زوووجي جرحني

صبـــــــــا
انا معاج بكل كلمه قلتيها صح لسانج

بنات الحل الامثل الاهتمام بالاكل وشرب الاعشاب المعروفه ايام الدوره والنفاس واخطر شيء الجوع وقت الدوره والنفاس لانه تصيب الوحده امراض وتتوسع عندها المنطقه وترتخي عضلات المهبل :o

من االاعشاب اللي تنظف وبعد تساعد ع التضييق الدارسين والزعتر والجنزبيل والحلبه تغلينهم مع بعض وتضيفين لهم سكر ع حسب الرغبه وتشربينه كل يوم وقت الدوره وبعد في خلطه اعشاب نسميها عندنا بالطبيخه ولازم اللي تخلطها وتسويها وحده فاهمه بالطب الشعبي امي تشتريهم من مره تسوي دويات حريم ... اذا تعرفين حرمه واثقه فيها وسامعه تسوي خلطات واعشاب طب شعبي استيعني فيها احسن شيء

الرشاد مع التمر وبعد المردود يستخدم ثاني يوم من الدوره اهو معروف ينحط مقدار ملعقه صغيره مع الحليب او تاكلينه مع تمره كل صبح يخلي الوحده (y) ولا بعد يصفي البشره ويقوي الجسم

هذا اللي اعرفه وامهاتنا علمونا عليه وقبلهم جداتنا :) وانشاءالله تنحل مشكلتج ولا تشيلين هم اعتقد البنات اهنيه ما قصرو وجزاهم الله خير

نسيت اقولكم من النصايح المعتاده الابتعاد عن شرب المياه الغازيه وقت الدوره مثل البيبسي واي شيء بارد مثل الايسكريم لانه مو زين سبب آلاام رهيبه وبعد انتهاء الدوره ماتكوننين نظيفه 100% وانتي رح تحسين بالفرق لو شربتي مغلي الاعشاب اللي قلتها فوق تنظف تنظيف :)

والابتعاد عن عصير الاناناس لانه يرخي عضلات الرحم

والابتعاد عن الحوامض مثل الروب او الزبادي لانه يوقف الدم وبالتالي عوار وانتفاخ البطن

هذي النصايح للبنات والمتزوجات

مع تحياتي

أختكم : جورية :flower:

السلام عليكم ............ انا اعرف ان الشبه وايد تضيق بس يقولون انها


تصعب الولاده وكذلك العفص يودي الي للتضيق ..............

جورية لو سمحتي شو الرشاد والمردود

ومشكووووورة:flower:

السلام عليكم و رحمة الله و بركاته

و الله بصراحه انا كانت لي صديقه مغربيه كلمتني مره عن اعشاب في المغرب اسمها اعتقد الشيح يحطونها مع شويه شبه و ملح و ماء حار المهم يستخدم بعد الدوره و للتنضيف الدائم و سمعت انه يضيق المناطق الحساسه بالنسبه للنساء بس ما جربته فما ادري اذا بتفيدكم هالمعلومات او لا



