... تجهيزات عرايس مصر ال 96 ....

الملكه فريده 16-09-2008 1,003 رد 36,861 مشاهدة
ص
heba 017;7239432:
بنات انا حبيت اطمنكو على اللى حصل معانا انا وماما سافرنا القاهرة لدكتور اسمه ممدوح سلامه مخ واعصاب وطمنا ان الورم باذن الله حميد وهتعمل العمليه بعد العيد بس ادعو لها انها تقوم بالسلامه
وانا اجلت الخطوبه لبعد ما امى تقوم بالسلامه والخطوة دى زعلت منى مرات اخو خطيبى وانا عمرى مهفرح ولا هحس بفرحه غير لما اشوف امى قايمه بالسلامه
ادعو لامى بالشفاء العاجل


الف سلااامة على مامتك يا هبة
ان شاء الله تقوم بالسلامة
ربنا يشفيها ويرجعهلكم بالف سلامه وافضل من الاول ان شاء الله




بتاع خرز الاقيه فين وخيط وكدا
ب
little cat;7234714:
بنوته مرسي اوي ليكي ...طيب ياريت تعرفيلي التفاصيل بالنسبه للشوز ...يعني خدت وقت قد ايه وكلفتها كام
ولو هاعملها قماش زي الفستان هتاخد قماش قد ايه ....لأن روكسي بعيده عني اوي وصعب اروح مره اشوف عاوز كام متر ومره تاني اودي القماش :ss:
لو تعرفي تليفون المحل كمان يبقى عملتي فيا جميل جامد

فرحي خلاص الأربع بعد الي جاي ومابقاش فيه وقت لحاجه خاااالص....ادعولي :ss:



الأجهزه بتاعتي جبناها من الكتريك سنتر الي في سور نادي الترسانه هم اسعارهم كويسه اوي و رحنا في يوم جبنا من عندهم كله

الثلاجه جبناها من عندهم وايت ويل 16 ونص قدم لونها سيلفر ب3600 ونزلنا 100عشان جايبين اكتر من حاجه
والسعر ده كان في شهر 6 الي فات



ازيك يا ليتل ان شاء الله هسئلك صحبتي علي كل التفاصيل كلها واقولك حتي لو علي الخاص وربنا يتمملك بخير يارب

mahyy;7235392:
ازيكو يا بنات كنت عايزه اسال على حاجه انا اشتريت النهارده براون الة نزع الشعر الابيض فى لبنى ولما جيت اجربها لقيتها مش بتشيل حاجه وضعيفه جدا مع انى اشتريتها من صيدلية العزبى بس مش عارفه مالها انا ان شاء الله هروح بكره ارجعها او استبدلها بواحده تانيه بس عايزاكو تنصحونى اجيب انهى لون وانهى نوع بيكون احسن ياريت الى مجربه تقولى ضرورى


حبيبتي انا جبت براون الابيض في لبني دي وحلوه خالص وكانت ب400 ج بس مكنتش من هنا من بره انا انصحك انك ممكن تجبيها برضو بس تشوفي واحده تانيه لو دي مش كويسه قوي لاني بصراحه شايفاها حلوه وبتسعف في اوقات كتير وربنا يوفقك


toty858;7235618:
بصي انا مش بستخدم السويت في المكان دة لسبب مهم جدا وهو انك لازم تستنى الشعر يطول شوية صغيرين علشان السويت تشيلة وانا بصراحة بتكسف يعنى اسيبو وبعدين السويت عاوزة طولة بال بالذات في المكان دة يعنى بقية الجسم بالسلكابيل انما المكان دة بيوجع بالسلكابيل
كانت بسبس قالتى هاتى جيليت وقالتلى انها ب حاجة وتلاتين
انا ملقيتهاش
لاقيت ماكينة من جيليت اسمها فينوس حلوة جدا جدا هيا ب 52 جنية معاها واحد اضافي يعنى فيها 2
والواحد بيقعد كتير اصلا
وممكن انتى تشتريلها الامواس بتاعتها لواحدها لانها بتتبدل يعنى مش بترمى الماكنة لا بتشتريلها امواس جديدة
وبيتباعو الموسين مع بعض ب 31
(انا عارفة ان هيحصل نقاش على استخدام السويت او الماكينة في المكان دة)
بس كل حد بيختار الطريقة اللى تناسبو :D :wink: :D




