تكفوووووووووووون يابنات ساعدوني

ورد الـجـوري;7230849:
السلام عليكم ورحمة وبركاته

أنا يابنات تعبانه وحاسه بضيقه في صدري أرجوكم ساعدوووووووووني:confused:يعل كل وحده تساعدني جنات الفردوس

أنا يابنات صار لي سنه ونصف من عرست والله ماكتب إني أحمل والحمد الله ع كل حال
بس يابنات أنا من فترة الخطوبه ماحسيت أني عشت حياتي مثل باقي البنات ومن الأساس ماكنت مرتاحه مع ان صليت صلاة الأستخاره بس سبحان الله مأدري أيش صار فيني بعد الملجه
زوجي مقبول الشكل ومافيه شي ينعاب والحمد الله مركز ومن عايله معروفه بس انا تعذبت من كلام الناس كان يوصلي كلام ماله أول ولاثاني لدرجة كانوا يقولون ي في ويهي الله يستر شلون بيطلعون عيالج أن شاء الله يطلعون عليج وكانوا يقولون أيش شافت فيه عشان تأخذه وغيره وأنا مابين لهم أسوي روحي عادي وكنت أقول لهم الجمال جمال الروح بس كنت أحترق من داخل وبيني وبين نفسي كنت أصيح وكنت أحاول أقنع نفسي أن الجمال جمال الروح بس والله ماقدرت لأن أنا بالنسبه لي أحسه مب شي سهل لدرجة أني فكرت بالطلاق ولكن قبل عرسي رحت العمره ورجعت الحمد الله مرتاحه
بس المشكله يابنات هالأشياء الي صارت مب قادره انساها ودايما فكرة الطلاق في راسي مع أن والله العظيم زوجي مب مقصر معاي بس أحس صرت قاسيه وهالفتره دوم اتسبب عليه بالمشاكل
لأني أحس مش قادره أعيش معاه والله يابنات أني أكتب لكم ودمعتي في عيني حتى موضوع الحمل ماقام يهمني مع أني أعشق اليهال وأحبهم بس أحس أوضاعي مش مستقره لأن حاطه في بالي الطلاق أنصحوني يابنات ويش الحل الله يجازيكم الجنه أن شاء الله

عيون بوظبي;7230894:
الغاليه انا الي فهمته انه مشكلتج انج مش متقبله شكل زوجج بسبب كلام الناس صح ؟؟

اذا كان هذا فهمي .. خلينا نقلب الموضوع ..

تخيلي لو انتي الي مب حلوة.. وشكلج مب مقبول ومب حلو وايد .. والناس يقولون هالكلام لزوجج .. شو احساسج ؟

تخيلي فكر يطللقج او يتزوج عليج عشان هالسبب بس وانتي مب مقصرة في شي .. شو بتسوين ؟؟

بتكرهين الدنيا وبتزعلين وبنتجرحين جرح ماله اخر ..وغير الفشله الي بتحسين فيها.. وكرامتج الي راحت .. ووايد احاسيس بتمر فيج ..

لكن ريلج .. ممكن تمر فيه هالاحاسيس لو انتي تركتيه .. لكن بسسسسسرعة يقدر يعوض هالنقص ويتزوج احلى عنج ويعيشون مرتاحين وانتي الي بتطعلين خسرانه ..

لا تسمحين للناس يتكلمون عن شكله .. وانتي ترا قلتي مقبول مب خسف .. والجمال ندري به للحريم .. الرياييل ما يعيبهم شي .. بالعكس الي يكون وايد حلو ممكن يقولون عليه دلوع صح واللا لا ؟

وغلطتج انتي عطيتي للناس فرصة عشان يتكلمون عنه .. المفروض تسكتينهم وما تعطينهم مجال يطرونه قولي لهم زوجي واحبه وعاجبني ..

يعني لو قلتي فيه عيب ثاني مثلاً بخييل ..مايصلي.. يضربج او غيره من المساوئ بنقول معاها حق لكن الي تقولينه مب سبب ...

صوني الريال وحافظي عليه اذا انه يحبج ويصونج .. بعدين شو يضمنج انج لما تتطلقين بتاخذين واحد جميل ؟ اصلا الناس لو عرفوا السبب تفكرين ممكن حد يخطبج؟؟

ما ودي اجرحج بس لازم اقولج كلام قوي يصحيج ويخليج تفكرين عدل ..

صفا المحبة;7230899:
حبيبتي استهدي بالله وصلي عالنبي
كلام الناس ما يودي ولا يجيب هذول ناس يبي يخربون عليك وترى الرجال مخابر موب مناظر
شوفي اللي تمنوا الممثل التركي مهند على جماله انصدموا لما عرفوا انه شاذ
وكلما زاد جمال الرجل كلما شاف نفسه وترى أغلبهم امغازلجية
أنصحك تقري القرآن وتصلي الليل وكثري الأستغفار
ولا تنسي أن كلام الناس ما يئذي الا اللي يسمعه

صفا المحبة;7230899:
حبيبتي استهدي بالله وصلي عالنبي
كلام الناس ما يودي ولا يجيب هذول ناس يبي يخربون عليك وترى الرجال مخابر موب مناظر
شوفي اللي تمنوا الممثل التركي مهند على جماله انصدموا لما عرفوا انه شاذ
وكلما زاد جمال الرجل كلما شاف نفسه وترى أغلبهم امغازلجية
أنصحك تقري القرآن وتصلي الليل وكثري الأستغفار
ولا تنسي أن كلام الناس ما يئذي الا اللي يسمعه

مافي أحد يسواك;7230911:
انتي شعليك من كلام الناس

دامه مو مقصر معاك في شيء ماعليك منهم

لان الناس لازم يدرون لهم شيء يتكلمون فيه حتى لو كان زوجك

قمر 14 بعد بدورون لهم شيء يتكلمون فيه

واذا احد قال لك هالكلام مرة ثانية وقفيه عند حده وقولي لهم هو في نظري

قمر 14 وعندي بالدنيا وماتسوى اذا اني راضية به وعاجبني انتوا شعليكم

واحمدي ربك على النعمة الي انتي فيها ولاتضيعينها من يدك بسبة كلام فاضي

الله يهديك ويسر لك امورك ويرزقك بالذرية الصالحة