مشكلة

dandona we bas;7291148:
او اللى مر عليها موقف مشابه تقولي اقدر اتصرف ازاى بالله عليكم منتظزة رودكم

بصي يا دندونا انا بنت خالتي من القاهره و اتجوزت واحد من سوهاج و فرحها كان هنا في القاهره بس هما كانوا قرايب ابن عمها فيمكن ده فرق
انا رأيي انك تحاولي مع خطيبك و لو تقدري حاولي مع حماتك اكيد لو دخلتلها و حكتليها ازاي هتتعبي في المشوار و حاجتك و ترتيبها ده غير خوفك من الليله دي اصلا زي اي بنت , و ان ده هيأثر على حالتك النفسيه طبعا مع جوزك ده هيأثر فيها لانها هتفتكر لما كانت بنت و هتحس بيكي اوي
و بلالالالالاش تيجيبي سيرة ان اهلك طالبين الفرح عندهم بيني ان ده طلبك انتي و بس علشان متقولش اشمعنه و عاملي جوزك كويس علشان متبوظيش علاقتكم و ربنا يكرمك

dandona we bas;7290458:
يا جماعة بقلكو هوا الفرح بيتعمل عند اهل مين العروسة و لا العريس انا عريسي من قاهرةو انا من المنصورة بس عابة في الكويت فخطوبتي عملتها في البيت هنا في الكويت و دلوقتي انا اهلي مصممين ان الفرح في المنصورة عشان العروسة مينفعش تجيب حالها و محتالها و تروح للعريس و خاصة انى هدخل في اي فندق و بعدها شهر العس و بعدهل نرجع الكويت عشان شغلنا

و حماتي الموقرة بتقول ال ايه ان المنصورة الحنة بتبقى عند العروسة و الفرح عندلعريس قي القاهرة يعني اصدها معرفش جابت الكلام ده منين

و انا اهلي صح و مية مية حتى اقلها عشان بهدلتي كل يوم بأه عشان اظبط القاعة الديكور و الحاجات دي بجد انا مش عارفةاعمل ايه و سبب تصميم اهلي ان جوزي بيحب يكون كل الناس راضية عن الموضوع و كل الناس مبسوطة و دي طبعا حاجة عمرها ما هتحصل رضا الناس غاية لا تدرك فبيقول لمامته اننا نعمل الفرح في المنصورة قاتلته على موضوع ان المنصورة عندهم بس الحنة و الفرح بيكون عند العريس بجد حاجة مقرفة انهم يدخلوا في كل حاجة بس على فكرة يا بنات انا شديت على جوزي جامد في الكلام ( مكتوب كتابنا ) و قلتلته كلمتك لازم تبقى من دماغك مش كل حاجة اهلك و هوا مصمم و بيقنعني ان عشان يبقى الكل مبسوط عندنا و عندهم و انا مش موافقة على كده و بجد خلاص انا بفكر كل واحد مننا يروح لحاله و هوا عايزني اتصل بمامته عشان اطمن عليها و لانها رنتلي امبارح و انا مرنتلها فازاي يعني اكون نايمة و مرن و لا تكون الشبكة معلقة مثلا لا لازم تقول لابنها انها زعلانة اوى اوى اوى فعلشان كده هوا عايزني اتصل بيها و ال يعني المواضيع تهدى شوية و المشكلة دي تتحل

قولولي اعمل ايه يا قمرات ربنا وحده اللى عالم بحالي اواى انا تعبااااااااااانة اوى

فيريت حد يفيديني في الموضوع ده

انا فرحى فى اسيوط وانا من القاهره وهعمل الحنه فى القاهره فعلا والفرح فى اسيوط لان الطبيعى انك تعملى الفرح مكان ما هتعيشى

حماتك عندها حق بس مش عشان انا هعمل كدا
بس عشان انتى هتعملى الاشهار بتاعك فى الحنه انما فى القاهره الاشهار يبقى بأيه بقى؟؟؟؟

لازم تعملى حاجه تعملك اشهار هناك يا بطه

(رقة مشاعر);7291489:

اهااااااا انتى كمان من المحلة
ياريت لو نتعرف كلنا على بعض ونساعد بعض

اها ياريت ياحبيبتي
والله اعلم يمكن نطلع عارفين بععض:wink::wink::wink:
علشان المخالفه
انا عندي نفس مشكلة الفرح عند العريس لانه من القاهره وانا من حته تانيه
وهو مصمم الفرح يكون عنده:(
وحاولت اقنعه ومفييييييييييييش فايده
لو عندكم طريقه قولولي عليها؟

