذري منها وخلي قلبك الكبير وصيري احسن منها
والمشاكل اللي بينك وبين امك تحمليها واصبري انا ياما ذقت من امي لدرجه اني لما زرتهم في البيت 4 شهور طردتني وقالت كلام الناس يذبحني معاد احب اروح لاحد ولا اقابل احد لان الكل يسالها ليش انا عندهم تخيلي مع اني كنت مريضه
ومع ذلك انا افديها بروحي لو اقدر
ياقلبي تحملي ولا تقطعين فيامك يقطعون فيك عيالك ومالك الا الاجر ان شاء الله
ا
حبيبتي لاتكدرين خاطرك ولا شي وترى الدنيا ماتستاهل وبالنسبة لامك لاتقاطعينها هذي امك مهما صار وزوجة ابوك حاولي تكونين انت الاحسن ومشي علشان ابوك واحتسبي الاجر .
موفقة حبيبتي
ن
ام شجاع حبيبتي والله انتي الغلطاااانه مع امك اربع شهور ما تزوريها يعني شهر رمضان كله ما زرتيها ؟؟؟
قال الله تعالى: وَاتَّقُواْ اللّهَ الَّذِي تَسَاءلُونَ بِهِ وَالأَرْحَامَ إِنَّ اللّهَ كَانَ عَلَيْكُمْ رَقِيباً هي اية كريمة عن صلة الرحم فكيف امك الامور الي زكرتيها برأيي كلها عادية والله وتصير معي كتير ياما امي احس بيني وبين نفسي تفضل اختي عني بس مجررررررد احساس وانتي الظاهر حساسة مثلي يعني هههههههههه
بعدين زوجة ابوكي تطرد شغالتك وتحسي انها طردتك لا حبيبتي الله يعز مقدارك ما لهالدرجة هي زوجة ابوكي يعني هيك يمكم تكون قليلة زوق ما فيكي تغيريها انتي بس الاهم الاهمممممممممممم والدتك لا تقطعيها حبيبتي والله حرام عليكي نحن بايام فضيلة روحيلها وستسمحي منها وكسبي رضاها
واسفه عالاطاله
c
والله ذكرتيني بعمري يووم امي تزعلني والله الدنيا ما تسوى بس في امهاات من كثر ماا هم متعلقين بعياالهم يعصبوون علييهم مثل امي مثلااا
مهما صار ومهما استوى هذي امج والدلييل انها تحبج دقت عليييج مع اني لو بداالهاا ماا رااح ادق انتي البنت تخيلي عمرج مكاانها بنتج تقطعج اربع شهوور
توكلي على الله وخلي قلبج كبير مثل ما قاال ابووج اليوم نحن فوق التراب مع بعض باجر تحتها
بعديين نقوول ياا لييت ....

ابدي صغحة يديدة مع امج
خلج ريلاااكس ويااها مهما قاالت اكظمي غيظج واسكتي اذكري ربج واجره وكل شي باجره باذن الله
واما بالنسبة لحرمة ابوج ردي عاادي ولااا كانه صاار شي واذاا قاالت شي اسمعي من اذن وطلعي من اذن الثانية بس لااا تسكتيين عنها اذا مسختهاا يعني مب تظاربين كلميها بس باسلووب

والله يوفقج ويشيل همج وظيقج
s
مهما كان حبيبتي ماتقاطعي امك لو قالت لك مهما كان لاتقاطعيها 4 اشهر تخيلي الله لا قال ولا قدر انها ماتت وانتي ماشفتيها مو كنتي راح تقهري وتندمي وصدقيني مافي ام ماتحب اولادها
اما زوجه ابوك حاولي انك تكونين الافضل دائما وتحملي امكن في شي معصبها
وربنا يفرجها عليك يااااارب ويريح قلبك
*
السلام علكيم ورحمة الله وبركاته

بالنسبه لموضوعج مع امج

كوني على يقين

مااااافي ام بهالدنيا تكره عيالها

انتي لازم تغيرين تفكيرج شوي

وامج مالج غنى عنها

المفروض انتي اللي تركضين تراضينها مب هي تتصل وتعتذر !!

