الخطووووووووبه

monyfofo 17-09-2008 24 رد 1,920 مشاهدة
m
حبيت احط الموضوع ده علشان كل البنات تستفيد منه ومش عارفه اذا كان هو موضوع مكرر ولا لا
وخصوصا البنات عندنا وانا منهم وياريت تشاركونى رايكم

دورت كتير على حكم الكلام بين الخطيب وخطيبته ولقيت الكلام ده
وعلشان عايزه ابدأ حياتى وربنا يكون راضى عنى انا وخطيبى ان شاء الله
وكتير بفكر وبقول اننا مش بنعمل حاجه غلط كل الناس كده
كل اتنين مخطوبين بيتكلموا عادى ويخرجوا مع بعض عادى


طولت عليكوا هحطلكوا الحكم وشاركونى رايكم



*** خلال الخطبه يبقى الخطيبين اجنبيين عن بعضهما من كل الوجوه كالغرباء
فالخطبه لا تعنى الزواج لكن لهما النظر الى بعضهما امام الاهل وفى حضرتهم بالحجاب الكامل وبقدر الحاجه
دون زيادة ولا يرى منها سوى الوجه والكفان وبحضور واحد او اكثر من محارمها الرجال
ولا يجوز بغير ذلك لان الخطوبه للتبين فقط وقد يحدث عدول عنها قبل العقد


*** لا مانع من مراسلة المخطوبة للاتفاق على امور الزواج اذا كان ذلك بعلم ابويها وكانت
الرسائل خالية من العبارات العاطفيه
ولا فرق بين ان تكون هذه المراسلة عن طريق البريد الالكترونى او عبر الهاتف
-
-

حلو الموضوع ده

فعلا

الخطيب اجنبي عن خطيبتة

واكيد مفيش حد عنده شك في كدة

يعنى الخطيب مش له حقوق نهائي علي خطيبتة

واللي انتى قولتيه من وجهه نظري كفي ووفي

وتسلمى يا قمراية علي الموضوع الجامد ده
m
موضوع جامد جدااا بس لو تفتحى فيه باب المناقشه يبقى احلى
انا معاكى جدا ان ده الحلال والحلال ربنا يبارك فيه
بس معظم فتره الخطبه عند البعض مش بتبقى ملتزمه بالحدود دى
وطبعا ده تقصير مننا وغلط مش صح

فانا نفسى لو نناقش ازاى نبطل الحاجات الحرام ونمسك فى الحلال
وازاى نخلى اللى لسه حيتخطبوا ميقعوش فيها وتمسكوا بالحلال الطيب

:) ربنا يكرمك ويجازيكى الجنه يا جميل
m
كولكولا وماشيماروا شكرا على ردودكم الحلوه

ماشيماروا انا كمان عايزه ابقى ملتزمه بكل ده
وان شاء الله هحاول واتكلم مع خطيبى فى الموضوع ده
وعارفه انه هيبقى قرار صعب
بس لازم اختار طاعة ربنا
g
ربنا يكرمك يارب موضوع جميل واللى يحرم نفسه من حاجة فى الحرام ربنا بيبدلهاله فى الحلال على طول وبيعجل بالحلال لانك راضيتيه
وربنا يسعد الكل
m
صح كلامك يا غدغوده

ليه باقى البنات بتدخل من غير ما تكتب رايها
r
كل الكلام اللى بيتقال صح وحقائق شرعية بس اسمحوا لى اقول شئ بسيط المعلومات دى محتاج يعرفها الخاطب والمخطوبة يعنى انا اعرف ناس بتقول انا اسيبها دى مبتعرفش تتكلم دى دقه قديمة دى معقدة وكدا
أ
roaanader;7229668:
كل الكلام اللى بيتقال صح وحقائق شرعية بس اسمحوا لى اقول شئ بسيط المعلومات دى محتاج يعرفها الخاطب والمخطوبة يعنى انا اعرف ناس بتقول انا اسيبها دى مبتعرفش تتكلم دى دقه قديمة دى معقدة وكدا


والله ساعتها تبقى مشكلة

إن الواحد يبقى حاجات بسيطة إلى هذه الدرجة في دينه ومش عارفها

أو عارفها وشايف انها مش مهمة

بالنسبة لي وأنا منتقبة زوجي شافني مرتين تلاتة قبل الخطوبة وبعد كده بقيت ألبس النقاب قدامه