الخطوبه والشبكه وقرايه الفاتحه كله عند العروسه الفرح بقا عند العريييييييييييييييس مصر كلها بتعمل كده ومش بهدله وتضحيه يا بنتي اهدي وخدي الامور ببساطه شويه ومديقيش نفسك المهم انتي وهو تكونوا مبسوطين مش مهم بقا فين في القاهره في المنصوره في المريخ المهم اتبسطوا وعيشوا لبعض انتي هتحملي هم مين ولا مين المهم انتي ويس وربنا يوفقك

الفرح بيبقى عند العريس
او فىالمكان اللى فيها شقتك انتى وعريسك
ممكن تعملى حل يريحك صحبتى عملته
انك تروحى كوافير والاستديو فى بلدك علشان يبقى معاكى قرايبك
وهو يجى ياخدك بعربيه مكيفه من عندك لحد القاعة
وطبعا قرايبك هيبقوا وراكى بالعربيات

هو اصلا الفرح يبقى بيت العريس
اساسا اقصد مكان الزوجية
واذا كانت العروسه من مكان اخر
يروح العريس باهله يجبوا العروسه من بيت اهلها طبعا هى واهلها طبعا فيها بهدله
لكن هو لو سمح انه يمل الفرح فى مكان قريب من العرسه دى حاجه راحته

سامحيني مااقدر افيدك لان عاداتنا غير موووفقه

بصى يا قمر
انا اللى شفته ان الحنة بتكون عند العروسة و الفرح عند العريس ده الطبيعى او الحنة عند الاتنين و اهل العروسة بيروحوا عند العريس بعد ما العريس يروح للعروسة الحنة
بس يا ريت تحاولى مش تكبرى المشاكل يعنى انتى الكبيرة لما قالك اتصلى بوالدتى
ومش تنسى ان علاقتك لما تكون بوالدته كويسة فيها حاجتين
1 رضا الله
2رضا لزوجك
وكل ما تعامليها كويس هتلاقيه بيحسن علاقته بيكى
ممكن عتابه ليكى يكون نابع من حبه لوالدته مش انه ملهوش رأى
و بارك الله لكما وبارك عليكما وجمع بينكما فى خير
والف مبروك يا قمر

[GLOW="FF0066"]معروف عند كل العالم

الخطوبه او الملكه او عقد القران على اهل العروسه

والفرح على اهل العريييييييييييييييييس


يعني في الملكه اول عقد القران لو اهل العروسه مايبغو يعزمو ناس كثير هما احرار يعملوها في اي مكان حتى لو البيت اهل العريس مايتدخلو

اما الفرح ماتتدخل فيه العروسه واهل العريس يعملو كل شي وممكن تدخل في حال سمحو لها
وهما احرار حتى لو يبغو يعملوها في البيت

والشي كل ماكان بسيط اتبارك وماراح تستفيدي لامن الهيصه والهوليله الي حتسير

اهم شي انتو الاتنين تكونو مبسوطين

واسمحيلي انتي عقلك صغير مدام فكرتي تفسخي عشان مارضيو يعملو الفرح في المكان الي انتي تبغيه او بالطريقه الي انتي تبغيها

الزواج مو فستان ابيض وطرحه وتصوير وزفه الزواج مسؤليه ماراح ينفعك هذا كلو

فكري بعقلك ولاتخسري زوجك باين عليه طيب وابن حلال اكسبيه احسن لك

وبرضو اقولك كل العالم الفرح على اهل العريس وانا من السعوديه مو من مصر

والبنات الي من مصر ماقصرو جزاهم الله الف خير كلامهم نفس كلامي

ولازم تكلميه عيب انك ماتكلميها ومدام انتي كنتي نايمه اول ماصحيتي كان كلمتيها واعتذرتي انك كنتي نايمه عشان كدا مارديتي

لازم تكسبيها ولاتعملي عداوه انتي الي حتخسري

وحماتك زي امك مااعتقد ترضي انو امك تتصل على زوجك ومايرد ويقولك يووووه انا كنت نايمه اكيد حتاخذ على خاطرك

نصيحه مني

اقرأي احاديث الرسول صلى الله عليه وسلم الي تخص الازواج عشان تقدري تعيشي حياتك وتكوني مرتااااحه


عيون الفهد[/GLOW]

الأصول والمتعارف عليه أن العرس عند العريس

لأن العروس تزف لبيت زوجها

dandona we bas;7290791:
الفرح بيبقى عند العريس يا جماعة ازاى بس ياريت حد يفيدني في الموضوع ده لو سمحتو و هل فعلا الكلام ده صحيح؟؟؟؟

