اّاّاّّّّّّّّاّاّه من بنتي بتجنني

ملاك2003 17-09-2008 16 رد 2,518 مشاهدة
م
مرحبا بنات وساعدوني يالخبيرات

مدري شلون اتصرف مع بنتي فيها نشاط زائد وين مانروح سواء زيارات او في الأسواق اوحتى في البيت مع انها عمرها سنتين وسبع شهور بس
ودي اسيطر عليها حاولت بكل الطرق لما اجلسها في عربتها اعطيها حلاوة الهيها بأشياء تحبها تهدأ بس لما تمل ترجع للحركة الزائدة والله اني اضايق ولما نروح معها حفلات الزواج تناطط من مكان لمكان وتراكض على طول المنصه والله قمت الأحراج:confused::confused::confused:
ماعرف ايش اسوي
عرايس لاتطنشوني عشمي فيكم يالخبيرات
I
اولا يسعدني اكون اول من يرد عليك

والله يااختي بصراحة لازم تشدي شوي مع بنتك انا مااقول كلما تشوفيها اضربيها لا بس لازم الطفل يكون عنده خوف من امه يعني نظرة حزم نظرة شدة تكفي
بنتك مو صغيرة تفهم المفروض تعوديها انه تخاف منك لازم تعلميها قبل ماتكبر اكثر وتفشلك قدام الناس
يعني لما تلعب بزيادة امسكيها من يدها وخليها امامك وانظري لها نظرة تخوفها او امسكيها من اذنها مع نظرة قسوة ترة مافيها شي
والله بنت اختي امها تستخدم معهاهالاسلوب شوفي البنت ماشاءالله من يروحو عند حد زيارة تجلس زي الصنم من كثر مااختي تهددها في البيت
والله حتى مرات تحمي ملعقة الاكل عالنار وتقول لها لو ماجلستي اكويك والله البنت اتقول لها التوبة ماما والله اجلس
طبعا اختي فالبداية خلتها تلمس الملعقة عالخفيف حتى تعرف انه الملعقة حارة
وممكن تقولي لها فالبيت العبي لكن برا وفالسوق لا
واعذريني اختي لو اسلوبي شديد بس اني بطبعي اغلي وافور لما اشوف الاطفال يعملو كذا والام ساكتة ههههههه>>>>مديرة مدرسة:mad:
تقبلي كلماتي بصدر رحب لان مااظن فيطريقة افضل من كدا
ف
mas mas;7229124:
والله حتى مرات تحمي ملعقة الاكل عالنار وتقول لها لو ماجلستي اكويك والله البنت اتقول لها التوبة ماما والله اجلس
طبعا اختي فالبداية خلتها تلمس الملعقة عالخفيف حتى تعرف انه الملعقة حارة


لأ أختي أسمحيلي بس هذي قسوة و فيها اعتداء على الطفل, الأطفال لازم اتقون فيهم شقاوه و حب للفضول, أنا عندي طفلين بس ما أتعامل وياهم بالعنف الشديد.

أختي ملاك أنتي أكيد تعطيها حلويات و أكل فيه سكريات بكثره, هذا كله يسبب نشاط و حركه زائده و هذا كلام علمي مدروس, ولدي من عمر بنتج تقريبا وأنا ألاحظ عليه يوم ياكل شكولاته وايد أيصير شقي و مزعج. بالنسبه للطلعات أبد لا تعطيها أكل إلا لو يوعانه , شلي وياج كتب مصورة أو قصص و خليها اتشوف و تتعلم أنا شذي أسوي و يا ولدي في السياره و يوم أسير مكان عام, وطبعا أتم أتكلم ويا عن الموجود في الكتاب و بشذيه ينبهر في الكتاب و مايزعجني وايد, و لو سوت حشره وايد لا تعطيها سالفه طنشي
و الله يعينج ويصبرج, و أي سؤال أنا حاضره
U
أختي أعملي لها جدول أو خبريها إنها كل ما تصير هادئة راح تحطين لها نجمة أو لما تجمع عشر نجوم راح تعطينها هدية أشتري لها ملصقات أو ألعاب صغيرة بو ريالين مثلا أو كل ما تجمع عشر نجوم عطيها ملصق أو لعبة بس خبريها ليش عطيتها الهدية بس لا تستخدمين معاها القسوة أبد حتى ما يزرع الخوف في قلبها علميها شلون تحترمش مو شلون تخاف منش ترى فيه فرق بين الأثنين
م
مراحب خواتي
هلا بك اختي ماس
والله اني اشد عليه بس مو نفس هذي القساوة يعني احس ان الطفل كدا بيتعقد ملعقه حارة
مشكورة على الرد اختي

هلا اختي ماما فتون
ايه والله صدقتي اني اعطيها حلويات كثير وهي مدمنة على هذي الأشياء
وفكرة الكتب عجبتني انشاء الله بجربها
والله المعين

هلا زهرة اليقين
انا احاول اني ماأقسي عليها واكلمها بأسلوب تقدر تفهمه وفعلا ممكن اسلوب الهدايا ينفع

مشكورين خواتي
م
كان الله بعونك أختي.. بس حبيت أبين نقطة وعن تحربة لما الطفل تعوديه من أول ولادته إن لازم يجلس بالسيارة بكرسي الأطفال ولما يبدا بالأكل بسن ست شهور تجلسيه بكرسي الأكل صدقيني الطفل راح يتعود وحتى الجلوس بعربة الأطفال بالسوق هالشي لما يبدا من سن صغير نقدر بكذا نتحكم بحركاته وتصرفاته مو شرط هالشي ممكن يتطبق على كل الأطفال بس الغالبية منهم ممكن يتعودون....

