تجمع جديد لحوامل الشهرين السابع والثامن .. حياكن اخواتي

ترنيمة شاعر;8181332:

سلام شخباركم بناااات

اني اصلا من الحين اذا بغيت اقوم من الكرسي يألمني اسفل ظهري اقول الله يعين في الثامن والتاسع الثقل اكثر

عقب اشوي بطلع من الدوام بروح موعدي في المركز للالتراساوند

دعواااااتكم

آلام الظهر تذبح وهالأيام في تزايد , صادني شد أسفل البطن على جهة اليمين مو قادره أتحرك وشوي وأصيح
وقمت أتمشى شوي في البيت ,, ولد اخوي يسألني عميمه بتولدين :rolleyes:
ما أدري في شنو يفكرون الجهال ,, شكله تملل وهو يشوف دبتي ناطه قدام
يبي يشوف البيبي بسرعه

في أي مركز صحي تتابعين ؟؟

متاب;8183176:

سلام عليكم

شخباركم حوامل

باركوا لي دخلت الشهر السابع اليوم

ألف مبروووووك حبيبتـــي , والله يتمم لج هالفتره وتمر على خير

جمال الزهرة كيفك حبيبتي ان شاء الله تمام

كنت عايزة أسألك عن بنت عمك دلوعة جاسم هي كانت حامل بالحقن المجهري صح..؟

كيف كانت ولادتها طبيعية ولا قيصرية..؟؟ أنا كمان حملت بالحقن المجهري ودكتورتي بتقول لازم تولدين قيصرية علشان نحمي الجنين من مخاطر الولادة الطبيعية

احكيلي عن تجربة بنت عمك جزاك ربي كل خير

عروسة مغربية;8185907:
جمال الزهرة كيفك حبيبتي ان شاء الله تمام

كنت عايزة أسألك عن بنت عمك دلوعة جاسم هي كانت حامل بالحقن المجهري صح..؟

كيف كانت ولادتها طبيعية ولا قيصرية..؟؟ أنا كمان حملت بالحقن المجهري ودكتورتي بتقول لازم تولدين قيصرية علشان نحمي الجنين من مخاطر الولادة الطبيعية

احكيلي عن تجربة بنت عمك جزاك ربي كل خير

هلا حبيبتــــي ,, هي حملت أطفال أنابيب
ولما دخلت الشهر التاسع قالوا لها إحتمال عملية , ولأن هي كان عندها الضغط
بس في النهاية الحمد لله ولدت طبيعي

الله يسهل عليج وعلى الجميع وإن شــاء الله ما تحتاجين عملية

endless hope;8183239:
رد ايرث،، خلي الدكتورة تاخذ عينه من الافرازات قد تكون فطريات لانها تستوي عالحمل عالجيها قبل الولاده وبالنسبه للنبض هذا بوشاق او الحازوقه تصيب الجنين اذا شرب زياده من السائل الاميوني وهالشئ طبيعي ما منه خوف

هند،، جربي التفاح او الخيار مفيدات للحرقان

شمس حياته،، انتوا وياي لا تخافون حبيبتي بس بقولج ترا في حملي الاولي كنت اتحرا هالافرازات طبيعيه وبعدين قبل لا اولد باسبوع حللت وطلعت فطريات واتبهدلت في النفاس لاني مب قادره اعالجها فاحوط تحللون قبل الولاده لانه ممكن يتاذى البيبي من الالتهاب وقت الولاده

المميزة،، الله يعينج ليش ما تطلعين اجازة اهم شئ الراحه الجسديه والنفسيه لوول احس هالشئ مستحيل دام نحن حوامل

اندلس تسلمينلي الغالية الحمدلله كل موعد يسوولي فحوصات و الحمدلله طلعت طبيعية بس اكيد الافضل انه نسال الدكاترة..ان شاءالله مافيها الا العافية لانه صدق اذا فطريات بتكون تعب ..
مبروووك للحوامل اللي دشوا السابع و عقبال التاسع ان شاءالله الفترة بتعدي على خير ..

