هلا وغلا فيج
شوفي الغالية بالنسبة للنطر هي ماسوو لها فحص نظر عند الولاده؟؟
اذا ماسو جربي تجيبين لها لعبة زاهية شوي وحركيها قدامها ببطئ وشوفيها تلاحقها بعيونها والا لا؟؟
وبالنسبة للدفافه او المشايه بدري عليها لما تكمل الست شهور..
الحين ممكن تجيبين لها اللعبة بتفيدها وبتستانس عليها اللي تجي مثل السجاده ملونه وعليها مثل الجسر نازل منه العاب ملونه..
وبالنسبة للقماط انا مااشيله لاعيالي لين 9 شهور بس من الشهر الرابع ابدأ اقمطهم بس اطلع ايدهم تدرين ليش؟؟
لان الياهل ف هالعمر بيبدأ ينقلب ووممكن يروح عنها اللحاف اذا قمطتيها من بطنها لين رجولها راح تضمنين انها متدفيه.وخاصة ف هالعمر راح تسننوراح تضعف المناعه وهوا المكيف بيضرها بهالطريقة انتي تدفين بطنها..
وبالنسبة متى بتسنن او بتمشي كل طفل يختلف عن الثاني حتى الاخوان يختلفون..بس غالبا في نهاية الشهر الرابع يسنون ونهاية السنه يمشون..
وبالنسبة للزن وهي نايمه معناه ان بطنها فيه غازات تقدرين تنيمينها على بطنها بس بشرط تكونين جنبها..وعطيها ميلوبا بابونج وايد زين ومفيد..
والزكام حطي لها قطرات محلول ملحي..
واي سؤال انا حااااااااااااااااااضرة واذا مادخلت راسليني ع الخاص ومايصير خاطرك الا طيب.
مشكووره اختى ما تتخيلي قد ايش افدتيني
جزاك الله الف خير
واليوم سويت لها اذوونها بس تبكى مو عارفه وش اسوي فيها حتى كريم او اي شي ما اعطتنى الدكتوره
أهلين
أنا بنتي أكبر من بنتك ب 7 أيام بس لأن بنتي انولدت 10/7 وأنا زيك كل شي أسأل لأنها أول بيبي
عندي الله يخليها بالنسبه للنظر أنا بنتي ما صارت تشوف أحسها إلا ألحين قبل كم يوم تقريبا وإذا عندها غازات شربيها ( شاهي أطفال ) ينباع بالصيدليه يريحها شويه والأطفال يحبونه
وصارت كمان تناغي والحمدلله و هيا الحين عمرها شهرين وعشر أيام تقريبا بس عندي سؤال
يا (أحلى أم) أنا أبغى أعرف متى تصير تمسك الرضاعه بنفسها؟؟ اذا ما عليكي أمر
الطفل يشوف من البداية بس مثل الزغللة على عينه ولو جربتي قبل تحركي شي لونه يلفت الانتباه وتحركيه قدام عينها شوي شوي بتلاحظيها تحرك عينها في جهة اللون اللي يغريها
وبالنسبة للمشاية من سن ست شهور وطالع على حسب قوتها وفي البداية لاتطولي جلوسها فيها لاتتعب ووزني الطول على حسب طولها
بالنسبة للقماط انتظري تكمل الثالث وتدخل الرابع وبعدين خليه وقت النوم وبس حتى تبدأ تتحرك وتعرف تنام بدونه لان بعض الاطفال لازم يناموا بالقماط وملاحظة لاتغطيها بشي ثقيل ممكن لاسمح الله تغطي وجهها مع حركتها وهي نايمة
اما بالنسبة للتسنين والحبي وغيره على حسب التسنين من اربع شهور وطالع ويفرق من طفل لاخر والجلوس من خمس شهور وطالع والحبي من ست شهور وطالع بس بعد ما تجلس حاولي تكوني جنبها وتتركيها على بطنها وتخلي لعبة امامها بعيدة شوي عنها علشان تحاول تقربها وتتعلم الحبي والمشي من تسع شهور وطالع وعلى حسب شطارة الطفل وقدرته على التحكم بأعصابه
