بنتي والانيميا .. ساعدوني جزاكم الله خير

classic2004 17-09-2008 5 رد 2,587 مشاهدة
c
السلام عليكم
عزيزاتي حبيت استشيركم في بنتي .. من زمان ابي اكتب واتردد
بس ان شاء الله القى الحل عندكم
بنتي عمرها سنه و3 شهور .. من اول ما جبتها وهي تعاند وايد بالرضعات وماكانت ترضى تشرب صناعي
بديت ااكلها وكان اكلها جدا قليل .. بس ماكان عندي مشكلة في الموضوع لان كان وزنها طبيعي
لين ما وصلت 11 شهر .. هنيه بدى وزنها ينقص وما يتغير .. لاحظت ان وزنها ما تغير من اخر مرة وزنتها فيه وكان 8 كيلو ..
سوينها لها فحوصات طلع عندها انيميا ..
وعقبها تعبت وترقدت بالمستشفى وكان فيها اسهال وسخونة وترجيع ..
وماعرفوا شاللي فيها قلنا يمكن تسنين
بعد ما صارت احسن شوي بدينا معاها الحديد .. وهل الكلام صار لها تقريبا 3 شهور ..
وقبل كم يوم رحنا ودينها المستشفى والدم كان لين اللحين نازل وللاسف اقل من قبل
واللي مضايقني اكثر تعليقات الناس .. والله تعقدت ...
يوميا اسمع تعليقات عن وزنها يوميا والله ما اقص عليكم
كل ماحد شلها قال ضعيفة ونتفه وما تستوي ..
يحسسوني بالذنب معني والله احاول معاها بس هي كل شي تاكله تتفله ..
واذا كثرنا لها ترجع الاولي والتالي ..
الاشياء اللي سويتها لها ..حطيت لها حلبة بالماي مال المرضاعة ولا فاد ..
التمر حاولت اعطيها ما تقبلته ومن يوم هي صغيرة ما تحبه ..
ماي العيش المصري .. ما اشوفه سوى شي ..
فيتامينات كيدي .. وما اشوف تغغير صار
حليبها بروجرس جولد واللحين غيرته لبيديا شور
اللحين بديت اعطيها الزبيب بس مدري اليوم نقعته وباشوف تشربه ولا لا
لاحظت عليها انها ما تحب الاشياء الحلوة وايد اكثر شي مع الاشياء المالحة مثل الروب تحبه والسمك بعد ..
بس اللحين مب عارفه شلون ازيد وزنها واعدل الحديد عندها ..
ابي وزنها يزيد شوي على الاقل ندخل الطبيعي ..
يا ريت يا بنات تعطوني تجاربكم .. والله نفسيتي تعبانة من هل الموضوع
م
ماعليها شر إن شاء الله يارب.. لاتحاتين أختي مو شرط الزيادة في الوزن يعني صحة.. آنه ولدي من السنة وهو وزنه مايزيد وايد والكل ينتقدني ويقول ماتأكلونه وللحين اللي يجوفه يقول مو ولد أربع سنوات بالكثير سنتين ونص او ثلاث.. بس الحمدلله صحته زينة وياته فترة نزل دمه وعطوني حديد بس ماكان يتقبله وعوضته بالبقدونس والسبانخ والتفاح.. كثري من العصائر الطازجة ترى تنفع وايد.....
U
أكليها فواكه بشكل يومي إذا تتقبل عصير البرتقال عطيها مرتين في اليوم وأضيفي إلى أكلها اشياء خضرة مثل البقدونس والسبانخ
ف
الله يعينج كلاسيك

شوفي حبيبتي نونا بنتج بعمر ولدي وفرق الوزن كيلو واحد

من مدة كل ما قسنا وزنه يطلع 9 كيلو بس

بس الحمدلله صحته طيبة الله يحفظه يارب

واليهال كلهم جي يحبون اللعب ومايتذكرون الاكل ولين كلوا بالغصب ولدي نفس الحال مايحب ياكل في البيت بس لين شاف يهال وطلع من البيت يتشجع ياكل معاهم جربي هالشي معاها


