تجهيزات عرايس مصر الجزء ال 97

dandona om jou 23-09-2008 1,005 رد 32,660 مشاهدة
B
manafola;7270726:
بوتيييي قوليل يانتي عايزة ايه تاني لاحسن توهت منك:ss:



معلش يا manafola توهتك معايا ده لان انا تايهه اصلا
اسأليلى السيل بتاع هدوم البيت واللانجرى هيخلص امتى
وهل ياترى هدوم الصيف هتكون موجوده بعد العيد ولا هتتشال
ويا ريت تبقى تقوليلى اسامى احلى المحلات لان انا مش من القاهره وعمرى ما رحت سيتى ستارز
شكراً يا جميل ربنا يبارك فيكى
m
يا ريت تروحي يا بوتي المكان بجد رائع بس هناك فيه كحل لانجيري سالت علي قميص جميل قوي لاول يوم :o
قالتلي 1800 جنيه :rolleyes:
قلتلها ميرسي و انسحبت بس دي مجرد خبرة في سيتي ستاروز للانجيري بس هلف و ارجع بكرة بالخبر اليقين زي جهينة (y)(y)
ن
ازيكوا يا بنات عامليني ايه


انا جبتلكوا صور للشيكولاته اللى كانت روباز قالت ان في حد بيعملها


دي صور من شغل الشركة دي \













يا بنات محدش قالي بتعملوا ازاي التوقيع اللى تحت ونحط فيه التيكر
s
aml86;7270718:
السلام عليكم ازيكم با بنات انا متابعه المشاركات دى من فتره وبصراحه فادتنى اوى ودى اول مشاركه ليا انا كنت عايزه اسأل عن حاجه انا جبت التلاجه توشيبا 14قدم والبوتجازكريازى ايه رأيكو فى الانواع دى بليز طمنونى وشكرا


توشيبا حلوة وهى عندنا بقالها كام سنه ومبتعملش تلج خالص
س
dyana;7271023:
:wink:


ديانا انتىكنتى قلتى على السويت بالعسل الاسود
ممكن نعرف بتعملها ازاى بالمعاير بتاعك
وهل ممكن نضيف قرص اسبرين عليها
وياترى انتى بتعمليها بالفسوخ ؟
k
يا بنات هي المفارش وكسوة الكراسي لو عايزاها بشكل معين هلقية في القاعه قصدي لون معين مثلا طيب لو مفيش ينفع اجيبوا انا وكنت شفت مرة في التليفزيون منظم افراح بيمسك القاعة يعمل فيها الديكور اللي العروسة تتطلبه وبيعمل توزيعات حد يعرف حاجة عن الموضوع ده؟؟؟؟؟
س
sally2007;7271041:
توشيبا حلوة وهى عندنا بقالها كام سنه ومبتعملش تلج خالص


[GLINT]ساالى ازيك عاملة اية
وحشتينا بتغيبى كثيرررررررر عنا
يا رب يكون خير

طيب واية تفاصيل شركة الشيكولاتة دة يا بنوتة [/GLINT]
k
فيبس فين شركة الشوكولاته دي وبكام؟؟؟؟ وانا بديلهم صورة و هما يطبعوها؟

البنوته اللي كانت سألت على الصورة الكرتون للعروسة و العريس مينفعش نشوف صور مثال يعني عشان اعرف شكلها اية؟
d
[QUOTE=ناني فيبس;7271035]ازيكوا يا بنات عامليني ايه


انا جبتلكوا صور للشيكولاته اللى كانت روباز قالت ان في حد بيعملها


دي صور من شغل الشركة دي \













رائعه ممكن التليفون والعنوان
ن
kasndra;7271052:
يا بنات هي المفارش وكسوة الكراسي لو عايزاها بشكل معين هلقية في القاعه قصدي لون معين مثلا طيب لو مفيش ينفع اجيبوا انا وكنت شفت مرة في التليفزيون منظم افراح بيمسك القاعة يعمل فيها الديكور اللي العروسة تتطلبه وبيعمل توزيعات حد يعرف حاجة عن الموضوع ده؟؟؟؟؟


معظم الاماكن كسوة الكرسي فيها بتكون بيضة او اوف وايت وعليها شريطة بتتعمل فيونكة في ضهر الكرسي بتبقى دهبي او نبيتي او لبني حسب الوان ديكورات القاعه

