mashimaro16;7261420:
انا حقولكم على حاجه بفكر فيها وقولولى رايكم بصراحه
هيا بالنسبه للفرح نفسى اعملها بس خايفه اندم انى معملتش فرح بجد والحمدلله مقدره انى اعمل الفرح موجوده بس انا مستحرمه اوىىىىىىىىىىىىىى
بصوا الفكره كالاتى
فى قاعات فى نادى الشرطه بتاع مدينه نصر ومسجد الشرطه بتاع صلاح سالم القاعات دى بتتاجر بالساعه انا بفكر انى مثلا اجرها ساعتين تمام
بدايه انا بفكر انى مروحش لكوافير خاللللللللللللص انا فى خطوبتى انا اللى عملت الميكب لنفسى حيث انى مش بحط ميك اب فى العادى فحطيت ساعتها بصيت اوى وخفيف مجرد حاجه سمبل كده رقيقه اوى وخلاص
فبفكر انى اعمل لنفسى الميك اب والطرحه عادى ممكن البسها لنفسى انا بنت خالتى كانت عايزه تعمل زييى كده بس اهلها اصروا وجابت واحده من اللى اسمائهم معروفه بس مش فاكره كانت مين وبعد ما عملتلها الميك اب بنت خالتى مسحته وهيا اللى ربطت الطرحه ومجرد ان البنت ثبتتهالها وبسسسسسسسس
فبفكر انى اعملها كمان لنفسى انا مش بحب الاسبانش بقى والكلام ده الحمدلله
وبعد كده نروح نتصور مثلا ونروح القاعه واحجزها مثلا من 7-9 وهناك نكتب الكتاب واعمل التوزيعات بتاعت االافراح واعملها احسن حاجه واكلفها جامد اوى ونتصور بقى والكلام ده وكده وبيبسى وشيكولاته والكلام ده وبعد كده نروح نتعشا انا وهو ومامتى وبابايا واخواتى وكذلك من ناحيته واكبر ناس فى العيله نكون مثلا بتاع 20 فرد فى اى مكان محترم وبعد كده نسسسسسسسسسسسسسسسسسسسساااااااااااااااافرررررررررررررر واروح اركب الطياره وانا بفستان الفرح حيث انها امنيه حياتى
وابقى وفرت فلوس الفرح وسافرت احسسسسسسسسن
تفتكروا فكره كويسه ولا حندم فى يوم من الايام انى معملتش فرح واتزفيت وبابايا سلمنى لعريسى وكده حيث ان المشهد ده مؤثر اوى فيا :)
وفى افكار تانيه فى دماغى بس قولولى رايكم بجد اينعم لسه بدرى على الفرح بس انا عايزه اقرر :)
بصراحة يا مارو الفرح لا يعوض. فرحة تانية غير اى حاجة فى الدنيا حتى لو كنتى عاملة اكبر خطوبة فى البلد. ده رأيى. انا عملت خطوبتى فى البيت عشان ان شاء الله لما اعمل فرحى تبقى فرحة الزفة والهيصة والحاجات دى فرحة مميزة وشفتها مرة واحدة بس وافضل فاكراها طول عمرى حتى لو ماعرفتش اسافر فى شهر العسل مش مشكلة كفاية اننا هنبقى مع بعض. الفرح بيتعمل مرة واحدة فى العمر يا تعمليه يا ماتعمليهوش انما السفر ده ممكن فى اى وقت تاخدوا اجازة وتسافروا. ممكن تحوشوا سنة وتسافروا بعدها احسن حتة فى الدنيا. ده رأيى وفى الاخر كل واحد بيعمل الحاجة اللى مقتنع بيها.
انستاسيا;7261443:
شوية خطوات بسيطة يا ريت أي بنت تعملها علشان تحضر بشرتها للماكياج وهي..
الخطوة الأولى
تغسل البشرة بالغسول أو الصابون المناسب لنوع بشرتها.
الخطوة الثانية
تنظيف البشرة من خلال التونيك باستخدام قطنه.