احنا في المنصورة م كده الفرح عند العروسة مش بجملة التضحيات يا سوسي مرة واحدة بأه هما يضحوا مش كل حاجة انا و اهلي لأن كده حرام و الله بجد ؟؟؟؟؟؟؟؟؟؟
بليز ردوا عليا محتاجاكم جدا و محتاجة دعواتكم

dandona we bas;7290877:
بصوا يا جماعة انا خالتي كانت متجوزة بردو من بره المنصورة و الفرح كان في المنصورة و بردوا عندي عمتي نفس النظام بالظبط فالمفروض ان العروسة بتطلع من بيته اهلها ؟؟؟؟؟؟؟ و بالنسبة لحماتي انا علاقتي بيها في الحدود لان لما جربت ان العلاقة تبقى مقربة اوى لقيت ان في مامل بتطلع و انها لما بتاخد عليا متهيألها انى همي الموضوع ببلاش من غير فرح و لا حاجة كمان قوليل رايكم يا بنات انا اول مرة اسمع الكلام ده منكو و الله العظيم

على فكرة يا قمر انا من المنصورة وللاسف احب اقول لك ان الفرح بيبقى عند العرييييييييييييييس حتى لو هو من المريخ

انتي ممكن بس بتعملي الكوافير في المنصورة وبتعرفي الكوافير ان فرحك في محافظة تانية والعريس بيجي ياخدك من الكوافير

وممكن تجيبي كوافيرة عندك البيت والعريس يجي ياخدك من البيت لكن قاعة الفرح في محافظته هو

ياااااااااااااااااااااااااااه
غريييبه انا كانوا اهل خطيبى من المنصوره ومكنوش زيك كده خااالص والله كويس دول حسسونى اننا ناس مبنفهمش حاجه ........... جابولى عقده من كل حاجه حتى كتب الكتاب اللى على العروسه كانوا عايزينه عندهم
كمان قالوا عادات غرييييبه جدا عندكم بس واضح من كلامك انك مش زيهم ...........
المهم ياقمر ربنا يتمم عليكى فرحتك يارب ده المهم ومتدايقيش نفسك بالحاجات دى
الفرح على العريس ياقمر
ههههههههه
والله انا لو ليا موضوع تم مكنتش هقول اى كلمه حتى لو على الشمس المهم انه يتم
بس الحقيقه الفرح على العريس وعنده

dandona we bas;7290458:
يا جماعة بقلكو هوا الفرح بيتعمل عند اهل مين العروسة و لا العريس انا عريسي من قاهرةو انا من المنصورة بس عابة في الكويت فخطوبتي عملتها في البيت هنا في الكويت و دلوقتي انا اهلي مصممين ان الفرح في المنصورة عشان العروسة مينفعش تجيب حالها و محتالها و تروح للعريس و خاصة انى هدخل في اي فندق و بعدها شهر العس و بعدهل نرجع الكويت عشان شغلنا

و حماتي الموقرة بتقول ال ايه ان المنصورة الحنة بتبقى عند العروسة و الفرح عندلعريس قي القاهرة يعني اصدها معرفش جابت الكلام ده منين

و انا اهلي صح و مية مية حتى اقلها عشان بهدلتي كل يوم بأه عشان اظبط القاعة الديكور و الحاجات دي بجد انا مش عارفةاعمل ايه و سبب تصميم اهلي ان جوزي بيحب يكون كل الناس راضية عن الموضوع و كل الناس مبسوطة و دي طبعا حاجة عمرها ما هتحصل رضا الناس غاية لا تدرك فبيقول لمامته اننا نعمل الفرح في المنصورة قاتلته على موضوع ان المنصورة عندهم بس الحنة و الفرح بيكون عند العريس بجد حاجة مقرفة انهم يدخلوا في كل حاجة بس على فكرة يا بنات انا شديت على جوزي جامد في الكلام ( مكتوب كتابنا ) و قلتلته كلمتك لازم تبقى من دماغك مش كل حاجة اهلك و هوا مصمم و بيقنعني ان عشان يبقى الكل مبسوط عندنا و عندهم و انا مش موافقة على كده و بجد خلاص انا بفكر كل واحد مننا يروح لحاله و هوا عايزني اتصل بمامته عشان اطمن عليها و لانها رنتلي امبارح و انا مرنتلها فازاي يعني اكون نايمة و مرن و لا تكون الشبكة معلقة مثلا لا لازم تقول لابنها انها زعلانة اوى اوى اوى فعلشان كده هوا عايزني اتصل بيها و ال يعني المواضيع تهدى شوية و المشكلة دي تتحل

