اجوف خواتي ولا بيدي شيء الا الدعاء؟؟
لعيونك
13-09-2008
22 رد
1,076 مشاهدة
السلام عليكم
مرحبا خواتي شخباركم عساكم بخير
بدش بالموضوع على طول واتمنى ان تفيدوني لاني بصراحه كنت ادور حلول من زمان ولكن ولا باليد حيله, وساعات اقول يمكن مسوين شيء لنا وساعات استغفر ربي والله اعلم .
ياجماعه احنا 5 خوات بالبيت والصراحه الكل يحسدنا انه 5 بنات والكل اذا جافنه يقول لنه انتوا 5 توائم , يا جماعه بالي مشغول وكل يوم افكر واصيح وآنه الوحيده الي تزوجت مع اني متزوجه لكن بالي كله بخواتي , يا جماعه عندي 2 من خواتي الكبيره الي صار لها الحين 15 سنه وهي تنتف في شعرهااا والثانيه الحين بعد بالثانويه وصار لها 6 سنوات ماشفتها الا بعد نفس شيء تنتف في شعرها ؟؟ والسبب لحد الان ماني عارفته؟
ساعات اقول عمل وساعات استغفر ربي وساعات اقول وش السبب الي خلاهم يصيرون جذي مع انه كانو مافيهم شي.
قلت لبنت سالفتي عن خواتي قالت لي يمكن عمل وتعرف واحد يقرأ واصله باكستاني بس يتعامل مع الجن وطبعا قلت لها مستحيل هذا مشعوذ قامت تقول لي لا زين ومادري ايش تقول هذا الي جه حق بيتنا وقال لنه انه في بيتهم عمل . وطبعا آنه رافضه وقلت لامي ورفضت بعد .
بس خايفه عليهم الحين اختي الكبيره جم واحد يتقدم لها وكله ترفض والحين عمرها 26.
ساعدووووووووووووووووووووووووووووووووني الله يساعدكم دنيا وآخره:confused:
قلبي يتقطع عليهم ولكن مابيدي شيء.
الله يساعدهم حبيبتي و وصيهم بالبقرة و قيام الليل
هلا حبوبه
مرحباااااااااا فيج
بخصوص تنتف الشعرهذي مشكله نفسيه ويمكن من التفكير
انا عن نفسي اذا افكر وايد انتف شعري
اختكم
بحرينيه
خليهم يقرون البقره كامله قبل يرقدون كل ليله، والرقيه الشرعيه، حتى لا سمح الله اذا حد مسوي شي او عين بيروح مع القرآن والرقيه، و بتهدى نفوسهم.
اختي عليهم بالقرآن والرقية واذكار الصباح والمساء ,,
وادعي لهم في رمضان ..
وربي ييسر لكم اموركم في الدنيا والآخرة ويفرج همومكم ..
&
♥بنوته زايد UAE♥
عروس ماسية
13-09-2008 | 01:17 PM
وديهم عند المطوع او اي شيخ معرووووووووف عندكم
الله يساعدهم
أ
أمانيـــز
مراقبة الأركان العامة ، رئيسة فريق التطوير بالمنتدى
13-09-2008 | 02:53 PM
تنتيف الشعر اكيد ولا محالة حالة نفسية اسبابها عدة امور....
&
ஐ.¤*~ حــــــوريــــــه ~*¤.ஐ
عروس مشاركة
13-09-2008 | 03:09 PM
الله يفرج همكم يآآآآآآآآآآآآآآآآآآآآىرب
ويستر عليكـ وعليهن
وأنا أقول يمكن نتف الشعر يكون حآلهـ نفسيهـ بسبب ضغوط دراسيهـ أو أسريهـ
والله أعرف وحدهـ كانت تدرس معاي ماتنزل يدها من شعرها تنتف من قلب
وكل المعلمات كانوا ينصحونها وهي كانت تقول ماأعرف لا بغيت أفكر لازم أسوي كذا
يعني لا تخافين إن شاء الله مافيهن شئ
ربي يطمنكـ عليهن
لكن عليهن بالرقيهـ الشرعيهـ والتحصن بالأذكار
والصدقهـ قال الرسول صلى الله عليهـ وسلم((داووا مرضاكم بالصدقهـ))
لازم سورة البقرة خدي كاسيت و شغليه في البيت لمدة كبيرة ستهدا نفوسهم بادن الله
مشكوررررررررررررررين وما تقصرون والله يعطيكم على قد نيتكم ياارب
ا
الجوهرة السعودية
عروس برونزية
14-09-2008 | 03:20 AM
ياقلبي هذي حالة نفسية ممكن تعبر عن خوف او عن توتر
وضغوط اعرف وحدة نفس المشكلة لدرجة شعرها من قدم صلع
بس صدقيني العلاج نفسي
لا عمل ولاشي
والله راح بالي لبعيد وكبرت الموضوع
الله يعطيهن العافيه البنات
اذا العقل سليم وعادي تسولف وتضحك وطبيعيه ومافيه مشكله غير هالنتف
هينه أختي وباقي الأمور أنتي توهمتيها بسبب خوفك على خواتك وحطيتي الحاله النفسيه شماعه تعلقين عليها توفيق وخير بيد ربك متى ماكان وقته صار...
