طبع ولدي ..

ماما حسون 21-09-2008 6 رد 1,199 مشاهدة
م
صباح الخير بنات ...



شخباركم




بنات :: ولدي الكبير عمره 4 سنوات ونص تقريبا وفيه طبع هو ان اذا احد سوا فيه شي واحنا مو معاه ما يجي يخبرنا خصوصا اذا كان هالشخص كبير ،، يعني مثلا كذا مرة تجي امي او اختي او مثلا وحده من عماته وتقولي انا شفت حسون مثلا يسوي الشي الفلاني وعصبت عليه شوي وتسألني اذا كان خبرني بالموضوع او اشتكى منها واتفاجأ ان حسون ما خبرني كللللش ولما بعدين اقوله يسكت وما يرد علي ..

وهو اللعام في الروضة عمره ما اشتكى على معلمته مثلا او شي لكنه احيانا يتشكي على اليهال اللي معاه ان مثلا اخذوا اغراضه او سووا كذا ، والسنة وديته روضة ثانية ونفس الشي ما يشتكي كلش وانا اللي يخليني احاتي انه ساعات يقول لي اليوم مس .... << معلمته صرخت على فلان ويوم الخميس يقول لي انها سوت عقاب في فلان وخلته يناطط ( عقاب سهل ) ولما اسأله انت سوت لك مس ... عقاب ؟؟ يقول لي: لا ،،، بس اخاف انها مثلا تصارخ عليه او شي وهو ما يقول ..

وما ابغي ادّخل الموضوع في مخه لانه عادي يأّلف من عنده .. يعني لو قلت له مس ... تضربك ؟؟ اتوقع انه ممكن يقول اي تضربني حتى لو كانت هي ما تضربه ، واخاف اسكت ويكون الولد قاعد يعاني وساكت وتسبب له عقد نفسية ولا شي :(


ادري يمكن تقولون هذه كلها وساوس وشيلي هالاشياء من بالك لكن انا اخاف من كثر ما نسمع من بلاوي هالزمن ..

انا ابغي ولدي يجي يقولي لما احد يكلمه ويقوله شي او مثلا يعصب ويصارخ عليه .. ما اقصد اني راح اوقف معاه واتخذ موقف من اللي سوى فيه جذيه ، لكن على الاقل يكون عندي علم والاهم انه يفضفض لي وانا بعدين بفهمه غلطه اذا كان غلطان او راح اتخذ الاجراء المناسب اذا كان برئ وما سوى شي ..


عاد ابغي منكم طريقة شلون اخليه يقولي هالاشياء منه ومن نفسه لاني مثل ما قلت اذا حاولت ادفعه الى الكلام ما استبعد عنه انه يألف لي اي شي <<< على قولة ابوه ولدج ما ينأخذ منه لا حق ولا باطل هههههههههه


وبصراحه كذا مرة حاولت ادفعه للكلام لكنه يقعد يقول لي اشياء ويحطني بعدين في مواقف باااايخه بسبب كلامه (w)



<<< حبيت أأكد انه يسكت وما يخبرني بس اذا كان الشخص كبير ، بس لما يكون طفل يجي يشتكي عاااااادي .
ع
هههههههه يحليله حسين

ماتدرين يمكن طبع حلو ويوم يكبر ما يطلع نقال كلام ..

مب نفس مصبح من يرد من مكان ينقل لي التفاصيل كلها هههههههه وهالشي حلو ومب حلو ..

شوفي انتي اخذيه بأسلوب ثاني ... ها حسون شو سويت اليوم في الروضة .. وشو سوت المس مالتك..

يعني انتي اسأليه بشكل عام مب تسألينه عن اشياء ممكن هو يخاف يقولها لج مثل عقاب او غيره ..

وماعليج لو المس تعاقبه بيقول وسط الاسئلة .. ما ينخاف عليهم

بس انتي عوديه من يرد من مكان اي مكان اسأليه شو سويت وشو كلت وشو لعبت وجي .. وبيتعود يقول لج كل شي .. واللا شو خلى مصبح يقول لي كل السوالف هههههه

انا استلمه اسأله من يرد من اي مكان وهو يخبرني وهو مستمع ويوم اتأكد من اي حد يكون عنده يقولون لي صح جي استوا ..
.
اختي ماما حسون ... الله يخليه لك ويجعله عبد صالح بار ... آمين ....

طيب جربي مثلاً تسألينه واذا قعد يألف كلام قولي له : ترى بجيب التلفون واتصل ع المعلمه واسألها هو صدق كلامك ولا لا ... وان كنت تكذب بتعاقبك المعلمه ... <<< جربناها مع اخوي كان يألف كلام على المدرس وبعد هالطريقه يقول كل شي صدق ...

او مثلاً جربي طريقة حرمانه من شي يحبه اذا ما قالك وش يصير في الروضه وبكذا هو بيقولك كل شي عشان ما ينحرم من اللي يحبه ....

الله يسهل عليك ويوفقك :)
ت
الله يصلحه ويحفظه لك
ماعندي خبره والله


سلامي لحسون الحلو00
أ
الله يعينك
م
ضربتي على الوتر الحساس.. عندنا وعندج خير.. عبودي لو تموتين معاه مايقول ولا تطلع من فمه كلمة.. لو تطلع روحي آقول له شنو عطوكم في الروضة شنو سويتوا مستحيل يقول يحقرني ويمشي يقول مادري.. لو يطلع مع أبوه وتقولين له ها وين رحتوا وشنو سويتوا مستحيل يقول ولا شي حتى لما يروح حق أهل أبوه.. آنه بعد أحيانا أوسوس وآقول يمكن حد سوا له شي بالروضة ومايقول لأن أحيانا أتييه حالات يقول مابي آروح الروضة بس مايعطيج سبب... إذا حد عطانا الحل المناسب بنكون شاكرين له...
م
مشكورين بنات على ردودكم ..


انا بعد مو مقصرة مع حسون دايما اسوي معاه تحقيق بس هو من النوع اللي كلامه قليل ( طالع على ابوه ) وعنده خير الكلام ما قل ودل ودايما يجاوب على السؤال باختصار شديييد يعني اجابته على قدددد السؤااااال .. وبعد سؤالين او ثلاثة يتملل ويرفض يجاوب بعد هههههههههههههههه
<<< يعني يقولها في الوجه ماما لا تتكلمين خلاص انا ما ابغي اتكلم :ss:




وعن موضوع التهديد بالاتصال جربتها معاه كذا مرة ولا نفعت يعني لما يتكلم عن احد واقوله اتصل لفلان اسأله !! يقولي ايي اتصلي :eek: .. مادري هل ردة فعله جذيه لانه بعده صغير ولا زيادة في الجرأة مادري .. (w)
X