الخطوة الثالثة
تستخدم "الإسكراب" علشان تزيل الطبقة الميتة من على البشرة وتستخدم "الإسكراب" مرتين في الأسبوع فقط..
الخطوة الرابعة
تضع الماسك الخاص بنوع البشرة.
الخطوة الخامسة
تحضر "ثلجة" وتمررها على الوجه لأن الثلج بيساعد على تثبيت الماكياج لمدة أطول وبيساعد كمان على انقباض المسام.
الخطوة السادسة تضع الماكياج
تصحيح للمعلومة:
التونر بيقبض المسامات مش بينظف وليه نفس عمل التلج
niceheart;7261831:
تسلمى يامارو ياااااااااارب بس تعرفى الوزره اللى زى الورق الحائط دى بكام؟؟
بتتباع بالرول. فى رولات بتبقى 10 متر ورولات 15 او 20 متر. والرول بيبدأ من 10 جنيه تقريبا او15
لو عايزاه اشتريه من الرويعى احسن عشان هناك التشكيلة كبيرة جدااااا
Bunny Sary;7262338:
ازيكو كلكم
مبروك مبروك الجزء الجديد
بس بجد انا زعلانة موووووووووت ......... كل اما اسأل على حاجة محدش يعبرنى خاااااااالص:ss::ss:
بقالى 3 سنين بسأل عن المكان اللى بيجيبوا منه اكسسوار الحمام
و كمان بليييز عايزة اعرف اسماء البرفانات الرجالى الشيك جدا جدا
يا رب يا رب تردوا عليا المرة دى
لو قصدك على الصبانة وبتاعت الشاور والحاجات دى يبقى فى الرويعى والفجالة وميدان الجامع
البرفانات دى بقى بتبقى أذواق لازم تنزلى المحل وتشميهم بنفسك
عاشقة الرحمن دينا;7262676:
بالنسبة للجيبونة التل انا كنت جايبة فستانى من محل اسمو ندا في اول عباس العقاد واتفقت معاة على الجيبونة التل وكان حسابها برة الفستان وكانت ب 375 جنية تقريبا
وبعدين بعد ما استملت الفستان والجيبونة (الجيبونة كانت منفوشة اوى) قيستهم في البيت لاقيت انى مش عارفة امشى خالص تقل الفستان على الجيبونة جايين على رجلى وبتكعبل وانا ماشية ف اضطريت البس جيبونة تانية معمولة من البلاستيك كدة شبة السلك بس رفيعة اوى لبستها تحت التول
يعنى لبست جيبونتين لانى بكرة الفستان اللى بيكون واقف من السلك بتاع الجيبونة وبيعمل مواقف وحشة في الفرح وبيترفع وبتكون بهدلة
ومع دة كلو وقعت وانا طالعة على السلم بس الحمد لله مكنش في حد معايا لانهم طلعو الناس من السلم التانى
ههههههه
الجيبونه بس ب 375؟؟
هيا كده غاليه و لا انا بيتهيألي
بصى يا قمر انا ماعرفش ايه الجيبونة اللى بـ375 دى طبعا غالية موت ده غير ان اصلا كل المحلات اللى روحتها بيدوا الجيبونة على الفستان من غير ماتدفعى فلوس ليها خاااااااالص. الجيبونة والطرحة والبادى بتاع التقفيلة كل دول سعرهم داخل فى سعر الفستان والمحل اللى يقولك غير كده يبقى بيسرقك
dandona we bas;7262702:
مرسي على ردك يا قمر بس انتى ايه رايك مين احسن و اخف في الجيبونات؟؟؟؟؟؟ يا سوسي
حسب موديل الفستان. فى فساتين مش عايزة نفشة جامدة دى بتعمليلها تول واوقات بيزودوا الادوار بتاعتها شوية عشان تنفش اكتر.
وعلى فكرة فى دلوقتى غير الجيبونة السلك بتبقى واحدة شبهها بالظبط بس بلاستيك ودى احسن فى الحركة ومش تقيلة.