الموس فعلا بيطلع الشعر ثقيله وسوداااااااااااا قووووووووي وخشنه بس في بنوته قبل كدا كانت قالت وصفه بتعملها مع الموس بتخلي المنطقه ناعمه وانا هدورلكم علي الوصفه لانها عجبتني وعموما انا من رائي البنات اللي علي فرحهم شويه زي حالاتي كدا الواحد يجرب يعمل كل حاجه لغاية لما يرسي علي حل مع ان ماما علي طول تقولي السويت السويت السوييييييت ولا مثيل لها:D



ندى شعبان;7238666:
لو سمحتو عايزة حدفدنى اعمل خطوبتى ازاى فى البيت يعنى اوضب المكان ازاى البس ايه الناس تعد على ايه مع العلم ان بيتنا صغير ارجوكوا ساعدونى




ندي حبيبتي انا عملت خطوبتي في البيت بصي بيني وبينك هو تعب قبل وبعد وانا كنت في الاول مش موافقه بس بصراحه حاستها حلوه انا شلت الصالون وخليت كنبه صغونه ليا انا وخطيبي وجبت الفرع بتاع الزينه بتاعه عيد الميلاد دا وكتبت اول حرف من اسمه واسمي فوق الكنبه علي الحيطه وطبعااااااااااااااااااااا شلت السجاد بتاعنا وشلت التربيزه بتاعه التلفزيون والتلفزيون وكراسي السفره وحطيت السفره بالعرض جنب الحيطه وحطيت عليها الكمبيور والسماعات وعملت شغل جامد جداااا:D وعماتي جابو ورد وحاطه علي الارض فرشو بيه الارض وبابا جاب طقم فراشه بس خلي بالك لازم تاخدي بالك من الكراسي بتاعه طقم الفراشه لان الراجل جابلي الكراسي الساعه 3 الصبح وكان فيها كرسين او 3 مش حلوين وعشان الزنقه واحنا الفجر معرفتش اغيرهم واضطريت اشيلهم من الفرش

اما الفستان انا اشتريت فستان سواريه عادي عشان ينفع بعد كدا وروحت جبت الطرح والبادي بيلمعو نفس لون الفستان وبصراحه كان ماشاء الله توووحفه(y) معلش طولت عليكي واتمني اكون افادتك:)

semsema2007;7239782:
[QUOTE=أمةالله;7239632]
بمناسبه السويت بقى طبعا في اماكن طبيعي لازم تتعمل بالسويت بس في اماكن تانيه الواحد عمره ما عملها يعني مثلا البطن والظهر ... هو مفيش حاجه اوي بس لو دققت اوي يعني بلاقي في شعر :ss::o ده بقى لو اتشقر يكون شكله كويس يعني ولا يكسف؟ انا خايفه اجرب بصراحه وصعب اعمل سويت عشان لو عملت في المناطق دي اكيد هيطلع حبوب وحتى لو مطلعش هدبس نفسي اني افضل اعملهم ديما وصعب اوي يعني الاستمرار عليهم
فاريت حد يقولي عن تجربه يعني التصرف يبقى ازاي؟ سويت ولا تشقير ولا نسيب كل حاجه زي ما هي وربنا يستر؟؟:D[/COLOR]



بصي يا حبيبتي انا الموضوع دا برضو شغلني لفتره وقاعده افكر ممكن الواحده تتصرف ازاي وانا بستخدم التشقير ومبسوطه فيه في بعض المناطق علي الوجه وفي الاخر انا وبنت عمتي شفنا ان احسن حل انك منطقه البطن اللي عند السره كدا لو الشعر فيها باين دا يتشال اما بقيت البطن وفوق الصدر وعند الظهر الاحسن التشقير حتي لو الملمس باين شويه صغنونه دا هيبقي احسن من انك تشيل بالسويت او حتي بالماكنه وهيبقي عذاااااااااااب اكتر ما احنا متعذبين
r
روباز;7229732:
صباح الخير يا بنات ..معلش ممكن حد يفيدنى فى موضوع التلاجات
اسعار الوايت ويل كام و ايديال و كريازى؟
اما بقى لقينا واحد بيعمل شوكولاته و بيطبع عليها صورة العريس و العروسه و التاريخ أو يكتب كلام على الشوكولاته و لقيتها فكره لطيفه أوى تتوزع فى كتب الكتاب أو ك ثانك يو تتحط على الترابيزات فى الفرح
و اسعارها معقوله الواحده ب 2.75 لو لغايه 100 قطعه و ب 2.50 لو اكتر من 100 و كل مالعدد يزيد سعرها يقل


[GLOW="FF0000"]ممكن يا قمر تبعتيلى رقم تليفونة وعنوانة على الخاص؟؟؟[/GLOW]
@
dynamicfam;7238999:






تانى السؤال بكام ؟؟؟
ماظنش ان سعرها 2370 :eek:




لا يا قمرة هى سعرها كان 280 جنية وكنت جيباها من محل فى وسط البلد


m@hy;7239890:
الف سلااامة على مامتك يا هبة
ان شاء الله تقوم بالسلامة

اجيب كام مفرش سفرة؟؟


بصى اعتقد اتنين واحد غالى وواحد وسط

لكن انا عن نفسى جايبة واحد بس وهو مطرز بـ 480 جنية
ت
heba 017;7242467:
بنات حبيبى الحلوين قولولى اخد معايا هدوم شكلها ايه وانا راحه المستشفى مع ماما والمستشفى فى القاهرة واحنا من المنصورة وهنقعد حوالى تلات اسابيع وانا من كتر من نفسيتى تعبانه مش عارفهافكر ف اى حاجه خااالص


ربنا يشفيها ويعفو عنها عاجلاً ليس آجلاً آمين آمين آمين
بصي يا حبيبتي خدي يا حبيبتي بيجمات عادية ولبس عادي وخدي الاسدال بتاعك هناك او اسدالين بتاع الصلاة حتى عشان لو غسلتي واحد تقعدي بالتاني وقماشتهم بتبقا حلوه ومش هتحررك بإذن الله وانا بقولك على الاسدال عشان متحسيش انك مقيدة باللبس ومن وقت للتاني لو دكتور دخل ولا حاجة هيبقا اسرع اني تحطي حاجه عليكي بسرعة، ربنا يتم شفاء مامتك على خير قريب ويطمنك عليها ويتملك خطوبتك على خير بإذن الله

يا بنات انا رحت كارفور من يومين عند لحفة شكلها روعة والستايل بتاعهم حلو اوي بسم الله ما شاء الله الواحد ب 333 جنيه روحوا شوفوهم وهتدعولي بجد إن شاء الله واللحاف 6 قطع
P
صوت العيون;7243077:
الف سلااامة على مامتك يا هبة
ان شاء الله تقوم بالسلامة
ربنا يشفيها ويرجعهلكم بالف سلامه وافضل من الاول ان شاء الله




بتاع خرز الاقيه فين وخيط وكدا



كل شئ أو النمرسى

pippo;7242610:
أولا ألف مبروك يا ميرو على تحديد كتب الكتاب. ربنا يتمملك بخير ان شاء الله وعقبال الزفاف بإذن الله(f)

آريستون يابنتى ماركة نظيفة جداااااااا .. هو مستورد.. كان عندنا السخان الكهربا منه وكان عشرة على عشرة بس باظ بعد 15 سنة استخدام تقريبا. أمة الله تقريبا جايبة البوتاجاز اريستون وما شاء الله بتشكر فيه.

بصى اول كلمة من بق الراجل كانت 1250 انا واخداه بـ1100 كمان بس ماكنش راضى ينزل عن كده خااااااالص. بس للأمانة هو مكتوب عليه بورسلين جوهرة الإمارات وانا لما جبته ماكنتش اعرف ان فى فرق بين البورسلين والصينى زى ما البنات هنا بتقول. عامة بتاعى برضه خفيف زى الصينى وبرفعه فى النور بشوف خيال ايدى من وراه. فبصراحة مابقتش عارفة بورسلين ايه وصينى ايه !!!!!!!!!!!!!!!!!:eek: والكلام ده كان الشتا اللى فات.



بتعصرى ليمون عليها وبتحطيها فى الفريزر تجمد. وهى فعلا بتبقى اسيح شوية من العادية بس مش سايحة قوى.



ازيك يا جميل
هتلاقيها فى خان الخليلى اكيييييييييد


الله يبارك فيكى حبيب قلبى و على فكرة البورسلين فى منه انواع اغلى من الصينى اصلا و اشيك وده بردو بورسلين فعلا Made in Bangladesh انا مسكته و قلبته علشان اشوف

و ميرسى على نصيحة السويت انا برد كان عندى امل و سايباها فى التلاجة من ساعتها لما اجى اعمل تانى ابقى احط عليها ليمون بقى ان شاء الله

على فكرة يا بنات Oltre اللى فى سيتى ستارز عامل تخفيضات حقيقية 70% و بجد و حاجاته ايطالى انا اللى مستوردة الشحنات بتاعتهم بنفسى و الله من ايطاليا و التخفيضات حقيقية من مصدر موثوق منه جدا