يالله من بكره روحي تسامحي منها وحبيها على راسها

اما زوجة ابوج
هي تصرفها غلط

بس الانسان في لحظة غضب مايعرف شيقول ولا شنو يسوي

ومن البدايه كنتي لازم تهدينها وتقولين لها السموحه على هالشي وانتي بتتصرفين مع الخادمه والمفروض انتي اللي تهاوشين الخادمه مب تخلينها تموت من القهر وتنفجر عليكم

حسيتها طردتني انا


شدعووه

ليش كل هالحساسيه

هي طردت الخادمه

انا مااقلل من قيمة الخادمه بس انتي شي وهي شي

ولما اعتذرت معناته انها عرفت غلطها
والمفروض تسامحينها لكن تفهمينها ان اللي سوته غلط لكن مب بطريقة الهواش والصراخ لان هالشي عمره ماراح يحل المشاكل


شوفي عزيزتي عشان تعيشين مرتاحه لاتزعلين من حد
وامج ومرت ابوج كلميهم وخلي علاقتج طيبه معاهم عشان يرتاح قلبج

لان تفكيرج بهالمشاكل بيتعبج وايد
N
الاخوات كفوا ووفوا مهما كان هذا امك ومهما عملت لازم تبريها واحنا بايام فضيله
ع
ام شجاع;7314023:
احترت

يمكن دخلت هني حتى افضفض بالدرجة الاولى

ما ادري يا بنات

لو كتبت موضوعي راح تكون قصة حياتي

بس حبيت آخذ راي احد في اللي قاعد يصير معاي

انا شقتي يم بيت امي يعني احنا جيران لهم

لكن صار لي 4 شهور ما رحت لهم

ليش؟؟ يمكن تستغربون

اي 4 اشهر ما رحت

السبب اني سمعت كلام جارح من امي

دائما تحسسني ان ما لي قيمة عندها

ودائما تحسسني اني مو مثل بقية عيالها

وآخر مرة صارت مشكلة بيني وبين اخوي وقفت بصف اخوي

قبلها صارت مشكلة بيني وبين اختي وقفت بصف اختي

احسها توقف معاهم كراهية فيني

توقف بنص الصالة وتصرخ علي كاني ياهل

يمكن تشكون اني ملسونة او اسلوبي مو حلو وياها

لا والله العظيم

ابوي وخوالي يشهدون اني الوحيدة الهادئة والعاقلة بين اخواني وخواتي

المهم من لما صار هالموقف مع امي زعلت وطلعت

[GLOW="66CCFF"]
المفروض تبيني انك زعلانه بكلامك معاها بس مو تقاطعيها مرررررررررررررررره:ss:[/GLOW]

بعدها دقت علي 3 مرات

اول مرة تخبرني ان لي ورقة من البنك اللي حسابي فيه لازم اروح آخذها

ثاني مرة قالت انها راح تسافر

وثالث مرة قبل يومين كانت تعتب علي انها سافرت ورجعت وانا حتى ما رفعت سماعة التلفون وسالت عليها

قلت لها: انت ما تبيني

حسيتها انصدمت

بس واصلت وقالت: هذا الحين مو موضوعنا جيبي لي بنتج حتى اشوفها قلبي متفتت عليها

ورحت من يومين وديت بنتي

بس يعلم الله اني كنت قاعدة على اعصابي اعدها بالدقيقة والثانية حتى امشي

هذا موضوعي مع امي[GLOW="66CCFF"]

والله كثر الله خيرها نها دقت ولو ماتحبك ماكان اتصلت وكيف وكمان تبغى بنتك يعني تكرهك وتحب بنتك بصراحه امك لو صرخت في وجهك تقوليلها الله يسامحك وتسلمي على راسها وتطلعي وترسلي لها مسج او اي شي لازم توصلي امك اذا ربي وجب صلة الرحم فكيف امممممك [/GLOW]

