pippo;7248447:
ميرسى يا جميل
ربنا يكرمك ويوفقك للى تحبيه
الملون بيقشر وده اللى قولته وماحدش صدقنى.. ليه بقى بيقشر؟ لان الصناعة عندنا فى مصر زفت وماحش بيراعى ضميره فمفيش حاجة بتستحمل الدهون والحرارة اللى عندنا. عامة ده مش كلامى ده كلام مهندس ديكور سألته.
الملون بيقشر فعلا
بس ايه اللى بيقشر ؟
الحرف اللى عند الحوض
بسسسسسسسسس
لانه عندنا فى البيت و كل اللى حصله
الدرف بتاعته زى اى درف يعنى بتتخلع و تجيبيلها حد يصلحها
دا عيب مفصلات مش الومايتال
اللى قشر تانى هوه بس الحرف الفوقانى بتاع تقفيلة الحوض
و دا هايحصل مع اى استخدام
من رأيي هاتى الالوان اللى تعجبك
و عيشى حياتك :)
Jumanaa;7248611:
بنات
عايزه اجيب شبشب رجالي للبيت ايه الانواع الكويسه؟ وبكام؟ ومنين؟؟
هاتى Activ من اى توكيل و ممكن كمان Timberland
طبعا غالى :)
فلو جيبتى واحد منهم و واحد عادى يبقى تمام
سارة المزعورة;7247956:
انا رحت جنينة مول محل حبيبة وجبت منة 3 بيجامات كدة قطن شكلهم كويس
المهم السوال
الاقى فين الان بنتاكورات وبلوزات لبس بيت صيفى ضرورى يا بنات
بما انى لا اعرف انزل فىالحر والصيف وماجبتش اى لبس صيفى للبيت ودى الكارثة لانى معنديش اصلا فعايزة مشورتكم فى الموضوع دة ممكن مساعدتكم
اماكن يكون فيها حاجات كويسة ضرورى يا بنات من فضلكم لحسن بجد حاسة انى هاعيط
طيب والبيجامات الثلاثة دول كفاية ولا اية ؟؟؟؟؟؟؟؟؟؟؟؟؟ ولو مش كفاية اجيب قد اية والاهم منين الان
بصى يا حبيبتى انا باكره البيجامات اصلا
مش بالبسهم حتى فى بيتنا
اعتقد ان 3 كويسين و كترى من التيشيرتات
و البنطلونات القطن و الشورتات و الجيبات
كدة يعنى
ممكن تلاقى فى محلات بواقى التصدير حاجات هايلة
فى بنوتة كانت قالت فى المعادى فى
بصي ياقمر ياكلبوظة ........... انتي لو في اسكندرية هتلاقي محل ملابس خروج اسمه باندا ده بجد في هدوم مقاسات كبيرة واستايلاته حلوة وخاماته بجد بجد كويسة وفي منه فروع كتير بس اللى فكراه ان في منه في محطة الرمل تقريبا قريب من الشارع المؤدي للنبي دانيال.....
