قصة ولادتي ببنوتي (/نورة/)

بسم الله الرحمن الرحيم


مرحبااااااااا مليون للجميع


واخيرا ولدت وجيت اقووولكم قصة ولادتي كنت اتمنى اوصل لها المرحلة

اللي ادخل المنتدى واقول قصة ولادتي .......................................:D


مع ان ولادتي كانت متعسرة بس الحمدلله على كل شي

يالله نبدى الحتوتة:21_163:






كان موعد ولادتي بتاريخ 10/9

ولدت يوم 4/9

كنت طول الشهر التاسع وانا على نار لان فيني سكر حمل ماقوولكم وش كثر عانيت منة

من اللي اسمع عنة وان يسبب في وفاة الاجنة وكانو المستشفى مخوفيني من الحركة

يقولولي احسبي كل 6 ساعات لازم يكون فية حركة والله ماكانت مع الناس وكانت نفسيتي

تعبانة مرررررررررررررررررة مهما قلت لكم ماراح اقدر اوصف ربع اللي كنت اعانية بس ان شاءلله

اجر .....................................


كان يوم الثلاثاء مر عادي رحت وافطرت عند ماما وبعد العشا جا زوجي ورحت امشي

ورجعنا البيت واتسحرنا ونمنا

صحيت الاربعاء على الم فظيع من غير مقدماااااااااااااااااات كان الم كل ربع ساعة كنت اصارخ

من قوة الالم فزعت الدنيا كلها :confused::confused::confused::confused:

مادري وين اروح قمت ادوووووووور بالشقة ابكي واصارخ كلمت اختي سبحان الله ردت علي

بسرعة كانها كانت حاسة مع ان الساعة كانت7 صباحا ...............

قالت لي وش فيك حاسة بشي قلت اية :eek::eek::confused:

المهم قامت تسالني كيف الالم وكم يجيك قالت الوقت بين الطلوق قريب روحي المستشفى

بس كلي شي قبل لاتروحين ....عشان تتحملين الطلق

واشوى اني اكلت لان هناك مايعطون شي ولا حتى موية

شربت حليب واكلت رطب وانا بموووت من الالم وخذيت شنطتي وعالمستشفى في الطريق كنت


اقول ايات تسهيل الولادة ...........

وصلت المستشفى تقريبا الساعة 10 ونص صباحا دخلوني قسم الولادة وممنوع اي احد يدخل معي

لازوجي ولاامي ولااحد اول شي غيرت ملابسي ولبست ملابسهم وقاسو لي الرحم

صار مفتوح [GLINT]3 سم[/GLINT] بس على كل هالالم كانت الساعة 11 الصباح

وبعدين زاد الالم وصار يطول وعطوني ابرة مسكن هدت الالم شوي ومرررررررررت

السااااااااااااااااااعات وكانها ايام وانا الطلق يزيد يزيد ويطول اخر العصر قاسوو لي الرحم

صار مفتووح[GLINT] 4 سانتي[/GLINT] انجنيت كنت متوقعة يكون 6 او 7سانتي على هالالم

وانا على بكا وصرااااااااااااااااااااااااااااااخ والم يزيد

وماشاءلله كل اللي كانو معاي بالغرفة واللي جوو بعدي ولدوووو كلهم كانت هذي الغرفة

يحطونا فيها واذا قربت الولادة يودنهم غرفة الولادة

جاااااااااااء المغرب والعشا مررررررررت الساعة وانا واقفة مكانك سر الا الالم يزيد

كنت اتمنى اشوف امي ولا زوجي ولا اختي اي احد كنت ابكي من الخوف ومن الالم

وفضت الغرفة مافيها الا انا والممرضات يطلون علي ويرووحون

كل اللي قدرو علية (((((((مدااام اذاا فية الم حطي اكسجين ))))))))

هالاكسجين شكلة بس كيذا لعبة تسكيتة عشان مانصارخ ونزعجهم

الساعة 11 اسمع صوت امي وزوجي واختي في الممر

يالله هذيك اللحظة كان باب الجنة انفتح لي

كانووو يتخااااانقون مع الممرضات يبووون يدخلون عندي

حسبي الله عليهم دخلت اختي والممرضة فوق رااااااسها

والله ماخلتهاا تتكلم كلمتين الله ياخذها ماقعدت ولا دقيقة

بس ضميتها وقعدت ابكي اقووول لاتروووحون تكفووووووون لاتروووووحون

قالت احنا عندك هينا بالاستراحة بنجيك كل شوي <<<< تلعب علي

يالله يالله دخلوها وشلون بتجي كل شوي,,,,,, وعطتني قرفة ورطب

وطلعوها الممرضات بالقوة

وبعدين دخلت امي قالت لهم شوي بس بقرى عليها قران ماخلوها كل شوي يقطعون عليها

(((يالله ماما ماما مممنووووووع هينا ولادة ممنوع احد يدخل )))))))))))