وانتي اسالي في المكان اللى هتحجزي فيه ان شاء الله على توافر اللون اللى انتي عايزاه وكمان اساليهم اذا ينفع تجيبي ويدينج بلانر من برا او لاء كل قاعه بيكون ليها نظامها
س
kasndra;7271052:
يا بنات هي المفارش وكسوة الكراسي لو عايزاها بشكل معين هلقية في القاعه قصدي لون معين مثلا طيب لو مفيش ينفع اجيبوا انا وكنت شفت مرة في التليفزيون منظم افراح بيمسك القاعة يعمل فيها الديكور اللي العروسة تتطلبه وبيعمل توزيعات حد يعرف حاجة عن الموضوع ده؟؟؟؟؟


[MARK="FF0000"]طالما هاتعملى فى مكان كويس زى الحاجات بتاعة الجيش او الفنادق
يبقى هاتلاقى خيارات كثير لكسوة الكراسى مش تقلقى
ايوة دى اسمة ويندج بلانير
دى بيكون باتفاق معاة وبياخد نسبة على الى هاتعملية او اجر ثابت حسب الاتفاق
دى شغلتة وبيسمك الفرح من الاول لاخرة بكل تفاصيلة [/MARK]
s
للتخسيس من كتاب الطب النبوى
يؤكل قبل الاكل نعناع اخضر بكثرة ويشرب بعد ذلك فنجان ماء وعليه معلقه خل تفاح.

او يأكل ليمونه بنزهير يوميا على الريق.

او يؤكل كرفس كشوربه بدون دهون حيوانيه.

او يؤخذ بذر الكرفس ويطحن وياخذ منه ربع معلقه صغيره قبل الطعام بكوب ماء.
L
سارة المزعورة;7270197:
عجبتك ميرسى لكى تحياتى يا ست البنات:D(f)

المخدة دى مش بتتجاب دى انتى الى بتعمليها بمعنى انك تجيبى قطعة قماش مربعة وتخيطيها وتحشيها قطن او فايبر زى الى بيكون محشى بية الدباديب وبعدين تخيطيها وبعدين تجيبى حتة قماش اورجانزا او ستان وتغطى المخدة دة بيها وبعد كدة تبتدى تزينى المخدة دة زى ما تحبى

تتحط المخدة على الصينية وعليها الدبل وبس خلاص
اساسا الى قال على الفكرة دة بنوتة ماكنتش عجبها علبة الشبكة بتاعتها ففى بنوتة ثانية اعتقد من طنطا قالت لها على فكرة المخدة وقالت انها عملتها لصحبتها

اعذرونى انا لا افتكر اسماء لكن طبعا الفضل لصاحبات الفضل

عايزة اعرف هى الكوفرتات دة موجودة على طول لما بتتشال لما الشتاء يدخل؟


بالنسبة لمخدة الشبكة فى ناس كتير ممكن تنفزهالك مخصوص وده على حسب ألوان فستانك وكده ومككن تتجاب من اى محل فى ويدنج ستاف .
d
سارة المزعورة;7271050:
ديانا انتىكنتى قلتى على السويت بالعسل الاسود
ممكن نعرف بتعملها ازاى بالمعاير بتاعك
وهل ممكن نضيف قرص اسبرين عليها
وياترى انتى بتعمليها بالفسوخ ؟


بصراحه مش انا اللى بعملها دى خالتو اللى بتعملها وبتدينى.. ولما سألتها قالتلى دى بالعسل الاسود بجيب حبه عسل اسود على النار مع نص ليمونه لغايه ما تتقل وبعدين بتسيبها تبرد وبتشغلها بقى .
وهى بتعملها ليا على طوول وبصراحه مزهله ورائعه وبعد ما بتعملى جسمك ادهنى عصير ليمون
ن
الشركة دي اسمها Chocolgraphy

