شنو تنصحوني اشتري من محل ماك ؟؟؟؟؟

ضــــ القمر ــــوء 21-09-2008 11 رد 8,542 مشاهدة
ض
بنات انا ناوية اشتري من ماك من كثر مامدحتوا فية والبنات ميتين علية

فياريت تقولون لي افضل شي استخدمتوه لأني ماعرف ولا شي عن هالماركة 0%
:o
انا سمعت عن( fix+) وكل وحدة استخدمتة تقولي شنو فايدتة وشنهو المظهر اللي يعطي ويستاهل

اشترية ولا لا؟؟؟؟

وسمعت عن البودرة المضغوطة (ستوديو فكس) اللي استخدمتها تقولي انها حلووة ولا لا؟

وعن كريم الأساس اللي اسمة (slect spf15) اللي استخدمتة تقولي لأني خاطري اشترية للجامعة

وقريت في الموقع حقهم انها تعطي مظهر زي البيبي يعني يستاهل اشتريه ولا لا؟

وبسألكم عن جلوساتهم سمعت انها تروح بسرعة وغير ثابتة وتظل بس ساعة هالكلام صحيح ولا لا؟

وقلم الكحل المقاوم للماء الأسود ثابت ولا لا ويسييح ولا لا؟

ياريت كل وحدة استخدمت اي شي من ماك وعجبها تقولي

وسلامتكم:D
ق
بودرة ستيديو فيكس هذي احسن بودره عندي و ماغيرها من زمان من تخلص اشتريها

و انا اخذ رقم nc35

لونه طبيعي للي لونها حنطي فاتح

و اخذي معاه سفنجه زياده احسن عشان اذا صارت اسفنجتج قديمه استبدليها

و احب قلوسهم الفوشي الي يصير مثل العصاره ينعصر يعني

بالعكس ثابت و يلمع جنه جزاز و مايشقق الشفايف

استخدمه مع حمره رقمها او اسمها هو قيرل اب تاون

يكون لونها فوشي بعد

و احلا شي كحلهم الكريمي الي مع الفرشه

اسود و مايسيح وايد حلو ترسمين فيه بره العين
هو الكحل الوحيييييييييد الي ناسبني
لان عيني وايد تسيح الكحل ولا كحل ناسبها غيره

ماسكرتهم مانصحج فيها مو ذاك الزود

تبين ماسكرا حلووووووه اخذي لانكوم فيرتيوس


بلاشراتهم حلوه بعد عندي بلاشر الباربي

و طبعا كل شدواتهم حلوه و لونها على الجفن نفس لونها في العلبه

يعني انتي بتحتاجين شادو اسود كاربون اسمه

و الباقي خذي اللون الي يعجبج

مثل الوردي الازرق البني

و فرشاتهم وايد زينه مهما تغسلينها ماتخترب ابد

بس لج عليها اسعارها غاليه يعني عادي فرشه ب 18 دينار

بس انتي اخذي الاساسيات و بسسسس

و اي هيلب تبين حاضرين لج
ن
أضم صوتي لج
لأني بكرة رايحة لمجمع فيه هالماركة وناوية أمرها إن شاء الله
وأبي شغلات مميزة غير الشدوات
أنا شريت ستروب كريم
على مدح البنات بس حسيته عادي
وهالمرة أبي شي صج مميز
ن
بسألج يا قطوة بحرينية وأي وحدة عندها فكرة
عن بودرة ستوديوفكس تصلح للاستعمال اليومي و لا مناسبات؟وجم سعرها؟
ف
بالنسبه حقي روجاتهم أول ما اتحطينها على شفايفج روعه و بعد فتره بسيطه اتروح و كريم الأساس السائل ما أنصحج فيه يوم احطيها على ويهي يبغزه شوي بس حلو, و أحسن شيء اشتريته عندهم الكحل الكريمي و الفرشاه بس غاليه شويه يعني 103 دراهم بس تستاهل إذا نظفتيها بعد كل استخدام, و عندهم pre cream اتحطينه قبل كريم الأساس رهيب يخلي بشرتج مثل الحرير و يحلي المكياج
{
اممممممم ماك كل شي عندهم روعه


جربي اتلبودرة والكريم الاساس

البيجمنت حلو بالوانه

الماسكرا عجييبه
M
كل اللي اقدر اقوله لج
ان كل منتج يعطي نتيجه مختلفه على بشرة كل بنت
يعني حرام اقولج والله لا تشترين الاساس لانه ما طلع حلو علي لو ما عطاني التغطيه المناسبه
يمكن يطلع روعه عليج و انا لا
و نفس الشي لاي غرض الروج مثلا مش كل وحده يطلع عليها اللون نفس الشي
بالنسبه للفكس+ له عده استخدامات و الاخت
babyblue_ag منزله موضوع شامل عن الفكس + شوفيه


بالنسبه لشي انا اقدر انصحج فيه
ال liquid eyeliner
black track اسود فاحم و ما يسيح

اما عن البلاشرات ف رووووووووعه اختاري اللي يناسبج
الارواج بالنسبه لي انا روعه خص
lustering احلى روج عندي من ماك
و عندج روج sweetie
هذا روج مدحته الغاليه عاشقة الدوحه

^_^
@
حتى انا ابى اعرف اش احسن بودره للبشره الدهنيه رحت لماك ولقيت واحد مو عارف شي كرهني فيها مايعرف شي :)
*
اممممم أكثـر شي اعجبني من مـــااك طلااء الاظاافر روووووووووووعه من جد ,,

حتى الوانهم رهيبه تسطع ع اليد<<< أدري بتضحكون ع اختيااري بس انا من مجنوونييييين الاصباغ

وكماان اروااجهم صررعه بالالواان
g
بقولج بالاشيا اللي عيبتني اول ... شادواتهم قمه طبعاا .. تعدد في الالوان زايد ثبااات سواء لشادوهات العاديه او البجمنت ...كحلهم من افضل الكحل الثابته اللي جربتها سوااااد وثبات بعد بس لامانه انا جربت الاسود بس ماجربت الوان ثانيه عندهم الماسكرا ماعجبتني بس انا جربت نوع واحد بس ومن زماااان بس هم عندهم انواع وااايد من الماسكرات يمكن تكون احسن عن الي جربتها .. صح وشي ثاني يعجبني عندهم الي هو ارواجهم حدها عجيبه وطبعا فرشهم الغيه ن التعريف ... اللي ماعجبني عندهم الفاونديشن من تجربه شخصيه كل ما احطه يطلع لي حبوووووب ... بودرتهم تغطيتها اوكيه بس انا افضل انواع ثانيه غيرها .. ماحبيت قلوساتهم العاديه لانها ثقيله وتتلزق بس التيوب قلوس يجي اخف ... وهذي تجربتي
g
ونسيت اقولج ان الكحل الكريمي عندهم بعد ممتاز
ق
باااااااااك

الي سألتني عن البودره

هي حلوه للأستخدام اليومي و تعطي لوك طبيعي بدون تكتلات و جذي

و سعرها في البحرين 13 دينار و 250 فلس

تحصلينها في السيف و الستي سنتر
X