اما مع زوجة ابوي اللي كنا مع بعض وايد زينين

فهي الثانية صار بيني وبينها اختلاف

كنت رايحة لها مع شغالتي

وهي تقول ان شغالتي كسرت شي من اغراض بيتهم

ظلت زوجة ابوي تصارخ وانا احاول اهدي فيها

لكنها طردت شغالتي

حسيت بالاهانة شلون تطرد الشغالة وهي معاي

حسيتها طردتني انا

طلعت حبيت ادق عليها تلفون كانت تسد التلفون بوجهي

وديت لها نفس الغرض اللي تقول ان الشغالة كسرته رمته في الزبالة

فسكت عنها

بعد كم يوم صارت تدز لي مسجات اعتذار وانا ما ارد عليها

دقت علي اليوم وحبت تعتذر بس كانت مصرة ان اللي سوته مو غلط فتهاوشت معاها وسديت التلفون
[GLOW="66CCFF"]
يختي هيا في مقام امك ونادرا مانلاقي مرت ابو طيبه ولما صرخت على الدادا كان سألتي الدادا هيا كسرت الشي ولا لأ ومو لدي الدرجه تكوني حساسه وتكبري الموضوع كيف كان احساسك لما كنتي تتصلي وهيا تقفل مو كنتي تزعلي كيف تقفلي دحين في وجهها وهيا اكبر منك [/GLOW]
والله تعبت يا بنات

احس المشاكل مع اهلي تحيطني من كل صوب

زوجي يقول اني مو غلط

صديقاتي يقولون اني مو غلط

ابوي دق علي في المرتين وقال لي : معلش خلي قلبج الكبير ولا تزعلين

طيب اذا كنت مو غلط ليش يصير هالشي؟؟

هل انا اكبر المواضيع والا المواضيع هي نفسها كبيرة

شوروا علي



[GLOW="66CCFF"]من الاخر لاتكبري المواضيع كبري راسك ولو حتجلسي على كل شي تزعلي انتي الي حتخسري وتملي

الله يعينك يااارب

عيون الفهد[/GLOW]
&
حبوبه مهما يصير مب من حقج تقاطعين امج ..

وبدين جزاخا الله خير امج دت عليج ..

انسي وخلي قلبج كبير يا عمري
S
السلام عليكم
عيدكم مبارك
تقبل الله طاعتكم


اختي العزيزه ام شجاع
هذي امج
والام اهي كل شي بالدنيا
هي جنتج ونارج

شلون 4 شهور ماتكلمين امج ولا تروحين لها الله مايرضى

اختي الغاليه
لاتخلين الكلام يأثر فيج حتى لو طردك من البيت او اساءة اليك ميخالف بوسيها على راسها هذي امج تعرفين شنو يعني امج الرسول صلى الله عليه وسلم وصانا على الوالدين واخص الام

انتي الصغيره وانتي بنتها تحمليها وادعي لها بالرحمه والمغفره وان الله يهديها

لاتقولين ماتحبج ابد مافي ام بالدنيا ماتحب عيالها
عيالها قطعه من قلبها شلون ماتحبهم ...؟؟؟

والحين احنا بالعيد لبسي وكشخي ولبسي بنتج وتبخري وتطيبي وروحي بوسي الوالده والوالد على راسهم
وعيدي عليهم واخذي معاج حلو وانتي داخله وهديه حلوه عيديه لهم بخور ، عطور ، .... الخ

والله يؤلف مابين القلوب وابد ابد لاتقاطعيين امج يالغاليه
ولا ابوج
ولا اهلج
صدقيني راح تربحين في الدنيا والاخره