وطبعا تزن اكيد فيها شي ممكن من الزكام يضايقها وممكن غازات او شي يألمها ولازم تميزي بين بكائها العادي واذا من شي اخر
مزكمة عطيها محلول ينباع في الصيدلية خاص للرضع وهو محلول الملح
سواليف ليل;7252748:
أهلين
أنا بنتي أكبر من بنتك ب 7 أيام بس لأن بنتي انولدت 10/7 وأنا زيك كل شي أسأل لأنها أول بيبي
عندي الله يخليها بالنسبه للنظر أنا بنتي ما صارت تشوف أحسها إلا ألحين قبل كم يوم تقريبا وإذا عندها غازات شربيها ( شاهي أطفال ) ينباع بالصيدليه يريحها شويه والأطفال يحبونه
وصارت كمان تناغي والحمدلله و هيا الحين عمرها شهرين وعشر أيام تقريبا بس عندي سؤال
يا (أحلى أم) أنا أبغى أعرف متى تصير تمسك الرضاعه بنفسها؟؟ اذا ما عليكي أمر
بعد اذنك اختي احلى ام لو رديت بالنسبة للامساك بالرضاعة من سن اربع شهور او اول ما تتعلم تمسك لعبتها وتشد الثقل علميها حطي ايديها بحيث تكون تمسك الرضاعة واذا ماهي ثقيلة عليها بتتعلم تمسكها شوي شوي
الله يعطيكي العافيه ( ايسمار )
وشكرا على الرد
مشكورات خوواتى
وسويت طريقه انه انبه لشي نتتبه له الحمد لله حتى اتكلم تجلس تدور بعيونها
مشكلتى صاايره عجووله ابيها تجي الثلاث شهور بدري خخخخخخخخخخ << مرره ابي كل شي بسرعه انا
- سؤالى الاول واللي شاغل باالي كلنا نعرف انه البيبي بي الارعين ما يشوف الناس وكذا سؤالي يعنى لا خلصت الاربعين يوم الخميس تشوف ولا يعنى اذ نبهته لي حاجه وما انتبهت لازم اروح فيها لطبيبها ولا استنى لانه قالي لو لحظتى عليها شي تجي لانه بنتي جايه وزنها صغير وبثانى يوم من شهري التاسع
هذا الشي راح يبين باول فحص عند الطبيب والمستشفى اكيد عطوج مواعيد للزيارات عشان البيبي فلا تقلقي
- سؤالي الثاني متى اجيب لها ما اعرف شو تسمونها بس احنا نسميها الدفافه( اللي يبدء يتعلم المشي منها )
ما افضلها
فيها وبدونها البيبي راح يمشي
قرات انها تقوس رجل البيبي
- سؤالي الثالث متى اشيل عنها الفه (القماط)..؟
اذا حسيتي انها ابتدت تسيطر على ايدينها في النوم
يعني بداية الشهر الخامس تقريبا
- متى تبدء تسنن تحبي تمشي يعنى معلومات عن البيبي بشتى عاام
بنتي كملت 10 شهور وللحين ماسننت ولا مشت هذا يختلف من طفل الى الثاني
وحبت في الشهر السابع تقريبا
- وكماان هيا ها الاياام صايره وهيا نايمه تزن اوقات اقول عندها انتفاخ ايش اسوي لها
هذا اكثر شي كان يضليقني مع بنتي
عطيها ادوية شعبية مكتوب عليها لمعالجة الغازات عند الاطفال مثل الينسون بشكل يومي وبكمية بسيطة
- وكمانن هيا مزكمه لها كم يووم ايش اعطيها علما انه اليوم بوديها المستشفى
وديها المستشفى افضل