... تجهيزات عرايس مصر ال 96 ....

الملكه فريده 16-09-2008 1,003 رد 36,861 مشاهدة
ب
maro;7250814:
زيت جدايل عندعبدالصمدالقرشى فى سيتى ستارز ب110 ج معرفش السعوديه ارخص ولا نفس السعر


طبعا السعوديه ارخص بكتيررررررررررررررررررررررررررررررررررررررر انا جايبه ب 45 ريال يعني مثلا63 جنيه فرق شاسع لو تعرفو حد في السعوديه خليه يجبهلكم احسن حاجه مانع التساقط بجد تووووحفه

انستاسيا الصوره الاولنيه في الانتريه كانت حلوه التاني مش حلو الاواني توحفه


البنوته اللي بتسئل عن الثلاجه في المطبخ وله لا

طبعاااااااااااااااااااااااااااااااااااااااااااا لو ينفع حتي لو هيبقي ضيق تبقي احسن صدقيني الثلاجه في اي منطقه تانيه بتبقي مش حلوه وهتضايق ودا حاجه انا مجربها عند ماما في الشقه الاونيه لما كانت الثلاجه مش في المطبخ كنا بندووووووووووخ وفي شقتنا التانيه لما حطناها في المطبخ الحياه كانت اسهل بمراحل وكمان عند حماتي هي بره مش في المطبخ وبصراحه شكلها مش بيكون ظريف لو بره



انا سمعت ان اديال في الثلاجات مش حلووووو ولكن اديال زانوسي العبد في الغسالات حلوه
بس الفكره في حاجه ان الموديلات اللي عند اهلنا دي يا بناتيت راحت من زمان يعني موديل اديل عند ماماهتنا بيستحمل وكله تمام الجديد بقي في ناس قالولي انها مش زي اديال القديم
-
تووووكي;7251642:
اقسم بالله قسم اتحاسب عليه قدام ربنا انى رحت حمام التلات ده ولقيت كل حاجه جبتها من عندى اغلي هناك بشكل اوفر بالاضافة انو اتدحك عليا فطقم الصيني :(

وزى ما حكتلكو اطقم الكبايات اغلي بأكتر من 10 جنيه وانتى اكيد مش واحد هيقولك طقم الكبايات ب 30 وانتى هتقوليلو 18 اكيد يوم ما تنزلى هتبقي 25

انا سمعت عنكو وماما راحتو وجابتلى منو طقم الصيني واتعقدت وقولت مش هشترى منو لقتكو بتشكرو فيه قولت يمكن العيب فماما بالاضافه اننا لقينا نفس الحجات الى جايباها من هنا وارخص حتى من بعد الفصال الى فاصلتو وراحت هناك عشان اسمو حمام التلات وفيه كل حاجه لكن فعلا الصيت ولا الغنا

ما علينا روحتو لما لقتكو بتحكو عنو لقيت كذا حاجه انا جبتها من عندنا اولا فيه اطقم كبايات صناعه تركيه نازلة فالسوق شكلها شيك جدا التيكت بتاعها احمر سألت عليها قالى ب 30 مع انى جايباها من عندنا ب 18

سالت ع طقم لومينارك قالى ب 30 مع انى جايباها من اولاد رجب الى الحاجه بتبقي اوفر ببعض الجنيهات جايباه ب 22 جنيه

لقيت بونبونيره لونها بتنجانى كده لقتها ب 65 انا عندي هنا ب 50

لقيت طقم القهوة الفنجان إزاز بالطبق بتاعو الطقم الملون كل كبايه بطبقها بلون اكيد انتو تعرفوه لو سألت عليه قالى ب 95 وكنت مشفتوش عندي وانا ناقضني الطقم ده فالنيش فكنت عايزة اجيبو استغليتو بصراحة جيت هنا لقيتو عندي ب 75 جنيه

دى تجربتي يا بنات انابقيت كل ما انزل مكان اقول فينك يا شارع عشره :D




لا اوعى تقولي كده

:confused: :confused:

انا جايبه حاجات منه بالعبيط

بس مش بسأل بصراحة لما الاقي نفس الحاجة
عشان مش اتعقد
وبقول دي ارزاق


طيب فين شارع عشرة ده؟


معلش يا بطوطة نعيش وناخد كلنا غيرها

وربنا علي الظالم والمفتري اععععععع :confused:
ا
maro;7252855:
بنات عايزه اسالكم سؤال محرج :(لو هتعملى اكل لمريض فمستشفى ومعاه اهله طبعا هتعملى اكل نوعه ايه وتحطيه ازاى بحيث يبقى شكله محترم
لو عايزين عطر فواحه يخلى البيت ريحته جميله جداااا جربوا زيت الفراوله بجد يجنن وبنسبه لمسك العروسه عندعبدالصمدالقرشى عامل عرض بس غالى اوى تخدى توله وعليها توله مجانا ب375ج اما الربع توله ب90ج:ss:



ميرسي اوى يا مارو على الرد
بس متعرفيش الربع تولة دى كام جرام :ss:

sosiii;7252881:
[SIZE="5"][COLOR="Pink"]زيت جدايل فيه منه تطويل وتقوية و ضد القشرة ومانع للتساقط
ومسك العروس انا كنت جايباه من فرع سان ستيفانو من الشتا اللي فات كان بسبعين جنيه اقل ازازة مش فاكرة كانت كام جرام بس ريحته تحفة





جزاكى الله كل خير يا سوسى على الرد
طيب انتى خففتية ولا بتستخدمية كدة على طول؟
والازازة دى قعدت معاكى قد اية؟؟؟؟؟

وبما انك جبتية من سان في محلين واحد عبد الصمد القرشي وفي واحد حاجة القرشي برضو
اية الفرق بنهم؟؟؟
ب
maro;7252855:
بنات عايزه اسالكم سؤال محرج :(لو هتعملى اكل لمريض فمستشفى ومعاه اهله طبعا هتعملى اكل نوعه ايه وتحطيه ازاى بحيث يبقى شكله محترم
لو عايزين عطر فواحه يخلى البيت ريحته جميله جداااا جربوا زيت الفراوله بجد يجنن وبنسبه لمسك العروسه عندعبدالصمدالقرشى عامل عرض بس غالى اوى تخدى توله وعليها توله مجانا ب375ج اما الربع توله ب90ج:ss:


بصي اكل المريض دا حسب هو مريض ايه
يعني في مستشفيات ممنوع دخول الاكل من بره اصلا او يكون المريض تعبان فليه نوعيه معينه من الاكل اما لو عادي فطبعا المسلوق احسن حاجه فرخه كدا صغنونه مسلوقه وشوربه خضار في كل انواع الخضار وفيه طقم كدا بيتجاب حلل صغنونه بتتحط فيها الحاجات تبقي سخنه.... اهل المريض يتعملهم نواشف جولاش مثلا وبوفتيك حاجات من دي اعتقد انه لو مريض مش هيبقي كل الاكل عادي يتعمل ويتاكل


سؤااااااااااااااااال ضروري يا بنات هو انا اموووووووووووووووت وافهم ايه الزيوت العطريه دي؟؟ وايه الزيوت اللي بتتحط في الشعر تخلي ريحته حلوه وبتتجاب منين؟ علما اني من سكان القاهره,,, وحاجه كمان بس براحه عشان افهم البودي شوب دا هل هو محل ام ماركه ام منتج وبيبيع ايه وبتاع ايه؟؟فهموني بالله عليكم كدا براحه:D
-
ندى شعبان;7252701:
FONT="Century Gothic"]نفسى فى بوتجاز يكون فيه جريل عشان البرجر والسوسيس والحاجات ديه لو حديعرف ياريت يفدنى[/FONT]


طيب ماتجيبي جريل وريحى نفسك
M
انا عن نفسي جبت التواليت والمطبخ والليفنج الجوهرة والليفنج جبتها باركيه بصراحه الشرايط غاليه اوى وع ايه ما البلاطه الكاملة هتدى نفس الكل كده كده هيتغطي بسجاد

والنوم جبت ارخص حاجه مستغلتش فيها بصراحة نزلت عند اى حد واختارت بلاطة رصاصي مموجه موج بحر كده عشان بس المستوى يكمل لانى عامله مستويين

جيتهم من الفجاله عند واحد اسمو ثروت جنب معرض الجوهرة ع طول بصراحة الجوهرة عامله ديزاين تحفة ما شاء الله مع انى من مشجعي الجوهرة بس لقتنى فعلا بختار الجوهرة وشويه ولقيت الى بيقولى ان الجوهرة دلوأتى متقدمة عن كليوبترا انا جايبة الوزرة بتاعتي الواحده ب 30 جنيه بس بصراحة بتاع الحمام بحسو ملوكي

جبت الريسيبشن والطرقه جبتهم رويال من السلاب هى والطقم بتاع التواليت ديورافيت من السلاب ..ماركه رويال بحترمها بردو جدا بس غلطة عمرى انى جبتها سجادة