قولولي اعمل ايه يا قمرات ربنا وحده اللى عالم بحالي اواى انا تعبااااااااااانة اوى

فيريت حد يفيديني في الموضوع ده

اما بصراحة مستغربة حكاية الفرح اللى عند العريس دى وكذا حد قال عليها مش المفروض الفرح بيكون عند العروسة لانها بتطلع من بيتها تروح بيت العريس يمكن عند العلريس لو هما فى نفس المحافظة انما لو فى حالة كل واحد فى محافظة اظن لازم يبقى عندها لانها لو سافرت ابسط شىءحتلبس فين و حتقعد فين يوم الفرح مش معقول فى بيت العريس طبعا انا شايفة لو اصروا على الفرح عندهم ممكن تعملى حنة فى بلدك مع اهلك و اصحابك

الخطوبه عند العروسه والفرح عند العريس

شوفي حبيبتي ناخد الموضوع من الأول خالص __ متعووووودة__ إحم الخطوبة مين اللي بيدفع تكاليفها العروسة مش كدة إذا تقام عند العروسة أما الفرح بيدفع تكاليفه العريس يبقى يا عمري لازم يكون عند العريس
حاجة بالمنطق والا إيه

اسمعييادندونه انا قريت مشكلتك وانك مضطربة وقلقانه بخصوص الفرح وين

عندي حل حلو مناسب وراح تنحسب بحسابك ع الي بتعيشين معاه اذا هوة طبعا يقدر واكيد انتي مااخترية الا لاته مناسب لكي

الحل انك تسوين فرح صغنوووووون وتسمية يوم الوداعية مثلا عند اهلك تعزمين الي تحبيهم عشان الناس الي عندكم والي مايقدرون يروحون للقاهرة


والعرس عندهم بالقاهرة ايش رايك

متزعليش منى انتى بتشترى عدوه حماتك اوووووووووووووى
وواضح انها بتحبك وعايزه تفرح بيكم
بصى طالما كل واحد من محافظه بيبقى الفرح فى البلد اللى حتجوز فيها العروسه

وواضح انك مش حتعملى شقه فى مصر

انتى ممكن تعمليه فى القاهره علشان تعرفى تتفسحى وقاعات فى القاهره روووووووووووعه
بصى حماتك شغلها اشاغل ان ابنها بعيد عنها
انتى اهلك معاكى فى الكويت ( فهمت كده من كلامك)

حاولى انتى راضى الكل

راضى حماتك وبلاش تزعليها
وواضح ان جوزك بيحبك وعايز يرضى اهله
بلاش تنشفى دماغك لانه هو ملكك ومعاكى فى الكويت

يارب تكونى فهمتى قصدى
سهلى امورك

يا جماعة انا بس هتجوزفي مصر هروح شهر عسل او حتى اسبوع في اي مكان جوه مصر هتكون الدخلة في فندق مش في شقتنا لانها اصلا مش هتكون جاااااااااهزة فهمتوا دلوقتي انا بقول في المنصورة ليه

هتبقى بهدلة ليا و على الفاضي و حتى في المنصورة بردو هندخل في اي فندق بس على الاقل يكون كوافيري و حاجاتي كاه جنبي و القاعة تكون في المنصور محتاجة تظبيطات او اي اضافات او كده و بعدين انا عايشة في الكويت يعني هنزل انا و عرسيى يدوب على وقت الفرح فمش هيبقى في وقت لأي مفاجآت او كده فاهمني فعلى الاقل تكون الحاجة جنبي و اقدر اتصرف في اي مشكلة فهمتوني يا بنات يا قمرات يلا ياريت تفيدوني و مرسي يا قمرات على ردودكو الحلوة بس احنا في المنصورة فعلا لينا عادات غير معلش بقى تعلماو ايه ههههههههههههههههههه

علي فكرة يا دندونة احب اقوللك انك كمان هاتتبسطي اكتر في القاهرة
يابنتي مدام شهر عسل يبقي اكيد عايزين تتفسحوا كتيييييييييير هاتتفسحوا كتير فين في المنصورة بس؟؟؟؟

الله يكتب لك اللي فية الخير ياعزيزتي هدي نفسك انا اعرف كل خير عن المنصورة واهلها
بـــــــس لازم تسمعي كلام زوجك ومعليش استحملي واهم شي تكوني مبسوطة مع زوجك مو مهم الفرح وين يصير ......لاتبدي حياتك الزوجية بمشكلة نصيحتي ليكي .....حتندمي وممكن تكبر المشكلة اكبر من كذا
وتبدي حياتك بمشكلة مع حماتك