** اتمنى من الاخت صبا تشرح اكثر عن الي كتبته


مثايل

ياحبيبتي لاتسوين ولا شيء من اللي فات
الشبه حلوه ببداية الامر بعد عشر دقايق تصيرين شيء بشع
والعفص يجيب الحساسيه ويضر المبايض
والملح مضر لجدار الرحم
الله ماشفناه بس بالعقل عرفناه
الاخت اللي نصحتش بالاهتمام بالنفاس هي الصح
لانه اهم شيء ماتنامين الصباح بالنفاس تقومين بدري تشربين حليب مع حلبه منقعه وتاكلين فطور مرتب
والظهر قبل 12 الظهلر تكونين ماكله اي نوع لحوم مع سلطه وفواكه وتاكلين خلطة النفاس وهي كاس حلبه وكاس رشاد وكاس ماش وملعقة فلفل وملعقة قرفه تطحنينها مع بعض وتاكلين منها ملعقه الصباح والظهر وقبل النوم والعصر تاكلين فاكه والساعه ثمان تكونين متعشيه اكل مرتب ولازم اكلك كله يكون ساخن وتكثرين من شوربة اللحم ولا تملين طول الاربعين يوم وكل اذان مغرب تتبخرين من تحت بحبه سوده وعلك لبان ومره وقشر بصل ومرميه ولا تقربين البرد دائما البسي شورت وارحامك ماتتعرض للهواء وانتبهي للدوره اللي بعد النفاس اجتهدي فيها وانتبهي لانها هي اللي تسبب الارتخاء ولا تقربين زوجك اربعين يوم لان الجماع قبل انتها النفاس هو الدمار والدوره اللي بالنفاس مهم النتباه الاكل فيها وعدم النوم الا بالليل
اما اذا انتي تعبانه اذا جات لك الدوره اعتبري نفسك نفاس بالاكل ونفس الادويه وكل يوم قبل النوم احشي دجاجه من ادويت النفاس مع رز وليمون وسكريها وطبخيها وبعدين ادخلي تحت بطانيه وافتحي الدجاجه وكلي من الحشو والدجاج لحد ماتشبعي وتقطي بالبطانيه مع العرق اللي انتي فيه ونامي من غير ماتتعرضي لهواء بارد وياريت تدوري حد يعمل مساج لارحامك اول يومين من الدوره
وصدقيني راح تدعين لي
هذا اتعلمناه من امهاتنا وطول عمرنا مثل البنات
مع تحياتي

يسلمو اختي النصوح كل اللي قلتيه عدل وزدتي ع كلامي هذي طريقه النفاس الصحيحه واكيد اهتمام البنات والمتزوجات بالدوره مهم بعد وخصوصا عدم النوع وانتي جوعانه واهمال نفسج وشرب واكل الشيء الحاااااار

dam3t_7zn هلاااا عيوني الرشاد والمردود اعشاب اسمهم جذي تشترينها من العطار او في حريم يبيعونهم انا امي تشريهم من حرمه تسوي ادويه للحريم

وبعد الطبيخه حلوه مثل الشاي طريقتها تغلينها وتضيف لها السكر وهي عباره عن مجموعه اعشاب يخلطونها مع بعض واغلبها من نجد بس مااعرف مكوناتها بس انشاءالله رح اسال لكم عنها

والمردود هذا له فوائد كثيره للبنات المتزوجات مو بس للجسم بعد للبشره يخليها صافيه ومورده كثره شربه واستعماله يبين عليج ع طول بعد في طريقه ثانيه غير الحليب والتمر تعرفون العصيده ترشين عليها ملعقه مردود او تحطين بطرفها وتاكلينها ويه المردود مع شويه سمن بعد فطورج المعتاد ايام الدوره او النفاس تاكلين منها باي حزه و لاتحطينها بالثلاجه اكليها ساخنه او دافيه

مع تحياتي

يا جماعة الخير أنا ‘ستوى لي 15 يوم
من ولدت.... وصار لي يومين أقعد على
غسول المر والعفص ....
لكن إنتوا تقولون إن العفص مضر...:eek2:
نورونا الله ينوركم.... لأني سمعت إن العفص
أوكى وإنتوا تقولين مب أوكى...:pain:

للأخت شجونه الحلوه.................
التحاميل اللي كتبتي عنهم ما لهم أضرار
جانبية؟؟؟
وهل ممكن إني أستخدمه في فترة النفاس..؟؟؟
ردي علي تكفين.........

السلام عليكم

انا خايفه من الزواج بسبب التجريح او الاهانه التي قد القاها منه..!!