موجودة في المعادي

وعلى فكرة ليهم جروب على الفيس بوك

لو كتبتوا اسم الشركة على الفيس بوك هتلاقوا في نتيجة البحث ظهر اختيارات كتير الشركة دي هي اول اختيار حاطين بيانتهم وكمان صور تانيه لشغلهم
m
سارة المزعورة;7270033:
انا ليا راى وفرى الكلام دة فى الخطوبة ابقى اعملى الى انتى عايزاة
يا بنتى دى قراءة فاتحة يعنى حاجة كدة من برة مالوش لازمة
لما تبقى دبلتة فى ايدك ابقى اعملى الى انتى عايزاة غير كدة نووووووووووو
قراءة فاتحة بسيطة عادية حاجة سمبل كدة على قد الاهل المقربين
عادة والغالب الفتحة دى بتكون رجالة يعنى رجالة عيلتهم ورجالة عيلتكم والناس الكبيرة الستات الكبار يا دوب انتوا عاملنها فى البيت
حاجة كدة على قد البيت مش الاستاد
ممكن يكون كلامى محبط ليكى لكن دى فكرة عندى ودى الى انا عملتة وطبعا هى اذواق



لما الناس الضيوف يجيبوا معاهم حاجة قدموا منها ليهم
الضيف دة عارف هو داخل بيت مين وعارف انك مش مستنين
وعشان كدة راح تعب نفسة وكلفها وجبلكم حاجة تليق بيكم
يا بنات فى الاتيكيت وبرونوكول الضيافة لازم تقدموا للضيف من الشىء الى هو جايبة
دى الاصول ودى بتخلق جو من الالفة والسماحة والتعامل يكون سهل ودى بردة فكرة عندى



(y)(y)(y)

nemonamanemo;7270304:
ا
لبوتوجاز كله دهون مش عايزة تطلع


أول عفريت ممكن يقابلك وأنت بتنظفي أدوات المطبخ هو البوتوجاز هو صحيح عفريت كبير شوية بس تنظفيه سهل جدا لو عملتي اللي هقولك عليه..

شوفي يا قمر لو عايزة تتخلصي من أي آثار للدهون اللي موجودة على البوتوجاز نتيجة القلي والتحمير يبقى هاتي إسفنجة فيها مسحوق غسيل وامسحي البوتوجاز بيها وبعد كده امسحيه بإسفنجة مبللة بالميه وبكده يبقى البوتوجاز نظيف من غير أي مجهود ولو عايزة زيادة في اللمعان يبقى امسحيه بورق جرائد مبلل بالميه...

دي كانت طريقة، فيه طريقة تانية ودي ممكن تلجئي إليها لو كان البوتوجاز اللي عندك فيه دهون ناشفة ومش عايزة تطلع يبقى ضعي على الدهون دي خليط مكون من نص كوباية ميه + نص كوباية أي مسحوق تنظيف عندك وسيبيه عليه لمدة ساعة وبعد كده ابدئي في تنظيف البوتوجاز بنفس الطريقة السابقة.




الحلة الألمونيا اسودت


من المشاكل اللي ممكن تقابلك وتبقي مش عارفة تعملي معاها إيه مشكلة إن الحلة يكون فيها سواد في القاع وعلشان تتخلصي من المشكلة دي يبقى افركي السواد ده بشوية ملح خشن وليمون وبعد كده اشطفيها كويس واغسليها بالصابون وفرشاة خشنة وبعد كده اشطفيها كويس بالميه وهتشوفي الفرق بنفسك هتلاقي الحلة رجعت جديدة.


ريحة اللحمة لسه في المفرمة

ساعات كتير لما تيجي تفرمي لحمة في المفرمة ريحة اللحمة بتفضل موجودة فيها ومهما تحاولي تغسليها بمساحيق ليها ريحة حلوة إلا إن ريحة اللحمة بتفضل موجودة برضه.. نفس الموضوع ده بيتكرر لما تيجي تطحني بهارات ريحة البهارات برضه بتلزق هي كمان...

وعلشان تتخلصي من المشكلة دي نهائي يبقى هاتي عيش محمص واطحنية في المطحنة أو المفرمة وبعد كده اغسليها بنفسك وأوعدك إنك مش هتلاقي أي آثار لريحة الحاجة اللي اتطحنت لأن العيش هيمتص أي ريحة.




الأطباق والكوبايات الزجاجية مش بتلمع

من ضمن المشاكل اللي ممكن تقابلك مشكلة إن الكوبايات والأطباق مش بتلمع بالرغم من إنك غسلتيها أكتر من مرة بمسحوق غسيل فيه مادة ملمعة لكن مفيش فايدة!!!