الحمدلله افتكيت من ضيق التنفس و الحرقة شوي لانه بطني نزل عن قبل ..الله يسهل على الجميع ..

هلا بنات شو اخباركم علومكم انا باقي لي اسبوع وبدش الثامن كنت غابيه عن منتداكم الغالي لاني كنت مرقده في مستشفى بسبب سكر حمل بس الحمدالله كل شي اوكي الحين لاني بديت ابر انسولين

بعيدةالمنال;8187077:
هلا بنات شو اخباركم علومكم انا باقي لي اسبوع وبدش الثامن كنت غابيه عن منتداكم الغالي لاني كنت مرقده في مستشفى بسبب سكر حمل بس الحمدالله كل شي اوكي الحين لاني بديت ابر انسولين

ما تشوفين شر حبيبتي ..
الحمد لله على سلامتج وان شاء الله ازمه وتعدي
وربي يتمم لج ولنا على خير

أحلى شوق;8172890:
هلا ام جود شخبارك

تصدقين اني باقي لي كم يوم وادخل التاسع

وتوني رايحة قبل اسبوع شارية وللحين ما خلصت بعد

وخوفي لا أولد وانا للحين ما كملت شغلي كله

هلا اختي

انا بخير ولله الحمد


ان شاء الله ماتولدين إلا مخلصه تجهيزتج كلها وانا وياج

بس من وين اخذتي

انا مااعرف بالبحرين غير مذركير بالسيف


في بعد اماكن ثانيه حلوه عندكم ؟؟

افيديني ابغى ان شاء الله بيبيي يكون مميز

صباح الخير كروشات
شخباركم !! وشخبار الثقل والتعب

جايني أكتئاب شديد وتعب نفسي بشكل مو طبيعي من دخلت 7

من صابها مثلي وشو الحل للأكتئاب؟؟

بعيدةالمنال;8187077:
هلا بنات شو اخباركم علومكم انا باقي لي اسبوع وبدش الثامن كنت غابيه عن منتداكم الغالي لاني كنت مرقده في مستشفى بسبب سكر حمل بس الحمدالله كل شي اوكي الحين لاني بديت ابر انسولين

أم جود القمر;8194006:
هلا اختي

انا بخير ولله الحمد


ان شاء الله ماتولدين إلا مخلصه تجهيزتج كلها وانا وياج

بس من وين اخذتي

انا مااعرف بالبحرين غير مذركير بالسيف


في بعد اماكن ثانيه حلوه عندكم ؟؟

افيديني ابغى ان شاء الله بيبيي يكون مميز

ان شاء الله أم جود ربي يسمع منك

انا معظم الي شريته من مذركير اللي بالسيتي سنتر

وخذت بعد كم قطعة من h&m والمفرش والمهاد من محل بالمحرق اسمه سديم

بس في كذا مكان حلوين بعد مثل bhs عندهم شغلات حلوة للصغار بس عموما انا افضل مذركير يمكن لأنه خاص للصغار والحوامل وجودة شغلاتهم ما عليها اي كلام

واذا حبيتي تاخذين لفة على كل المحلات الكبيرة بتلاقين عندهم معظمهم قسم لحديثي الولادة

بس بما اني ثقلت وحركتي محدودة فما قدرت آخذ لفة عليهم كلهم

والله يسهل ان شاء الله ويالله شدي الهمة وخلصي تجهيزاتك مبكر لا تصيرين مثلي :)

أم جود القمر;8194050:
صباح الخير كروشات
شخباركم !! وشخبار الثقل والتعب

جايني أكتئاب شديد وتعب نفسي بشكل مو طبيعي من دخلت 7

من صابها مثلي وشو الحل للأكتئاب؟؟

هلا صباح النور

الحمد لله الأخبار زينة والثقل والتعب حدث ولاحرج :)