بنتكلم وبيزورنا بس دايماً معانا حد والكلام ليه حدود

تصدقوا إن أنا اللي كنت بقول عليه مبينطقش؟؟

المفروض أصلاً الواحدة تنقي واحد عنده دين، قبل أي حاجة عنده دين

لو مش عنده الدين الصراحة لا مستواه الاجتماعي ولا وظيفته ولا أهله يفرقوا، عنده دين نبتدي نبص بقى على الكلام التاني ده

لما الراجل يبقى عنده دين مش هيضغط على خطيبته انها تعمل حاجة حرام، والأحسن يوم ما يتجوزوا تبقى هي متطمنة انه مش هيظلمها لأنه بيخاف من ربنا

يا ريت كل بنت بتتخطب تفكر في الموضوع ده كويس

هل خطيبي عنده دين كفاية؟؟ هل أنا متطمنة على نفسي معاه في المستقبل؟؟ هل ربنا راضي عنه؟؟

ماما الله يبارك لها كانت دايما تدعي لي إني اتجوز (مش أي حد، لأ) اللي ربنا يحبه، شوفي الدعوة يا رب ارزق بنتي اللي انت تحبه وترضى عنه

أسأل الله تعالى أن يرزق بنات المسلمين جميعاً أزواجاً صالحين يحبهم الله تعالى ويرضى عنهم

طولت معلش
k
موضوعك جميل جدا يامنمن
انا الحمد لله بطبق الكلام ده
والحمد لله خطيبي مش معترض بالعكس هو صاحب الفكرة وهو الي مشجعني
بس لاحظي ان الكلام ده لو خطوبة مثلا قصيرة فيبقى هيشوفها مرة مرتين وف حضور محرم ويكلمها ف ترتيبات الجاوز
انما خطوبة بالسنين ...؟؟؟؟؟؟؟؟؟ بجد الوضع صعب اويييييييييي
m
roaanader;7229668:
كل الكلام اللى بيتقال صح وحقائق شرعية بس اسمحوا لى اقول شئ بسيط المعلومات دى محتاج يعرفها الخاطب والمخطوبة يعنى انا اعرف ناس بتقول انا اسيبها دى مبتعرفش تتكلم دى دقه قديمة دى معقدة وكدا


ممكن يكون هو ميعرف الكلام ده
بس اتكلمى معاه وقوليله ان ده الصح
وصدقينى انك لو سيبتى حاجه ربنا مش راضى عنها
وبلاش تفكرى انه ممكن يبعد او يقول معقده وقديمه
لا خليكى واثقه ان ربنا هيعوضك عنها خير طلاما بتعملى حاجه لطاعة ربنا
يعنى انتى ممكن تكونى متخيله رد فعل من خطيبك على الكلام ده
ممكن تلاقى العكس خالص انه وافقك بكل سهوله وهو مبسوط كمان
m
أمةالله;7229733:
والله ساعتها تبقى مشكلة

إن الواحد يبقى حاجات بسيطة إلى هذه الدرجة في دينه ومش عارفها

أو عارفها وشايف انها مش مهمة

بالنسبة لي وأنا منتقبة زوجي شافني مرتين تلاتة قبل الخطوبة وبعد كده بقيت ألبس النقاب قدامه

بنتكلم وبيزورنا بس دايماً معانا حد والكلام ليه حدود

تصدقوا إن أنا اللي كنت بقول عليه مبينطقش؟؟

المفروض أصلاً الواحدة تنقي واحد عنده دين، قبل أي حاجة عنده دين

لو مش عنده الدين الصراحة لا مستواه الاجتماعي ولا وظيفته ولا أهله يفرقوا، عنده دين نبتدي نبص بقى على الكلام التاني ده

لما الراجل يبقى عنده دين مش هيضغط على خطيبته انها تعمل حاجة حرام، والأحسن يوم ما يتجوزوا تبقى هي متطمنة انه مش هيظلمها لأنه بيخاف من ربنا

يا ريت كل بنت بتتخطب تفكر في الموضوع ده كويس

هل خطيبي عنده دين كفاية؟؟ هل أنا متطمنة على نفسي معاه في المستقبل؟؟ هل ربنا راضي عنه؟؟