وعلشان تتخصلي من المشكلة دي يبقى بعد ما تغسليها بالصابون حطيها في طبق فيه ميه فاترة مذاب فيها ملح وسيبيها لمدة ساعة وبعد كده اشطفيها كويس قوي وسيبيها على ترابيزة المطبخ علشان تنشف في الهواء من نفسها واوعي تنشفيها بفوطة المطبخ لأنها هتخليها تفقد لمعانها.

أما بالنسبة للأكواب الكريستال فاشطفيها بميه فاترة مضاف إليها قطرات من الكحول الأبيض وسيبيها لغاية ما تنشف من نفسها.




الدهون لازقة في الخلاط

ساعات كتير بتستخدمي الخلاط علشان تضربي فيه خليط فيه دهون بس للأسف الشديد ساعات الخليط ده بيلزق فيه وبتبقي مش عارفة تطلعيه ازاي...

وعلشان تحلي المشكلة دي يبقى حطي في الخلاط شوية ملح +قشر ليمون +كوباية ميه سخنة واقفلي الخلاط ورجي الخليط ده جواه أكتر من مرة كويس وبعد كده اغسليه زي ما أنت عايزة وهتشوفي الفرق بنفسك.


أدوات المائدة "المعالق والسكاكين والشوك"
مش عايزة تلمع


علشان تلمعي السكاكين والمعالق وأدوات المائده غير الفضية يبقى دوبي شوية مسحوق غسيل في لتر ماء + عصير ليمونة وحطيه على نار هادية مع المعالق اللي أنت عايزة تنظفيها وسيبيه لغاية ما يغلي لمدة ربع ساعة...وبعد كده سيبيه لغاية ما يبرد وبعد كده اشطفي المعالق أو السكاكين بالميه وسيبيهم لغاية ما ينشفوا في الهواء وبلاش تنشفيهم بفوطة وهتلاقيهم بقوا يلمعوا كأنك لسه جايباهم.


رائحة البصل لازقة على لوح التقطيع


علشان تتخلصي من رائحة البصل والثوم والسمك وغيرها من الروائح اللي ممكن تكون موجودة على لوح التقطيع يبقى ادعكي لوح التقطيع بنصف ليمونة أو حطي عليه طبقة معجون عبارة عن "كوباية ميه + بيكربونات الصودا "وسيبيهم لمدة ساعة وبعد كده اغسليه كويس بالصابون والمية.


سيراميك المطبخ مش عايز يلمع


علشان تلمعي سيراميك المطبخ سواء سيراميك الجدران أو الأرض يبقى دوبي فنجان خل أبيض + عصير ليمون + ملعقة كحول نقي "موجود في الصيدليات" في ميه فاترة ولمعي بيه السيراميك وهتشوفي الفرق بنفسك.

ولو عايزة ريحة المطبخ تبقى حلوة بعد ما تخلصي يبقى ضيفي إلى مية المسح عصير 5 ليمونات وهتشمي الريحة بنفسك.


إسفنجة الغسيل بقت مش نظيفة


بعد ما خلصتي غسيل كل حاجة لقيتي إن إسفنحة التنظيف شكلها زي ما يكون قديم ومش نظيفة ونفسك ترجعيها زي الأول يبقى انقعيها في مية سخنة مضاف إليها ملح خشن أو بيكربونات الصودا أو صابون الغسيل وبعد ساعة اغسليها كويس بالصابون والمية.


بقايا الأكل والدهون سدت حوض المطبخ


ساعات كتير البلاعة الخاصة بالحوض ممكن تتسد نتيجة تجمع كمية كبيرة من بقايا الأكل عليها أو الدهون وعلشان تتغلبي على المشكلة دي يبقى هاتي كوباية كلور + كمية كبيرة من المية وضيفيها إليها وافتحي حنفية المية السخنة لمدة عشر دقائق وكل حاجة هترجع زي الأول وأحسن.


