m@hy;7236188:
اوك
هحطة
المول فى اسكندرية يا جميلين
وممكن محل هدايا يكون بيعملها
او المحلات اللى بتطبع الصور على التيشرتات
جميل اوى ياقمر ربنا يسعدك ان شاء الله
do3a2rose;7237047:
يابنات اسفة على التأخير
انا هقولكوا على كل التفاصيل ان شاء الله
1- الاجهزة الكهربائية جبت تلاجة توشيبا وبوتاجاز تكنو جاز ال 4 شعلة و غسالة توشيبا الفوق اتوماتيك (تجربة) بس على اد فلوسنا الصراحة
2- الستاير نزلت حتة اسمها الحمزاوى جنب تربيعة القماش كدة وجبت من هناك كل الاشكال اللى نفسى فيها وفى واحدة فى جسر السويس هتفصلهالى ولما مشاركاتى تكتر هابعتلكوا رقمها على الخاص لانها ست شاطرة جداااا وممكن تنزل معاكى ساعة ماتكونى عاوزة تشترى القماش ان شاء الله
3- العفش من المناصرة بس لازم تاخدوا نجااار موثوق فيه وشاطر جداااااااااااا
انا اخدت واحد الحمد لله جابلى حاجات حلوة واسعاها كويسة جداااااااااااااا
النوم ب 9
السفرة ماجبتش بوفيه جبت ترابيزة استايل بتاع مسلسل تامر وشوقية كانت ترابيزة ب 6 كراسي 3 الاف وجبت نيش ب 2.5 الاف
الانترية جبته مودرن اوى وكان ب 4
وفى اللفينج رووم جبت كنبة من يانسن بتتفرد ب 850 وترابيزة للتليفزيون
صحيح نسيت اقولكوا التليفزيون توشيبا 29 بوصة
الفستان نزلت روكسى اجرته من هناك البنات قالتلى 1000 اخدته ب 600 بس جميل وتطريزه فضى وفيه وردة من الجنب فضي والشوز من روكسي برضه فضي
الميكب قلتلكوا قبل كدة عند وداد مساعدة نانيس وهتايجى البيت ميكب وطرحة ب 700 وشغلها تحفة
والساونا فى واحدة هتجيلى من السراج اتفقت معاها من برة المحل وان شاء الله هابعتلكوا هى بتعمل باكيدج العروسة ( سويت + حمام مغربي + دلكة لما سألت قالتلى بتخلى الجسم محمر وريحته حلوة لمدة 3 ايام ) ب 220 جنيه وهى ست كبيرة وسودانية)
وهروح عند كوافير اسمه سحر اعمل شعري برماننت لانه لييييييييييييييييييييفة لول دة في مدينة نصر جنب انبي
السجاد طبعا النساجون اى فرع ماتروحوش وتلفوا لان كله اشكال واحدة فهاتوا اقرب فرع ليكوا انا جببت من فرع باب الشعرية بما اني ساكنة فى العباسية
الهدوم بقى
الاقطان بتاعة البيت انزلوا اما سوق غزة او فى محل اسمه 9LE دة حاجته حلوة جداااااااااا واسعاره حلوة وقطن خالص
اللانجيري جويا ثم جويا ثم جويا وفي في السراج كام محل حلوين جبت منه قميص اول يوم كان بحوالى 150 وكان رقيق جداااااااااااا
مفرش السرير جبته من المعرض السوري اما كان فاتح اخر مرة
لكن لقيت فى اشكال قريبة منه جداااااااااااااا فى الموسكى والعتبة والحتت دى وفرصة الفصال اكبر بكتييييييييييير من المعرض
السفرة جبته من الغورية لكن فى اشكال كتير عند 2 واحد اسمه بالميرا والتانى اولاد درديرى دول فى الازهر على الشارع الرئيسى
do3a2rose;7237294:
الحنانة اميرة كويسة جدا وشفت شغلها
اما هيصة الحنة والشوهات دة واحدة اسمها مدام سيدة
وبالنسبة لسحر انا عمري مارحته بس طنط جارتي هتودينى ان شاء الله اخر اسبوع فى رمضان
الف مبروك يادودو ربنا يهنيكى بحاجتك ان شاء الله ياقمر بس عندى شويه استفسارات
اولا عايزاكى تبعتيلى رقم الست السودانية بتاعة الدلكة والسويت
ورقم الحنانة وهى سعرها ايه للرسمة مثلا وجبتى منين الكنبة الليفنج من اى فرع للينسن ولو عندك صور ياريت تنزليها معلش تعباكى انا عارفة
اولا عايزاكى تبعتيلى رقم الست السودانية بتاعة الدلكة والسويت
ورقم الحنانة وهى سعرها ايه للرسمة مثلا وجبتى منين الكنبة الليفنج من اى فرع للينسن ولو عندك صور ياريت تنزليها معلش تعباكى انا عارفة
nourzad;7237611:
عاملين ايه ياجماعة كل رمضان وانتو طيبين
عندى سؤال الشقة بتاعتى فيها غرفة صغيرة هتكون للأطفال - ان شاء الله - بس فى الأول هنحط فيها السفرة لغاية ما ربنا يكرمنا بالأولاد السفرة لونها على بنى محمر أو نبيتى المشكلة انى مش عارفه أعمل لون حوائط الغرفة ايه عشان تكون لايقة مع السفرة وفى نفس الوقت تكون الألوان مناسبة لغرفة أطفال ونفسى أعمل فيها لونين لون للحيطة ولون للعواميد أو 2 حيطة لون و2 حيطة لون تانى
أيه رأيكم ممكن تفيدونى
ممكن تعمليها بيج بحيث انه يكون لون محايد وهيليق دلوقتى على اوضة السفرة ولما تيجى الاطفال ان شاء الله ممكن تجيبى ورق حائط لحيطة واحدة ويكون مثلا لونه لبنى او روز
m@hy;7238828:
بنااات انا جبت المفرش دة النهاردة
عاوزة رايكم فية:)
دى الخدادية
الف مبروك ياماهى تتهنى بيه يارب مع زوجك ان شاء الله
pippo;7238920:
الف مبروووووك يا قمر
بجد المفرش الله اكبر تحفة وسيمبل.
انا جايبة منهم مفارش أوف وايت لأوضة النوم للتسريحة والكومودينو وكده. وجايبة منه مفرش سفرة بيج للأكل فى وجود الضيوف
بس انتى لقيتيهم فين؟
انا جبتهم من المعرض كانوا مع واحدة صينية بس ماكانوش موجودين تانى خالص.
حد يا جماعة يقولى بى تك عندهم كل الماركات ولا ايه؟
بصى يابيبو بى تك فى بالنسبة للتلاجات انا كنت هناك اول امبارح لقيت كريازى ووايت ويل والكتروستار وايديال اليت بالنسبة للغسالات لقيت ايديل زانوسى ووايت ويل وهايير وال جى والبوتجازات فى كريازى ويونيفرسال وايديال ولو عايزة حاجة معينة قوليلى وانا تحت امرك






المريوطيه 43 ش الهرم
