راتبي ما يتم لين 6 يوم شو اسوي؟

DXB_lilly 23-09-2008 11 رد 2,804 مشاهدة
D
انا استلم راتي بسيط لاني ادرس و اشتغل في نفس الوقت..

انا حاولت اوفر شي بسيط من شهرين و بعدين في هال الشهر صرفته كل اللي موفرتنه..

مشكلتي اني ما اعرف على شو اصرف فلوسي..

اتخيلوا البنك مطرشلي الستيتمت لست شهور.. و المبالغ كبيرة و حتى انحولت من كثر الصرف.. و يوم حسبت لين متى يبقى الراتب ل سادس يوم في الشهر..

محد متضايق كثر زوجي في السالفه هذي..

و امي كل مرة تعصب علي..

شو اسوي .. ما عرف اوفرلي شي..

انا روحي ما عرف اوصف نفسي؟
احس انه حرام راتبي يضيع ... :confused:

اختكم،
ليلي دبي
أ
اممممممممممممممم


انا بعد مثلج الراتب يطير وما يجي نهايت الشهر



الا وانا مفلسة واقعد عطوني وعطوني



والله فشلة



صج اللي عندة طريقة تدبير



خل يقول لنا
ق
أنا صج ما أقدر أقاوم الشراي والطلعات بس مستحيل أقعد أطر من أحد كرامتي ما تسمح لي أمد يدي حتى لأهلي، يعني صج أنا ما أوفر بس ما إيجي آخر الشهر إلا وأنا عندي فلوس الحمد لله.

شوفو طريقتي

أول شي لازم تعتمدين على نفسج واتقولين ما راح أتسلف من أحد
شي ثاني أنا ما أستخدم الكروت (كردت كارد أو فيزا كارد) لأنها تخليج تصرفين وما اتقاومين الشراي
لما أروح أول الشهر أسحب من البنك آخذ ثلث الراتب يعني لو كان 300 دينار آخذ 100 دينار
والفلوس مو كلها أحطها بالبوك لا أشيل نص المبلغ وأحطه في الغرفة
أعزل فلوس البترول على صوب يعني أنا أصب بترول 4 مرات في الشهر أحط لي مبلغ 20 دينار
وطبعا بالنسبه للهندي اللي يغسل السيارة بعد أشيل فلوسه على صوب
وللصالون مثلا أخلي مبلغ معين (طبعا أنا ما أروح الصالون وايد لأن مسويه لي صالون بالبيت ههههه بس أروح للحفاف مرتين في الشهر)
وطبعا لازم للتسوق أحد مبلغ معين يعني مثلا 100 دينار
وإذا صار عيد أو شي أحط في بالي أني بحتاج مبلغ كبير فأوفر من قبل 3 شهور وما ألمس هالفلوس
وإذا حسيت إن المبلغ بدى يقل أو إني صرفت أكثر من اللازم ما أروح السوق لأني حتى لو مريت ما بقاوم وكل واحد يعرف نفسه واذا رحت مع أحد ما آخذ معاي مبلغ كافي عشان ما أشتري.

وقبل كنت أكتب مصروفاتي في دفتر خاص يعني كل اللي قلته أسجله وأعزل الفلوس في ضروف وكلها كم شهر وتعودت وقمت أوفر الحمد لله.

بس أهم شي أن تكون عندج إراده، يعني أنا حتى يوم كان أبوي يصرف علي ما كنت أطلب مبلغ زياده عن مصروفي يعني أقدر أعيش على قد اللي عندي، وبصراحة إذا أنا شخص واحد ومو قادة أعيش نفسي عيل اللي عنده مثل راتبي وساكن بشقة ويدفع الفواتير وعنده ولد وإلا إثنين شنو يسوي.

وسلامتكم
ع
انا اؤيد كلام الاخت قطاف

لازم تكتبين بدفتر عندج شنو مصاريفج الضرورية كل شهر

والاشياء الكمالية تقدرين ما تشترينها كل شهر

يعني لمن تتحول الى ضرورة اشتريها

و حاولي كثر ما تقدرين انج تحاسبين نفسج على كل فلس دفعتيه

وحاولي تمسكين ايدج يعني مو كل مااروح مكان لازم اشتري

لا اذا اعتزتج شي شريته
ع
افكارهم حلوه

انا بصراحه لاعندي راتب ولا مصروف

كل مااحتاج شي اكلم بابا الله يخليه لنا

بس افكر اخليه يعطيني مصروف كل شهر ايش رأيكم؟

عيون الفهد
أ
امممممممممممممممممممم


والله بجرب فكرتج اكتب اللي ابية بورقة واحاول اصرف على قد اللي عندي




وما استخدم الفيزا والكارد ماستر
أ
طريقتي في التوفير:

1- تخلصي تماماً من الcredit cards.

