ابي اشوف تعليقاتكم على موضوعي وابي مساعدتكم لاني ابنهار.....

صادقين بس انا خلااااااااص مو عارفه شو اسوي غير اني اهتم في ولدي او بنتي اللي جايين بالطريق

كسرتي خاطري انت مظلومة الصراحة اذا انت ما سمعت الكلمة معقول الكل من الاهل ما سمع ولا نبهش

للغلطة الغير مقصودة عندي سؤال اسمحي لي هو ايش موقفه من ضعف السمع عندك عادي او

يعلق لا تزعلي مني واهله عرفوا الموضوع عندك احد من اهلة علاقتش به قوية امه - اخته

على الاقل احد مهتم فيكم وبهالطفل اللي بالطريق اللله ييسر امورش طمنينا

هو عادي ....لان انا ضعف السمع عندي مو معناته عدم السمع...بس احيان اسمع الكلمه شي ثاني...فهمتي علي...
وامه صخله يعني مستحيل تتدخل واخته الله حسبي عليها هي مبسوطه من وضعنا......جدا....وماودها ارجع....حسوده وغيورة جدا...
الله حسبي عليها....

الله يكوووون في عونكـ ....لاتيأسين وعوودة ....والله يساعدكـ..............

السلام عليكم

اختي قريت مشكلتج والله يعدي عليج هالفترة على خير ويهونج عليج ولادتج ويسهل ولادتج

شوفي اذا بتسمعين نصيحتي

حتى اذا والدج موراضي ترجعين البيت سوي نفسج رايحة بتاخذين اغراض لج من بيتج بس اختاري وقت يايكون هو فالبيت او بيرجع البيت ولما يشوفج لاتحاولين تشرحين الموضوع لا

قلبي السالفة عليه وعاتبيه حسسيه بالذنب قد ماتقدرين

يعني قولي له انت زوجي وسندي تقول فيني كذا وترميني هالرمية وولدك فبطني ماتجي اتطل عليه

وحسسيه انج انصدمتي فيه وفتصرفة قولي له اذا انت اتسوي فيني جي فعز حاجتي لك غيرك شبيسون

حاولي تبينين له غلطة وبزيادة طلعي الدموع اللي فعينج كلهم

واذا تعدل كان بها تاخذين عمرج وترجعين بيت اهلج او تقولين له وصلني ماقدر اتم اكثر قلبي يعورني

واذا حسيتي ان ما اثرتي فيه وايد سوي نفسج بتولدين او تعبانة خليه يوديج المستشفى خليه يحس بالمسؤوليه هاللي بتجيبينه ولده خل يعرف ان الحالة النفسية للحامل مهمة وتاثر على الطفل

واذا خذج عند دكتورتج قولي لها توصية عليج

بس اهم شي لاتحاولين اتبررين انج ماسمعتي او تنزلين نفسج له بالعكس سوي نفسج انتي الزعلانة

ازعجتج معاي بس عورتي قلبي والله وودي من كل قلبي اساعدج

وان شاءالله جيت هالطفل خير عليكم وترجع اموركم احسن من قبل

وطمنينه عليج اختي

والله يصلح حالج ويهدي زوجج ويجمعج معاه بكل خير

شكرا اختي اصيله انا بصبر الى بعد اسبوع ان مافاد ابروح وبطبق اللي قلتو لي عليه

هالمواضيع الحساسه لازم ما تقولين له لانه ماتدرين يتقبلها وله لا
اكثر من الاستغفار

الله يصلح حالج

بس شوفي الريايل جذي طول ماتترجينه يشوف حالة وطول مايحس انج بتروحين من يده يتمسك فيج اكثر

الله يصلح حالج

طمنينه عليج اختي

اسأل الله انه يفرج همك

ويجمع بينكم على خير

الله يريح بالك

ويجبر بخاطرك

و الله مو عارفه شو اقول


اطلبي من والدك و زوجك و حد ممكن المطوع اللي كان انكم تقعدوا و تتكلموا قدام بعض
و انهم يعلوا صورتهم وز قولي اللي تريديه

و الله يا رب يفرج همك
و انا بصراحه ضد انك تسوي شي ضد رغبة أهلك لأنهم الحمد لله بصفك احسن لا يقلبوا عليكي و تطلعي لا أهل و لا زوج لا قدر الله


امممم ممكن حيله مثلا انك تروحي المستشفى و يقولوه تعبانه ممكن يجي و يشوفك

الله يا رب يفرج همك يارب

و يجمع بينكم يا رب في القريب العاجل

حبيبتى اكثري من الاستغفااااااااااااار
وثقي ان الله بيفرج همك(y)من تجربتي
مايصيبنا الاذنوبنا ويام ويام صار في حياتنا الزوجيه مشاكل والله تحسين انها خلاص نهايه المطاف بينك وبين زوجك تقولين خلاص ماعاد اتصور اعيش معاه مره ثانيه ولكن سبحان الله يرجع كل شي زي ماكان وسعي صدرك وربي انى حاسه ومجربه وضعك والحمدلله على كل حال بس الله الله بنصيحتى سويها وبتشوفين ان شاء الله مايسرك وبشرينا حبيبتى بالعلوم الي تسر:wink:

قل لن يصيبنا الا ما كتب الله لنا

في البداية , الحمد لله على كل حــــال ومـــا حصـــل ان شاء الــله يتــصــلح...
زوجك في غضب فهو يعتقد انك سمعتية .., والشيـــطان حــــي ويحب خراب البـــيوت
وان شاء الله تتـصلـــح الأمـــــور .. وإذا تدخل بينكم أحد فليتدخل العاقل الباحـــث عن جمع الشمـــل فقط

