دامج عرستي أو خططتي لعرسج ليش تبخلين بمشاركتج بس 3 دقايق من وقتج

مرحباااااااا مليووون بالعرااايس المشاركاات
هذاي المشاركه الاولي بنسبه لي واتمنى ما تكون الاخيره
واحب اشاارك بمسااه يمكن حد غيري ينتفع فيهااا (من العرايس طبعاا)
واتمنى من كل وحده مقبله على العرس لا تهتم بامووور دنيويه مثل هاشي وتهتم كيف بترضي ربهاا وطيع زوجهاا ولكم خالص معزتي واتمنى لكم حياااة سعيده ....
اول شي العرس كان في خيمه طبعاا انا افضل انه العرس يكون في خيمه اكثر من فندق وغيره بس كان الترتيب فيهاا وايد منظم وحلووو ومرتب ..اللحين بتقوولون هاذي عرووس شدرااه شو يستوي في الخيمه بس انا فهمت هالشي من كلام الناااس ......؟؟؟
اللي سوتلي المكياج وحده من بوظبي جويـــل..
وكنت لابسه الله يسلمك عقد الماس انا من النوع اللي لا احب الذهب ولا الاكسسوار ...وكنت شاله في يديه كرستاله مع ارووارق كرستااال وشوي مزنه بالورد على بسيط ...والكوووشه عباااره عن ورده جوري لها مثل الفرووع متفرعه اورااقه وممر طويل ومايل ياي على شكل ورده في نهايته طبعا على الطبيعه احلى من الوصف كان الشي المميز في الحفل الطله او الزفه كان الجوو هادي في الخيمه والحظوور ما كان متوقع اني بطلع اللحين بس الزفه كانت في بدايتها كانت نااعمه وهاديه وبعدين يوم وصلت تقريباا نص الستيج بدى شويه يعلى الصووت وكانت تزفني احلام الشي اللي انا ما انتبهت له انه انا طلعت من يمب واليمب الثاني طلعت احلام يعني اللحين النااس بتشوفها هيه وبيتحروونها العروووس بس اللي خلاهم يفرقوون اني انا كنت لابسه ابيض وهيه اسوود ..
بس الزفه ما خذت اكثر 25 دقيق اظن كافيه لعووار القلب لاني كنت خااااايفه وبمووت وانا واااقفه ....
وسلامتكم ......

تسلمين يا بنت محمد و لج مني الشكر البالغ على المشاركة ....

هلا عزيزتي موضوع حلو ومفيد اتمنى الكل يشارك وحبيت اشارك وياج


**عرسي كان في البوم


**المكياج في صالون مورا (طريقته لبناني طبعا)اللي مكيجتني اسمها


ندى واللي سوتلي التسريحة :think: نسيتها بس هي اردنية وكلهم


شاطرات ووايد تغير شكلي بالعرس بشهادة الكل...


**لبست ألماس ابيض


**الباقة كان لونها وردي وابيض من محل المناسبات


**الكوشة كانت عبارة عن مغارة علي بابا وكانت عبارة عن كوشه متحركه

والموسيقى كانت من نفس محل الكوش (غاردينيا)بالشارجه


بالنسبة للشيء المميز بالعرس كان ترتيب وتنسيق الطاولات كل حد


شكر في التنسيق وكنت مسوية نص الطاولات فيها فوانيس وشموع


وورد والنص الثاني صندوق خشب مفتوح وداخله ورد روز باللون البرتقالي


ومزين بطريقة حلوة من نفس المحل اللي مسويه عنده الكوش ...


وبالأخير انصح كل وحدة تكون ريلاكس وما تعصب بنفسها يعني انا


كنت متوترة عشان مالت المكياج تأخرت بس خلصنا من وقت فما في داعي


الوحدة توتر عمرها وبعدين يوم تنزف اهم شيء تكون طبيعية وتبتسم


على قد ما تقدر بس ابتسامة بسيطة عشان لو كانت ملكة جمال وداخله


وهي معصبه ما بتطلع حلوة...


ومبروك مقدما لكل العرائس

واااايد استانست بردج يا الغالية ....

بصراحه عجبني الموضوع واااااااااايد

مشكوووره اختي Miss Tulip
على هذا الموضوع الحلووو


اصبروا شهر و بعدين بخبركم ان شاء الله
;)

مب مشكلة ... لكن اذا كنتي حابة اضيفي شي من اللي تعرفينه...

انا مو متزوجه
بس مخطوبه

بس بعرس اخوي حطينا في كل طاوله بوكيه ورد صغير
وشمعدانات

ووقت الزفه طلعنا اثنين اطفال بنت وولد
وكان معاهم صندوووووق حلو ومقفول

وداخله حطينا بالونات اللي تطير وحطينا دبلتين للعرسان

طبعا العرسان افتحو الصندوق وطارت البالونات

ولبسوا بعض الدبل

بس كانت زفه خيااااااااااليه

الحين البنت حامل

ههههههههههههه

و الله فكرتج وااااااايد حلوة

عرسي 18/6 وبعد شهر العسل ببركم بنات اوكي
ادعولنا
:D

اموووووون
يالتوفيق
وبدعيلك
وادعيلي اتوفق في حياتي

فكره حلوه:clap:














بس لمن اعرس حافيدكم:D2

الله افكاركم وايد حلوووه
بس اتزوج اقولكم

وين كان عرسها؟ بيكون ببيت المعرس انشالله

منو مكيجتها؟ و سرحتها؟ صالون دريم بالاس عند ميرفت انشالله لاني جربتها بعرس حماي وكان شغلها اكثر من الرائع