لذلك اقول بلاها جواز من اساسه

الغريبة كلكم تتكلمون عن هالموضوع
وفيه تقريبا اربعين موضوع كلها عن التضييق
ليش الوسع من وين جاء
هذي سنة الحياة
من طفل الى شاب الى هرم
يابنات نصيحة لاتسوون شي
ولكن لاتكثرون الجماع يعني بالاسبوع مره حلو

أختي متوارية ممكن تفسير أكثر ن قشور الرمان يعني آطبخه مع الماي :o سوووووري بس ما فهمت

ام فهد العفص مع الارطاء غسول من تحت وتتنقعين فيه
مااافيه مضره حسب كلام دكتور الاعشاب جابر القحطاني
اما تحاميل العفص وتحاميل الشبه

كلهم مفعول فوري يمتدعدة ايام2-3

فقط وبعدها يصبح الوضع سيء جدا جدا جدا وتصبح ذيك المنطقه مررره مويات وسعابيل......هههههههههه

وهذا من تجارب المعارف والاصدقاء والاقارب

النفاس ضروري ادويه شعبيه وغذاء خاص

وبعدين اطلبي ولاده بمستشفى خاص ويخيطوك صح بعد الولاده ويااادار ما دخلك شر

فعلا كلام الاخت كثرة الجماع ترخي المنطقه
وحده كبيره بالعمر تقول اللي ما تسنعت بالادويه بنفاسها زوجها ما يحب اللي جابت سواء ولد او بنت
مع اني لا اؤؤؤؤؤمن بذلك

شوفي منى الريس تخيط هالحريم مدة الخياطه ربع الى نصف ساعه
في الشبلان اللي في العروبه وقيمتها من 200-1500غير العلاجات
واميره بالحمادي وممتاز بدله
شدي حيلك وقولي له انه انفكت الخياطه وانحاست الدنيا ولازمني عمليه صغيره....و...و...و والعبي بعقله وراح يوافق
لانه شكله زوجك تهمه هالحاجه

آنا حطيت موضوع مشابه لمشكلتج اختي بس المشرفين حذفوووووه وانا ابي الحل لكن ماكو فايده عيل لمن اروووح ؟؟ واخاف اقول المشكلة مره ثانية بعدين يحذفوني من المنتدى كله :confused:
أففف يعني ما أسعد زوجي ؟؟؟

السلام عليكم
خواتي اولا ماله داعي تكتبون بالخاص لان كل اللي داخلين الموضوع يبون يستفيدون
ثانيا من تجاربي ومن اللي اسمع عنه 00
مغلي قشر الرمان زين وينظف وينشف المنطقه وينزل كل الترسبات اللي بالرحم بس بشرط لازم تغسلينه زين وبعدين تجففينه وبعدين تطحنيه ناعم وفيه طريقتين ياتغلينه زي ماقلت ياتاخذينه بودره ناعمه مرررره وبطرف اصبعك تحطين شوي في المنطقه 0
الشبه زينه بشرط مانتحط مباشره يعني لازم تذوب في ماء دافي لانها حاره وتحرق اذا انحطت عل اللحم على طول وزي ماتعرفن الرحم جلد رقيق جدا ويتأثر بسرعه انتبهي ماتحطينها الابعد ماتذوبيها بمويه0
المردود زي ماسمعت اللي مو متعوده عليه من اول ماجتها الدوره يعني قبل ماتتزوج فانصيحه لاتستخدمه لانه بيضرها 0ليش؟ لانه ينزل مويات مع الوحده ومويات كثيره بعد لكن اللي متعوده عليه فامراح يضرها0
الحلبه 0000 النفاس ماتشربها على طول 0لا تستنى لين يجيلها 15 يوم بعدين تبدا فيها وتشربها مع حليب او ساده حتى اللي بالدوره ماتشربها على طول استني 3 ايام بعدين ابدأي بشربها00
على فكره ترا كل اللي تستخدميه وقت النفاس لازم تستخدميه ايام الدوره0
ونصيحه قالتها وحده من الاخوات قبلي ابتعدي عن كل شي بارد خليك على الدافي سواء دوره او نفاس وسواء شرب او غسول 0 انا عندي ثلاثه اطفال والحمد لله كل شي عندي تمام وكل من اتباع كلام امهاتنا وجدانتا وكل اللي اسويه بنفاسي ونفعني قلته لكم00