حبيبتي تعوذي من الشيطان ولا تفكرين بالجاي واجد

ترا رب العالمين ما ينسى عباده واذكري الله دايم وتوكلي عليه

انتي يمكن الحين تفكرين شبتسوين ويا البيبي الجديد وعندك جود الله يخليها

الغالية جداتنا كانوا يجيبون عيالهم على الاربعين يعني ما يمديها تنسى التعب الا وحملت بالثاني والحمد لله ربوا عيالهم وعاشوا حياتهم وهم راضيين وقانعين وبخير ونعمة

بعدين حبيبتي اذا حسيتي خلقك ضايق حاولي قد ما تقدرين ما تكونين لحالك

يعني اقعدي ويا الأهل اطلعي غيري جو لأن جو البيت مرات يخنق والواحد اذا قعد بروحه افكاره توديه وتجيبه وما عليك الا العافية

جمال الزهره;8185791:
آلام الظهر تذبح وهالأيام في تزايد , صادني شد أسفل البطن على جهة اليمين مو قادره أتحرك وشوي وأصيح
وقمت أتمشى شوي في البيت ,, ولد اخوي يسألني عميمه بتولدين :rolleyes:
ما أدري في شنو يفكرون الجهال ,, شكله تملل وهو يشوف دبتي ناطه قدام
يبي يشوف البيبي بسرعه

في أي مركز صحي تتابعين ؟؟

ريتال2008;8194122:

السلام عليكم حمولات شخباركم

اني غبت عنكم بسبب النفلونزا الله يبعد عنكم البلاء

بس صدقتون ليش هالشهر مايمشي بسررررررررررعة :mad:

ام جود خيتو تعودي من الشيطان ووقت تحسين بالأكتئاب توضأي وأقرأي القرآن صدقيني نفسيتش بتتغير وااااااايد

:wink:

ما تشوفين شر ريتال والله هالانفلونزا ملعوزة العود والصغير وربك يعين

بعيدةالمنال;8187077:
هلا بنات شو اخباركم علومكم انا باقي لي اسبوع وبدش الثامن كنت غابيه عن منتداكم الغالي لاني كنت مرقده في مستشفى بسبب سكر حمل بس الحمدالله كل شي اوكي الحين لاني بديت ابر انسولين

الحمد لله على سلامتك اختي وما تشوفين شر ان شاء الله

صباح الخير على الكروشات

كروشات تصدقون آنه ليحين ماجهزت للولاده ماشريت ولاشي كله في بالي إنه تو الناس اللهم من كم يوم طلعت مشاية بنتي ونظفتها عشان أشوفها تصلح ولا أشتري غيرها ماوعيت وإلا بنتي قاعده فيها وتلف على البيت بكبره :eek: قلت عزة الله هالمشايه بتنكسر لي آخر الشهر هههههههههه

متحمسه أشتري ثياب الياهل أبي أشتري كلشي كنت مخليه لي برنامج إنه من الشهر إلي طاف أبتدي فيه كل شهر أشتري شي بس لي حد ألحين ماشريت ولاشي :(

إن شاء الله من هالشهر ببتدي في الثياب بس حابه أتأكد إشلون بيكون الجو على شهر ثلاثه؟؟؟؟ ناس تقول إخذي ثياب يقيله للياهل وناس تقول إخذي خفيف مو عارفه شاسوي

كروشات انا بودعكن خلاص بروح للتاسع ... اليوم اول يوم لي في التاسع ... والله احس اني وايد متحمسة

بس كل حد يقول لي اطول شهور الحمل الشهر التاسع .... لانه كله ترقب الحدث وانتظار وعلى اعصابي

وكل حد يسأل ( بعدج ماربيتي ؟؟؟ ) ..... يارب يتمم علينا على خير ... يالله يابنات شدو الهمة والحيل وربي يوفق الجميع ... وتخلصون السابع والثامن على خير .... ونتلاقى في تجمع التاسع ...

الى اللقاء ... ادعولي اولد في الاسبوع 38 ... يارب ياكريم