2- أول ما تقبضي مرتبك طلعي منه صدقة، حددي لنفسك مبلغ شهري يطلع صدقة أو نسبة معينة من المرتب 2% أو 5% أو 10% زي ما تحبي وكله بثوابه عند الله

3- لو عندك مصروفات ثابتة شهرية حطيها على جنب، مبلغ للبنزين مثلاً، راتب السائق، مبلغ للكوافير ... الكلام ده كله

4- الحاجة اللي دايماً بتساعدني إني أوفر فلوس كتيييير رغم إن مرتبي كان قليل، هي إنك لا تشتري تلقائياً، يعني قاومي الرغبة في الشراء فجأة، عايزة تشتري شيء فكري هل أحتاجه؟؟ عندي حاجة شبهه؟؟ عندي حاجة تليق عليه؟؟ وطوال الشهر رتبي في عقلك الأشياء التي تريدين شرائها هذا الشهر، ممكن حتى تكتبي أماكن وجودها وأسعارها

5- في آخر الشهر وأول ما تقبضي المرتب الجديد، شوفي فاضل معاكي كام من مرتب الشهر اللي فات، ممكن يفضل الربع أو الثلث، لو تحبي توفري منهم مبلغ ولو قليل يبقى خير وباللي فاضل انزلي اعملي shopping spree اشتري الحاجات اللي كنت ناوية تجيبيها، ولو المبلغ مش هيكفي كله، قسميهم ايه الأهم؟؟ أو ايه اللي ممكن يكون مش موجود الشهر الجاي؟؟ هاتيه وأجلي الباقي للشهر اللي بعده.

طبعاً كتابة المصروفات لا غنى عنها لأنها تظهر لك نوعية إنفاقك، يعني هل معظم إنفاقك على المكياج، ولا الطلعات، ولا البنزين وكده

وفي النهاية عودي نفسك على الصبر ثم الصبر ثم الصبر، مش كل حاجة نبقى عايزين نشتريها لازم ناخدها دلوقتي، ممكن ناخدها كمان أسبوع أو كمان شهر مش مشكلة، ولو مش خدناها خالص في مرة من المرات برضه مش مشكلة :)

ربنا يوفقك ويجعل بركة في مرتبك
D
مشكورين عزيزاتي على الردود المفيدة...

أنا الصراحه اتعلمت اشياء وايد مفيده من ردودكم..
اختي قطاف و أمة الله و عروس الحب مشكورين و جزاكم الله ألف خير..

وان شاء الله موضوعي هذا استفدتي منه يا أمونه القمر..


وربي يخلي الوالد يوم يصرف عليج و ربي يعافيه ان شاء الله و يعطيه القوه يا أختي عيون الفهد s .. انا اقول خلي يعطيج مصروف على اللي يقدر عليه و هذا يكون لج انتي توفرينه لنفسج حق الاشياء اللي تريدين تاخذينها .. انا يوم كنت في بيت أبوي كنت اوفر شي بسيط من المبلغ اللي يعطيني اياه و مثلا يوم انسافر اشتريلي فيهم عطور و شنط ماركات .. لاني ادري اني بحصلهم برع بسعر احسن .. بس يوم اتزوجت اتغير كل منظوري .. صرت احب اصرف لاني اعرف ان زوجي بيعطيني و يوم اشتغلت بدال ما اساعده و امسك لنا مبلغ نحتاجه صرت اصرف بدون ما اعرف وين تروح فلوسي و على شو اصرفها..


ما بتصدقون البارحه رحت اشتري من الستي سنتر اغراض للعيد واحين صرفت على طلعتي هاي وايد.. ولا حسبت حساب.. ماعرف والله احس عمري مدمنه صرف.. اعوذ بالله..

المهم بحاول و بشوف كيف بقدر اوفرلي مبلغ.

انا في بالي فكره بس مب عارفه اذا بتنفع ولا..
انا بحدد مثلا مبلغ 20 ألف.. احاول اجمعهم في 6 شهور.. و بجمع على اساس انه البنك يقطع من راتبي و بدون ما انا امسكهم و احطهم في حساب التوفير اللي عندي..

شو رايكم ؟؟
أ
الفكرة حلوة أختي بس ما لها قيمة لو ما تعلمتي تسيطري على الإنفاق بتاعك

لازم السيطرة تبقى من عندك انتي، مش من حد تاني

لأن عمر ما حد هيكون متحكم في فلوسك زيك

لازم لازم لازم تتعودي تسيطري على نفسك في الشراء

ربنا يوفقك يا قمر :)
د
شوفي أختي .. أنا مع الأخت الي قالت أول ماتستلمي الراتب تصدقي , لأن الرسول صلى الله عليه و سلم قال : ( مانقص مال من صدقه بل تزده بل تزده ) و أنا اعترف اني مقصرة في الجانب لأني ماأعرف كيف أتصدق .

المهم , إضافة للي قالوه الأخوات نصيحتي هي لاتحطين الفكه ببوكك , دائما احملي ورقه نقدية ذات قيمه عاليه أفضل من حمل نفس المبلغ و لكن بأوراق نقدية كثيرة.. إن شالله تكونين فهمتي ..

لأن لو كانت الفكه معاك دائما , راح تضيع من دون ماتحسين على أشياء في نظرك بسيطه , مأكولات و حلويات حاجت رخيصة , لكن لو كان عندك ورقه وحده , راح تتحسفين تصرفينها على شي تافه .

اللهم بارك لنا في أموالنا و ارزقنا ياغني يارزاق ياكريم .
أ
البنات ماقصروا ماشاءالله عليهم
ش

اختى انه بعد راتبى ضعيف
لكن اطلع منه شهريا صدقه بسيطة
عليك الاستغفار كثير
دايما اصرفى فلوسك على مهم
X