السلام عليكم ورحمه الله وبركاته
مبروك الجزء الجديد يا جماعه بس اهدوا شويه :D انا مش عارفه اخلص الاجزاء اللي فاتت عموما الف مبروك علينا كلنا ويارب علي الجزء الجديد نبقا كلنا اتجوزنا
انا بقا عايزة اسأل علي شويه حاجات في الجزء اللي فات الاول علشان مالحقتهوش خالص انا مش عارفه ازاي بتلحقوا تكتبوا كل ده في رمضان ؟ :D
بصي هما موجودين في مصر فعلا
ممكن تلاقي زيهم في رويال هاوس اللي في مصر الجديده وفي الرحاب مول 2 الدور التانى وكمان في نايل مول في المعادي وعاملين خصم بمناسبه الافتتاح
لان دي تقريبا حاجه لسه نازله جديد
معلش يا شهيده كنت عايزة أسألك الحاجات دي فين في رويال هاوس وأسعارها ايه تقريبا ؟
انا جيبت تفاصيل السبا اللى انا هعمل فيه ان شاء الله
واليكم الاسعار::
حمام مغربى: كورس 6 جلسات 240 جنيه
سويت عادى للجسم كله معادا البطن والضهر 65 جنيه
سويت عادى كله مع البطن والظهر 85 جنيه
سويت شمع ايد ورجل 45
ماسك :: (بخار بالطمى - بالترمس) 20 للواحد
ماسك تفتيح 30 للواحد
صبفره للجسم 35 جنيه
الشمع للتخسيس ( صحبتى جربته وقالتلى تحفه ) 30 للجلسه
الشمع للتخسيس 220 عشر جلسات
ممكن يا أسيره حنانه تقوليلي السبا ده عنوانه فين وتليفونه وياترا موضوع شمع التخسيس ده بيجيب نتيجه فعلا ولا لاء
يوميزو انا شفت صور شقتك ما شاء الله تبارك الله حلوة اوي يارب يباركلك فيها وتتهني بيها
بس انا ماشفتش صورك ممكن معلش توريهالي؟ :o اصل انا واحده صاحبتي حجزت عندها لفرحها بس قلقانه منها اوي وانا كمان بفكر اروحلها علشان تعملي ميك وانا رايحه فرح صاحبتي بس بردو قلقانه وهقرر بقا لما اشوف صورتك بس تعرفي هتاخد مني كام؟ وياريت بقا هتعبك معايا وتبعتيلي تليفونها لاني اخدته منك قبل كده وضاع مني :o
صحيح انتي عملتي العربيه والبوكيه فين؟؟
بالنسبة للحمام مش نجيب فوط لأ الكلينكس أحسن
بس الفوط الصغيرة دي ليها استخدامات تانية، مينفعش الكلينكس يبقى بدالها خالص، ده غير إن الفوط بتبقى اتنينات واحدة ليكي وواحدة ليه فمفيش حاجة اسمها بكتيريا هتتنقل
وبتتغسل في الغسالة بمية سخنة وخلاص نضفت وبقت زي الفل
صدقيني لما ربنا يتمم لك على خير كده عن قريب هتكتشفي بنفسك إن الكلينكس منفعش خاااااااااالص
امه الله
:o انا في حاجه مش فهماها انتي بتقولي بتبقا اتنينات واحده للعروسه وواحده للعريس طيب معلش ممكن افهم ليه والعريس بيعمل ايه ببتاعته معلش اصلي بجد مش فاهمه( جهل بقا ) :o ولو مش هينفع هنا ممكن علي الخاص؟
monmon*;7219057:
بنات انا لقيت هوت شورت جينز ب150
سعره حلو ولا غالى ومش لاقيه اقل من كده خااااااااااااااااالص فى كمان اغلى منه
لو سمحتي لقيتيه فين؟ وعنده مقاسات كويسه ولا كلها صغيره اوي ؟
heba 017;7219376:
انا جايبه ب 30 جنيه وعسل اوووى وعليه قلوب كده وجمييل اووى ومن محل بواقى تصدير
معلش فين المحل ده؟
يابنات لو سمحتوا انا عايزة اعرف محلات بواقي التصدير اللي قريبه من مصر الجديده و مدينه نصر ويكون فيها حاجات دلع كده جيبات وشورتات جينز وباديهات وهدوم بيت كده يعني بس ياريت عناوينها بالتفصيل
ghadghoda;7224727:
بنات انا فسخت الخطوبة خلاص ارجوكم ادعولللللللللللللللللللللللللللللى
http://www.3roos.com/forums/t376816_11.html
غاده يا حبيبه قلبي فسختي الخطوبه ليه بس ؟ معلش انا معرفش ايه المشكله لاني ماكنتش متابعه الفتره اللي فاتت بس والله العظيم زعلت اوي علشانك والله بحس انك قريبه مني وشبهي في حاجات كتير وبتفكريني بنفسي دايما
معلش يا حبيبتي ماتزعليش نفسك مافيش اي حاجه في الدنيا تستاهل زعلك ربنا يباركلك ويوفقك ويقويكي وماتخافيش كلنا هنا معاكي لحد ما نخرجك من الحاله اللي انتي فيها دي انتي بس قربي من ربنا واقري قرأن كتير وهتبقي احسن ان شاء الله