لا تقلقي عـــزيـــزتي .,
فما حدث لك حدث للكثير وليس كما ذكرت ..
فأنت ليس وحدكـ ..
انا متفائلة في الذي حدث لك وان شاء الله يتجدد الشوق بينكم ويلتم شملكم
تحياتي

شوفي مدام انك تحسي ان اهله ليهم دور سوي زي ما قالت مرموم اختاري وقت يكون موجود

وسوي نفسك رايحة تاخذي اغراض اوراق اي شي واتاخري لين يجي

ممكن شافك يحن وما يرضى على ولده وهو ببطنك وينولد بدون اب


يعني انت الوحيدة اللي بتحلي الموضوع واسرعي عزيزتي ماتخافي اهله يزنوا عليه

ويجبروه ياخذ وحدة ثانية ولا تنسي بعيد عن العين بعيد عن القلب

الله يخليش انسي الكبرياء شوي وروحي بكرة شوفي بيتك اكيد اله وحشة هو وبيتك

روحي واذا قابلتيه حاولي تلمي كم حاجة وانت ساكته واذا تلاقت عيونكم كلميه بعينك

وعاتبيه بدموعك وصدقيني بحن وبيضمك انت وولده

المرة الجاية نبي بشارة منك انك رجعتي بيتك ولزوجك

وحطي ببالك ان اللي بطنك اله حق انك تحاولي علشانه بكره اذا قمت بالسلامة وشفت وجه

البيبي بتقولي كل يهون واسويه علشانك

السلام عليكم يا اغلى خوات بالدنيا .......
يا اللي لقيت عندهم الحضن الدافي...
مدري وش اقول لكم الصراحه....
لكن اشكر من اعماق اعماق اعماق قلبي كل من وقف معاي بموضوعي والفترة اللي مريت فيها مو سهله....
ادعي ربي انه يخلي لي امي الغاليه....وابوي الغالي ولا يحرمني منهم طول العمر ويخليهم بالصحه والعافيه...وادعي الله انه يوفقكم...ويسخر لكم من تحبون .....ويخلي لكم عيالكم واهاليكم...
اخص بالشكر اختي غروب ورابنزول ومرموم واعذروني اذا ماذكرت اسماء...بس كل من رد في موضوعي له دعوه من القلب ان الله يسخر له من يحب.....ويمده بالصحه والعافيه....
انا ولله الحمد ....كلمني زوجي اليوم...قال اني ابيك واني ابي نرجع لبعض ونا ا استغني عنك والبيت بدونك مايسوى....والشك اللي جا في راسي كان من الشيطان.....بس لي كم طلب وانتي اطلبيني...
قلت له شنهي طلباتك قال...انك تروحين عند اهلج مرة بالاسبوع..وفيه بيوت مانعنج ماتروحي لها..
قلت له اما اهلي ماتقدر تمنعني منه اي يوم بروح لهم بالذات هالفترة لاني تعبانه من حملي ...
والبيوت اللي منعتني منها ماعندي اي اشكال فيها...
قال شنهي طلباتج...قلت انه مو كل موضوع والثاني طالع لاهلي واهلك خل نحل مواضيعنا بيننا....كل كلمه والثانيه روحي عند اهلج روحي عند اهلج...انا في بيت اهلي معززة مكرمه لكن ما ابي اذا ربي رزقني بالطفل...يشوف هالشي قدامه يتعقد....
قال خلاص صار....متى تبين اجي اخذج لاني ما اقدر اصبر بدونج<<<<<الاخت تشققت
بس قلت له مو الحين....شوي اشوف واكلم الوالد انت دخلتني برضاك ابوي يطلعني من هنا برضاه....
وهذا اللي صار ....
يارب لك الحمد يارب لك الحمد يارب لك الحمد...
ادعو لي بنات ان ربي يسخره لي ويحببه فيني .....
شكرا مجددا....

الحمدالله لك والشكر

الله يصخرة لج دوووم اان شاءالله

ويصلح حالكم

بس زين سويتي وحتى لما ترجعين بيتج حاولي تعاتبينه بشويش

عشان يحس انه ضايقج

مع ان احنا البنات نرضا بحرف مو بكلمة بس حاولي شوي ولاترجعين على طول بيتج

والله يهنيكم وطمنينا عليج اختي لي ولدت والله يقومج بالسلامة

الله يكون بعوووونك المفروض اهو مايجيب شيخ ويحل المشكلة بهدوؤؤؤؤؤ

اكثري من الاستغفار واذا كان هذااوله ينعاف تاليه

مبــــــــــــروك اختي وعوووده والله فرحت لك من قلبي لاني من المتابعين لموضوعك
ربنا يوفقك ان شاءالله ويسعدك

الله يسخره لك والله العظيم اني فرحت لك من كل قلبي وكأني انا وربي دمعتي بتنزل من الفرحه.
الله يسعدكم وينولك كل الي في بالك ويعطيك لين يرضيك.
دمتي في حفظ الرحمن حبيبتي ولاتنسيني ايضا بان الله يسخر لي زوجي.

سمعي كلام ابوج حبيبتي

لازم يوقف عند حده مايقط اي كلام والله يهديه ان شاء الله خصوصا اذا الله سهل عليج وولدتي بسلامة بيتغير الوضع من اشوف البيبي

مبروووووووووووووووك حبيبتي

الله يسعدك ياااارب ويعينك ويقدم لك كل خير ويبعد كل شر ياااارب

حبيبتي بس حبيت اقولك قوليلو كمان انت عارف انو سمعي ضعييف لو سمحت لما تكلمني واقولك رد غير عن الي تبغاه ارجع قولو تاني بدون ماتعصب

لاني احيانا اسمع الكلمه غير

الله يسعدك من جد فرحت من قلبي