تكفون كل وحده مرت بتجربة طلاق تدخل .. قربت اصير وحده منكم

رزان ..

ودور أخوه الكبير أو أحد يحترمه أمه أو أبوه أو أحد من أصدقاه يوعيه ويفتح عينه يالأخو حنا عزوبيه وانت رجال وراك بيت وطبيعي اذا قلبهم عليه قلعوه من باب الميانه لبيته

أهله وأخوانه ماقصروا ... لكن هو يعاندهم ويعاندني ومايسمع الا لأخوياه
تخيلي يوم شكى لواحد منهم وقاله اني مو مرتاح مع زوجتي من يوم تزوجنا واحس بشي يمنعني عنها مع اني احبها وش قاله ؟؟
قال ريح راسك وطلقها !!!! ,,,, بالله عليكي هذول اصدقاء

وانتي لاتكونين ثقيله وربة بيت كوني وحده من الشله وبراحتك وشفتي السكوت أفضل اسكتي والا هلا بأبو الشباب والبيت ماشي مثل مايبي

والله ماقصرت عليه بشي .. وبالعكس مو حاس بأي مسؤوليه تجاهي ممشيه حالي بنفسي الحمد لله
اللهم إنه يعطيني فلوس وانا اتصرف بالباقي حتى اغراض البيت مايعرفها انا اجيبها ما ابي اضغط عليه ويحس بالمسؤوليه ,,, بس مو في عينه هالشي انا الغلطانه وانا اللي مقصره

ابعدي لأهلك خليه ينساك وحاولي تقربيه من أهله عشان مايفقدك لأن كالتي تعطيه أكل وشرب
والأهل يسدون ويابيحن أو انتي بعدييييييييييين اتصلي وطبعا بعدتي بلا مشاكل فقط مشتاقه لربعك وأهلك ولك حق مثله كربع نتكلم مع بعض وبعديييييييييييين جددي الشوق والخطوبه واشغليه بالولد وارجعي له بشكل جديد ولسان أجمل.........
لعل وعسى........

انا الحين عند اهلي .,,, والحمد لله ماغلطت عليه بالعكس هو اللي غلط غلطه كبيييره في حقي قبل اروح لهم وانا متأكده انه ندمان لكن مسألة اني ارجع واتصل فيه مستحييييييل وتبيني اجيب منه ولد بعد هذاك اول كنت احلم باليوم اللي اجيب منه بنت ولا ولد .. لكن الحين آآه بس

والطلاق أبدا لاتفكرين فيه حال الشباب كلهم صدقيني لكن القلب وهذا المهم سليم....

وغذا صار قلبه مو رايدني ولا جاب لي خبر اجلس مع واحد مايبيني ولا يحس فيني ليه وش حادني ؟؟


بالاخير مشكوووره حبيبتي على وجودك ... وكلامك منطقي لكن الواقع اللي عشته صعب

ليش مستعجلة على الطلاق بما انه رقم البنت عندك ليش ما ترني عليها وتعرفي هيه مين وشو بدها من زوجك وحاولي تجريهل بالكلام ممكن تكون هي الي عاملة اله العمل

بصي حبيبتي انا مطلقه بس لاسباب ثانيه انا طليقي واهله كانم ناس مش محترمه ضرب ليا واهانه ولما لجأت لوالده قال عادي تضربي وتاخذي بالجزمه احنا دي معامله الست عندنا ملهاش حق تخيلي حتي اللقمه كان يستخسرها فيا فكان صعب اكمل مو عشان لا عشان بنتي اللي ضربها وهي لسه عمرها 28 يوم لكن انا بقلك انتي اصبري انتي تقولي ان اهله كمان يقولوا انه متغير يعني مش انتي بس اللي متغير من ناحيتك ده متغير من ناحيه اهله كمان اصرب واحنا في ايام كريمه ادعي له ربنا يهديه واقولك شئ تعرفين في سنه الماء الذي قرئ عليه قرأن خلي شيخ يكون شيخ موثوق فيه يرقي الماء وحطي الزجاجه وكل ما يطلب مويه اديه منها وان شاء الله عسي خير

انا مريت بالطلاق ,,, والله ماكان ودي بالطلاق بس عمتي ام ريلي هيه اللي طلقتني

يعني طلعت من امه ومنه هوه ,,,

اختي انا طلقني وانا كنت حامل بشهري الرابع بس سلموني ورقه الطلاق عقب ما ولدت ,,

لا تفكري بالطلاق خلي الطلاااق اخر حل ..

كل اللي يتقدم لي معرس واكون زوجه ثانيه ,,

واختيه انا لولا ظناي ما تحملت اللي صار لي ..

الله يصبرج على ها الحال ... وبالتوفييييييييييق

ووخلي فكره لعيال عقب ما تتحسن العلااااقه وتكونوو ويا بعض مثل العسل

حبيبتي انتي في مصيبه والله يبتلي من عباده من يحب
الله ارادك ان تقتربي منه اكثر ان تدعيه لكي يستجب لكي ان تبكي لكي
يفك كربك اعملي جاهده لخلصك الله عز وجل
ابكي بحرقه على ابواب الله انه لا ملجأ ولا منجا منه الا اليه

لا اله الا الله
كلنا مرينا بمشاكل
والحمد لله

يحب اصحابه يسهر اوكي

عصب عليك يمكن انتي عصبية عليه او بتنكدي عليه بالاسئلة كثير وعن جلوسه مع اصدقائة والرجل ما يحب كذا

اما مسألة النوم برا و كذا الله يحفظه من كل شر لكن ما تشكي فيه من حالات ادمان ممنوعات مثلا ؟