الاكسسوار اللي لبسته؟ بيكون الماس انشالله لانه لايق على الثوب اكثر

الباقة و مكان تنسيقها؟ من محل الجرة

الكوشة و مكان تصميمها؟ ايضا من الجرة انشالله

و أخيرا أي شي كان بارز في العرس نتمنى تذكرينه؟ المفاجآة بتكون للمعاريس لاننا مخططين انهم لما يطفون الليت على دشتي ما راح ادش من الباب الامامي مثل ما الكل متوقع .. بدش من باب ثاني خلفي .. والمعرس بيدش معاي بنفس اللحظة من الباب الأمامي يعني هم بيكونون متوقعين دخولي انا .. بيلقون المعرس جدامهم وبعدين بيلقوني انا الصوب الثاني لما يتبطل الليت .. انشالله تطلع حلوة .. الله يستر .. المعرس نفسه لغاية الحين ما يدري بس انا و امي و خالتي و خوات المعرس وهذي فكرة ام المعرس

حلو موضوعكم كثير
وبالفعل حابه اني اشارك فيه
انا عروس صار لي شهرين وانا تقريبا اتجهزت من دبي كل شيء من النعال (( كرمكم الله )) الى الفستان والإكسسوار

عرسي كان في صالة للأفراح
والكوشه كانت عبارة عن خلفية زجاجية وينساب منها الماي مثل الشلال لكن على خفيف مع فقاقيع
والكل اعجب بالكوشه بدرجة جنونية والباقي كان على شكل اوراق اغضان خضراء منتثرة على الكوشه يعني انا كنت جالسه كأني في حديقة او مثل ما شبهوني الناس كأني وردة في بستان :o

اما الماكياج فكان عند لبنانية وشاااااااطرة كثير غيرتني 360 درجه في مركز الطيف اسمها ماريز وهي اشهر من نار على علم في السلطنة لدرجة انه ما تحصلي حجز عندها الا بالطق وبدون مبالغة ان صديقاتي ما عرفوني خاصة وان انا من النوع اللي ما كنت احط مكياج واايد يا دوب حمرة وبودرة فقط
والتسريحة نفس الصالون اللي سوت لي اياها سورية ما اعرف ايش اسمها

والفستان من الإمارات كان تفصيل عند الرحمانيان ((( جزاهم الله خير ))) ما قصروا معانا تعاونوا بكل حب وإحترام وكان فيه كريستال ملون لونه بنفسجي
وطبعا خليت الماكياج يكون بدرجات البنفسجي

لولا الحياء كنت حطيت صورتي يوم عرسي ;)

والإكسسوار لبست ذهب ابيض الإسوارة والخاتم
اما العقد فإشتريته من محل في عمان

والباقة كانت من محل بلاروزا واكن لونها ابيض ومرشوشه من فوق بلماع ابيض ومع الإضاءة طلعت رهيييبة الباقة ولغاية الحين محتفظة فيها

والشي البارز في العرس انه كان منظم كثير كثير وما فيه ربشه ابدا وهادىء
والإحلى واللي الناس عجبهم ان خواتي كانوا يرقصون بكل عفوية وفرحه

لسب بسيط جدا

ان انا اول وحده من خواتي تتزوج :p


وهذا اللي كان بعرسي


يالله دوركم يالبقية

يا سلام عليج يا شهد... واااايد حلوة فكرت كوشتج ما عندج لها صورة .... مع الشكر

[ALIGN=JUSTIFY]
سلامي للجميع ...

بما اني عرست وصار لي 4 شهور وأخواتي وصديقاتي في المنتدى بحاجة لمساعدة ...

ولتنوير لأماكن وأفكار في أعراسهن بقولكم أنا شوه سويت ...

أولا مكان العرس روتانا العين

ثانياً الصالون كان مورا واللي مكيجتني اسمها ليال واللي سوت التسريحة اممممم اعتقد اني نسيت اسمها بس ما شاء الله مكياجهم روعه ومثل ما قالت اختي عروس دبي تغيرت واللي يشوفني ما يعرفني ..

والكوشه كانت على شكل شوه بقولكم صعبة اشرحها بس بحاول ..

على شكل مظله من فوق واعمد ماسكتنها وكلهاورد طبيعي وعلى الممشى اعمدة يونانية بس تحت بجانب الممشى وفوقها باقات ورد طبيعي وكذلك على الطاولات ورد بس تكون الباقه عاليه بحيث تحتها مثل الشمعدان ونازل منه الورد بس كان روعه سويته عند جون فلور في دبي حتى الكوشه عنده ..

بالنسبة للفستان سويته عند وليد عطاالله ما اعرف كيف اشرحه بس كااااااااااان روعه الصراحه وغريب اول مره هالفكره تنعرض حتى المسكه من افكاره عباره عن حلقتين في بعض والحلقة اللي تحت نازل منها كريستال ...

وكنت لابسه الماس ابيض و خمري كان تشوكر ..

والزفة كانت هب السعد والحمدلله العرس كان هادي وما كان يهال وايد عسب يسوون حشره

تسلمين على المشاركة يا الغالية ... بس حلوة هاي تلميحة اليهال لأنهم صدق حشرة...

:up:خبرات واللة نستفيد منها

الآنسة تيولب



مشكوره على طرح الفكره وخوووش افكار راح نستفيد منها