:o :o شوفى اخذي قشر رمان مطحون واغليه وحاولى انه يكون شبه ثقيل وبعد مايبرد خوذي المكيال الى تشفطين فيه علاج الاطفال علشان تدفعين العلاج فى فمهم اتمنى انك عرفتيه وامليه وضعيه على بدايه المهبل وادفعيالغسول الى الداخل خلى يدخل الغسول كله سويه مرتين فى اليوم وخاصه قبل الجماع بدقائق ونشفي بدون ماء وانشاء الله راح ترجعين طبيعى واحسن
وكذلك تري الدكتور عادل عبد العال ينصح بالبخور بالميرميه من تحت :o

حبيبة امها
ممكن توضحيلي على الخاص ايش مكيال الاطفال والله مافهمت :rolleyes:

حبيبة امها

ممكن توضحيلي على الخاص لانى مافهمت

حبيبتي لا تجربين اي شي اذا انتي للحين ما يبتي اولاد يمكن الادويه او الاعشاب تاثر ع الرحم


انصحك بالرياضه وبس وخاصه المشي

مرحبا بنات 000 انا اعرف حرمه عندها شغلات وخلطات مغربيه وصراحه اشياءها الي استخدمتها الي الان كله زينه 00ومره اعطتني شئ قالت لي استخدميه هذا لتضيق المنطقه اياها 0 يعني اعطتني اياه مجانا وقالت علشان تشوفي الفرق وتدلي عليه معارفك

ولاني بصراحه خوافه من هالاشياء اعطيته اختي ولماجربته قالت لي شئ جنااااان 00 وبعدها انا اخذت منه ملعقه وجربته وفعلا ضيقتها والله حتي زوجي لاحظ 00بس بصراحه ماعاد كررتها لان ماكان عندي غير الملعقه الي اخذتها من اختي يعني مدري بعدين كيف بعد الاستمرار لفتره 0
لكن اختي وسلفتها يستخدمونه باستمرار وتقولي اختي ان حتي الريحه تصير حلوه والمنطقه نظيفه 0
ولما سالت الحرمه مره بالتلفون عنه قالت هذي اعشاب حتي الحرمه الوالده تستخدمها عندنا 0
تضيق المنطقه وتعطرها وتنظفها 00 بس تري انا ماجربتها الا مره وحده
وناويه بصراحه اجربها لان اختي والي استخدموها يقولون انها تشد حتي الجسم من اسفل 0 والحرمه تقول انها تخلي الوحده ضيقه حتي لو كبرت في السن
عاد والله مدري الكلام هذا مزبوط والا لا 0

وعلي فكره انا كنت استخدم الطبشوره الاندنوسيه وكانت عاجبتني بس وقفتها 0

:oالحل لتضيييييييييييييييييق الرحم حتى بعد الولادة ..... :clap:

مرحبا بنات .... ياحلوكم والكل قاعد يقدم الحل والنصيحة ... بصراحة هذا أحلى منتدى دخلته... :confused:

ماراح أطول .... جبتلكم أحسن حل لتضيييييق الرحم ...

........ أعرف وحدة عندها أربع أطفال ماشاء الله...

بس زوجها كان مطنشها .... ورافع ضغطها ... وهي ما تدري وش السبب!

:confused::confused::confused:

الشي هذا كان إلى الطفل الثالث .... بس بعد الرابع تخيلو ....

الرجال انقلب ... وصار ملك الذوق ماشاء الله ...

تدرون ليش؟ (عذرا للفتيات.. الامورات..العذارى..بس مضطرة أقول):o

أنا أقولكم .... لانها بفترة نفاسها بالطفل الرابع اهتمت بنفسها....

واستخدمت الاشياء اللي بقولكم اياها اللحين ... (للأمانه من صديقة مجربة)

والله يابنات ان زوجها صار يلاحقها للمطبخ :D2

شوفو الفرق .. ماشاء الله ...