[GLOW="FF0099"]
و كمان حاجة عرض فاراواى علشان البنات اللى سألونى على الخاص مش تركيب يا جماعة و الله ماهو تركيببببببببببب :confused: و ريحتها بنفس التركيز بالظبط بتاع فاراواى بتاعة افون و نفس العلبة و نفس الازازة و كل حاجة و ب 25 جنيه و بس (y)(y)(y)(y) اختى المجنونة اشترت تلاتة تشيلهم و انا اشتريت 2 بس عايزة تانى فعلا
و اللى عايز تفاصيل يبعت على الخاص
[/GLOW]
@
يابنات انا كنت سالت قبل كدا على سعر متر الجرانيت والرخام

ياريت اللى تعرف تقولى
r
Jumanaa;7231924:
انا عندى على البى سى لو عيزاه قوليلى ابعتهولك

ليتل كات
لومينارك احلى كتيييييييييييييييييييييييييييييييييييييييير

بيبو
ابعتى لى السايت اللى فى الفساتين


[GLOW="FF0000"]ممكن تبعتيهولى على الخاص ياجميل؟؟؟؟[/GLOW]
k
مسلمة طب الالحفه دي الاستايل بتاعها ايه؟ فيها الوان مطرقعه وكدا ولا كلاسيك؟؟
معلش ياجميل :)
ا
مشتاقة الى الجنة;7242276:
شكرا لاهتمامك ياقمر بس انا لما عملته مدبش خالص وطلع زى ماهو وفعلا مش هينفع يطحن زى المستكة طب ممكن يكون ده اختلاف انواع وله في حاجة غلط


لو سبتيه يغلي شوية صدقيني حيدوب و المستكة بقي يا قمر طحنتها عارفة ازاي حطيها في كيس و دقي عليها بالهون حتلاقيها زي اتبططت كدا و روحي اخدها في المصفة الصغيرة البلاستك بتاعة الشاي و اضغطي عليها بصباعك كدا حتنزل بدرة :D

Princess_miro;7242397:
أنا عندى داب مع الخلطة و غمقها كمان بس المشكلة انها فضلت سايحة و مش عرفت استعملها خالص سايحة سايحة يعنى ,,, ايه الحل؟


الف مبروك يا قمرايا علي تحديد كتب الكتاب بالنسبة للسويت بقي هي بتبقي عامة اسيح من العادية بس حطيها في التلاجة و هي تبقي كويسة

heba 017;7242467:
بنات حبيبى الحلوين قولولى اخد معايا هدوم شكلها ايه وانا راحه المستشفى مع ماما والمستشفى فى القاهرة واحنا من المنصورة وهنقعد حوالى تلات اسابيع وانا من كتر من نفسيتى تعبانه مش عارفهافكر ف اى حاجه خااالص


خدي ترينجات او بيجامات بكم يعني لبس بيت بس بكم لو انتي محجبة عشان كل شوية حتلاقي ممرضة داخلة و دكتور داخل و يدوب بيخبطوا علي الباب و يدخلوا و حتلاقي نفسك اغلب الوقت قاعدة بلبس الخروج و ربنا يقومها بالف سلامة ياااااااارب و يقويكي و يديكي الصحة و خلي بالك عليها و علي نفسك

@ green apple @;7243101:
لا يا قمرة هى سعرها كان 280 جنية وكنت جيباها من محل فى وسط البلد




بصى اعتقد اتنين واحد غالى وواحد وسط

لكن انا عن نفسى جايبة واحد بس وهو مطرز بـ 480 جنية


نوعه ايه المفرش اللي جبتيه ؟ و ايه الأحسن الأنواع حاليا في السوق ؟؟
ت
kitty_kity;7243235:
مسلمة طب الالحفه دي الاستايل بتاعها ايه؟ فيها الوان مطرقعه وكدا ولا كلاسيك؟؟
معلش ياجميل :)


جميلة أوي يا كيتي في الاستايل ده وفي الاستايل ده انا جبت بتوعي الحمد لله مودرن واحد لونه لبني قريب من التركواز وفيه أبيض والتاني لونه بيج في كافيه وفي رسومات شوية من على الحرف شكلها رقيق والحمد لله رب العالمين الاتنين شكلهم أحلى من بعض
d
:sad:معلش يا بناتيت ممكن حد يقولي اعمل ايه في مسالة الحبوب اللى بتطلع بعد ما بعمل السويت خصوصا في المنطقة الحساسة انا بعمل سويت في اجزاء تانية ومفيش عندي مشكلة لكن كل مرة اعمل في المنطقة دي تطلع بعدها حبوب تشوه المنظر مش عارفة اعمل ايه ومش عاوزة استخدم الكريمات ............ افيدوني:21_186:
ا
dreamyheart;7243373:
:sad:معلش يا بناتيت ممكن حد يقولي اعمل ايه في مسالة الحبوب اللى بتطلع بعد ما بعمل السويت خصوصا في المنطقة الحساسة انا بعمل سويت في اجزاء تانية ومفيش عندي مشكلة لكن كل مرة اعمل في المنطقة دي تطلع بعدها حبوب تشوه المنظر مش عارفة اعمل ايه ومش عاوزة استخدم الكريمات ............ افيدوني:21_186:


مرهم فيسودين ده مضاد حيوي و مفيش منه اي خطورة و انا و بنات كتير مجربينه بتدهني بعد السويت و لمدة 3 ايام مثلا او علي حسب الحبوب حتي لو مفيش حبوب بيمنع ظهورها و اي التهابات موجودة
ب
ربنا يتمم شفاء مامتك يا هبه يارب عاجلا غير اجل

الف مبرووووك يا اسيرة على كتب الكتاب و عقبال الفرح يارب

تيوليب انتي عاملة خددياتك بخرز و لا خرج نجف و ممكن تصوريلي الخدديات و المفرش من قريب و القماس بتاعهم نوعه ايه؟
ر
انا جبتها من عند ميدان الي ف اول البورصة..عارفاه؟؟


ميدان الى فى المول التجارى اه عرفاه .......... هو انا اجيب كام مفرش للسرير وانواعهم ايه ؟
د
بنات انا شايفه ان كتير منكم بيتكلموا عن الغسالات وبيقولوا ان كل ما تكون اللفات اكتر الغساله تنضف اكتر

هو ده ميضرش بالغساله والموتور بتاعها؟؟؟؟؟؟ على المدى البعيد حتى؟؟؟
@
رمش الكحيل;7243759:
انا جبتها من عند ميدان الي ف اول البورصة..عارفاه؟؟


ميدان الى فى المول التجارى اه عرفاه .......... هو انا اجيب كام مفرش للسرير وانواعهم ايه ؟


اعتقد انك تجيبي مفرشين للسرير

واحد قطيفة ودا شتوى

والتانى بيكون ستان او جوبير او اى قماشة تانية
@
انستاسيا;7243297:





نوعه ايه المفرش اللي جبتيه ؟ و ايه الأحسن الأنواع حاليا في السوق ؟؟


بصى يا قمرة هو قطعتين قطعه من تحت ستان لونها سكرى

والقطعه اللى فوق اورجنزا مطرزة بخرز

بصى الاحسن دا انتى اللى تقررية انزلى واتفرجى لان اللى موجود فى السوق كتيييييير
ق
دودو1;7243846:
بنات انا شايفه ان كتير منكم بيتكلموا عن الغسالات وبيقولوا ان كل ما تكون اللفات اكتر الغساله تنضف اكتر

هو ده ميضرش بالغساله والموتور بتاعها؟؟؟؟؟؟ على المدى البعيد حتى؟؟؟


لا طبعا يا جميل
اى جهاز كهربائى بيتصنع بيتاخد فى الحساب كل العوامل اللى بيمر بيها وبيبقى فى كمان عامل امان. وفى تصميم الموتور بتاع الغسالة اول حاجة بتتحط فى الحسبان بتبقى عدد اللفات فى الدقيقة rpm (revolution per minute) وحاجات تانية.. ماتخافيش يعنى

البنات اللى السويت بالفاسوخ بتسيح معاهم جامد، انا لسة عاملاها وساحت قوى برضه والفريزر ماعملش حاجة، ابقوا اعملوها بحتة قماشة زى السويت السايلة اللى بتتباع جاهزة.(y)
د
pippo;7243892:
لا طبعا يا جميل
اى جهاز كهربائى بيتصنع بيتاخد فى الحساب كل العوامل اللى بيمر بيها وبيبقى فى كمان عامل امان. وفى تصميم الموتور بتاع الغسالة اول حاجة بتتحط فى الحسبان بتبقى عدد اللفات فى الدقيقة rpm (revolution per minute) وحاجات تانية.. ماتخافيش يعنى

البنات اللى السويت بالفاسوخ بتسيح معاهم جامد، انا لسة عاملاها وساحت قوى برضه والفريزر ماعملش حاجة، ابقوا اعملوها بحتة قماشة زى السويت السايلة اللى بتتباع جاهزة.(y)




جزاك الله خير على ردك

بس معلش ايه الفاسوخ ده؟؟:eek:
X