الحين ماشاء الله هي بسن أكبر يمكن صعبة تسيطرين عليها بس كل شي بالهداوة والحيلة ممكن ينحل... اولا إبتعدي عن هالسكاكر لأن هي اللي بتزيد من شقاوة الأطفال وحركتهم... كافئيها بهدية او نزهة لما تتصرف صح بالخارج او حتى داخل البيت.. لو غلطت عاقبيها أنا ولدي لما كان له سنتين ويرمي البسكوت او الشبس كنت أخليه اييب المكنسة اليدوية وينظف المكان وتعلم إن هالشي غلط....

لما تروحون مطعم او مكان تاكلون أخذي معاج كتاب تلوين والوان او لعبة يكون تنشغل فيها لحد مايوصل الأكل وطبعا بعدين بتنشغل بالأكل....

قبل لاتروحون مكان عند حريم او من هالقبيل قولي لها قصة عن بنت حلوة مؤدبة تسمع كلام أمها وكيف في النهاية تم مكافئتها لحسن سلوكها في التصرف، صدقيني بتخلي كلامج في إذنها وأنتوا عند الحريم وبتقلل حركتها.. أخذي معاج العاب صغيرة تنشغل فيها وهي معاج يكون ماتحس بالملل...

جربي هالطرق وإن شاء الله تنفع معاج...
&
شوفي اختي ما توصل لكوي بالملعقة احنا مو بسجن ابو غريب عيالنا ولازم نعرف نربيهم

انا مع الاخت رانيا بكل شي

ومعروف الطفل الي فيه نشاط زايد نحاول نبعد الحلاوة عنه لانها تزيد النشاط اكثر

وربي يحفظها لك ان شاء الله تابعي برامج تربية الطفل وطرق معالجتها فيها حلول كثير حلوه والطفل على ما تعوديه
م
هلا اختي رانيا
كلامك كله جواهر...تصدقي لما كانت اصغر في السن شوي كانت اهدأ وانا من كانت صغيرة احطها في العربه في الأسواق واستخدم الكرسي للأكل ..وكانت في الطلعات تلصق فيني زي ضلي بس مرة وحده مع كبرها تغيرت
وبعدين زي ماقلتي انا دايما اقولها عن بنت حلوه وانهامؤدبة وماتجنن امها ومن هذا الكلام بس احس بعدين انه ولا في فايدة
الله المعين ومشكورة اختي


مرحبا ملاك
مشكورة اختي على الرد وانا فعلا الأن احاول امنعها عن الحلويات قدر الأمكان
وان شاء الله يكون في فايدة

مشكوريين
أ
الله يعينك ويعينا
هم الأطفال كذا بس انا عندي مبدأ التطنيييييييييش
ويرجع ولدي ويعقل
ع
اختي حاولي تشربينها لبن كثير عشان تهدا
ا
الله يعينك
اختي انا مع الاخوات
وانصحك بكتاب المربية المثالية
مفييييييييييييد وروووووووووعة
م
هلا اختي ام عزوز
والله اني ساعات اتبع اسلوب التطنيش بس تعرفين عناد الأطفال
الله المعين

هلا عسل زوجها
هي تحب اللبن كثير واذا كان يساعد على تهدأتها نكثر منه


ام فدوكه
راح اشوف الكتاب ومشكورة

مشكوريين على الردود
ا
والله نفس ولدي

الحين بدا يهدا ومو مرره بس اهون من اول


الحين عمره 5 سنوات و4 شهور


تخيلواا ؟؟

الله يهديه بس والله حتى في الحمام كان معذبني مرررررررره

حاولي تقرين عليها باستمرار ولا تكثرين لها سكريات لان كلها طاقه + شربيها لبن


والتهدييييييييييييد بالفلفل

وخليه دايم بشنطتك
U
والله اني استفدت كثير من كلام البنات
لان بنتي اصغر من هالسن
بس انا اخليها في شقاوتها لاني اذا جلست اراقبها بيرتفع ضغطي

ومرات احرها بعين بس بعدها مسكينة ما تقهم شو يعني هالنظرة
s
والله نفس الحالة عندي بس بنتي صغيرة عمرها سنة وشهرين بس تعرفي حاولت اشغلها باشياء ثانية يعنى اودي لها العاب معينة الي تحبهم ..دفتر فيه صفحات عديدة فتنشغل بتقليبهم او بوكس فيها اشياء مالها تكون مشغولة طول الوقت بمحاولة لفتح وغلق البوكس
صحيح هاي يخليها كم وقت في مكانها بس مع ذلك ..الله يعيني ويعينك
a
هههههههههههههههههه والله هليهال بلش اني بعد ولدي سنتين وشهرين بس مطلع لي قرون مستحيل يقعد في الارض وما يخاف من احد ابدأأأأأأأأأأأأأأأأأأأأأأ
م
هلا اختي المسالمه
الله يعينك الحال من بعضه الله يهديهم
وانا خففت من السكريات واحسها هدأت شوي
والفلفل هذي عجبتني وخاصة لو احد فتح شنطتي بالغلط ولا طلعت ريحته :eek::o مشكله:smile:


هلا ام عبدالرحمن
ايه والله ساعات تناظريهم بنظرة يلتفتوا لك وبعدين يكملوا ولا على بالهم
الله يعينك


مرحبا سونيا
حتى انا لما اعطيها اشياء جديدة تنشغل فترة وبعدين تمل


ضحكتيني ياأم خالد طلع لك قرون اجل
هذا وسنهم صغير الله يهديهم لين يكبرون


مشكورين
X