تجمع خاص بالحوامل البكر (( أول حمل لكِ تفضلي معنا )) .. الجزء الثالث..

فراشه بين الزهور
ان شالله البيبي يكون بخير...وتطمنين^__^

جادور توا
ان شالله تكونين حامل ..وتفرحين يارب

هلا بنوتات شخباركم؟!

اليوم رحت المستشفى حق اسوي فحص
عشان الصداع اللي فيني من يومين
وخذوا دم مرتين علي

وقالوا لي بنعطيج حبتين اسبرين اذا ما صرتي زينة
لين العصر تعالي وبنخلي دكتور اعصاب يكشف عليج
وبنكتب على حالتج طارئ
ووقعت وقلت لهم اوكي

المشكله حبوب باندول وايد مو زين حق الجنين
هم يقولون عادي ما يأثر فما خذت الحبتين لحد الحين

عندي موعد مع الدكتورة اليوم الساعه5 عشان تفحص الجنين
ادعوا لي ان شاء الله كل شي بخير
اما عن حاله الصداع ما اعرف شنو اسوي
حيرانه حدي

يابعد عمري ماقصرتو بس الألم اختفى والنزيف للحين بعد شوي باروح للدكتورة دعواتكم لي 00

ام طلال خوفتيني الأسبوع اللي فات جاني صداع فضيع قوي كلمت الدكتورة قالت تالينول عادي اخذه
واخذت حبتين والصداع ماراح رحت لها وعطتني بندول وصرت اشرب كل اربع ساعات حبتين بس بعدها
بدأ النزيف يزيد و الألم لايكون من البندول !!!!

الله يعطيك الصحة والعافيه وماتشوفين شر 00

الفراشه....
مافيج الا كل خير...
وان شالله الحين بتروحين عند الدكتوره بتطمنج اكثر واكثر ^^
لاتخافين حبيبتي..
بالنسبه للبندول كيف خذتيه وانتي حامل؟؟؟
انا الدكتور منعني من اي دوا...
ان شالله يكون كل شي تمام...ولاتنسين طمنينا عنج فديتج..

تيك كير الغلا.....~

*الفراشة*;7539495:
يابعد عمري ماقصرتو بس الألم اختفى والنزيف للحين بعد شوي باروح للدكتورة دعواتكم لي 00

ام طلال خوفتيني الأسبوع اللي فات جاني صداع فضيع قوي كلمت الدكتورة قالت تالينول عادي اخذه
واخذت حبتين والصداع ماراح رحت لها وعطتني بندول وصرت اشرب كل اربع ساعات حبتين بس بعدها
بدأ النزيف يزيد و الألم لايكون من البندول !!!!

الله يعطيك الصحة والعافيه وماتشوفين شر 00

ما ابي اخوفك يا قلبي
بس الدكتورة اللي اتابع معها حق الحمل
قالت لي الباندول تاكلينه عند الضرورة بس
انه الحالة تكون ابد مالها حل الا الباندول تاكلين لك حبة
حتى ام زوجي وزوجي يقولون كذا
بس عنك الله العالم
اسألي دكتورتك طيب .. ان شاء الله ما فيك الا العافيه يا رب

مشكورين ياقلبي بجد حبيتكم مثل اخواتي فراشة بين الزهور واماراتية كيوت وام طلال
ومفتون وهايدي وباقي البنات اعذروني اذا نسيت احد كلكم خوات غاليات 00

رحت للدكتورة من شوي وقالت لي الجنين وقف نموه من كم يوم الحمد لله على كل حال
الله يعوضني خير إن شاء الله 00

الله يتمم لكم بخير وصحة وسلامة ونشوفو النونوات الحلوين يااااااااااارب 00

احبكم اخواتي 000

*الفراشة*;7540757:
مشكورين ياقلبي بجد حبيتكم مثل اخواتي فراشة بين الزهور واماراتية كيوت وام طلال
ومفتون وهايدي وباقي البنات اعذروني اذا نسيت احد كلكم خوات غاليات 00

رحت للدكتورة من شوي وقالت لي الجنين وقف نموه من كم يوم الحمد لله على كل حال
الله يعوضني خير إن شاء الله 00

الله يتمم لكم بخير وصحة وسلامة ونشوفو النونوات الحلوين يااااااااااارب 00

احبكم اخواتي 000

يا ربي .. يا الغلا ربي يعوضك خير ان شاء الله
بس لا تتضايقين .. ادري انك متضايقة .. بس يمكن فيها خيرة
الامر ما يدري به الا الله سبحانه
ان شاء الله تجين وتقولين لنا انتي حامل باركوا لي
طيب ما قالت لك الاسباب؟!
ولا كذا من الله؟!

