حياكن الله
ان شاء الله تكون كل الأخوات في صحة وعافية
وكل عام وانتن بخير
ده ان شاء الله أول موضوع ليا في قسم المطبخ بعد ما اخيراً قررت اتنازل عن الكسل :no: وانزل موضوع
وإن شاء الله ما يكون اخر موضوع
عايزه تشجيع بقا :cool: :poster_war:
وإن شاء الله يعجبكم الأكل :21_93:
وهما 3 أطباق ومعاهم شوربة لسان العصفور
أول طبق 1 الفراخ المحشية بالأرز وكبدة الفراخ
المقادير
1 فرخة حجمها متوسط إلى كبيرة كامله مش متقطعه عشان نحشيها
2 طماطم حجمهم وسط
للحشو وعمل الأرز :
المقادير 2 ونصف كوب أرز
بصلتين حجمهم كبير
ملح وفلفل أسود
ملعقتين سمن أو زيت ويفضل زيت
أول حاجه هنبتدي بعمل الأرز للحشو
نحط الحلة على النار وفيها الكبده تتشوح حاجه بسيطه
وبعدين نضرب البصلتين في الخلاط ونحطهم على الكبدة ونحط عليهم ملعقتين زيت وملح وفلفل أسود حسب الحاجه نقلب البصل لحد ما يصفر شوية
بعد ما البصل يدبل نحط عليه الأرز شوية ميه بس مش كتير عشان مش عايزينه يستوي أوي عشان لسه هيكمل سوى لما الفراخ تتسلق في الشوربة
ده شكل الفرخة قبل ما تتحشي
وهنا بعد ما الأرز استوى نص سوى نجيب الفراخ ونحشيها بالأرز ونقفلها بالخل أو ممكن بفتلة وأبرة على حسب المتوفر ومننساش اننا نحشي كمان منظقة الرقبة وده شكلها بعد الحشو
وبعدين ضربت الطماطميتين في الخلاط وحطيت عليهم ملح وفلفل أسود وحطيت الطماطم على الفراخ ونجيب صاج أو صينية ونحط فيها الفراخ ونحط الفراخ في الفرن وده شكلها
و هنا بعد ما طلعتها من الفرن وحطيتها في سرفيس وزينتها بالشيبسي
يتبع ...... وأرجو عد الرد حتى اكتمال الموضوع