وعساكم من عواده
وتقبل الله منا ومنكم صالح الاعمال


دمتم سالمين
اختكم شريفة
ا
والله يا أختي البنات كفوا ووفوا

وما خلولي شئ أقوله

بس بقولك شئ أخير أمك ثم أمك ثم أمك
ع
والله عورتوا قلبي على ردودكم يا بنات

شكرا وكثر الله خيركم
ب



الله يفرج همك يا أختي ويصلح حالك مع أمك بس انت لا تقطعي علاقتك بها

وحاولي تتقربي منها ببنتك وزريها مرة مرة

حاولي تسمعي لها ولو عندها مشكل ساعديها

والله يصلح حالكم ادعي الله في الثلث الاخير

ربي يفرج همك ويحنن قلب أمك عليك

والله يسعدك يا غالية



a
لا يا أختي اللي سويتيه أكبر غلط، هذه أمج كيف تقاطعينها لو اهانتج لو ضربتج لو غلطت عليج واجب عليج اتبوسين راسها وتحترمينها، يمكن مع هدوئج ورزانتج تكسبين ودها، وماشي أم ما تحب ضناها، انتي تحملي وأجرج عند رب العالمين بس انج تقطعينها هذا ما يصير أبد
ش
حبيبتي عيشي حياتك والله لو دققتي بكل كبيرة وصغيرة مار اح تلقي غير عوار الرأس ولا زعلتي على كل شئ ومن كل الناس بكرة ما تلقي احد ابدا ونصيحه مني لاتزعلين من امك عشان بنتك لا تسوي فيك مثل منتي مسويه فيها واقعدي جسله صراحه مع امك فضفضي لها والرسول قال امك ثم امك ثم امك اما زوجه ابوك ماعليك منها الزمن راح يحل المشكله واتمنتى اني فديتج
م
أقول لك أختي أم شجاع ملخص المشكلة اللي بينك و بين أمك و بين حماتك...

إنك حاطة راسك براسهم !

تعامليهم كإنهم صديقاتك...مش كإنه لهم واجب عندك...حتى لو غلطانين...

الله سبحانه و تعالى يوصينا بالأم حتى لو مش مسلمة...بس ما نطيعها لو طلبت شيء يغضب الله تعالى...

توصل إنه والدتك تقول لك جيبي نجـد...قلبي متفتّت عليها ؟!

خليها تظل تصارخ عليكي من اليوم و بكره...برضه بتظل أمك...

نقطة ثانيه راح أقول لك إياها : نجــد بنتك راح تعمل فيكي نفس الشيء...و تقاطعك بالشهووووور...ما تنسي كما تدين تدان...عاملي والدتك زي ما تحبي بنتك تعاملك...حتى لو صارختي عليها و ضربتيها كمان...


نقطة ثالثة أهم....رضا الله من رضا الوالدين...يعني ربنا ما راح يوفقك في حياتك و لا يسهّلها عليكي لو أحد من والدينك زعلان منك...خليكي متذكرة هذه النقطة...

روحي لوالدتك...و لحماتك لأنها ما غلطت معك...هذه حرمه كبيرة أم زوجك...و إستغلي فترة العيد و إبدأي معاهم صفحة جديدة و إنسي كل اللي مضى...

و كل عام و إنتي بخير
س
مهما كاان هذي امج .. اكو قلتي بنفسج يعني تدق عليج ما تخليج

هدي بااالج ولا تتحسسين واايد مواقف تصير جذي بس يبي لج صبر شوي

ولا تفكرين وااايد وتضايقين نفسج اهم شي سعاادتج انتي وزوجج وبنتج ,,
ث
الصراحه حبيبتي هذه امكي بس الضاهر المشاكل بينكي وبين امكي احتمال لسبب تجاهلتي يمكن بسبب علاقتج مع زوجة ابوج هذا سبب اعتقد
بس لاتنسين هذه امج يلغاليه مهما عملت لو طكتج انا امي تصارخ علينه وترزل فينا بس الحمدلله بعد دقيقتين تلاقينا نضحك ولا كأنه شي صاير وتذكري مايجوز انج تخاصمين اهلج امام زوجج لانه يقلج اهلج مب زينين وانتي هيكون مالج سند يوم تحتاجين شي يوم تزعلين الله لا يجيب الزعل
اما زوجة ابوج انتي كلميها مشان الله ثم لخاطر ابوكي بسس
اما امكط احذري من مقاطعتها واسفه على الاطاله
X