هلا كروشات اخباركم ان شاء الله بخير

الفراشه الله يوعوضك خير بي ما قلت للك السبب
الله يساعدك وقلبي معكي والله يهونه عليكي والله كلنا معكي ومضايقين
الانك مضايقه انشاء الله مايصير الاكل الخير

اهلين اخواتي
الفراشة
الله يعوض عليج في القريب
كل هذا ابتلا واختبار من الله
عليج بالصببر والله كريم

فراشه بين الزهور
شخبارك واخبار البيبي

[ الفراشه ]

الله يعوضج خير...~ والله يرزقج بالحمل الثابت السليم ..
لاتزعلين حبيبتي ...كلنا وياج ...~
وماقالت لج شو السبب...~؟؟

اميرة أبوها شحالج فرحت يوم شفت مشاركتج شحالج وشحال البيبي ان شاء الله انكم بخير ليش غبتي عنا هالكثر ان شاء الله خير

كتكوته زرقه يااااااااااااب يسهل عليكي الولاده يارب ويفرحك بشوفه سليم معافى اللهم آمين

فراشه بين الزهور ان شاء الله البيبي بخير يارب انا موعديه بكره ان شاء الله لفحص السكر

لا إله إلا الله محمدا رسول الله

حبيبتي الفراشه الله يصبرج يارب ويعوضج خير ان شاء الله طير من طيور الجنه بيشفعلج ان شاء الله

احتسبي الأجر عند الله ويااااااااارب يرزقج بالحمل السليم المعافى عاجلا غير آجل ويثبته لك ياأرحم الرحمين

ونحن نحبك ايضا ياأخيتي

فراشة بين الزهور



ربي يعوووضج أخيرمنه حبيبتي

[GRADE="DC143C FF0000 800080 FF1493"]
كيفكم كروشات واخبار االبيبي معكم
اهات انا الحمد الله بخير والدكتوره طمنتني على البيبي
والسكري نسبة حلوه الان اهم شي اني استمرار على نظم الغذائي
والحمدالله زاد وزاني ايضا 50 غرام بس باقي تحاليل الغده لسه
ما طلعت النتائج والالم اللي عندي قلت الدكتوره اني اخذ جباتبن بنودول
عند الازم فقط
[/GRADE]

هاااااااااااااااااااااااي كروشااااات اخباااااااااركم

فراشه الله يعوضج خير يااااااااااااااارب ويرزقج بالذريه الصالحه

بنااااااات انا من يومين جاني صداع بس ماادري ضروري اروح اقول حق الدكتوره ؟؟؟؟

لان بعد قبلها كم سبوع جاني وراح والله يستر

وان شالله بكره بروح أطمن ع البيبي :)

والله يثبت لنا ياااااااااااااارب ولا يحرمنا من كـلمه مامـــــا ^.^

ياااااااارب تحفظ لي جنــــــيني يااااااااارب وتحسن لي ف خلقه ولاتحرمني منه ياارب وتمم علي بالخير برحمتك يارحم الراحمين

كيفكم كروشات أخباركم وأخبار البيبيهات معكم كيف

اختي الفراشة .. الله يعوضج خير.. ومادري اذا كلامي بيعزيج بس أنا صارلي بالضبط مثل ما صارلج الحين .. من كمن شهر .. وتضايقت وبعدين تعديت هالمرحلة الحمدلله ..

لعلمج .. هالموضوع يصير حق 20% من البنات اللي يكونون اول مره يحملون.. يعني عادي.. انا مثلج بالضبط كنت توني متزوجة و حملت و سقطت .. وقف نمو البيبي و عقبها بكمن اسبوع سويت عملية الغسيل ..

و الخبر الحلو يا قلبي انه هالحمل ما يأثر عاللي بعده .. لأنه من رحمة ربج انه جسم الانسان قادر على انه يتخلص من الحمل لو كان فيه خلل كبير .. يعني خيره .. كأنه رب العالمين يبغي يجنبج انه ولدج يكون لا سمح الله مب طبيعي او مريض.. فالجسم يتخلص منه بقدرة قادر واحد لا إله إلا هو..

وان شالله شهرين ثلاث .. وبتردين تحملين ان شالله .. مثلي الحين انا رجعت حملت و الحمدلله رب العالمين كل حملة تختلف عن الثانية الحين كل شي طبيعي .. و سبحان الله انا صرت افهم اكثر في هالامور واهتم في نفسي اكثر.. وصرت اقدر نعمة الله عليه واايد اكثر من قبل.. :)

الخيره في ما اختاره الله .. والله يعوضج خير يا اختي..

هلا حبيباتي ..

فراشة بين الزهور .. الحمدلله انج اتطمنتي على نفسج وعلى جنينج .. بس ما قلتيلنا الحمية الغذائية اللي تمشين عليها عشان السكري ولا عشان الوزن .. افيدينا :)

--

ام طلال..

حبيبتي الله يهون عليج.. بس عن البندول .. مادري انا ما احبذ استخدامه لأنه قوي شوي.. ودكتورة اختي كانت قايلتلها ايام الحمل انه لو اضطريتي .. استخدمي بندول اكتف فاست لأنه اهون عن بندول العادي ..

وانتي في كل الاحوال لو اضطريتي و ان شالله ما تضطرين .. خذي حبة بدال حبتين ..

ومادري عنج جربتي اساليب تخفيف الصداع الاخرى .. يعني بدون أدوية؟ وهل الصداع مستمر من كمن يوم ومب قادرة تتحملينه؟

انا عن نفسي ياني صداع بس تحملته قلت ما باخذ دوا .. والحمدلله راح .. وطبعا شربت قهوه لأنها تهون عليه الصداع عادة ً...

الله يهون عليج