تجمع خاص بالحوامل البكر (( أول حمل لكِ تفضلي معنا )) .. الجزء الثالث..

الله يسهل علي

اذا بدت الكروشه تظهر
احتمال اخبرها

للحين ما ظهرت الكروشه لوول

الله يسمع منج ان شاء الله..

بنت ان شاء الله..

وجهزت كل شي وحدي مشتاقه ابي اشوف البيبي..واحمله ..


وانتي متى عطووج موعد ولادتج..؟

18\5

لسه باقي ع السنه الجديدة

..

الا اقولك يا الغلا

انا الحين 14 اسبوع ويومين
يعني كم ؟! صار لي!

ابي جدول لحساب ايام الحمل

فراشه بين الزهور ماتشوفين شر ان شاء الله يارب خير

مفتون الله يتمم فرحتج ان شاء الله بشوفته بخير وسهاله ويارب يجعله صالحا معافا اللهم آآآآآآآآآمين

السلام عليكم
شخباركم يحوامل
فراشه ما تشوفين شر طمنينا على اخبارك
ام طلال
هلا بج من فترة ما شفناج
هايدي
شخبارج واخبار البيبي
ولد او بنت

كيف تكون حركه البيبي في البدايه
وكيف تحسون فيها

هاي بنات انا ينزل علي لون بني مادري شو افرازات ولا شو لي االحين مب واقفه خذيت مثبت بس ما وقفت منو مرت بهل الشي لي الحين 6 اسابيع تقريبا ادعولي

الشيخة فطامي روحي المستشفى احسن وإن شاء الله مافيك الا العافيه
حبيبتي انا نزل علي افرازات وزادت واخذت مثبت بس ماريحت حالي انا شقتي
بالدور الثالث ومارضيت اجلس في بيت اهلي واجهضت بعيد الشر عنك ونزلت الافرازات
من الأسبوع السادس واستمرت اسبوعين وبعدها وقف نمو الجنين
حبيبتي ارتاحي ولا تتحركي ابدآآآ بس للحمام اكرمكم الله وإن شاء الله تقومي بالسلامة

اماراتية كيوت تسلمي حبيبتي انا بخير الحمد لله 00

فراشة بين الزهور الله يسمع منك وصحتي الحمد لله احسن بس عندي الم في الظهر
يمكن لأني ماريحت حالي بعد الأجهاض 00

صباح الخير كروشات كيفكم واخبار البيبيات معكم
هايدي -- ام طلال الحمد الله انا شفنيكي الله يتتم لك على خير
اماراتيه -- سمويه هذي فتره ما اشوفها ان شاء الله تكون بخير
كلمة وداع -- احبكـ -- نووونز-- االدب السمين -- شمس
اهات تبداي تحسي بي حركة البيبي في نهاية الخامس حركتة مثل الرفرفه الفراشه
او بعض الاحيان ما تعرفي تميزي بين حركة وحركة الامعاء والله يتتم لكي على خير

الفراشه هلا فيكي حبيتي دوم ان شاء الله ارتاحي او اعملي لكي تدليك للظهرك بي
الفكس وان شاء الله يروح الالم عنك وتحملي عن قريب

الشيخه سلامتك وما عليكي شر اهم شي انك ترتاحي وما تحركي كثير واستمري على المثبت لين ماقلت
لك الدكتوره تاخذينه والله يثبت حملك يارب

صباح الخير شمس
و مفتون كيفكم

هلا فراشة بين الزهور ..

صبحج الله بالخير والنور..


الجو عدنا روعه .. طاح مطر فالليل وريحة الزراعه فرشششششششش .. وهوا بارد

آهات الليل .. فراشة .. كلمة وداع .. أحبكـ .. هايدي .. ام طلال .. اماراتية كيوت .. وكل الحلوات اللي نسيتهم

شخباركم .. وشخبار الحمل

الجو في الصباح حلو ومع الامطر يكون احلا

هيه والله جنان ...

على فكرة كنت ابا اسأل عن سكر الحمل الله يعافينا أجمعين ..

شو هي أعراضه .. ؟؟

انا صايرة اعطش وايد .. بس مافي عندنا فالعايلة حد فيه سكري الحمدلله .. فقالت لي الدكتورة بسوي لج فحص السكري ..

انا ترددت .. قلت يمكن تبالغ ..

السكر من الاعراضه الله يبعد عنكم جميعا في الارتفاع نسبة السكر
تشوش النظر -- ارتفاع نسبة العطش -- كثرة التبول وانتم بي كرامه
الشعور بي الغثيان -- صدور رائحة الفاكهه من الفم -- جفاف اللسان

وعند الانخفاض اختلال النظر-- زيادة التعرق -- رعشه -- صعوبة التركيز

فحص السكر للحمل ضروري

فديتكم حبيباتي
NooNz ~ فراشة بين الزهور ~ ألوان سحريه ~ اماراتيه كيوت..
تسلمون عالنصايح.. الحمدلله اليوم خف الصداع.. امس رديت من الدوام من وقت و كله نوووووم و الحمدلله اليوم أحسن..


كلمه وداع حبيبتي انا كانعندي نغزات متواصله تتوقف مدة دقايق و ترجع مرة ثانيه حتى والله خفت قلت يمكن فيني شي .. سألت الدكتوره قالت طبيعي في حوامل يصيدهم هالشي بعد فتره بيروح...


فراشة بين الزهور ~ مفتون

شلونكم اليوم؟؟!! و كيف الحمل معاكم؟؟

انا الحمد الله بخير دوم ان شاء الله مو يوم تكوني بي صحه سلامه شمس
ما عليكي الا بي الراحه في فترة الحمل

مفتون;7765186:
انا صايرة اعطش وايد .. بس مافي عندنا فالعايلة حد فيه سكري الحمدلله .. فقالت لي الدكتورة بسوي لج فحص السكري ..

انا ترددت .. قلت يمكن تبالغ ..

عادي لا تخافي حتى انا صايره اعطش كثير

بس اتكاسل اشرب ماي .. رحت اسوي فحص قالت لي الدكتوره كل شي اوكي بس عندي (الله يعزكم) إلتهاب خفيف في البول قالت لي اشربي كثير سوائل خاصه انه مع الحمل طول الوقت نروح للحمام فالجسم يحتاج له و الجنين خاصه!!