يعني الارضيه كريمي ومن الداخل وزرة عامله زى السجادة مستطيله والى جوه بتنجانى والبلاطه نفسها فيها بروزات تحسو انها حجر

بصرف النظر عن اى حاجه انا شفتها بحلقت ومعرفش اختار حاجه تانية غيرها معرفتش اشوف اصلا حاجه تانيه غيرها عشان كده جبتها

بس بعد لما جبتها وعرفت ان الرسمه هيبان منها جزء والتاني هيختفي بالسجادة قولت ع ايه ونصحت اخويا ميعملش نقشه سجادة يمشيها حاجه من اتنين يا سمبوكسه بلاطه وبلاطه يا شطرانج بردو بلاطه وبلاطه يا يبقي كلو سادة هيبقي احسن مع الفرش
s
toty858;7253035:
ميرسي اوى يا مارو على الرد
بس متعرفيش الربع تولة دى كام جرام :ss:




جزاكى الله كل خير يا سوسى على الرد
طيب انتى خففتية ولا بتستخدمية كدة على طول؟
والازازة دى قعدت معاكى قد اية؟؟؟؟؟

وبما انك جبتية من سان في محلين واحد عبد الصمد القرشي وفي واحد حاجة القرشي برضو
اية الفرق بنهم؟؟؟




توتي انا لسة والله ماستخدمتوش لغاية دلوقتي عايناه لبعد الجواز ادعيلي :smile:
ماتخففيهوش ولاحاجة انتي بس تحطي مسحات خفيفة كدة في المكان اللي انتي عايزاة بجد ريحته تحسسك بالنضافة كدة انا عن نفسي دي احلي ريحة شمتها في حياتي
وفي سان ستيفانو هاتلاقي عندك عبد الصمد وابراهيم القرشي بس عبد الصمد حاجته احلي اوعي تروحي لابراهيم انا لما كنت في السعودية كنت هاموت واشتري المسك اللي بيحطوه علي الكعبة دة واشتريته من هناك من عند ابراهيم ولقيته مش هو خالص والله وبعد ماشميته عن عبد الصمد عرفت ان التاني حاجته مش اصلية
ل
طب الجريل دة بيتباع فين وبكام وشكله ايه وحجمه اد ايه كبير يعنى زى البوتجاز لا ايه
s
ندى شعبان;7253095:
طب الجريل دة بيتباع فين وبكام وشكله ايه وحجمه اد ايه كبير يعنى زى البوتجاز لا ايه




ماما جابت جريل كدة مش بالكهربا بتتحط علي البوتجاز عادي زي بتاعت الشيف اسامة بس حلوة اوي
-
ندى شعبان;7253095:
طب الجريل دة بيتباع فين وبكام وشكله ايه وحجمه اد ايه كبير يعنى زى البوتجاز لا ايه




استنى بجد هحاول اخرجلك بتاعتى واصورهالك واوريكى شكلها

هى مش متوسطة وبتتحط علي البوتجاز

كنت جيباها من حمام التلات ب 155 جنية
n
Princess_miro;7250367:
بنات هى محلات اللينجيرى بتبيع ارواب ستان؟



اهو انتى اللى قمر (a) انا من مصر الجديدة و بعت لك على الخاص


ايوه ياجميل فيها ارواب ساتان بس انا رفيعه شويه وعاوزه حاجات عالقد
ل
sosiii;7253113:
ماما جابت جريل كدة مش بالكهربا بتتحط علي البوتجاز عادي زي بتاعت الشيف اسامة بس حلوة اوي


طيب ممكن تصوريهالى عشان اعرف شكلها وتقوليلى بتتركبها ازاى وجبتها منين وبكام
s
ندى شعبان;7253153:
طيب ممكن تصوريهالى عشان اعرف شكلها وتقوليلى بتتركبها ازاى وجبتها منين وبكام



انا ممكن اصورهالك بس والله مابعرفش احط الصور هنا لو تعرفي قوليلي وهي مابتتركبش ولا حاجة هي بس بتتحط عالبوتجاز وعاملة زي الطاسة التيفال بالظبط وكانت تقريبا بنفس السعر اللي بتقول عليه kolkola
n
صوت العيون;7250597:
بنات رحت المحل الى قدام طلعت حرب عشان اجيب الطقم الشبيكه مش لقيته قالتلى دا ب 120 جنيه ههه