اذا كان نظيف و كل شي وما تشكين

فانا اقولك خليه براحته وقوليله روح لاصحابك وخذ راحتك بس انا لي ساعات من اليوم معينه اهتم فيها وقدرها

وحاولي تجددين له وتحفظين خصوصيته ولا تتكلمين عنه حتى قدام هله

ترى الرجال لا شافج نهتمه فيه وكاتمه اسراره ومتحملته يحطك فعينه وينتبه لحاله

والبنت اللي يعرفها

فهذا يعني ان اصحابه صحاب سوء وماثرين عليه

وادعي له دوم يا اختي بالهداية

واشتري الرجال ان كان زين وفيه خير

اما ان كان وحسيتي انه بايع وما منه رجا فالله يعوضك

حبيبتي اني صار لي من تزوجت 4 سنوات ومن تزوجت دائما مشاكل يوم خيانه ويوم ضرب وغيره بس فجائه صادته مصيبه لا على البال ولا على الخاطر وعرف من خلاله قيمتي وعرف ان الله حق ورجع انسان ثاني حتى انه كان ما يصلي الحين ومن خمسة ايام اهو الي يصحيني الى صلاة الصبح حبيبتي اصبري والله يحب الصابرين مع العلم ان هذا ثاني واحد اخده بس الاولي ما كان له حل وكنت صغيره يعني الحين عمري 25 والبنت يا حبيبتي مو كل يوم على زوج ولا تخلين احد يشمت فيش عليش بدعاء والصلاه والله يهديه الى طريق الصواب يا رب العالمين

بنات لا تنسوني من دعائكم بهالايام الفضيله

اصبري والطلاق مو الحل النهائي اصبري قد ماتقدرين وحاولي تتجنبين الحمل

مع الصبر

وربي ان شاء الله بيسهل امرك

هههه والله ضحكتيني ..... سوري والله بس هاي نفس مشكلتي بالضبط وأنا عايشة فيها

هييييييييييي تعرفين أنا وااايد ناس قايليلي هاي عين سحر بس مادري لأنه مشكلتي في ريلي وفيني بعد يعني هو فجأة إنفلب لربعه وأنا صرت أكره شوفته وتخيلي طول شهر رمضان أهو أيي يغير ثيابه وبس

إستويت ألحين متزوجة على الورق بس ومافي ولا شيء بيني وبينه بس خلاص تعرفين بعد خمس سنين الوحدة تمل يالسة أعتني بعيالي وبس :( وأدخل وأطلع وهو حتى ما يسأل يعني مثل المطلقة بس
ما أريد أطلق لأنه أمي وااايد تعبت لما قعدت عندهم فترة تقريبا 8 شهور علشان شي يالسة في بيته وبس :(

السلام عليكم

اختي الله يفرج همج ويهديلج زوجج وازواج المسلمات وزوجات المسلمين اللهم امين ,, اختي ماقلتي كيف كانت علاقاته مع اهله قبل ويمكن سبحان الله لاتستبعدي هالامور في زمن ضاع فيه الخوف من رب العالمين والركض ورا الملذات والامور الدنيويه ان حد من اصدقائه يكرهه سواله عمل او سحر او بنت سوتله سحر لانها ماقدرت تجيبه سبحان الله اختي كل شي جايز.
انا عندي بعض الايات من شيخ خذيتها كنت اقرأها على ماي واخلي زوجي يشربه والله وكانت تخف المشاكل بسبب سحر وعين والعياذ بالله .
الفاتحه 7 مرات ,سورة البقره مره واحده يوميا,,أية الكرسي 7 مرات ,,سورة الصافات من أية (1,,11) 7 مرات ,,سورة الرحمن من أية (33,,36) 7مرات ,,اخر أية من سورة الفتح 7 مرات ,,سورة الحشر من أية (20,,24) 7مرات ,,وسورة البروج كامله 7 مرات ,, سورة الكافرون 7 مرات ,,سورة الاخلاص 7 مرات ,, سورة الفلق 7 مرات ,,سورة الناس 7 مرات وأخر شي أذكار الصباح والمساء ((( ياحي ياقيوم برحمتك استغيث اصلح لي شأني كله ولا تكلني لنفسي طرفة عين )) وكثري التسبيح والاستغفار وربي بيستجب للدعاء ولا تنسينا من دعائج لي بهدايتي وهداية زوجي واصلاح امرنا ولأخواتنا بالسعاده والعيش الرضي والله يوفقج.

اختي العزيزه :انا راح اكلمج بصراحة انا مريت بنفس التجربه اللي تمرين فيها بس انا استعجلت وطلبت الطلاق وتطلقت لكن مع انه في ولد بينا ومافكرت فيه فلاتغلطين غلطتي انا تطلقت وارتحت لكن ولدي نفسيته تعبانه واااااااااايد مره يكون مع ابوه ومره معايا هذا اولا بس ثانيا انت تعرفين بعد مامر هو بمرحلة الطلاق تغير كثير وتزوج والحين هو غير ميه بالميه تخيلي والحين هو عايش مرتاح وانا وولدي اللي تعبانين وعايش مع عياله منها علشان جيه ابعدي عن فكرة الطلالالالالالالالالالاق اوك يااختي وصدقيني انا مريت بهاي التجربه بس هي تجربه قاسيه بجد

حبيبتي لاتتسرعين انشاءالله كل شي بيرجع مثل واحسن من اول لانة على ما قلتي ياعين ياسحر

والله يصبرك

إختي

شلي من بالج فكرة الطلاق .. إصبري و إدعي الله و إستغفري و إقري سورة البقره و الله بيهديه يا رب

انشاااء الله ما تتطلقيين يارب ووزوج يرجع احببج مثل قبل واكثر يااااااااارب