ماما الله يبارك لها كانت دايما تدعي لي إني اتجوز (مش أي حد، لأ) اللي ربنا يحبه، شوفي الدعوة يا رب ارزق بنتي اللي انت تحبه وترضى عنه

أسأل الله تعالى أن يرزق بنات المسلمين جميعاً أزواجاً صالحين يحبهم الله تعالى ويرضى عنهم

طولت معلش


كلامك صح اهم حاجه الدين
لان لو عنده دين هتلاقى فيه كل الصفات اللى انتى بتتمنيها وهيتقى ربنا فى معاملته ليكى
m
kitty_kity;7229859:
موضوعك جميل جدا يامنمن
انا الحمد لله بطبق الكلام ده
والحمد لله خطيبي مش معترض بالعكس هو صاحب الفكرة وهو الي مشجعني
بس لاحظي ان الكلام ده لو خطوبة مثلا قصيرة فيبقى هيشوفها مرة مرتين وف حضور محرم ويكلمها ف ترتيبات الجاوز
انما خطوبة بالسنين ...؟؟؟؟؟؟؟؟؟ بجد الوضع صعب اويييييييييي


مهو ممكن برده فى خلال الفتره الطويله يشوفها بس حد يبقى معاها
انا معرفش صح ولا غلط
غ
مشكوره اختي ع الموضوع المفيد وان شاء الله تستمرين بطرح مثل هذي المواضيع
m
غزلان غيور شكرااااااااا لردك
m
ماشاء الله والله عدد المشاهدين كتير
بس اكيد مش كل اللى دخلوا ضيوف
ا
السلام عليكم و رحمة الله و بركاته
جزاك الله خيرا على الافاده
k
كلام بجد صح صح صح اصلا الراجل لما بيلاقي خطيبته خايفة من ربها و على نفسها بيتمسك بيها اكترررررر و على فكرة في فرق بين اللي مبتعرفش تتكلم ودقة قديمة و بين اللي مسكه على نفسها عشان الدين و سوري هو مش عبيط اكيد هيعرف يفرق كويس اوووووووي متخافوش عليهم في الحتة دي ههههههههههه و ربنا يسعدنا خميعا ياااااارب
m
كاسندرا عندك حق هم بيعرفوا يفرقوا كويس وبالعكس بيتمسك بيها اكتر زى ما قلتى
وبجد الحمد لله خطيبى كل ما اقوله حاجه بيبقى مبسوط ومش بيزعل زى ما معظم البنات فاكره
وعمره ما قال عليا معقده او دقه قديمه
ي
السلام عليكم يا بنات
كلام جميل جدا جدا و صح الصح و ربنا يباركلكم جميعا ان شاءالله ...أنا كمان بضم صوتي لصوتكم بس بصراحة الموضوع لما بيطول بالسنة و سنتين بيبقى صعب قوي ...خصوصا لو لسة بدري على الفرح و التجهيزات و الكلام ده ..فالمشكلة ان الكلام ممكن يكون فيه تجاوزات شوية زي وحشتيني و الكلام ده ...بالذات لو الخطيب أصلا مسافر يعني هما الاتنين مش بيشوفوا بعض أصلا طول فترة الخطوبة ..فهل دا برضه يعتبر حرام؟؟؟انا بحاول مع خطيبي اننا برضه نقلل من الكلام ده يعني مثلا مفيش بحبك و العبارات العاطفية دي غير بعد الزواج ..بس اكيد ساعات بيكون فيه فلتات في الكلام ..خصوصا ان وسيلة الاتصال الوحيدة هي الموبيل ..و مش معقولة الوقت البسيط اللي بنتكلم فيه يكون ناشف كده و جاف .فآيه رايكم كده غلط برضه وللا ايه؟؟
ب
ما شاء الله ربنا يبارك فيكي

و يا ريتنا ننفذ كل احكام الشرع و ربنا يكون راضي عننا و افتكروا دايما قول الله تعالى " ......إن الله لا يغير ما بقوم حتى يغيروا ما بأنفسهم ......"

ربنا يثبتنا جميعا على القول الصالح و العمل

و جزاكي الله خير على الموضوع
X