قولتلها الى بسال عنه ب 10 جنيه تقريبا

بيتباع فين تانى


فى الوكاله عالعربيات وفيه منه الاحمر كمان وب10بس فعلا ماتدفعيش اكتر من كده فى حاجه ياترى تلبسيها ولا لا وبعد كده لو عجبك ابقى جيبى الغالى
y
اللى بتسال عن زيوت الفواحه موجوده في سبينيس سيتي ستارز ب 4.5
وفي عند ابو ذكري كمان ب 2.5 احلى من الاولى
وفي اغلى واغلى من كده عند ناتشورال لووك بس مش عارفه تفاوت الاسعار بيبقى على حسب ايه بالظبط

----------------

اللى بتسال عن سيراميك للريسبشن









سيراميك رويال
W
بنوته مصرية جدااا;7253068:


سؤااااااااااااااااال ضروري يا بنات هو انا اموووووووووووووووت وافهم ايه الزيوت العطريه دي؟؟ وايه الزيوت اللي بتتحط في الشعر تخلي ريحته حلوه وبتتجاب منين؟ علما اني من سكان القاهره,,, وحاجه كمان بس براحه عشان افهم البودي شوب دا هل هو محل ام ماركه ام منتج وبيبيع ايه وبتاع ايه؟؟فهموني بالله عليكم كدا براحه:D


بصى أنا برده زيك نفسى أفهم إيه العطور الزيتية
بالنسبة لبودى شوب ده محل مشهور جدا فى الجليج و لسه مفتوح له فرع جديد فى سيتى ستارز
بيبيع عطور و شامبوهات و حاجات خاصة بقى للبنات ، بس أسمع إن حاجته غالية أوى
n
تووووكي;7251642:
اقسم بالله قسم اتحاسب عليه قدام ربنا انى رحت حمام التلات ده ولقيت كل حاجه جبتها من عندى اغلي هناك بشكل اوفر بالاضافة انو اتدحك عليا فطقم الصيني :(

وزى ما حكتلكو اطقم الكبايات اغلي بأكتر من 10 جنيه وانتى اكيد مش واحد هيقولك طقم الكبايات ب 30 وانتى هتقوليلو 18 اكيد يوم ما تنزلى هتبقي 25

انا سمعت عنكو وماما راحتو وجابتلى منو طقم الصيني واتعقدت وقولت مش هشترى منو لقتكو بتشكرو فيه قولت يمكن العيب فماما بالاضافه اننا لقينا نفس الحجات الى جايباها من هنا وارخص حتى من بعد الفصال الى فاصلتو وراحت هناك عشان اسمو حمام التلات وفيه كل حاجه لكن فعلا الصيت ولا الغنا

ما علينا روحتو لما لقتكو بتحكو عنو لقيت كذا حاجه انا جبتها من عندنا اولا فيه اطقم كبايات صناعه تركيه نازلة فالسوق شكلها شيك جدا التيكت بتاعها احمر سألت عليها قالى ب 30 مع انى جايباها من عندنا ب 18

سالت ع طقم لومينارك قالى ب 30 مع انى جايباها من اولاد رجب الى الحاجه بتبقي اوفر ببعض الجنيهات جايباه ب 22 جنيه

لقيت بونبونيره لونها بتنجانى كده لقتها ب 65 انا عندي هنا ب 50

لقيت طقم القهوة الفنجان إزاز بالطبق بتاعو الطقم الملون كل كبايه بطبقها بلون اكيد انتو تعرفوه لو سألت عليه قالى ب 95 وكنت مشفتوش عندي وانا ناقضني الطقم ده فالنيش فكنت عايزة اجيبو استغليتو بصراحة جيت هنا لقيتو عندي ب 75 جنيه

دى تجربتي يا بنات انابقيت كل ما انزل مكان اقول فينك يا شارع عشره :D


بنات طنطا طقم القهوه الاخير اللى بتقول عليه فى محل بكر اللى فى البورصه ب95 وفى الجاليرى اللى جمب كارفورت ب55 جنيه دا انا شفته بالصدفه وهو هو ولما سالت الولد اللى واقف هناك وقلت له ليه بره اغلى من كده قالى احنا بنبيع بسعر الجمله لو حد بيجهز وعاوز يجيب شويه حاجات يبقى يروح يتفرج عندهم
y








