السلام عليكم بنات
شلونكم شخباركم ان شاء الله تمام وبخير
شلون تجهيزات العيد ؟ وناسة صح احلى شي بالدنيا السووق
المهم اليوم يبت لكم موضوع عجيييييييييب لتطويل الشعر
انا مابي امدحه واايد لانكم اكييييييييييييد سامعين عنه و اهوه عشبــــــــه اليـــــــــاس
بس في ناس تعمل منها عجينة و ناس تحطها مع الزيوت
بس انا اسويها بطريقة ســـائل
تقدرين تحطين منها وتقعدين ما تغسلين الا لما تتسبحين بالمرة الياية
يعني تقدرين تقعدين فيها لانها بدووون ريحة و حيل سهله
بسم الله نبدي
الطريقه بالصور امامكم
الخطــــوة الاولى
الاغراض موجودة امامكم
علبة ماء فاضيه
قمع وبهالحالة ما كان عندي قمع استعملت هذا اللي يسوون فيه القهوة الفرنسية ماعرف شسمه
عشبة الياس او الريحان والشكر للأخت اسيرة حنانه على هذه المعلومة المفيدة جدا
استكانة شاي او اي شيء يماثل الاستكانة مثل كأس صغير جدا
اول شي خل اقولكم المقياس
ملعقه كبيرة عشبة الياس = استكانة شاي من الماء
يعني اذا كان علبة الماء مالتج كبيرة او صغيرة تستعملين هالمقياس
ثاني خطوة
اني ضفت الماء للعلبة عشان اتأكد انه ما يزيد
ثالث خطوة
عبيت الماي في استكانات الشاي و بعدين حطيتهم بوعاء ( وبحالتي استخدمت اللي يسوون فيه القهوة الفرنسية لوول سامحوني ماعرف اسمه
تابعوا الصور و بتعرفون انا ماعرف اشرح
وبعدين بعد ما حطيت الماي وبحالتي صاروا 4 استكانات شاي
يعني كم ملعقه من الياس نحط ؟؟؟
4 ملاعق
خلطتهم زين وعبيته مرة ثانية للعلبة
الحين طريقة الاستخداااااااااااااااااااام
بعد ما تسوون هالسائل تره بيطلعلكم مثل الماي يعني مو ثقييل ولازم ترجونه كل مرة استعمال
فأحسن شي وانا استعمله اللي اهوه الابرة
يعني بدون الدبوس مالها اللي يعور
فقط البـــلاستيك ان شاء الله يكون واضح بالصورة
وتحطينه بشعرج بس اخل اقولكم بالتفصيل كيف
بايدج اليمين بواسطة الابره حطي السائل على شعرج وبايدك اليسار فركي السائل بشعرج عشان لا يطيح و يدمر ملابسج
هذي احسن طريقة وانا استعملها
بنات خل اقولكم تجربتي منها
اول شي اختي تعرفت على هالطريقة وصارلها سنة على هالموال كليوم تمدح بهالعشبة
و عند اي احد يبي يطول شعره يعني اذا يت وحدة تقول شعري قصير ومادري شنو تقولها على طول عليج بعشبة الياس وصارلها سنة مستمرة عليها
وانا الاحظ انه شعرها يطول بسرعه يعني ما ابالغ اذا قلت 1 سم بالشهر بس هذا اذا استخدمتيه بانتظام
وانا استخدمته والحمدالله يابلي نتيجة مرضيه جداااا
وراح استخدمه يوميا اولا عشان اتعود وثانيا عشان ابي اشوف النتيجة بسرعه
وتره بنات اهوه كلللللللللللش ماله ريحة يمكن اول ما تحطينه وريحة خفيفة جدا ما تلوع الجبد
يعني مناسب جدا للمتزوجات
وان شاء الله شعري يطوول و يوصل لنص ظهري و اكثر بعد
وطبعا ماشاء الله البنات ما قصروا كتبوا وايد عن هالعشبة المفيدة
يبت لكم جم رابط شوفوا تجارب البنات
عشبـــة الياس
عشبـــــة اليـــاس 2
جربوها وادعولي بالزوج الصالح
