heba 017;7219951:
اسيرة يعنى احط تربيزة السفرة على السيراميك كده وخلاص محطش سجاده خاااالص ولا اعمل ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا كنت هحط سجاده تحت ترابيزى السفرة وعشان اللى يقعد تحت رجليه يكون فيه سجاد
بس كده هيبقى شكلها مش تمام افيدونا فى الحكايه دى وبالله عليكو ادعولى بانى اتجوز عاجلا ليس اجلا
وبالنسبه للهوت شورت جينز انا جيبته ب 30 من محل اسمه ابو شادى عندنا فى المنصورة ومقطقط كده وجميل و جيبت انبارح شويه سورتيات دلع للشعر وغوايش حلوة اوووووى واى واحد منهم كان ب 2.5 بس شكلهم دلوع فجيبت منهم لونين كده حلوين وبكرة ولما انزل تانى هجيب باقى الالوان لو عايزين احطلكم صورهم قولولى
لا يا قمر السفرة طبعاً بيتحط تحتها سجادة
أنا شفت الشكلين وطبعاً من غير سجادة شكلها بيبقى مش شيك خالص الصراحة
بس السفرة بيجيلها سجادة أقل شيء 3×2 والمفروض السجادة دي بتتفرش وانتي بتفرشي الشقة
طبعاً الترابيزة بتعلم في السجادة بس برضه معظم الموبيليا بتعلم في السجادة وترابيزة الصالون بتعلم في السجادة، منجيبش سجاد؟؟
لأ بتجيبي بس بتحطي دايماً الترابيزة في نفس المكان
بالنسبة للتنضيف تحتها انتي أصلا رجلين الترابيزة بيبقوا موصولين من فوق ببعض بحاجة عاملة زي حرف الX كده حماتي لما تحب تشيل السجادة الرجالة بيشيلوا الترابيزة قدام بعض وتتلم السجادة علشان تروح تتنضف وترجع، ودي حاجة بتتعمل مرة في السنة مثلا لأن السفرة مش بيبقى عليها ضغط يخلي السجادة محتاجة تتنضف قبل كده
أما في الأيام العادية طبعاً بنزيح كل كراسي السفرة ونلم أطراف السجادة ويتمسح تحتها، وانتي لوحدك هتلاقي انه مش بيدخل تحتها تراب كتير لأن السجادة كبيرة ومش بتتحرك فمش بتلم تحتها تراب كتير
ايه تاني؟؟ آه بالنسبة للأطراف اللي بتلف، لو السجادة حجمها كبير زي ما بقول لك هتبقى الترابيزة والكراسي كلهم قاعدين على السجادة فلا هتبرم ولا حاجة أنا عندي السجادة بقالها سنة لا برمت ولا عملت حاجة مع انها مش نوع غالي بزيادة ولا حاجة، سجادة عادية أكريليك من عند النساجون
طبعاً لو كانت سجادة حرير كنت قلت لك حرام عليكي خسارة علقيها على الحيطة :D بس معظمنا بيجيب أكريليك علشان شكله أحلى من الصوف في المجمل وعلشان أرخص والدنيا بقت نار.
ده رأيي وانتي في النهاية بيتك بيعكس ذوقك انتي فاعملي اللي يريحك يا قمر