-
-

الجريل اهى يا بطوط
ا
semsema2007;7239479:
بنات كنت عايزه اسال حاجه هو ليله الحنه لازم يعني يكون فيها حنانه؟ ونعمل حنه؟؟ انا كنت بس عايزه اعمل ليله بناتي كده واعزم صحباتي وقرايبي البنات ونهيص ونرقص بس موضوع الحنه ده مش هعرف انفذه واصلا خطيبي مش بيحب الحنه
اه وحاجه كمان هو لازم اعمل الليله دي قبل الفرح على طول ولا ممكن اعملها قبله باسبوعين؟


لا طبعا مش لازم حنانه دى موضه جديده طلعت الايام دى بس لكن من غيرها الشعب هيعيش برضه:D
بس انا شايفه ان قبلها باسبوعين كتير لو كانت ظروفك تسمح يبقى قبلها بيوم او اتنين افضل

sosiii;7239845:
وانا شفت زي الاخيرة دي عند وايت هاوس في في سيتي ستارز :)

انا بقي مش عايزة اعمل حنة خالص . يا بنات بجد ايه رأيكوا كدة الناس هاتنتقدني؟؟؟


دى حريه شخصيه مش عايزه تعملى حنه بلاش مش مشكله

دينا حمدى;7240045:
الف مليون سلامة على ملمتك وان شاء الله تقوم بالسلامة وماتسمعيش كلام حد اللى عملتيه هو الصح وان شاء الله تكونى احلى عروسة ومامتك تفرح بيكى

انا شعرى يابنات لما اتصبغ قصف جدا ونشف جداااا عايزة حد يقولى على حمام كريم كويس؟


انا جبت انهارده حمام كريم هيربال بالنخاع فيه واحده جربته وشكرت لى فيه اووووووى هو علبه كيلو ب 12 جنيه
لو حد هنا جربه ممكن يفيدنا

انستاسيا;7240128:
هاتي 2 واحد شيك دايما حطاه و واحد قطن لوقت الأكل بس و في بيقولو مشمع بيبقي حلو انا شايفة كدا كفاية

بنات عجبتني التربيزة دي ايه رأيكم فيها لو يتعمل بدل الجزء اللي تحت الجلد ده قماش زي بتاع الأنتريه ولا حيشيل تراب و يبقي وحش ؟؟



بصى هو الجلد اسهل فى التنضيف لكن لو هتعرفى تنضفى القماش يبقى خلاص هى شكلها حلو على العموم

شيماء سعيد;7242274:
ازيكو يا بنات...عاملين ايه في الصيام؟؟شدو حيلكو في العشرة الاواخر..
كنت عايزة اسال عن المناديل اللي فيها ترتر وخرز اللي بتطلع في التلفزيون الستات الفلاحين بيلبسوها على راسهم..عرفتوها؟؟مش عارفة اسمها والله..بس هي داخلة دماغي موت...نفسي اجيبها البسها وانا في البيت..بتعمل لوك حلو قوي...حد يعرف بتتباع فين واسعارها ايه..


قصدك على اللى كانت بتلبسه سميه الخشاب فى ريا وسكينه صح:D انا كمان نفسى فيه وملقتش منه لا فى خان الخليلى ولا فى اسكندريه

بنوته مصرية جدااا;7245427:
اولا مبروك للبنوته اللي كتب كتابها النهارده وعقبالنااااااااااااا كلنا
ثانيا الف سلامه علي مامتك يا هبه وان شاء الله ترجعلكم بالف سلامه وطبعا احنا في العشرة الاواخر ركزي في الدعاء ليها وربنا يشفيها ويعافيها يارب
بصي يا ندي انا منصحكيش تجبي كوشه ايجار خالصصصصصصصصصصصصص بصي انتي روحي عند حد بتاع فراشه وجيبي دسته او اثنين كراسي وخلي باباكي يختارهم بعنايه وياك علي الراجل وميدفعش عربون كبير عشان لما بياخدو الفلوس بيتاخرو...... وانتي حطي كنبه صغنونه او كرسين بتوع الصالون جنب بعض ليكي انتي وخطيبك

اما عن الصوره بصراحه انا معرفش ابعتهالك ازاي يعني ارفعها ازاي وابعتهالك..... واي استفسار انا موجوده وتحت امرك:)


ليه متجيبش كوشه فى البيت؟؟؟؟ بالعكس شكلها بيبقى حلو اوى فيه واحده صاحبتى جاتبها وجابت كمان بيبى لايت وكانت حلوه اوووووووووى
هابقى اوريكم الصوره ان شاءالله

هبه الف سلامه على مامتك وان شاءالله تقوم بالسلامه
X