بنات قطر ..سؤال عن أبرة الظهر؟؟

هلا حبيبتي


بخصوص الابره انا خذتها بولادتي الاخيره


خففت الالم ومااحسيت بشي


بس الم الظهر ملازمني الى الحين مع ان صار لي سنتين ونص من خذتها


واخسن شي صلي الاستخاره


والله يسهل عليج

شكرا روعة بس ألم الولادة مؤلم .. من اللي أعطاك أياها لأن فيه واحد يمدحونه ..

انا خذتها من اربع اسنين لما كنت بكريه
بس احس اناها سببت لي صداع بعد الولاده
وبعدها بسنه احس بألم بسيط في الظهر
هي صج تريحج بالمره وتحسين الولاده سهله
بس الولاد سهلات وان شاء الله الله يسهل عليج

خالتي خذتها من سنه ولين اليوم تشتكي من ظهرها

نصيحه لاتاخذيها ولج الاجر العظيم انشالله

والله يهون عليج

هلا اختي


الله يهون عليج


انا خذيتها ...
بس لاتاخذين على كلام احد انتي استخيري وتوكلي على الله

انا ولدت فالاهلي واللي عطاني اياها دكتور هناك لان ممنوع اي حد ثاني يعطيج اياها

اما اذا بتولدين في حمد ... اللي اسمعه ان احسن واحد مونغا تتصلين له واييج ويعطيج اياها ...

والله يهون عليج

شكرا خواتي والله يعطيكم العافية ..

نصيحه لا تاخذينها لانها ما تساعدج على الولاده تجي الطلقه وتروح وانت ولا تحسين صح بس هالشي مايخلصج بسرعه

2 من بنـات عمي خذووهـا وسالتهم عن الاثر الجانبي قالو ماحسوو بهالشي

وقالو لو نحمل مره ثانيه وبنربي بناخذ ابره الظهـر

واحسن واحد في مستشفى الولاده مونغااا


انا عن نفسي مب ماخذتهاا بس في وقت الحدث مايندرى شراح يصير

والله تجنن توني ماخذتها من اربع شهور وعطاني اياها دكتور جزائري اسمه نور الدين ومافي اي اعراض وكنت اقول ماراح اخذها وماطلبتها في ملفي بس وقت الولادة قعدت اصرخ ابيها وعطوني اياها

شفيكم يا بنات هالزمن
كلش ماتبغون تتحملون ولا شي من الالم !!

ترى لج الاجر الكبير والجنة تحت اقدام الامهات
ولا تنسين حديث الرسول عندما ساله احد الصحابه انه طاف بالكعبه وهو شايل امه هل اديت حق امي او هل جازيتها فقال له لا ولا بألم واحد من الم الطلق !!!!

يعني ترى لنا اجر كبير وعظيم من هالشي
ومافي شي عند ربج يضيع
وترى كل شي سهالاات يعني ربج بيسر وبيسهل لج الولاده انشالله
انتي بس تمي ذكري رببج واطلبي ربي يسهل ولاده ولا يعسرها
وفيه كم حديث واذكار ما اذكرهم الحين يسهلون لج الولاده

هذي نصيحتي لج ولاتخافين من شي ذي سنة الحياه وربج ترى لطيف بعباده