وممكن لاحاله نفسيه ولاشي بعد
الموضوع كما قالت وحده عاده سيئه تتناساها للحفاظ على شعرها وتنساها وتشغل نفسها بالكتابه بمنتدى أوقراءة كتب أو بالمطبخ وبتنسى مع الأيام.... أو خذتها لاشعوريا من بنت بالمدرسه ومسكت عليها أو ضحكت بوحده وأسأليني عن المزح وكانت مزح لكن كان الواحد يتحسس بشكل رهيب وابتلى عالرحب والسعه وخليت بلا تحسس لي....
تحياتي...
ولاتقولي لها عشان تترك هالعاده خليها جايه منك كذا تبين تشغلين وقتها.......
الله يفرج همكم يارب
حبيبتي خليهم يقرون سورة البقرة دايماا والرقيه الشرعيه
الله يعافيهم يارب
يا جماعه انا ماعرف السبب الي خلاهم يسوون جذي يعني الحين اختي الكبيره ترفض العرسان بالهسبب تقول اشلون تبوني اوافق وانا مافيني شعر يعني بمناطق معينه .. واختي الصغيره نفس الحاله بعد وهي بالثانويه يعني اذا تموا جذي مستقبلهم بضيييييييييييييييييع اشلون اقدر انصححهم .آنه كلمتهم في الموضوع وقلت لهم من شنو هذا الشيء ليش تسوون جذي ماحصلت اجابة منهم ؟؟؟؟؟؟
مافي مانع انه حد يقرا عليهم .. بس تخيروا الثقه
والافضل انه هم يقرون على نفسهم ..
بس ترا عادي .. 26 سنة توها يعني الموضوع ما يخوف و ان شالله نصيبها بييها .. :)
ماشالله عليج .. زين انج تفكرين بخواتج وهم في قلبج ..
الله يخليكم لبعض و يبعد عنكم العين يا رب
أنصحك خليهم يشغلون في بيتهم سورة البقرة يومياً ويقرؤون قرآن ووديهم عند شيخ كويس يقرأ عليهم ... الله يساعدهم يااارب...
يا أختي الموضوع بسيط إن شاء الله
أنا كنت أنتف شعري بسبب التوتر واعتدت على هذه العادة السيئة، كان فيه فترة من حياتي كنت فيها قلقة ومتوترة لا لسبب معين وكنت بتكلم وأضحك عادي
فالأمر لا يشترط أن يكون سبب نفسي
مشكلتي حلت بلفت الانتباه، يعني طول ما أنا جالسة في البيت إذا جيت أحط إيدي فر راسي ماما تقول لي سيبي شعرك
وبالنسبة للشعر الذي تساقط والله أختي مفرق شعري وسع من كتر ما بشد منه شعر وأنا مش حاسة وبقى شعري من فوق خفييف، بس مجرد ما توقفت عن هذه العادة واستعملت أمبولات إيفا بالصبار رجع الشعر طلع عادي ولا كأن فيه شيء
فقولي لأخواتك يشغلن أنفسهن بشيء مفيد ويحرصن على تذكير بعضهن البعض بعد نتف الشعر، ومع الرعاية بإذن الله الشعر ينبت مرة أخرى قريباً
أشغليهم أنتي مستعينه بالله وبالطبع قربيهم منه حتى يعينهم على التخلص من العاده السيئه
وقولي انسوا هالعاده واصدقوا معي ومع أنفسكم تبون تغيرونها وبعد صلاة أو قراءة قران امسكيهم بشغله
شفتيهم جالسين معكم اذكري الله وعطيهم مثلا سنبوسه انتي مشتهيتها وقولي لفوها مالي خلق أو عندي عزيمه بكره
او محاشي او اي الأشياء اللي تطول او ورق تقطعه وحبذا لا لكن ان مالقيتي قدامك الا هالحركه ورق ولاشعرها
ومع التغذيه الجيده والاهتمام بالشعر يعود بإذنه تعالى كما كان وسالفة الزواج نصيب وليتهم اهتموا مثلك بامر الزوج كان تركوها لكن لعيونك أنتي يمكن يتركونها أو أحد يحبهم وتوهم صغار لكن كان على كبير توعيتهم من مدرسه أو البيت....
تحياتي....
ولاتجيبي طاريها ابدا وان شفتيهم ينتفون هالشعر وانهي النقاش حتى مع نفسك في انها عاده سيئه نكتسبها لاشعوريا وماتروح الا هكذا لاشعوريا من غير قصد سولفي بأي سالفه ثانيه وبقلبك الثقه بالله ولحبك لهن وللخير لهن بتنتهي قريب هالعاده ....