أدري إني مصختها وطولت :o

بس عشان تعرفون ان الرجال اللحين ماعاد يكفيهم قميص نوم حلو وبس :o

(يااااااااااويلى من المشرفاااات .... والله آآآآسفة):D2

وهذي الوصفة .....بانسبة للحوامل ... تتطبق بعد الولادة يعني فترة

النفاس...


ولغير الحوامل .... تطبق بفترة كل دورة .....

وهذي الاغراض من العطارين ... _كيلو شاي الهوا !!

_كيلو دباغ مخلط + علبه صغيرة شاي الربيع

وهذا للغسول أيام الدورة أو النفاس...

_دخون "لقو" للتبخير المنطقة ... :o

_قشر رمان .. يغلى ويتم غسل المنطقة

فيه وهذا يكون في آخر يومين من الدورة للي دورتها أكثر من 5 أيام ..

واللي دورتها 5 أيام يكون الغسول في آخر يوم بس...(لتضييق الرحم)

_من الصدلية(غسول جرجيت ريسيب)وهذا

يستخدم كل يوم بعد الدورة أو النفاس وليس أثناءها ... كل يوم قبل وبعد

المعاشرة :o:o:o (مكونان طبيعية...لها رائحة الاعشاب.. تقضي على

الروائح تمااااااااااما ... وتشد عضلات الرحم:up:) وهي أفضل من

الغسولات الكيميائية أو مايسمى بالدش المهبلي.. :down:

الطريقة ....._ بالنسبة للدباغ المخلط والشاي .. يطحن الشاي ويخلط مع

الدباغ .. وفي كل مرة تخلط 3 ملاعق كبيرة في لتر ماء دافي ويستخدم

كغسول .. للدورة يكون من اليوم الثالث ..

وللنفاس يكون من اليوم العشرين..

_شاي الهوا ...(ممتاز جدا) يغلى عادي مثل الشاي .. ويشرب منه كل يوم

للدورة والنفاس... مقدر 3بيالات إلى 4 ... طعمه مر بس معليش ... دائما

مادون العسل إبر النحل صح؟:D2

_الدخون .. تقولين للعطار أبي شي زين ! للنفاس !

وتستخدميه بالجمر سريع الاشتعال أسرع لك..تحطين شوي على المبخره

وتوقفين عليها لحد ما تحسين بالحرارة ....(هذا يخلصك من الافرازات

والرطوبة:o)وهذا يكون كل يوم للدورة والنفاس ...

_ قشر الرمان وضحت طريقته..:smile:

_ غسول جرجيت ريسيب ,,, وهذا أهم شي ولاااااااااازم

ماتستغني عنه ابد ومثل ما قلنا قبل وبعد:o

.. وهو من الصيدلية وعلبته مربعة وحمراء ومكتوب عليها لك سيدتي ..

وسعره 45 ريال سعودي...


ملاااااااااااحظات هامة (_إهتمي بنظافة الحمام ورائحته بعد الابخرة والغسولات)
_كل شيء يتم بسرية تاااامه..ومن دون مايدري زوجك

..يعني ماله داعي تسوين اعلانات بالصحف والمجلات:D2

_للعرايس اللي بعدهم ماحملوا وجابو أطفال .. واللي

ماعندها مشكلة للحين والحمدلله ... تستخدم بس ..جرجيت ريسيب..

_ الرجل يكره الرطوبه في هذي المنطقة..ياويلى:o

لذلك من المهم جدا الاهتمام بتجفيفها .. وتطيب رائحتها باستخدام بودرة

المسك الابيض من بودي شوب .. البودرة هذي تهبل مرررة ..(أدري انهم

بيسحبون عضويتي من المنتدى ... بس ماعليه مادام في رسبيل الله

والوطن! :D2)

همسة للأخت داليا... (حبيبتي .. زوجك ماجرحك ولا شي وقولي الحمدلله

إنه صارحك عشان تنتبهين ..أحسن من إنه يسكت ويهملك لا سمح الله..

صح ؟ ):smile:

والحين حبيبتي داليا وكل الحلوين اللي هنا... أتمنى لكم أحلى النتائج ..

وماتنسوا تدعولي ..ومع كل الحب ..