ميرسى ليكى ياقمر جزاك الله خيرا


عاشقة الرحمن دينا;7270311:
طيب ممكن تفيدوني
لو قرايه فاتحه بس و الديله مع الشبكه بعدين ان شاء الله
هعزم ناس كده و لا هما اهلي و اهله
و موسيقي و الكلام ده و خروج و لا الفاتحه و زغروته لولولي هنا و لولولي هناك و خلاص ؟؟؟

و معلش كمان انا اسرتي ( انا و بابا و جدتي و جدتي ) بس و هو ( هو و مامته و باباه و اخته و اخوه (
حد تاني المفروض يجي قرايه الفاتحه
مع العلم لسه مفيش دبل عهوا بس ربط كلام؟؟؟
اوعو تطنشوني بلييييييز


كدة كويس وكفاية ياقمر
kasndra;7270328:
ربنا يكرمك يا دينا انتي وفيبس بجد الففففففففف شكر وفكرة الموسيقى الهادية تحفة وكمان صينية الشوكولاته بجد اهتمامكم وردكوا اسعدني

سؤال بقى لبستم اية؟؟؟؟:o


ممكن تلبسى لبس سيمبل يعنى تايير او فستان سيمبل سوارية


kasndra;7270400:
ربنا يهنيكي يا سارة حلو اوييي بس انا لازم البس دبلة عشان لسة الشبكة في شهر 12 فمعتبره ان ده مش تعارف احنا خلصنا التعارف وزيراته من قبل كده يعني دي مش اول مرة يزوروا البيت بس هنضفة بردة ههههههههه و يا بنتي ربنا يرحم ممتك ويدخلها فسيح جنناته انا اهو ماما معايا وسيباني لايصصصصصصصة وبتقولي نقدم لهم الاكل في اطباق ورق عشان نرميها وخلاص هو ينفع اللي هي بتقوله ده؟ احسن انا هتجنن حاسة انة عاااااااااار

لا والله شكلها حلو وفى نفس الوقت اريح [/

SIZE]
Botee;7270485:
فى اطباق ورق عسوله خالص وعليها رسومات حلوه انا جبتها فالفاتحه بتاعتى ال 30 طبق ب15 جنيه

وفى نوع تانى بلاستيك ابيض ال 100 ب 30 جنيه
ياريت تبقى تشوفى ردى عليكى فموضوع سيتى ستارز
سلام


(y)(y)(y)

dyana;7271093:
[QUOTE=ناني فيبس;7271035][SIZE="5"]ازيكوا يا بنات عامليني ايه


انا جبتلكوا صور للشيكولاته اللى كانت روباز قالت ان في حد بيعملها


دي صور من شغل الشركة دي \













رائعه ممكن التليفون والعنوان


وانا كمان عايزة التليفون والعنوان
s
انا الحمدا لله ياسارة انتى والله واحشنى اكتر
انا جبتلك رجيم انتى كنتى بتسالى فى الصفحه اللى فاتت
بنات انا حطيت سؤال فى قسم العنايه بالشعر عن طريقه النخاع ازى وقلت انى قريت فى كتاب الطب النبوى انوا بيتيسح فى زيت زيتون مع شمع ويتحط على الشعر لمده خمس ساعات وبعدين يتغسل بماء دافئ حد جرب الطريقه دى قبل كده
او لو فى طريقه تانية ياريت حد يقول
صوت انا جبت النخاع هو مش بيتباع بالكيلو لا دى وحده كده جبتهولى كميه كده واخدت 10 ج بس طلعت من العظم ده كتير قوى وهى كانت مخليه جوزها مكسرلى العظم حيث انى بسهوله انزله منه على طول
k
dadycat يب تعرفي محلات الويدنج ستف فييين الاقيها وشكرا على اهتمامك يا قمر
k
طيب سارة تعرفي ويدنج بلانر كويس؟؟؟؟
s
بنوتات انا عارفة ان انا لسة صغنونة:D و لسة متخطبتش ولا حاجة :D بس بجد حابة افيدكم في بنات عاوزين عناوين ويدينج بلانر معايا ليها موقع على الفيس بوك عليه شغل لوحدة بجد شغلها رااااااااائع
و دي شوية صور من شغلها










بس بنات ليا سؤال ياريت محدش يطنشني:( زى مانا مطنشتش حد:D عاوزة اعرف هو الافراح اللي بتبقى في بواخر ينفع تتعمل في اسكندرية و لو حد يعرف تفاصيل يبعتهالي على الخاص بليييييز و البنوتات اللي الصور عجبتهم يبعتولي و انا حديهم الموقع
اى خدمة انا موجودة:D
X