انتى بس اسالي على باندا............ انشاء الله تلاقي فيه اللى يعجبك
كمان انا عندي اقتراح حلو ليكي ساعات الواحد بيلاقي مديل معين ومش مقاسه وبما ان ممكن متلاقيش صيفي انتى ممكن تختاري كام موديل من كام مجله وتنزلي تشترى قماش وتفصليهم عند ترزي كويس ........... انا عملت كدة من شهر كان عجبني كام موديل فيستات ودريلات جبت شيفون وعملتهم وطقمتهم مع كام بنطلون جينز وكام طرحة وبقوا حلوين ............. لو في اسكندرية انزلي اشترى قماش من المنشية طبعا............. لو دمياط شارع التجاري فيه محلات قماش كتيرة بس فاصلي شوية.................... اتمنى اكون افدتك ................وربنا يفرحك ويفرح كل البنات............. ادعيلي ربنا ييسرلي الحال يمكن قريب ابقا عروسة ..........:shy:
ربنا ييسرلك الحال يا رب
أسيرة حنانه;7246344:
ميرسى يا بنات جدا لكل اللى باركولى
وعقبالكم كلكم يارب
الحمدلله الفستان كان جميل والميك اب ولفه الطرحه وكله الحمدلله كان صنع ايديا وحياه عنيا هههههههههههه
هنزلكم الصور بس بكره بقى ان شاء الله انا دخلت بس انهارده كدا اطمن عليكم واشوفكم لانكم وحشتوووووووونى
يارب المشاركه ما يقولوا مخالفه وتتحذف :sad:
وعشان متتحزفش::
بنات انا عايزه اعرف الحمام المغربى بيبقى عباره عن ايه لانى عملته انهارده وحاسه ان فىف حاجه غلط
أسيرة الف الف الف مبرووووووك
ربنا يسعدك و يهنيكى زى ما كنتى بتساعدى الكل هنا (f)(f)
لحن قلبي;7245920:
****************************************************
يبنات ياحلوين احب اطمنكم ان مواضيع التحاليل قبل كتب الكتاب دي اتلغت نهائي ومحدش مطالب بيها كمان المبالغ اللي تدفع للماذون من العريس والعروسه دي اشاعه ونزل بيها اعلان مختوم من النيابه العامه في المحاكم وبحكم شغلي طبعا عرفت الحجات دي وعن ثقه
ومبروووووووووووووووووووووووووووووووووووووووووووك للجميع
*************************************************
سال بقى ربنا يخليكم جوبونى عليه انا هاتجوز في نص السنه بس للاسف مش هالحق اجيب هدوم الصيفي وللاسف اكتر ان الوديعه بتاعتى مش هاتتفك الا في شهر 11 يعنى كدا كدا ضاع منى الصيفي قولولي بقى اجيب ايه لانى مش عارفه انا وحيده امي وماما مش عارفه لانها لما اتجوزت سافرت لبابا الله يرحمه ومجهزتش وهي منعزله عن كل الناس تقريبا مالهاش اختلاط بحد
واللي حوليا مش بيفيدونى خالص فايريت تفيدونى لانى بجد معانديش حد ينصحنى غيركم
************************************************************
:o:o انا رغايه قوى بس استحملونى محدش يعرف اماكن ملابس خروج مقاسات كبيره طبعا شيك وحلوه ليه لانى كلبوظه والله بدوخ قوى عما الاقي مقاسات هو انا مش قوى قوى
بس كلبوظه اي حد في اسكندريه او القاهره او دمياط او المنصوره بس يوصفلي صح بليز عشان انا هاروح على الوصف مرسي وربنا يفرحكم يارب
معلش كترت عليكم
اولا شكرا على تأكيد المعلومة :)
ثانيا اول شهر 11 لما يكون معاكى الفلوس
انزلى جريييي المحلات
هتلاقى حاجات صيفى اوقات باقية و بsale جامد كمان
انتى و ذوقك باه هتقدرى تطلعى منهم بحاجات حلوة
طبعا دلوقتى لو تقدرى تسمسرى شوية فلوس
من مرتبك على فلوس من ماما كدة يعنى ..
تنزلى تشترى الحاجات اللى ماينفعش الا تجيبيها دلوقتى
يعنى تونيكات او بلوزات او تي شيرتات خروج او جيبات صيفى خفيفة
و سيبك من الثوابت اللى هيه الجينزات بنطلونات او جيبات
و الايشاربات و كدة
يعنى سيبك من الحاجات اللى موجودة طول السنة
و باقية الحاجات باه لما ان شاء الله يبقى معاكى فلوسك
اعتقد البنوتة اللى وصفتلك Panda اللى فى النبى دانيال
فى محطة الرمل
ولو انتى مش من اسكندرية
من أى مكان انت وصلتى اسكندرية فيه
خدى تاكسى قوليله محطة الرمل
فين ؟ شارع النبى دانيال عند الإشارة "نصه يعنى"
هناك لو مشيتى بنفس اتجاه مشى العربيات هتلاقيه على يمينك
و ليهم فرع تانى اسأليهم عليه
ربنا يوفقك و يسعدك يا رب