ااااااااااااه لوو كانو الممرضات سعوديات ولا اي احد غير هالهنديات ماكانوو تحكموو فينا كذا

طلعت امي وانا ابكي كان ودي انهم جلسوو عندي شوي لووو ساعة واحدة::::::::::::::

بعدين جوو قاسوو صار 5 سانتي :sm215:

وبعدين ودووني غرفة الولادة قلت ليش الحين تودوني غرفة الولادة لسة ماصار 7 سانتي

قالوو عشان هاذيك الغرفة اكسجين احسن حسيتها تسكيتة

وكان طول الوقت من اوول ماجيتهم فيني جهاز الطلق ونبضات البيبي

من رحت غرفة الولادة زااااد الالم اضعاااااااااااااااااااااااااااااااااااااااااااف

اللي قبل كانت مرة قريبة مابين كل طلقة والثانية الا دقيقتين

واجبروني انام على ظهري لان كانت نبضات البيبي ضعيفة

وانا ظهري نااااااار وكنت اترجى الممرضة ابي انام على جنبي شوي

ماخلوووووووووووني هاللحظة كانت اصعب لحظة من الالم مادري وين انا

ماعاد اشوف اللي قدامي بعدين جو دكتورتين قام يكشفون من تحت بقووووة

يدخلون يديهم وانا اقول خلاص ليش كذاااا كانت اشكالهم تخووووووووووووووووف

كانوو واقفين قدامي الممرضات والدكتورات مبحلقين عيووونهم :eek: بجهاز الطلق

بعدين قالوو فية شي بنتاكد منة اذا تاكدنا خلالاص عملية كانت سبحان الله نازلة
على جبهتها مو على راسها

مرت دقايق واحنا على الحالة هم مبحلقين بالجهاز وانا ميتة صرااااخ والم

كان الالم متوووووووووواصل ماوقف

وبعدين بسرعة الريح فككوو الاجهزة قالولي عملية خلاص البيبي نبضة ضعيف

كانو علي 3 ممرضات يلبسوني لبس العملية وطلعوني بالسرير يررركضوون

وقدامي دكتورين كان الكل يرررررررررررررررررررررررركض المنظر كان مرعب

دخلوني غرفة العمليات وانا اصارخ واقول خلالالالالالالالاص ارحمووووووووووني

وكان هذا اخر شي اتذكرة

وبعدين صحيت بغرفة الافاقة وانا مادري وين انا سالت الممرضة

وين بيبي ؟؟ بنت ؟؟ قالت ايوة بنت

وبعدها ودوني للغرفة كانت الساعة يمكن 3 الفجر من يوم الخميس

جلست يوم كامل ماكل ولا اشرب كانو حاطين لي قصدرة

بس كان الالم اللي يذبح يوم شالو القصدرة وقالولي امشي

وصرت لازم اروح لدورة المياة ونتوو بكرامة

عاد الالم اللي بعد العملية هذي يبغالها قصة ثانية

اللهم اجرني على االتعب اللي مريت فية بعد العملية

الم غير طبيعي كان عروقي تتقطع ماقدر انام ولا اجلس

ولا اقوم الا بصرااااااااااااااااااااااااخ

وبنتي ماشفتها حطوها بالحضانة ماجابوها اشوفها وانا ماكنت اقدر اتكلم

من البنج يوم جا زوجي صورها لي بالجوال وراني صورتها

حسيت بضيقة كل الامهات حظنوو البيبيهات ورضووعهم وشافوهم الا انا

ماكنت اقدر اتحرك ماشلتها الا بعد يومين كانت صغيرة وزنها 2 كيلوو

الكل يقولي حسافة على هاالصغيرة عملية وشقة بطن بس الحمدلله

وجلست بالمستشفى 4 ايام وانا طلبت من الدكتور اني اطلع جاني اكتئاب وانا

بالمستشفى ولا المفروض اجلس 7 ايام


واليوم كملت 20 يوم

وهذي قصتي ان شاءلله ماطولت عليكم بس حبيت اعيشكم اهم لحظات مرت علي


:888345::888345: مع السلامة