ودام بنتج تحب الموالح شرات ولدي جربي مع الاشياء المالحه

او حطي الشي بشكل حلو يمكن اييها فضول وتقرب منه تجربه


الشوفان مفيد سويلها شوربة الشوفان مع الحليب وحطي شوي تمر او زبيب يمكن تتقبل

والاشياء الحمرا مثل الطماط والبنجر ترفع الدم

والله يكون بعونج

واذا مافاد معاها شي شربيها ماء زمزم بنية الشفاء والصحه والله يعافيها ويخليها لكم
f
الله يعطيها الف عافيه
اعطيها عصير العنب كثيرر مفيد
وغير كدا اعملي لها الملوخيه واكليها سمك يعني ادا ماتاكا كثير اعتمدي على الاكلات الغنيه بالحديد
a
شوفي حبيبتي...اهم شي من البدايه الطفل يتعود على روتين الاكل...يعني من اول ما تبدا الوحده تعطي طفلهااكل تحطه في كرسي الاكل الخاص فيه...وممكن تشغل له تلفزيون او تعطيه لعبه يلتهي بها وهي تاكله...يعني لازم يعرف يوم ينحط بالكرسي انه لازم ياكل و يوم بيخلص يقدر ينزل منه ويروح يلعب...لان اللي الاحظه معظم الناس يراكضون بالصحن ورا عيالهم...ياكلون لقمه و ينشغلون باللعب و عقب ما ياكلون..يعني ما يحترمون وقت الوجبه سواء كانت فطور او غدا او عشا...
ولازم يتعود على روتين معين يعني يوميا وجبه الفطور و الغدا و العشا ياكلهم بنفس الوقت
واهم اهم اهم من هذا كله لا تعطون عيالكم خرابيط و حلاوه و جبس خصوووووصا في هالمرحله العمريه لانها مضره جدا غير انها تثجل على قلبهم و ما تخليهم ياكلون اكلهم لانها تشبع...فيه امهات يقولون ما عليه اذا ما كل اكله خليه ياكل هالخرابيط و هذا اكبر غلط لانه هالاكل ما بيفيدهم ابدا بيزيد حالتهم سوء

بالنسبه لبنتك غاليتي..يمكن تشرب حليب وايد على طول اليوم فتشبع و ما ترضى تاكل...قللي رضعات الحليب طول اليوم...و يوم بتعطينها حليب لا تخلينه حليب خالي...اخلطيه بسيريلاك ...وماي الكويكر...يصير مغذي اكثر

ممكن تسويلها شوربه مغذيه بعلمج طريقتها..انا ولدي يوم ما يطيع ياكل اسويله هالشوربه...بس تكون شوربه غليظه...افور كوسا و جزر و بطاط و فلفل حلو و بروكلي و كرفس و دياي صدور و شويه عيش و كويكر و شويه كزبره عشان تعطي طعم...ممكن تضيفين رشه ملح ...وعقب تضربينهم في الخلاط...يطلع يميمي...

عطيها من اكلكم...يمكن تعطينها اكل اطفال بدون توابل او ملح فما تحبه...خلاص ماشالله من بعد السنه ممكن تاكل من اكلكم...بس ما يكون حار...

سويلها الاكلات اللي يحبونها الاطفال..معكرونه...كل الاطفال يحبونها...سويلها دياي نجت و بطاط في البيت...خليها تيود بيدها و تاكل...وخليها تكون عدالكم عالسفره و انتوا تاكلون يزيد شهيتها...اكليبها سمك اذا تحبه...و الروب بعد وايد مفيد اكليها روب وومكن بعد تخلطينه ويا اكل البيت مالكم..يعني العيش و غيره اخلطيلها اياه بالروب بتحب طعمه

ان شالله اذا تعدل اكلها الانيميا بتخف عنها...بس استمري عالحديد و الفيتامينات

وما عليها شر البنوته...
X